> وقعت فأرة في وعاء خمرٍ فشربت وسكرت ثمّ شعرت بأنها اسدٌ هصوّر، فصاحت، اين القطط، اين القطط ؟، فظهر لها هِرٌ في الحال، فاستيقظت من سكرتها وقالت للهِر، لا تؤاخذوا السُكارى بما يقولون ...
Post: #2 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 02:10 AM Parent: #1
قال عباس محمود العقاد،
وبي سُكرٌ تملكني وأعجب كيف بي سُكرُ !؟ رددتُ الكأس عن شفتي لعلّ جمالك الخمرُ،
اسباب ودواعي السُكر كثيرة لو غضضنا الطرف عن إبنة العنقود، فالجمال يُسكر، والدلآل يُسكر، والفرحة تُسكر، ؤُ في ناس سكرانين خِلقة كدا، والشربوت كان خِمِر يُسكر، والغُلآت الكتير بنعنش بالزول، والليآقة ما حرام لكن مكروهة ...
Post: #3 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 03:00 AM Parent: #2
يعني عشان حاربيهو الدليل كل يوم تعملولو تعظيم سلآم ؟. كل الأدلة موجودة عندي انا وسأبرزها من غير تحفظ، من زمان وانا عارف منو الغواصة ؤُ منو الما غواصة . هاكم الأدلة ودعوهو في شأنه يا حلآقين يا بتاعين الكوفيرات ...
Post: #4 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 03:09 AM Parent: #3
امين محمد سليمان المعروف في الوسط الإسفيري بالبروف غواصة .
الدليل، من عِويناتو المشحطات ديل ...
Post: #5 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 03:11 AM Parent: #4
حيدر الزين غواصة .
الدليل، دا كمان غُواستو دايرالآ رفع ضو ...
Post: #6 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 03:12 AM Parent: #5
آمنة مختار غواصة .
الدليل، من زمااااان عرفنها ؤُ كتبنا عنها كمان ...
Post: #7 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 03:38 AM Parent: #6
قسم الفضيل مضوي .
الحالة، الزول دا دافرنو، مافي وآحد يغالتني ...
Post: #8 Title: Re: غواصات بِلآ حدود، توجد ادِلّة دآمغة ... Author: عماد حسين Date: 08-31-2015, 05:40 AM Parent: #7
Quote: وقعت فأرة في وعاء خمرٍ فشربت وسكرت ثمّ شعرت بأنها اسدٌ هصوّر، فصاحت، اين القطط، اين القطط ؟، فظهر لها هِرٌ في الحال، فاستيقظت من سكرتها وقالت للهِر، لا تؤاخذوا السُكارى بما يقولون ...
الحتة دي ذكرتني زرة سيف لي جادات
_____________________
إزيك يا غواسة
خلاس دفروك وجيت جاري بدل قسم الفضيل
Post: #9 Title: Re: غواصات بِلآ حدود، توجد ادِلّة دآمغة ... Author: Haytham Ghaly Date: 08-31-2015, 07:10 AM Parent: #8
ود المدير سلام وعوافي ياخي ؤ مشتاقين والله
الحاصل شنو يا جماعة كل واحد عامل فيها كشاف غواصات
هسة انت وللا جادات كان جادين أوضح غواصة في البورد دا انتو الاتنين ما قلتو عنو شي
عارفو منو آ ود المدير
جيب اضانك
أبوبكر عباس
وحات سيد ود الباوقة صحي
Post: #10 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 07:41 AM Parent: #9
عادل الباهي غواصة .
الدليل، لو أقسم بكل الكتب السماوية إنو ما غواصة اصلو ما بنصدقو ...
Post: #11 Title: Re: غواصات بِلآ حدود، توجد ادِلّة دآمغة ... Author: محمد حيدر المشرف Date: 08-31-2015, 08:50 AM Parent: #10
اللياقه الحره بتجي في اللفه
Post: #12 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 08:53 AM Parent: #10
Quote: الحتة دي ذكرتني زرة سيف لي جادات _____________________
إزيك يا غواسة
خلاس دفروك وجيت جاري بدل قسم الفضيل
ها ها ها ها، يا عمدة خلآس كشفنا غوسنتك جيت جاري تقول لي دفروك ؟. ود المدير ما بيدفروهو، ود المدير بيجرس الغواسات الزيكم ديل، قلت لي تشبه زرّة منو لي منو ؟، ها ها ها ها .
