وحات سيدي الحسن، يا دينق، وبالرغم من أنو إتّا بقيت صاحب صاحبي وبقيت عزيز، لكن أعداءك الإتنين ديل كبر والعبار أحب الناس لي بالمنتدى! يا أخي، الحب في الدجل دا ذاتو
يا اخي، دا، تلقاهو ضارب ليهو زول بنية، تقول ليهو دا شنو دا يا مستنير يا بتاع كندا؟ يقول ليك: دا تراث بقارة!! أها دجل زي دا بتفات؟ ــــــــــــــــــــــــــــــ يا أخي، المنتدى وجادات محروم؛ متعة تسافر وتجي تلقى بوستاتك في الصفحة الأولى
التحية لكم و عبركم للأديب الأريب محمد كبر بفيافي كالقري، زول كلس و خطيب مفوه لا يشق له غبار و بنجض شغلو كويس.. بالله يا بكة الذي يا فنان لو زولك دا ما عرفني، قول ليو انا الزول الكنت جالس جوار الأديب ود المكي في كالقري عندما كان محمد كبر يحلل في قصيدة قطار الغرب ممسكا بالمايكرفون، أو قول ليه انه انا الزول الاتونس معاك في ندوة المولد في الصالة في ابلوود ولا ابيلديل قبل ثلاثة أربعة سنين في ساوث ايست، و ما تديو معلومات زيادة..
و أرقدوا عافية..
Post: #6 Title: Re: كـــــــــــــــــــــــــــــــــــــ Author: علي عبدالوهاب عثمان Date: 09-03-2015, 05:32 PM Parent: #5
شكراًٍ أستاذنا أبوبكر عباس كاتب تراث عميق .. يعرف الكثير عن غربنا الجميل .. كان بمثابة إستناره لنا شاركت معه في بوستات كثيرة ع كنت أتحدث الشمال النوبي وهو يأتي بجمال أهلنا في الغرب أجمل ما كان يقدمه لنا الاغاني التراثية وطريقة شرحه لهذه الاغاني تجعلك في احضان تلك البيئة الرائعة .. ليت كل أبناء الوطن يصفون واقعهم وتراثهم مثل كبر ..
تحياتي مليون أستاذنا أبوبكر .. وقبل عدة ايام فتحت بوست بنفس الموضوع ولكن لم يحضر جعل الله المانع خيراً ..
شكراًٍ أستاذنا أبوبكر عباس كاتب تراث عميق .. يعرف الكثير عن غربنا الجميل .. كان بمثابة إستناره لنا شاركت معه في بوستات كثيرة ع كنت أتحدث الشمال النوبي وهو يأتي بجمال أهلنا في الغرب أجمل ما كان يقدمه لنا الاغاني التراثية وطريقة شرحه لهذه الاغاني تجعلك في احضان تلك البيئة الرائعة .. ليت كل أبناء الوطن يصفون واقعهم وتراثهم مثل كبر .. ...................................
وانا ايضا اردد هنا ما يقوله الاستاذ علي عبد الوهاب عن الاديب كبر... فعن طريقه عرفنا الكثير جدا عن عادات وتقاليد وتراث الغرب.. وهو ليضا يعرف الكثير جدا عن مختلف القبائل السودانية في حميع انحاء السودان وغيابه عن الكنبر العام فعلا بيخلي المنبر زي الفول بدون زيت سمسم وزي الشاي بدون سكر..( معليش جبت لي مثلين غريبين لاني يمكن من الصباح جعانة وخرمانة شاي بلبن..)
ويا عزيزي دينق .. في دي انت مخطئ .. فلم نعرف ابدا عن الاستاذ كبر الا كل ثقافة وعلم وادب .. والله يديه الصحة والعافية والله يكيم الصحة والعافية
تحدثنا الأنثروبولوجيا الثقافية عن أن بعض المجتمعات لها اشجارها الخاصة التي تضفى حولها قدسية و معنى..و مثل تلك المجتمعات لها تفسيراتها الخاصة حول صيرورة تلك العلاقة (علاقة الإنسان بالشجرة)..و بالتالي اضفاء معنى ثقافي ووجودى على تلك العلاقة.. اذن هناك.. الشجرة موجودة ..و قريبة منهم ..و لكن كيف لنا أن نفسر حالة اخرى ..يعني في حالة ألأ تكون الشجرة فعلا موجودة في حياة الناس (مرزوعة مثلا)..و لكنها تشكل ظاهرة كبيرة في حياتهم..و يتعاملون معها و يخلقون علاقة اسطورية بها؟
في منطقة جنوب كردفان ..لا نزرع شجيرات البن و الشاي..و لكن لا تخلو حياتنا من البن و الشاي.. يعني كل انسان هناك يشرب الشاي او البن ..و لو لمرة واحدة في حياته .ز مثلمنا و مثل بقية البشر في هذا الكون..
و اذا كانت اقصى تجليات الكرم في المجتمعات القديمة هي تقديم المعروض (كالخمر مثلا).. فان مجتمعاتنا يكون معروضها الرئيسي هو الشاي أو البن.. في منقطة المسيرية.. يمكن أن يجئ الضيوف..و يقوم صاحب الدار بالذبح اكراما لهم..و لكن قد تكون جريرة أن لم يقدم له الشاي (فيقولون فلان ما اكرمنا..و يعنون غياب الشاي في حضرة الكرم)..
ليس بالضرورة وجودة شجرة الشاي أو البن ..وجود فعليا حتى نضفى عليها قيمة ثقافية أو معنى وجود..و لكن الظاهر أن طريقة شراب البن و الشاي ، و هي ما يهمنا هنا ، هي ثيمة ثقافية ..عبرها يعبر انسان المنطقة عن كثير من مكنوناته الذاتية ، يخلق ترميزات عاليه لها معانيها و تقاليدها الخصاة في بناء تلك المعاني..
من ملاحظاتي عن مجالس شراب البن و الشاي.. تمييز بعض الثيمات الثقافية الراسخة..و منها ثيميتين اساسيتين نتعرض لهما هنا..و هما ثيمة التسامح..و ثيمة الجماعية.. لإدراك قيمة التسامح.. نتسائل : كيف لنا أن نفهم مجتمع تسيطر عليه منظومة التقسيم الجنساني للمعاني و الرموز..siginfican sexual segrigation .. و في نفس الوقت توجد فيه بعض من مظاهر التسامح و التخلي عن قيم الهيمنة و لو لحظة؟
لتوضيح ذلك.. نلاحظ أن مجتمعات المنطقة .. فيها حدود وضحة تفسر دور كل فرد في المجتمع..خصوصا حالة تميز العلاقة القطبية رجل/امراة (ذكر /انثى).. يعني هناك تقسيمات العمل واضحة جدا..و منها تقسيمات ادوار القيمة و معانيها.. فهناك لكل فرد دوره المرسوم ..و مثل تلك الأدوار يضفى عليها المجتمع نوع من القدسية الضمنية مما يححفظ صيرورتها و استمراريتها..و في حقل ثقافي مثل ذلك كيف لنا أن نتبين و نفهم التسامح؟
قيمة التسامح تظهر في حالة الوجود المشترك .. في جلسة البن أو الشاي مثلا..نلاحظ وجود الرجال و النساء معا..و نلاحظ اكثر من ذلك.. السماح للمرأة أن تعبر عن ذاتها بوضوح.. حتى لو كان عن طريق الغناء.. فاٍذا وضعنا في الإعتبار مسألة التقاليد الصارمة حول مبدأ التمييز.. فاٍن الوجود في جلسات البن أو الشاي يعد بابا من ابواب التسامح التي تحتاج كثيرا من الدراسة و التقصى..
