Post: #1
Title: جديد.. سفريات النجمة .. الفاشر عطبرة كادقلي الأبيض . علينا جاي
Author: جمال السنوسي
Date: 09-02-2015, 07:41 AM
07:41 AM Sep, 02 2015
سودانيز اون لاين
جمال السنوسي-
مكتبتى فى سودانيزاونلاين
قالوا زعيم
وعالمي
واللعب داك إلى فرنسا
والمدرب لقى خاتم المنى
والكاش يقلل النقاش
والعارف عزو مستريح
والاعارة المكندشة
والايميل الضعيف
وشكاوي ما تديك الدرب
وعبرت واللا ما عبرت
والحكم الغاني
وضربتي جزاء في الراس توجع
والفيلم لسه شغال
المخدرين مزمز ورفاقه
وزي ما قال عادل امام
في المسرحية
وأنا اعيط
بس أنا هنا
اضحك واعيط
هم فاكريني بضحك من النتيجة
وبعيط على الوصيف
لا لا
حاشا وكلا
انا بضحك وبعيط من الحكم
بس كان باقي للحكم يلبس أحمر عشان يظهر
بلنتي وسبعة دقايق واي فاول ما محسوب
غايتو لو ما الحكم كانت كارثية
يا وصيف يا دائم
قلنا ليكم ده مقاسكم
ما تتشوبروا ساكت
الجلكسيات الافريقية ما بتقدمكم لي قدام
ما عندكم لا فريق لا رديف
قاعدين للمخدر
فلان ولدنا
وعلان ولدنا
انتوا اولادكم وينهم
تاني ما اشوف لي بطيخابي حايم بي جاي
لمن يكون عندكم فريق تعالوا اكتبوا هنا
|
Post: #2
Title: Re: جديد.. سفريات النجمة .. الفاشر عطبرة كادقلي
Author: جلالدونا
Date: 09-02-2015, 07:54 AM
Parent: #1
غايتو عليكم طولة لسان
هسى كان سموحة غلبتكم و التطوانى و مازيمبى طلعو درون
ولّا قول مازيمبى غلب التطوانى
توّدى وشّك وين
غايتو بس تبقى عليك قصة ابو مركوب
و سعال لو جاتك البلاوى من كل حدب و صوب
كدى فى التبادى اتأهل
بعد داك تعال اتفاصح
شكلو نيتكم السودا مردودة ليكم
|
Post: #3
Title: Re: جديد.. سفريات النجمة .. الفاشر عطبرة كادقلي
Author: تاج السر محمد حامد
Date: 09-02-2015, 03:21 PM
Parent: #2
إنت .. نعم إنت
ياجمال أخوى
زمنك ده كله كنت مختفى وين ؟؟؟؟؟؟
غايتو جنس غايتو !!!
محن والله محن ..
تاج
|
Post: #4
Title: Re: جديد.. سفريات النجمة .. الفاشر عطبرة كادقلي
Author: اباذر عبد العال
Date: 09-02-2015, 03:33 PM
Parent: #3
الخسارة الثانية للمريخ على ملعبه والرابعه هذا الموسم
"بينما خسر الهلال مرة واحده على ملعبه منذ
العام 2001
"الهلال في اسوء حالاته لم يخسر
حتى الان في الدوري هذا الموسم .. المريخ في افضل
حالاته هذا الموسم خسر 4 مباريات
" الهلال ( الحمام ) كما يقولون .. لعب 36 مباراة هذا
للموسم منها 25 مباراة في الدوري الممتاز
و 11 مباراة في ابطال افريقيا خسر مباراتين فقط من 36
"المريخ لعب 36 ايضا خسر 8 مباريات 4 في
الدوري 4 في الابطال
" الهلال استقبلت شباكه 9 اهداف في 36 مباراة 7 اهداف
في الدوري وهدفين فقط في دوري الابطال
"المريخ استقبلت شباكه في دوري الابطال فقط 10 اهداف
.. وفي الدوري 11 هدف اي 21 هدف في 36 مباراة
وحكينا القصه دي لية ؟ علشان نثبت النظريه
البتقول الهلال في اسوء حالاته افضل من
المريخ في افضل حالاته .. بالارقام والاحصائيات
|
|