سلآمات يا زول ...
Post: #13 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 08-31-2015, 08:54 AM Parent: #12
صاحب الحوش، غواصة .
الدليل، نقّص الكوتة حقت البنزين ...
Post: #14 Title: Re: غواصات بِلآ حدود، توجد ادِلّة دآمغة ... Author: ALWALEED ALSHEIKH Date: 08-31-2015, 10:00 AM Parent: #13
Quote: صاحب الحوش، غواصة .
الدليل، نقّص الكوتة حقت البنزين ...
سلامات يا مدير و ان شاءالله انت و الأسرة بخير
Post: #15 Title: Re: غواصات بِلآ حدود، توجد ادِلّة دآمغة ... Author: محمد البشرى الخضر Date: 08-31-2015, 10:04 AM Parent: #13
يا غواسة كندا سلام المحيرني ليه لا اسة ما ظهر بوست بعنوان : لا لمؤامرة الكيزان واذنابهم لاسكات صوت المناضل جادات. او ما شابه؟
ما عارف ليه رفاق النضال متضايرين منه وخالنه براه يواجه جيوش الرجعية و الظلام و غواصاتهم :)
غايتو كم يوم كدا لو ما في مناضل دق سدره بفتحه انا دا، ما اصلو البكا بحرروه اهله
مع التحييييييية (يوجد هنا وجه اخضر بلف عشان داخل من تلفون)
Post: #16 Title: Re: غواصات بِلآ حدود، توجد ادِلّة دآمغة ... Author: طلحة عبدالله Date: 08-31-2015, 10:12 AM Parent: #15
(يوجد هنا وجه اخضر بلف عشان داخل من تلفون) لازم تبرر يعني ؟؟؟؟؟ شكيت محن الزمان لى رب الزمان
Post: #17 Title: Re: غواصات بِلآ حدود، توجد ادِلّة دآمغة ... Author: محمد البشرى الخضر Date: 08-31-2015, 10:15 AM Parent: #16
قوم لف يا غواصة :)
Post: #18 Title: Re: غواصات بِلآ حدود، توجد ادِلّة دآمغة ... Author: محمد حمزة الحسين Date: 08-31-2015, 03:00 PM Parent: #17
أرفعووووووو أيديكم عن صلاح جادات دا شغل بتاع استهداف للنضال الاسفيري : : : : : : : مع التحيات لله الزاكيات
Quote: ود المدير سلام وعوافي ياخي ؤ مشتاقين والله الحاصل شنو يا جماعة كل واحد عامل فيها كشاف غواصات هسة انت وللا جادات كان جادين أوضح غواصة في البورد دا انتو الاتنين ما قلتو عنو شي عارفو منو آ ود المدير جيب اضانك أبوبكر عباس وحات سيد ود الباوقة صحي
ود الغالي يا غالي، الشوق بحور .
غايس وين المُدة دي كولها يا غوآسة ؟.
يا اخي الزول بتاع جك الفول دا سبقتني عليهو والله .
والدليل علي غوسنتو، عاملها ظاهرة .
تحلف بشياخة ود الباوقة !، هي الغوسنة دي كيفنها اوّل ؟!...
الدليل، لو أقسم بكل الكتب السماوية إنو ما غواصة اصلو ما بنصدقو ...
تهمة لاأنكرها وشرف لا أدعيه
يا ود المدير أقعد هابش في جدادات دا لمن يطقك يجدعك زي الاسد الاطرش بتاع النكتة هههههه جدادات لو ماطلع عميل لجهاز الامن اقطع ضراعي وارميها لكـــــــلب ضال
Post: #26 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-01-2015, 01:03 AM Parent: #25
عبد الحفيض ابوسن غواسة .
الدليل، قال صاحب الكفتيريا من كوستي ؤُ ما اكّل الناس إسفنج ...