القيمة الأخرى هي قيمة الجماعية.. من الملاحظة المباشرة.. أن الجماعية في مجتمعات جنوب كردفان.. قيمة طاغية و ظاهرة .. يعني في مجال الزراعة..و الحصاد.. الناس تعمل وفقا لفلسلفة النفير..و كذلك في ظاهرة الفزع (رد المال المسروق)..و غيرها من الظواهر التي تظهر فيها الجماعية.. في جانب الغناء و الرقص (و هي ايضا مظاهر من مظاهر التسامح التي تعكس وعي اجتماعي متقدم جدا)..تظهر الجماعية كقيمة اجتماعية و فلسفية.. يمارسها الناس..و يورثونها للأجيال عبر تعاطي و تراضى منظم و مضبوط..و كل ذلك امتثالا لمنظومة عبرها انسان المنطقة يعبر عن ذاته و عن رؤيته للكون..
>>>>>>>>> <<<<<<<< >>>>
معقولة زول كتب الكلام الفوق د ما نحتفي بيه... وانا قبل كده كتبت في اكثر من بوست ان اميرة بت السيد وصتني ان اقرأ لعدد من كتاب المنبر العام اذا كنت عاوزة استفيد وكان من بينهم الاستاذ كبر.. وفعلا وجدت ان كل ما يكتبه هذا الأديب له فوائد كثيرة جدا في تعزيز الثقافة والعلم والمعرفة.. وهو يكتب باسلوب السهل الممتنع وكذلك باسلوب الجذب وهو ايضا من الذين يمتلكون جزالة العبارة والذين وصفهم ود حلتنا ود الفاضلاب. ودمتم بالف خير
سلاما في الخالدين صديقنا الشاب سامي عبد المطلب... هكذا يا صديقي نتسلل ..نتوارب في دوداب الغياب..
صدقني ما فاتتك حاجة..ياهو نحن نحن..نتشاجر..نتكاتل..وتعبرنا .. تمضى القيم السمحة..ترحل تتوارى..كما الغيمة..التي غنتها ، من غرور حبيبتي ..وهي تحكي الحب في زمن العذاب والدانات والمساغب الحزينة..!! نحن ..هكذا ..كائن امسودان الحزين.. العالم يعر ف عنه اجمل القيم..وهو لا يدري..يدافر..يعافر..يدور شكلة من شاكلة عفصتني عفصتك..!!
لكن ، عهد لك علي يا صديقي..سنظل نغنى يا صديقي.. بان النيل..كائن كوني..لا يقبل البتة بفكرة قسمة جلابة وغرابة وشنو كده ما عارف.. سيظل النيل ، كما جبل مرة ، كائن كوني زي رقصة الكرنق..ودي الفكرة التي نظن..بمحبة خالصة.. انها كانت بعض من فكرتك التعليمية في الحياة..النيل يا صديقي..سيظل فكرة كونية..تطرب لها خلق الله النقية..الإ انسان امسودان..الفايتاهو الدنيا بشكلة ما..!!
نعم يا صديقي..بعدك ، تلون النيل بلون احمر..فوردة الحب ايضا كانت حمراء ..و ستظل..
ارقد طيب يا حبيب..وبعدك المشقة قاسية..و سنظل نعمل من اجلها..من اجل ان نقنع الدنيا انو النيل كائن كوني..لا يقبل ، البتة ، بفكرة قسمة جلابة وشنو كده ما عارف..!!
نعم يا سامي..سيظل النيل فكرة كونية..و ستظل مياهه الحمراء ..رافد الوجدان بالمحبة النقية..تلك التي لاتعترف بالحدود والعقد المصنوعة..!
سلاما يا صديق..فالنيل ، لم يعرف الحزن..يمضى ضاحكا..و يرمي الحياة في ذارت الطمي التي ينثرها، ليس على امسودان فقط..وانما علي خلق كتيرة خلاص..خلق.بتحب الحياة..!!!
شكر خاص لمجموعة نايل بروجكت..يعبروا عننا في الفرح..في الحزن..ويهبوننا المعاني المتجددة..!!! كبر
كبير المعلمين..سلامات يااااااخ.. كتر خيرك على الطروة والمواجبة..! بونية شنو يا صاح مع بلنجات ناس ابوقردة؟..اوعك تقول لي ما شفتها..!! سؤال برئ خلاس..انتا عرفتني كيف اني مسافر؟..اوعك تقول لي حنك درويش العاضي بتاع (عناوين الروح).. او بالعدم.. حنك حوة الزغاوية بتاع (يااااااااااااااااخ..القلوب شواهد..)..!
عارف.. الناس الجات داخلة هنا..كوووووووووولها.. الواحد اتذكرها بطريقة او تانية..!!!
فكرة غريبة موش..!!
اتا شخصيا.. اتذكرتك وانا في منطقة الحاجز..ودي قرية قريبة من الدلنج.. مشهورة بانو منها بروفات..واحد كان يقال انو كان اول الشهادة السودانية..كما يقولون..ياخي عمك امتحن رياضيات اضافية..ولقى ليهو مسالة رياضيات غلت..صلحها وحلاها..وواصل عادي..!!..اطرف حاجة انو الزول ده..انا شاكي في حكاية انو كان اول الشهادة السودانية.. لكن عارف كويس انو ناس جامعة الدلنج عندهم قاعة كبيرة تحمل اسمو..تحية لإستاذنا البروف عبد الله النور..وكان بتاع فيزياء..لكن ده ما الموضوع الإتذكرتك فيهو يا ابكر الطويل..!!
مشينا حتة اسمها الحاجز..اميز حاجة في الحتة دي مش سوق الشواش..وانما كونها مشهورة بانها اكبر سوق ابل في امسودان..!! غايتو الصور معاي.. سوق الإبل ، وده تم باسقاط..على صورة سيدنا وصديقنا وحبيبنا دكتور ابوبكر عباس ..رضي الله عنه.. وبرضك صور لواري نادرة اسمها لوري التيمس (مش انتا الزمان قلت دقيتو الصاجات وشنو كده ماعارف؟..غايتو القصة ديك نحن بنقراها بوش قمر رضي الله عنها وبس..!!).. ده غير صور خالتي بتاعة الأعشاب.. العندها الموضوع زي الصلاة فيهو سر وجهر..والسر..اسكت ساكت خليهو..!!
فيصل..حبابك يا صديقي كتر خيرك على المطايبة يااااااااااخ.. ده كلام شنو يا فيصل؟.. انتا نسيت انك ، سبب في ان تمنحني باسوورد لمنبر سودانيات الجميل؟.. اذكرك جيدا يا صديقي..ولمن عديت ، عابرا بمدينة الأبيض ..اتذكرت شيخنا واستاذنا ود المكي..وتلك الجلسة البهية التي عطرت سماوات مدينة كالقري..! مثلك يا صديقي ..لا يحتاج لمنفستو من ناس مدني.. ناس ابكرينا الطويل..!! تحياتي يا صاحب..وكتر خير اخونا ابوبكر عباس الذي جمعنا في هذى الأيكة اللطيفة..!
