وتتوالى قدلات سيدي الرئيس وجولاته المكوكية ليجوب العالم شرقا وغربا
ليحقق المكاسب تلو الاخرى للوطن نماءا ورفاهية لشعب جعل الانقاذ خياره واختياره الاوحد بعد ان جرب المجرب وحاق به ما حاق من البهدلة وانعدام السلع الضرورية مع فقدانه للطمأنينة بالانعدام التام للامن هذه الزيارات على الجانب الاخر تمثل لطمة قوية للمندسين واولى العزائم المنهارة ومثبطي الهمم وبعض من ناس حمبرة وغنامة وقبابيض الطير
Post: #10 Title: Re: مفاجأة ( القدلة القادمة ) لسيدي الرئيس ..... Author: جمال خضر Date: 09-07-2015, 10:36 AM Parent: #7
Quote: لكن القدلة القادمة لدولة لها صيت
قطع شك الزول ده مارقه فى إسرائيل
ود الباوقه سلام
Post: #11 Title: Re: مفاجأة ( القدلة القادمة ) لسيدي الرئيس ..... Author: عزالدين عباس الفحل Date: 09-07-2015, 10:53 AM Parent: #10
فارس الحديد ، فخامة الرئيس عمر البشير ، فارساً بيسد كبد الشمس ، فخراً وعزاً ، ،،،،
...
عزالدين عباس الفحل ابوظبي ...
Post: #13 Title: Re: مفاجأة ( القدلة القادمة ) لسيدي الرئيس ..... Author: حيدر حسن ميرغني Date: 09-07-2015, 10:56 AM Parent: #11
Quote: فارساً بيسد كبد الشمس
يا عزالدين الاسد النتر في جنوب افريقيا تمنى الشمس زااتا ماتطلع عشان يتخارج (لاتنسى انقلابه كان بليل برضو) خفافيش الظلام هم من يدارون قبح افعالهم بالليل
Post: #39 Title: Re: مفاجأة ( القدلة القادمة ) لسيدي الرئيس ..... Author: عبد الحي علي موسى Date: 09-08-2015, 09:00 AM Parent: #38
يافارس الإلوف الانت كفيتن وكبست الدروع وشلعت خوزاتن مابيخاف فارس الحديد إن حمي ماشي الحج!!! زول ذنوب ما عندو، الموديه الحج شنو. ثم أن فريضة الحج مرة واحدة!
Post: #41 Title: Re: مفاجأة ( القدلة القادمة ) لسيدي الرئيس ..... Author: عزالدين عباس الفحل Date: 09-08-2015, 11:00 AM Parent: #40
عزالدين عباس الفحل ابوظبي ...
Post: #42 Title: Re: مفاجأة ( القدلة القادمة ) لسيدي الرئيس ..... Author: Deng Date: 09-08-2015, 05:19 PM Parent: #41
Quote: منتمنى يا زغلباني تكون مصادفني في اجازة وتكون الحفلة ( دلوكة ) واحلف عليك
الا تاخذ ليك سوطين
وانا متاكد بعد تاخذهم حا تطرد الخزعبلات دي كلها من راسك وستنضم الى المؤتمر
الوطني وستنادي بوحدة الدولتين ( الوحدة الجاذبة )
براميل من الكرباج
اركز بس
ود الباوقة.
يعني أنت إلا حفلتك دي تكون "دلوكة" !!
بعدين صحبك بتاع الرياع لمن أدوهو سوطين وأدسه خلف التجمع النسائي أنت كنت وين ؟ المعلومات بتقول أنك خرجت بي باب الطوارئ. كنا متوقعنك تقوم وتتصدى لحامل السوط وتحلف وتقول أنا أخوك يا فاطنة، وتتبرع تاخد لك جلدتين، لزوم المساندة المعنوية وكده، ولكن فكيت البيرق. عاشام كده يا ود الباوقة، موضوع السوط ده ما تجيبو. لأنك ما بتقدر عليهو
بعدين صحبك بتاع الرياع لمن أدوهو سوطين وأدسه خلف التجمع النسائي أنت كنت وين ؟ المعلومات بتقول أنك خرجت بي باب الطوارئ. كنا متوقعنك تقوم وتتصدى لحامل السوط وتحلف وتقول أنا أخوك يا فاطنة، وتتبرع تاخد لك جلدتين، لزوم المساندة المعنوية وكده، ولكن فكيت البيرق. عاشام كده يا ود الباوقة، موضوع السوط ده ما تجيبو. لأنك ما بتقدر عليهو
اها يا الرغلباني تقوم تركز للسوط الاول مع ( تنسيمة ) خفيفة منك تغطى عليها صوت الدلوكة
وفي هذه الاثناء تنطلق زغرودة من( تريزا بت مجوك) ولولا ههذه الزغرودة لسقطت مغشيا عليك
وفي اثناء استعداد العريس ( لحمطك ) بالسوط الثالث تكون قد وليت الدبر من الحفلة ولك شخاخ وبخاخ
Post: #45 Title: Re: مفاجأة ( القدلة القادمة ) لسيدي الرئيس ..... Author: خالد حاكم Date: 09-08-2015, 05:50 PM Parent: #43
Quote:
وتتوالى قدلات سيدي الرئيس وجولاته المكوكية ليجوب العالم شرقا وغربا
الشرق ممكن مع الاستثناء .. لكن الغرب جارى منو خوفا من امر مجلس الامن ومطالبة الجنائية ! يا ودالباوقة حفاظا على القدلات السابقة واللاحقة انصحوهو ما يفكر في الغرب أصلا !
زعلت يا ود الباوقة نفتح ليك بوسط...ود الباوقة السودانى لا يمجد جلالة الملك.... واش تعمل فى البلاد....حرصا منا على سلامة خادم الحرمين الشريفين...وراعى الامة الاسلامية.
ان شاء الله مشكلة وليد ...انتهت على خير...برضو هو عندوا اطفال محتاجين ليهو....الله يجازى الكان السبب. لو وليد اترحل فى ناس كتار ح يرحلوهم بالطريقة دى......دى حاجة ما كويسة....مش كدة يا ود الباوقة. انت متفق معاى ولا لا.
Post: #73 Title: Re: مفاجأة ( القدلة القادمة ) لسيدي الرئيس ..... Author: بريمة محمد Date: 09-13-2015, 10:56 AM Parent: #70
ود الباوقة سلام ..
يا أخ دا خبر مهم .. الخبر دا ح يهطم أحلام دولة زغاوة .. ويطوي صفحة حركات دارفور فى الغرب نهائياً ..
هذا الخبر يعنى فشل منسوبي حركات دارفور ولوبياتها اليهودية .. وكل المعارضة فى أمريكا .. وهو بمثابة مقبرة جماعية لأفكار وتحركات هذه المجموعات لا تقل بشاعة عن مجزرة كرري ..
الأهم نحن البقارة فى التماس .. شمينا ريحة الدعاش .. ونسيم عليل وبارد يهب علينا خيراً بإذن الله.
ومن هنا نطالب المعارضة السودانية فى الغرب .. أن أستثناءنا نحن البقارة من أجندتها .. لا يخدم لهم غرض .. لدينا 36 مرحال من مراحيل أهلنا الرعوية مازالت مغلقة من قبل التمرد .. وما لم تفتح مراحيلنا ومسارات أهلنا ومشارع مياههم نظل واقفين فى خندق واحد مع الجيش القومي السودانى والقائد الأعلي الرئيس عمر البشير ..