Post: #27 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-01-2015, 01:09 AM Parent: #26
Quote: اللياقه الحره بتجي في اللفه
خلآس، رسلوك جيت طاير .
بعدينك بتجي دي كلآم نسوان . ها ها ها ها، دي بتاعت السر قدور، بأربعة تعاشيق اوعو وآحد يقول لي لطشتها ...
Post: #28 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-01-2015, 01:13 AM Parent: #27
Quote: سلامات يا مدير و ان شاءالله انت و الأسرة بخير
الحمد لله، كيف اخبارك يا الوليد ؟.
جيت تتجسس علي مُش ؟، تضحك بلآهن يعجبك خلآهن يا قول صديق مهدي ...
Post: #29 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-01-2015, 04:57 AM Parent: #28
Quote: يا غواسة كندا سلام المحيرني ليه لا اسة ما ظهر بوست بعنوان : لا لمؤامرة الكيزان واذنابهم لاسكات صوت المناضل جادات. او ما شابه؟ ما عارف ليه رفاق النضال متضايرين منه وخالنه براه يواجه جيوش الرجعية و الظلام و غواصاتهم :) غايتو كم يوم كدا لو ما في مناضل دق سدره بفتحه انا دا، ما اصلو البكا بحرروه اهله مع التحييييييية (يوجد هنا وجه اخضر بلف عشان داخل من تلفون)
ود البشرى يا إتحاد إشتراكي، سلآمات .
يا اخي قالوا في المثل، خلى ما بينك و بين الجرب غيط و لاتخلى ما بينك و بين البلا حيط. . الزول دا من يوم جاب حديث الإفك وأردفه بحديث الكُفتة الناس بقت تتضاير مِنّو، حتي أصبح كذي العُر . أنا غايتو بوصي لو في زول جنبو اليفقدو . والله صحي . لأنوا دي ما عمايل زول في كامل قواه العقلية .
عليك الله كان فتحت البوست خليهو صدقة جارية .
Quote: بلف
بلف عجلة !، بعدينك الكلمة دي زاتا حقت نسوان . كان مغالتني اسعلو ؤُ لآحظ معاك أنا ما جبت إسم زول، يعني بالرآآآآآآحة ممكن ازوغ .
نصيحة ود الزبير لا تهملآ ...
Post: #30 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-01-2015, 06:50 AM Parent: #29
Quote: العمدة حمد محمد حامد · يعمل لدى المملكة العربية السعودية الاستاذ معاوية المدير ، انا من متابعي كتاباتك وقد اعجبني مدخلك لهذا البوست ، قال مظفر النواب في احدي تجلياته .... أنني صب اسمي كل ما يسلب لبي خمرة أن كان حسنا أو قراح الماء من كف كريم أو حزاماُ ناسفا أو بيت شعر أو مدام اسف اذا عرضت خارج الحلقة وحرفت البوست عن مساره لك تحياتي ......حمد
حياك الغمام أخي العمدة حمد ، وشكراً علي إيراد ابيات الشاعر مظفر النواب . دواعي السُكر تستحق فتح بوست منفرد، وسأحاول الخوض في ذلك إن شاء الله . مافيش عرضة خارج الحلقة فالرجل علي ما يبدو ان الذي اسكره جنون العظمة . عموماً به سُكرُ لا ندري مصدره !؟.
لك مودتي، وأشكرك جزيل الشكر علي المتابعة ...
Post: #31 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-01-2015, 08:17 AM Parent: #30
Quote: تحياتى ,, ياخ انا زعلان منك ,, بسمات بت الشيخ عبدالرحيم نزَّلت ليها قصيدة ليك فى اتبرا ,, ذكرت فيها كل بكان حتى الحلفا والفاضلاب ما ذكرتها ,, اصبر لى واستعد للجاياك منى
حياك الله .
يا قريبي اتاريكم مسويلكم ونسة عطبراوية وانا ما خابر شي ؟. الختيتوها رقدت . عليك الله وريني الكلآم دا وين عشان يتم التعديل قبل الفأس يقع في الراس، وانا بحكيلك عن القصيدة دي ...