ول ابا علي..حبابك يا صديقي.. كتر خيرك على الخيط الخاص بتاع الإفتقاد.. وزي ما قلت لصديقنا ابوبكر..الخيط ده أي زول/ة..اتداخل فيهو..الواحد اتذكرو بطريقة او اخرى..! عبرت يا صديقي بمدينة جدة..في اغسطس الماضي..ومكثت فيها قرابة الثمانية ساعات..وفي خاطرى..انت وحرسم وسامي عطا المنان..والأر بعائية..وجلسات الأنس الأخرى..! طبعا الواحد قرب يجوعر في العساكر السعوديين..ويقول ليهم عندي اصحاب هنا وداير الاقيهم..!! كتر خيرك يا صديقي..والواحد..فرحان..انو عبر بمدينة..انتو اشراقة فيها..!
بت ابا اميرة..حبابك كتر خيرك على المطايبة..وكل سنة وانت طيبة ياااااااااااخ..! وانتي دايما بتحسني فينا الظن..! شفتك في عيون ناس عزيزين خلاس..وباقي الجرسة خليهو بالنية ساكت..! في الغيم..في قمم الجبال..وفي عيون الناس السمحين..كنتي حاضرة يا صديقتي..! هي مدينة ، زي ما قلت لول ابا علي عبد الوهاب من قبل ، ليت كل الخلصاء يلقوا ليهم فرقة ويشوفوها..عشان نرتاح شوية من الحكي عنها..!! دينق شنو البتزعلي منو يا اميرة؟..ياخي ده حنكوش ساكت..!! سلاما في السمحين يا اميرة..!
صديقتي بسمات بت اتبرة..حبابك كتر خيرك يا صديقة.. اول بالتبادي مبروك نيل العضوية..وكنا وكتها بين امرين..نقول للمنبر شيل التبريكات لبسمات يقول ليك عندي قطايع وفلايت وشنو كده ما عارف..اها دوبك اتصلح من القطايع..قام الكمساري صفر لينا بتوقيت الرحيل..!! شكل الغنا قام ميل شديد خلاس..المهم..!
عارفة يا بسمات..وانا في مدينة الدلنج..هف علي هاجس انو اقوم اصور الشدر..اخدت لي كم صورة..من كم شدرة..لكن حاجة صغيرة فرتكت لي الفكرة في راسي..!
الحرجل با بسمات..ياخي الحرجل صار كائن انيق بصورة ما تتخيليها نوهائي..!! صديقنا كمال شرة مراد..اهداني باكو..من اكياس الحرجل..ياخي التقول الواحد يقوم يتصور معاهو..!!
الحرجل اصبح يباع في شكل اكياس صغيرة..زيو وزي الشاي ليبتون..الباكو، لونو ازرق..ولمن مسكتو..في يدي سألت المدام..وقلت ليها عارفة ده شنو؟..زولتك توشك ركبت النظارة وقالت لي: هيربل..! قلت ليها يا زولة انتي جنيتي ولا شنو؟ هربل بتاع فنلتك..؟..ده حرجل..يااااااااااااخ..!
كتر خيرك يا بسمات..وعزاؤنا..انو الحكي عن الشجر..اصبح واقع يمشي بين الناس..!! تحياتي.. كبر
صديقتي بسمات بت اتبرة..حبابك كتر خيرك يا صديقة.. اول بالتبادي مبروك نيل العضوية..وكنا وكتها بين امرين..نقول للمنبر شيل التبريكات لبسمات يقول ليك عندي قطايع وفلايت وشنو كده ما عارف..اها دوبك اتصلح من القطايع..قام الكمساري صفر لينا بتوقيت الرحيل..!! شكل الغنا قام ميل شديد خلاس..المهم..!
عارفة يا بسمات..وانا في مدينة الدلنج..هف علي هاجس انو اقوم اصور الشدر..اخدت لي كم صورة..من كم شدرة..لكن حاجة صغيرة فرتكت لي الفكرة في راسي..!
الحرجل با بسمات..ياخي الحرجل صار كائن انيق بصورة ما تتخيليها نوهائي..!! صديقنا كمال شرة مراد..اهداني باكو..من اكياس الحرجل..ياخي التقول الواحد يقوم يتصور معاهو..!!
الحرجل اصبح يباع في شكل اكياس صغيرة..زيو وزي الشاي ليبتون..الباكو، لونو ازرق..ولمن مسكتو..في يدي سألت المدام..وقلت ليها عارفة ده شنو؟..زولتك توشك ركبت النظارة وقالت لي: هيربل..! قلت ليها يا زولة انتي جنيتي ولا شنو؟ هربل بتاع فنلتك..؟..ده حرجل..يااااااااااااخ..!
كتر خيرك يا بسمات..وعزاؤنا..انو الحكي عن الشجر..اصبح واقع يمشي بين الناس..!! تحياتي.. كبر
ول ابا الطيب..حبابك ياصديقي كتر خيرك على السؤال.. هي غيبة صغيرة يا صديقي..وكنت في امسودان.. اتذكرتك في الدلنج..خصوصا..خيطك الذي فتحته عن والي غرب كردفان..بركة..وانت تتساءل وقتها عنه..! الظروف لم تسمح لي بزيارة غرب كردفان..ولكن تلقيت منها اخبار من ثقاة..الأخبار دي فيها حاجات عجيبة خلاص.. اول بالتبادي..ناس الجبهة الثورية ..تحديدا ناس قطاع الشمال..عندهم اتفاق مع ناس المنطقة انو ما يقوموا بعلميات عسكرية تمس امن المواطن العادي..والمواطن بيشهد انو الناس ديل حافظين عهدهم حتى اللحظة..الشباب ديل هناك ما عندهم أي عمل بيستهدف مواطن عادي..ما عارف دي عملوها كيف..؟.. في نفس الوكت..كنا زمان قدمنا مناشدة انو حكومة الولاية تنزع السلاح..او بالأقل تمنع استخدام المواتر والموبايلات في الولاية..لأنو دي ثبت انها كانت من الأدوات البتسارع في سرعة انتشار النزاع الدموي..ومصادرنا اكدت انو الوالي الجديد بركة..جعل سياسة حظر المواتر امر واقع..والناس اقتنعت بالحكاية دي..وحاليا هناك اتجاه في غرب كردفان لمنع استخدام المواتر تماما.. اكتر من كده.. الزول ده جاب ناس ما بتخاف الله تب..وفكاهم ليك في الفرقان..والحكاية دي رغم قساوتها الإ انها حدت شوية من الناس العاملة فيها ضبان ضكر..وده اتجاه في تقديرنا لو استمر شوية ..ممكن يقلل من الحدة في غرب كردفان..ويا ريت يوقف لينا قصة النزاعات البينية هناك..! كل الكلام ده..مش عشان اقول ليك ناس الحيكومة كويسين..ديل ياعم عمرهم ما ح يبقوا كويسين..لكن الأهم عندنا وقف وتيرة العنف المجاني..!!
بت ابا نور..حبابك يا صديقة.. ابوبكر عباس صديقنا..وهو عندو شوية استهبال..لكنو زول كويس خلاص..وما فيهو نية شينة تب..! مشيت قضيت تلات اسابيع في الدلنج..واجمل ما فيها.. انو شباب مركز بادية..اهدوني مجموعة من الكتب.. منها كتاب لأستاذنا دكتور حامد ابراهيم البشير..وهو من اهالي منطقة الحاجز..والكتاب فيهو سرد مصغر لشكل الأحلاف التي كانت في المنطقة..وهو يسميها الية..ووثق بصورة محكمةعن هذه الأحلاف وكيفية انها كانت الة فاعلة لفض النزاعات في المنطقة ودعم التعايش السلمي..وهذا جهد في تقديري..مهم للغاية..لأنه يسلط الضوء على ثقافة في طريقها للأندثار..! ايضا تلقيت كتيبات تتحدث عن الأسبار والنقاقير..وهي في ظني جهود لو الناس ادتها فرقة شوية..ممكن تخلق الفرق..لأن العامل الثقافي والتداخل السلمي هي الأمور التي ضاعت تماما تحت سنابك الرصاص..! الناس هناك طيبين يا نور..وزي ما قلت لول ابا الطيب رحمة..هي طيبة غبيشة ساكت..! غايتو اسبوعين يا نور..وكل ليلة لم تخلو من صوت الدانات..والأغرب الناس متعايشة مع الموضوع ده زي الترتيب..! انسان جنوب كردفان..انسان منتج وخلاق..ولسع بيتساءل ليه هو منكوب بالحرب دون بقية خلق الله..! بخلاف ذلك ..الغيم لسع بيعانق قمم الجبال..والمطرة لسه امينة بتسقى ارض الإنسان الطيب..دون التقيد بحظر التجول.. سلاما يا صديقة.. كبر
ابوبكر عباس السني ههه يعني لو شقيت مناطق بتاعة شيعة حيقتلوك على الاسم مش على الهوية ههههههه
المهم يا زول كبر زول (راح ليه الدرب في موية السودان دا) غلبوا عديل كيف البلد دا ما يكون قدام كل البلدان دي؟ دا سؤالوا الوجودي المحيرو ومخليه يا هودا كبر العرفناه هنا.
داير تقيس أي موقف لي كبر اتذكر كلامي دا.
الزول دا عارف إنه الشكلة الظاهر على آخره (الهاء ترجع لأمسودان) ماصيحة ومكانها علامة (سكون) النوع البخليك تسمع الصوت الصاح بتاع البلد (شيء نوبة وشيء نقارة وشيء آلات ما أنزل الله بها من سلطان.
لكن الله غالب، فلحدي ما نستمتع بالسكون السابق لإنطلاق اللحن الأساسي لبلدنا خلونا نستمتع بود ابا كبر وكتاباته عن احوال البلاد والعبادوشكرا يا ابوبكر انك نكت لينا الزول دا
Quote: كبر زول (راح ليه الدرب في موية السودان دا) غلبوا عديل كيف البلد دا ما يكون قدام كل البلدان دي؟ دا سؤالوا الوجودي المحيرو ومخليه يا هودا كبر العرفناه هنا.
الصادق الغواسة ازيك ؤ مشتاقين
تعرف يا الصادق ما كبر بس المحيرو الموضوع دا
عليك الله يا الصادق انت زاتك ما محتار في انو السودان دا ليه متأخر كدا
مع انو السبب معروف لدينا ولديكم ولديهم لكن ياخ حرااااام بلد زاخر بكل مقومات الدولة العظمى
يكون متزيل ركب الدول الموجودة في كوكب الأرض دي كللللها
الله يجازي اللي كانو السبب ياخ
Post: #25 Title: Re: كـــــــــــــــــــــــــــــــــــــ Author: أبوبكر عباس Date: 09-06-2015, 09:25 AM Parent: #24
موش المفروض بكري يزيد لي الشيك الأسبوعي شوية؟!
هاشم الحسن يا كبر، قال لي في ونسة، يا أخي، المداخلة بتاعت كبر في بوستك بتاع استاربكس أعظم من شنو كدا ما عارف، قلت ليهو وقصتي موضوع البوست؟ قال لي: حلوة، لكن المداخلة دي عجيبة!!!
Post: #26 Title: Re: كـــــــــــــــــــــــــــــــــــــ Author: عادل البراري Date: 09-06-2015, 09:47 AM Parent: #25
أبو بكر تحياتي التحية من علي كل هذه المسافات البعيدة لكبر هذه سنة كل منا يديرها وفق ما له فاذهب في طريقك سيأتي يوم بعدما توضح فيه الأمور حتماً سنتفق فيه أغلب من هم مختلفين وفق زوايا وعى جديد تفرضه التجربة فينا ويبقى سقف المطلوب وحد غناك يا وطن ... تشيلك كل العصافير .. تحرسك تزاحم في كل الدروب ... تخطو فوق الحواجز .. تحضرك لكم التحية أبو بكر /كبر
Post: #27 Title: Re: كـــــــــــــــــــــــــــــــــــــ Author: علي عبدالوهاب عثمان Date: 09-06-2015, 10:20 AM Parent: #26
شكراً أبوبكر .. عاد كبر .. استاذنا كبر .. يا ريت لو أستطعت الدخول إلى جدة .. يا أخي ترانزيت يومين ثلاثة نهاية الاسبوع .. نجهز القاعة واعضاء منتدى الاربعائية ورابطة أبناء جبال النوبة والرابطة النوبية من كوممبو حتى ما بعد دنقلا .. ومنصة ومايك .. وتجد نخب جدة وأبناء رابطة الجبال بقيادة الشسخ حامد دامر .. في الصف الأول ويقدمك الشاعر حرسم بأبيات من قصاثده الرائعة .. وتشنف آذاننا بمحاضرة تراثية .. ونحن نتداخل بإستحياء أمام القامة من امثالكم ربما تتحقق هذه الأمنيات يوماً ما .. إذا في العمر بقية ..
تحياتي يا جميل ... والتحية لصاحب البوست اخونا ابوبكر ..
[green]شكرا يا ابابكر تحية ليك ولضيفوك ولصديقنا كبر كتابات صديقنا كبر طاعمة تاتيك بنكهة الحبهان مع شاى العصر،فهو انسان متذوق للغنا السمح وجمال التنوع الإثني والتعدد الثقافي .لفت نظري في بوست الفنانة المبدعة شادن محمد حسين إلى سهرة " بغنيلك"، واكتشفت فيها شاب اسمه منتصر حسين يغني ويعزف تقاسيم في المقام البجاوي. فكان بمثابة تأكيد اضافي على جمال هذا الوطن الذي يطلق عليه صديقنا كبر " امسودان"!. وبعد ده تسمع من يقول لك : "إعادة صياغة الانسان" وشنو كده ما عارف! ياخ السودان ده لو خلو براه بمشي زي الطيارة لمن تصل ارتفاع معين والكابتن يقوم يخليها في الـ Autopilot system
إهداء لك ولضيوفك من الدقيقة 5. معذرة بحثت عن شغل Single للزول المدهش الاسمو حسين منتصر ده لكن ما لقيت غير كليب السهرة.
هيثم..حبابك يا صديقي كل سنة وانت طيب يااااخ..والف حمدا لله على السلامة.. ان شاء الله لقيت الأهل طيبين هناك.. الشباب ديل ما ليهم حق يا صديقي..ود المدير اتذكرتو وانا اتخيل بوستو بتاع قوالة الرخمة..ياخي التقول الزول ده لسع قاعد نص العالم دي.. الناس طيبين يا صديقي..واغرب حاجة الواحد اكتشف انهم افضل مننا في حاجات كتيرة..احتمال فكرة انو الناس قاعدة مع بعض وبتشيل الحاجات مع بعض.. هي كانت رحلة شكلها المرة دي الواحد دخلها وهو عندو تصور عن امسودان ..لأنو المرة الفاتتة الواحد مشى ومرق وما فاهم التكتح..او ربما الوكت شوية مهل الواحد.. يا ريت نلقى لينا فرقة نكتب عنها خواطر..مين يعرف يمكن تساعد البعض في المعاينة وكده.. كتر خيرك يا صديقي..
ول ابا الصادق اسماعين..حبابك يا صديقي كتر خيرك على المطايبة.. بالجد غلبني يا صديقي..بلد قيمتها الحقيقية اخر ما يفكر فيهو انسانها..! الذ حاجة..الواحد ماشي ومتخيل انو الحيكومة ح تقيف ليهو في حلقو..ويلقاها في كل مطب..لكن يبدو ان الحيكومة فهمت اللعبة..ياخي دي بقت مسكينة بي شكل..انسحبت تماما من المشهد..وخلت ليك الناس في حالها في اغلب الحاجات..اكتر عسكر شفتو هم ناس المرور..وديل احتمال لأنو الشوارع بقت كتيرة..كل الهاي وي..بتلقى العالم دي قاعدة وبتراقب السرعة..والتحصيل طبعا..
ياخي حتى الدلنج ما شفت لي عسكري حايم..ويتخيل لي دي حاجة كويسة شوية..
المهم هناك خواطر نحاول نكتبها..خصوصا فكرة التنوع والتعدد.وكيف الناس بتعبر عنو..وفكرة طيبة انو الناس تعمل حاجاتها من غير ما تتكل علي الحيكومة..!
ول ابا ابوبكر عباس..حبابك يا صديقي وحباب صديقنا هاشم الحسن..وكنت حريص على اقتناء نسخة من كتابو الأخير..لكن لم اوفق..او احتمال الواحد ما لقى ليهو فرقة يعاين محل الكتب (شفت المحنة كيف ياعم..!!).. ياخي مداخلتي في استاربكس انا ذاتي قاعد اتكيف منها..الإلهام بالفينات ياعم..بجيك مرة وبيغيب مرات.. كتر خيرك على الخيط
عادل..حبابك يا صديقي كتر خيرك على المطايبة والتحايا.. دوما يا صديقي اؤمن بقصة التفاوض الثقافي والحضاري..وهي خصلة ممكن تعمل الفرق..سؤال انو ننتظر حتى نحدث التغيير بتصورنا..هي فكرة بتخصم كبير وفيها هدر للطاقات..وممكن نستبدلها بتفاوض شنو المطلوب عشان الناس تعمل مع بعض وتمشي لي قدام.. امسودان التحت يا صديقي ماشي في سكة دولة مستهلكة..وانسان مستهلك للغاية..وهي ثقافة العولمة الفاتحة خشمها اسواق تبلع وتبلع..معظم الخصومات بتلقى فيها ظلال حيازة بفهم استهلاكي بحت..تحديدا شكل النزاعات الدموية في الأرض والتي نقلت العنف لغاية حوافي العاصمة..مثل هذه الأشياء محتاجة شوية انتباه..!! الواحد كان مفتكر اي قناة سودانية يعاين فيها يلقى صور ناس الحيكومة وتصريحاتهم..والشغلانة دي غابت بعض الشئ..الحيكومة بقت زي الحبوبة العجوز قاعدة فوق سريرها وبتتكلم شوية شوية..ودي خطوة كويسة.. باقي الحاجات..هو شعب مدهش بالطيبة والتسامح..صحيح الناس ممكن تدور شكلة بدون سبب وجيه لكن بتنسى بسرعة..! عموما هي خواطر..ونتمنى نكتب المشاهدات بتفصيل اوفى.. كتر خيرك يا عادل..
ول ابا علي عبد الوهاب ..حبابك يا صديقي كتر خيرك على المطايبة.. يا ريت الواحد يلقى ليهو فرقة يلاقيكم وجميع الكوكبة الطيبة.. المايكات دي صعبة يا علي ياااااخ..ومع ذلك الواحد بيتمنى يلاقى الناس المهتمة بالتراث والثقافات ..وامسودان فيهو حاجات عجيبة شديد..والأسعد انو بعضنا عندو استعداد يسمع عنها ويطلع ويبحث..! التحية لكل الشباب في المنتدى والروابط..وليتهم يستمروا في نهج المسامرات والتعريفات بحاجات امسودان.. كتر خيرك كتير يا علي الثقة..
ول ابا الفاتح..حبابك يا صديقي كتر خيرك على المطايبة..وعلى انغام الشاب منتصر مصطفى..منتصر دونتاي..فكرة طيبة زول شاب متلو بيشتغل عود وبيختار حقل ثقافي بوعي تام..ويا ريت كل الشباب تحذو الحذو ده..لأنو دي الحاجات الداير العالم يسمعها ويشوفها.. فكرة اعادة الصياغة..يبدو الجماعة زاغوا منها لأنها ما جايبة همهما..والآن الكرة في ملعب انسان امسودان..يعبر عن نفسو بالطريقة البتريحو..! ويظل الغناء مدخل حضاري وصورة جيدة للتعبير عن الذات المتنوعة..يبدو ان فكرة مزاج اذاعة هنا امدرمان ..التاريخ حي يتجاوزها كثيرا..ودي خطوة مهمة للغاية.. كتر خيرك على السهرة الطيبة..والتحية لضيوفها عمنا فضل الله برمة وشادن ومنتصر..والتنافس بقي يخلي القنوات تبحث عن التميز والإختلاف.. كتر خيرك يا الفاتح..ونشوفك في حكايات وحكايات عن تنوع امسودان الثر.. كبر
صديقنا علي العلي..حبابك وانت تطل منا نافذة الفيس بووك.. والتحية لول ابا استاذنا حامد مراهد.. طلبك بسيط يا صديقي..ور بنا يقدرنا عليهو..لكن افضل من يتحدث عن الحاجات دي اخونا احمد التجاني ماهل..وان شاء اه م بعد ما نرتب الأمور شوية..نتكلم عن التويا والطمبور والكرير..والأخير ده حاجة مدهشة للغاية..واهلنا الخواجات قاعدين يندهشوا من تنغيم الكرير وطريقة الزغراد بتاع اهلنا في الريف..ويا ريت ناس المزيكا يشوفوا لينا الفكرة دي بتتعمل كيف.. كتر خيرك
لكين فى ناس هسى الضغط عندها بكون ارتفع.. والسكرى اربعة صلا يب.. ولادريانيل زى خور اب حبل فى الخريف.. وهسى قأعدين يتأوقوا من برة برة.. الناس المتعودين على الجرى و الكشحى.. والشيالات الوهمانات الوراهم.. غايتو جنس محن فى المنبر دا ؟ على قول الحبوبات.. الحى بشوف العفريتة.. ونضيف ليه.. البيدخل منبر بكرى يشوف ود أم بعّلو..
Post: #37 Title: Re: كـــــــــــــــــــــــــــــــــــــ Author: صلاح ليون Date: 09-07-2015, 04:55 AM Parent: #36
السلام عليكم يا ابوبكر ، ياخي رجاء عشان نقرا معاكم كويس ادخل على مداخلتك الاولى وعدل في العنوان وشيل المد الطويل في كبر عشان فتل البورد وما بنقدر نقرا بالطريقة دي تحياتي
الزول السمح دوما ول ابا كبر .... حبابك وضيوفك الكرام
والله كان العشم أن نلتقيك كما قال الأخ علي عبدالوهاب عثمان ونشنف آذننا بمعرفة ذواتنا نحن السودانيون التي نحهل عنها الكثير بسبب الكبسلة وحاجات تانية حامياني .... ولكن كل الرجاء أن تجعل كل منتوجك الإبداعي وسردك الجيل في كتاب رواية كيفما أتفق لك ,,,, ممكن نقوم نلقي أم سودان رجع تاني وبقي سوداني متصالح مع ذاته وبيئه ومنفعل بقضايا قريته ومدينه وبلده وقارته دون تزيد ...........
شكرا علي جهدك ومثابرتك في إبراز الجميل المختلف ...... وتاني ياخ لمنت تجي يبقي إتكلم .....
Post: #39 Title: Re: كـــــــــــــــــــــــــــــــــــــ Author: محمد عبد الله حرسم Date: 09-07-2015, 04:31 PM Parent: #38
الاجمل فينا ومنا ول ابا كبر
بسؤال كما دوما عنى ما هذا الحظ لنا ؟ السنا سعداء الى هذا الحد الذى نشتهى فيه ان نرى من نحب ونريد ولا يحدث ؟
ول ابا كم كنا سنكون اسعد باللقاء وكما الحروف التى تتقاطر هنا كنا سنرفع عقيرتنا بالغناء وننسى اننا فى مطار او بلد اجنبى كنا سنغنى بكل لغات امسودان ورقصنا الصاخب كما افكارنا
زكما قال لك الباحث النوبى الاصيل استاذنا على عبد الوهاب كل السماوات كانت ستمطر لك ومنك وبك وكل الارض كانت ستخضر بنا بوك مثلما دوما تعيدنا حروفك لمتبدأ الاسئلة ومنتهى الاجابات وارضاع الغافلين البان الصحوة قطرة قطرة
الاجمل هنا ول ابا كبر كم احزننى انك عبرتنا من هنا دون ان نراك لكننا سعداء انك كنت هناك لترى ما الذى تغير وما الذى يحاك هناك وما الفرق بين الاعلام الخارجى والاعلام الداخلى وبين الواقع الحمدلله انك بخير وعدت سالما مع امنياتنا لك دوما سعادة الدارين
ومقالدة
شكرا ابوبكر عباس لفتح مسار نلتقى فيه بالاجمل هنا وفينا ومنا
Quote: الشباب ديل ما ليهم حق يا صديقي..ود المدير اتذكرتو وانا اتخيل بوستو بتاع قوالة الرخمة..ياخي التقول الزول ده لسع قاعد نص العالم دي..
يا كبر عليك الله بطّل الورجغة البتعمل فيها دي، ؤُ لآمن تجي اظهر علينا في كالقري قالوا، سمح الكلآم من خشُم سيدو . اليوم داك فرحت والله لآمن جيت داخل البيت الساعة إتنين صباحاً من النادي ؤُ لقيتك كاتب آخر مداخلة في البوست، قلت اكيد كبر بيكون اثرى البوست بمعلومات قيّمة عن الرخم وجميع انواع الطيور، تصدق . يا اخ عليك الله اعصر لينا علي الأمثال التي تذخر بها المنطقة فالأمثال اكتر شي يساعد علي إبراز ثقافة المناطق . أسأل الله ان تكون والأهل بخير ؤُ لقيتُن كولهم طيبين .
ملحوظة : ود الغالي دا زول غالي علينا دحين لا تشفق من تالاهو انا بفتحولو بوست اكان يتفشّا ...
بت ابا نور..حبابك يا صديقتي على قول..صديقتي اقبال الياس (حسك نبيّ)..
اهو الحال قدامك..الصبر اليبل الآبري مافي.. توشك البعض (زي اخونا محمد نور عودو)..يشيل حسك ويفتح ليهو بوست باسمك في حاجة صغنونة كده.. ياخي تربص بغادي للتربص..وديل الناس المادايرة تسمع او تشوف صوت مختلف.. لأنو لسع عندهم وهمة (لا صوت يعلو صوت الثورة)..وفات عليهم الثورة وعي وليس مجرد ام جاعورة ساكت..!!
كتر خير ناس سودانيز اونلاين.. فهم عرفوا البير وغطاها.. عشان كده جيش الشيالات..حتى ولو تخندق.. سيظل نشاز ساكت..
ول ابا حرسم..حبابك يا صديقي كتر خيرك على المطايبة النبيلة.. النية كانت للمشاوفة..لكن ربنا ما طلق..! الحكاوي بدت ..وان كانت شكلها لا تعجب البعض..ولكنها ستستمر..! الإعلام يا صديقي اكتشاف خطير..والسيطرة عليهو بتذهب في اتجاه خلق راي معين ومحدد وبيصب في خدمة من يسطر على الإعلام..والحاجة دي بنلاحظها في فكرة ناس امسودان عن امسودان ..خصوصا الناس الجوه البلد..وبرضك بنلاحظها في الناس البره البلد..كل يتخندق في خندق.. نظام جزر معزولة..وهنا بيستفيد الآخر الحضاري والثقافي ..وده بيتعامل مع امسودان بنظام انو فئ هامل الكل داير يخمش منو..! امنيات بالعافية يا صديقي كبر
معاوية..حبابك يا صديقي كتر خيرك على المطايبة.. ياخي المواجبة هنا كانت ساخنة من الفرن..وصلت كالقري الساعة اتنين ظهرا..والحيكومة كتر خيرها.. توشك مشت لناس شو ورجعت النت والتلفون ..اها الواحد ما صدق لقى البوست قدامو وتوشك دخل شمال.. عارف يا معاوية.. استاذنا التشكيلي عبد الرحمن بليا.. عندو لوحة جميلة اسمها (عودة السمبر المهاجر)..وعامل ليها تقليد ظريف.. أي زول/ة رجع من الغربة للدلنج..بيقوم يزور بيت الأستاذ بليا (وهو معرض دائم ومفتوح للجميع) لازم يتصور مع اللوحة دي.. فالطيور يا صديقي امرها عجيب ومرات بتحس فيها بصوفية نبيلة خلاس..! الوالدة الله يطراها بالخير.. عندها مبدأ بيقول (كلام بلا مثل ما بيكمل)..يعني الأمثال عندها جوهر الخطابة..اها امتثالا للمبدأ..كنت بتونس مع شباب (اولاد وبنات) من جامعة الدلنج..و شكلي كترت المحلبية (كم مثل في نص الكلام)..وفجأة سألني واحد: يا خي انتا الأمثال دي بتجيبها من وين..!! وح نتلاقا لو ربنا مد في الأيام.. كبر
هذا نموذج متمرد يعاني الكثير من دوافع السلوك المرضي ..
إنقرع يا جورج..
Post: #49 Title: Re: كــبر بتاع كندا Author: محمد المسلمي Date: 09-10-2015, 08:09 AM Parent: #1
ابوبكر عباس وضيوفه سلام ول ابا كبر يكتب السهل الممتنع وعندما يكتب وتقرا له تعيش معه واقع جميل يطّلع من داخل أحاسيسه
---------------- هيثم غالي التحية لك حيث ماكنت لكن انت ول أبا كبر اتلومت لوم كبير يعلم الله لو اديتونا خبر كنت استقبلتكم في المطار (الحدود ) زي مابقول صديقي غزوان السوري تاني ماتكروها !!!!!!!!!!
Quote: هيثم غالي التحية لك حيث ماكنت لكن انت ول أبا كبر اتلومت لوم كبير يعلم الله لو اديتونا خبر كنت استقبلتكم في المطار (الحدود ) زي مابقول صديقي غزوان السوري تاني ماتكروها !!!!!!!!!!
تسلم يا ود المسلمي
في الحقيقة السفرة كان غير مخطط لها وجات صدفة
عشان كدا شابها الكثير من التقصير فارجو العذر
مع الوعد بعدم التكرار
تحياتي
Post: #51 Title: Re: كــبر بتاع كندا Author: محمد نور عودو Date: 09-10-2015, 09:48 AM Parent: #49
كتب محمد النور كبر
Quote: سؤال برئ خلاس..انتا عرفتني كيف اني مسافر؟..اوعك تقول لي حنك درويش العاضي بتاع (عناوين الروح).. او بالعدم.. حنك حوة الزغاوية بتاع (يااااااااااااااااخ..القلوب شواهد..)..
وجاء كتب
Quote: اهو الحال قدامك..الصبر اليبل الآبري مافي.. توشك البعض (زي اخونا محمد نور عودو)..يشيل حسك ويفتح ليهو بوست باسمك في حاجة صغنونة كده.. ياخي تربص بغادي للتربص..وديل الناس المادايرة تسمع او تشوف صوت مختلف.. لأنو لسع عندهم وهمة (لا صوت يعلو صوت الثورة)..وفات عليهم الثورة وعي وليس مجرد ام جاعورة ساكت..!!
كتر خير ناس سودانيز اونلاين.. فهم عرفوا البير وغطاها.. عشان كده جيش الشيالات..حتى ولو تخندق.. سيظل نشاز ساكت..
كتر خيرك يا بت ابا.. (عدل بواسطة Kabar on 09-09-2015, 06:06 AM)
سلامات الأخ الفاضل أبوبكر عباس لك التحية والتقدير ولضيوفك وضيفات الكرام بعد إذنك نرد علي الأخ محمد النور كبر بعد أن هرب من البوست هناك وجاء بهنا بضاري وراء الأخوات سلام محمد النور كبر يا أخي كان تخلي الجبن بتاعك دا وتجي تكتب وتجاوب علي السؤال في البوست الهناك. (وين عدم الصبر وشيل الحس يا أخي الكريم) إنت كتبت الكلام دا يوم 6 ولغاية يوم 8 مارين علي الكلام دا مرور الكرام مافي حد علق هذا الكلام لا إنت ولا صاحب البوست ولا ضيوف البوست كأن حوة الزغاوية دي ربنا خلقها عشان إنت تشيل حسها هنا والأخرين يغضون النظر عن شيل حسها لأنها زغاوية. ياتري يا محمد النور كبر إذا كان كلامك دا كتبتو في قبيلة واحد أو واحدة من الناس بشكروك ديل هل كان يسكتو كما سكتو الأن؟ بعدين ما شلت حسك أنا وجهت ليك السؤال وتوجيه السؤال أو الأسئلة ليس بشيل حس يا أخي الكريم. بطل الجبن وجاوب علي السؤال في البوست المعني وأكتب بدون تعديل ياأخي كتر خير بكري وسودانيز أونلاين الجمعنا مع جبنا يشتمو النساء وفي نفس الوقت يضارو ورا النسوان ويظل الجبان جبان ويموت جبانآ
أخي محمد نور عودو تحياتي انا تواجدت هنا بمداخلتين، صدقني لم أقرأ ما تفضلت به من عبارة -حوة - المنسوبة للأخ كبر! أنا المحيرني عبارة " امسودان " التي يسلخ بها المنبر!؟
.
Post: #53 Title: Re: كــبر بتاع كندا Author: محمد نور عودو Date: 09-10-2015, 09:39 PM Parent: #52
سلامات الأخ الفاضل الدكتور سيف اليزل الماحي تسلم يا راجل مشغوليات الحياة مرات بخلي الإنسان ما بنتبه لكل شي تحياتي ودمت بخير
ول ابا محمد المسلمي..حبابك يا صديقي كا سنة وانت طيب.. كتر خيرك المطايبة.. وما بتقصر يا صديقي..! لسه في خاطري لمات الصديقات والأصدقاء..و قوائم العزومات..والأماكن..يبدو لي بقت حكاية تعزم ناس في حتة بعينها اصبحت جزء من ثقافة الناس هناك..و الجميع بيحرص يخليك تزور اماكن مختلفة..وكل مرة بتشوف فكرة مختلفة..الحكاية دي لاحظتها ، حتى ، في مدينة الدلنج والتي كنا نظن انها محصورة شوية..!
ما فيش مشكلة يا ول ابا المرة الجاية نديك خبر بدري..وبقية الأصدقاء والصديقات.. و مش بعيد الواحد ينجر ليهو سفرة لمشاوفة الجميع هناك..!
Quote: ما يحدث مع كبر من مطاردة وافساد بوست ابوبكر عباس ينم عن ترد مروع فى الذوق, تطلع مين حوة دى وجات من ايتها داهية؟ هو انتو قصرتو من المنابذة باالقبائل عشان تطالبوا الناس بحفظ قبائلكم؟ انت دة ذاتك فى اول دخولك المنبر متذكر كتبت شنو ىى بوست تاج الدين؟ البوست ده جميل لا يحتمل تقيحات, امشى انت وحوة سكلبوا فى بوستكم بلاش قرف
محي الدين..حبابك يا صديقي كتر خيرك على قول النصيحة..وشكلها بقت حارة خلاس..!
اهلنا قالوا: المحرش ما بيداوس..! زمان ونحن اطفال يا صديقي ، بتكون ماشي ليك في شارع قاطع حي تاني.. اها ناس الحي من سنك بيقوموا يرسلوا ليك اكترهم غشامة و يقوم يكتحك..ومش بعيد يجدعك بحجر حجرين..اها لو اخينا ده اخد شلوت شلوتين الباقين بيقوموا جاريين صوف..!! يبدو ان البعض ، من غير ما يدري ، بيحاول يلعب الدور ده..! كان يمكن لمحمد نور عودو يسأل هنا من البداية وياخد الفيها النصيب من اجابة.. لكن هو زول محرش وركب الطرورة..! التردي يا صديقي وصل مرحلة متأخرة للغاية.. ناس مأزومة وزعلانة عشان الناس بتطايب كبر..شفت الحنك العاضي وصل ياتو مرحلة..!
كتر خيرك يا محي الدين...
كبر
Post: #56 Title: Re: كــبر بتاع كندا Author: محمد نور عودو Date: 09-11-2015, 09:30 AM Parent: #55
كتب ودأبكر من الفيس بوك
Quote: ما يحدث مع كبر من مطاردة وافساد بوست ابوبكر عباس ينم عن ترد مروع فى الذوق, تطلع مين حوة دى وجات من ايتها داهية؟ هو انتو قصرتو من المنابذة باالقبائل عشان تطالبوا الناس بحفظ قبائلكم؟ انت دة ذاتك فى اول دخولك المنبر متذكر كتبت شنو ىى بوست تاج الدين؟ البوست ده جميل لا يحتمل تقيحات, امشى انت وحوة سكلبوا فى بوستكم بلاش قرف
سلامات يا ود أبكر إنشاءالله تكون بخير إنت وأسرتك ونتمني عودتك للمنبر بعد الغيبة. نعم ياود أبكر أتذكر تمام ما كتبته في بوست تاج الدين بتاعت مليشيات الوالي عثمان كبر . إنت عضو وعندك باسورد هنا أمشي الأرشيف وجيب البوست ووريني أساءت لياتو قبيلة وأساءت لياتو إمراة وشيلت حسها ذي ما عملو صاحبك محمد النور كبر.
Quote: كان يمكن لمحمد نور عودو يسأل هنا من البداية وياخد الفيها النصيب من اجابة.. لكن هو زول محرش وركب الطرورة..!
نرجع للجبان محمد النور كبر هو إنت من رجال الدواس يا جبان ياشتام النساء يا أخي أنا وجهت ليك السؤال منذ أكثر من اربعة أيام وإنت تخش المنبر خلسة ترد علي نفر نفرين وتفك البيرك يا جبان وأحرجت صاحب البوست والناس متابعين لبوستتك لامن إنتبهو من بكلامك القبيح في حق المسكينة (حوة الزغاوية) ولعلمك يا محمد النور كبر قصة إنك تتهرب من السؤال وتقول متربصين بيك ومحمد نور عودو محرش دي ما تحلك. تعال بهناك وقول كلامك باجبان عشان أرويك الدواس وأي شخص عندك معاهو مشاكل وجاء بهناك أنا صاحب البوست أنا البرد عليهو بطل الجبن وتعال واجهني في البوست الهناك الهروب مابحلك. راجل كبير مامحترم نفسك وفوق لدا جبان وطويل لسان
صديقي اسامة..حبابك كتر خيرك على المرور من هنا.. سؤالك يا صديقي ، سؤال كبير ويحتاج كثيرا من الحفر في الوجود والمعرفة والثقافة..وهي الحقول التي تشكل الإنسان في تجربته الحياتية..! في الربع السابق ، ابان وعكة المنبر ، كتبنا بوست عن (حقائق ومغالطات دارفور) وتعرضنا فيه لبعض من شهادات اهل الأكاديميا في الغرب الثقافي (تحديدا نورث امريكا)..التي كانت تتساءل باندهاش لماذا كل هذا الإهتمام بدارفور ، وفي نفس الوقت تجاهل فظائع الكنغو التي فاق فيها عدد الضحايا قرابة خمس و عشرين مرة مقارنة مع عدد ضحايا دارفور..!! مثل هذه المفارقات لا يقرأها انسان امسودان كما يجب.. فالبعض يعرف امسودان وامكانيات امسودان اكتر من اهل امسودان..وهذا البعض هو من يملك الأدوات الواصلة تلك التي يمكن ان تجعل من قطر في الحضيض ومن اخر في مكان علي..! اضافة لكل ذلك طريقة تفكير انسان امسودان ، التي يغلب عليها التواضع وعدم القدرة على تسويق ذاته وبلاده..و كثير من الخلق تستغرب وتعقد حواجب الدهشة حينما ترى السوداني اول من ينخرط في تسفيه بلاده..! هو سؤال بالجد محتاج كثير من الحفر والتحقيق..! كتر خيرك كبر
ول ابا ابوبكر ..حبابك يا صديقي كتر خيرك على هذا الخيط الأنيق.. وعبرك شكري لكل الصديقات والأصدقاء ممن عبر هنا ، سواءا مشاركا او متابعا.. وهي خصلة نبيلة يا صديقي ان نتفتقد بعضنا البعض رغم الإختلاف في الرأي ووجهات النظر.. ويظل امسودان العادي هو الأكثر اصالة من النخبة المعقدة والمأزومة التي تستفرغ عقدها بمناسبة أو بدون مناسبة..! امسودان العادي يا صديقي يفهم المفارقات والطرف ..و الأسئلة الحقيقية دون حاجة لإنفعال.. اهديك (اللوري) وقد سبق واهديتك نفس العمل بفهم ثقافي مختلف..و اليوم تتجدد الرؤية..
فالأغنية تبدا (اللوري قام عاني بينا هبيلا)..وهبيلا منطقة بالقرب من الدلنج ، وليس هذا هو المهم..وانما المهم..في بدايات سبعينات القرن المنصرم ، تقدم الأستاذ عبد القادر سالم للتسجيل في اذاعة هنا امدرمان ، ومن اغنياته الأولى اغنية (اللوري) ومطلعها (اللوري حل بي دلاني في الودي).. طبعا ح تندهش يا ول ابا اذا اكتشفت ان الودي منطقة قريبة من منطقة هبيلا..!
السؤال الثفافي ، ليه بعد خمس وتلاتين سنة..تظهر نفس ثيمة الغنا وترتبط بنفس المنطقة..؟..ليه اللوري كان الهام عبد القادر سالم وبعد خمس وتلاتين سنة برضك كان الهام ناس البالمبو؟..
المفارقة الطريفة بين العملين هو الريتم..غنية عبد القادر اعتمدت ريتم رقصة المردوم (عند البقارة) وغنية البالمبو اعتمدت ريتم الربة ( عرضة)..وهو ايقاع شائع في مناطق البديرية والجوامعة في اواسط وشرق كردفان..اضافة للبطاحين والجعليين والبجا..!
التصوير بتاع الفيديو في مدينة الرهد اب دكنة ، وتظهر البحيرة وعلى الخلفية جبل الداير الغلب الطلاع..فالموقع متسق مع ذهنية كائن امسودان الذي ابداع اخراج الفيديو..لأن منطقة الرهد هي منطقة اهلنا الجوامعة..و هي المنطقة التي يكثر فيها الريتم بتاع الربة (العرضة)..فكرة مدهشة مش؟..ياهو انسان امسودان العادي..يعي وجوده الثقافي والحضاري ويعبر عنه بوضوح..
كنا يا صديقي ، وبحسن نية ، نظن ان مثل هذا العصف الثقافي هو ما يحتاجه الناس.. لكن الله غالب.. !!
Post: #61 Title: Re: كــبر بتاع كندا Author: سيف اليزل الماحي Date: 09-13-2015, 07:24 AM Parent: #60
.
Quote: يبدو ان بعض نخب امسودان يضيق كثيرا بامرين: الديموقراطية والتنوع..و هذه عوجة كبيرة يا سيف اليزل..!
نعم ياكبر، عندما تكون "الديمقراطية والتنوع" محاججة شكلية لزوم "القشرة" في فرندات المدينة فإننا حقا نضيق بها، نضيق بها حتى لو كنا في عداد النخب أو العنقالة!