Post: #32 Title: Re: غواصات بِلآ حدود، توجد ادِلّة دآمغة ... Author: طلحة عبدالله Date: 09-01-2015, 10:27 AM Parent: #31
والله يا ود المدير نفسي اكون غواصة بس ما عارف .. المقومات شنو ؟
Post: #33 Title: Re: غواصات بِلآ حدود، توجد ادِلّة دآمغة ... Author: أيمن الطيب Date: 09-01-2015, 10:53 AM Parent: #32
سلامات يا طلحة,,,
Quote: والله يا ود المدير نفسي اكون غواصة بس ما عارف .. المقومات شنو ؟
واحد نفسو تطقو كهربا !!! المطلوب شنو لتحقيق الحاجة الفي نفس الواحد دا؟؟؟؟
ـــــــــــــــــــــــــــ.. * قرنتية … ما غواصة روسية قرنتية .. لا دبابة برمائية . لا جاسوسة مدسوسة .. لا غواصة روسية . لا جندية في "حركة" .. لا مختلسة مال شركة . لا قصفت حدود "فشَلا" . لا كسرت صريف كسلا . لا معروفة ختمية . قرنتية .. لا صعلوقة لبست "شورت" . لا بتعرف شنو البظبورت . لا محتاجة جنسية . هي قايلة النيل سقِف بيتها .. وقايلة ضِفافو "محمية" . جات منسابة عز الصيف .. قايلة الناس بِكِرمو الضيف .. وقايلة النيل أمان والقيف .. وقايلة "الحاضرة" عصرية . قرنتية .. جات بصغارها دايرة الخير . لا شافت يٍفَط تحذير . لا نزحت تكوس توزير . لا جاطت حركة السير . لا دارت وسام تقدير . لا مستلفة عشرين وش . ولابتعرف تعيش بالغش . كان محتاجة بس للقش . وجات أحلامها دوغرية . قرنتية .. لا بلعت عديل السوق . لا نضمت بدون طايوق . لا كنزت دهب أو ماس . لا ظلمت بدون احساس . لا عصرت شباب الناس . لا كتمت على الانفاس . لا قطعت عشم بي فاس . لا داستنا زندية . قرنتية .. لا دست سلع في الخيش . لا شربت مريسة عيش . لا ضبطوها في التفتيش . لا خانت قسم او ديش . لا اجتمعت "بمستر جون" . لا أكلت "مؤنة العون" . لا سدّت علينا الكون . لا سبت كتاب أو دين . لا سامتنا حمرة عين . ولا باعتنا ضهرية . قرنتية .. جات مشتاقة للخرطوم . تزور أحبابها خايفة اللوم . تصيح وتنادي بالحلقوم :- "جنينة النزهة" وين يا زول . "جنينة النزهة" وين يا زول . ……………………… لقت حال الجنينة خلا . حليل زمنها وحليل أهلها . لا قرنتية .. لا أصلة . لا صوت ككّو .. لا بغلة . لا حلوف .. لا أسداً مهاب بالخوف . لا نمراً يشد للشوف . لا ضل فيل .. لا تيتل جريهو جميل . ولا غزلان .. ولا طاؤوس يباهي النيل . لا زفة طيور ونعام . لا نمراً دفر قِدّام . كل الشُلّة ياقرنتية غمضة عين .. أحالوهم لصالح عام . تقول الدنيا "مهدية" . قرنتية .. جات زي ضيفة ما غارة . لا محتاجة لي فيزا .. ولا تصديق على زيارة . جات والشوق دموع حارة . تجدد في العيون الشوف . بين توتي وعلالي أبروف . قايلة الدنيا لسة سلام ما خيم زمان الخوف . لسة هناك ضفاف حرة . ما مطمورة للمُرّة . قايلة الناس بعزو الضيف . ما بسوقوهو لي حفرة وجوار القيف . ما بياكلوهو في الصفرة ومصيرو مخيف . قايلة الحاضرة ما غابة . وقايلة حقوقها محمية . قرنتية .. لا قدلت في شارع القصر . لا حامت في وكت الحظر . لا خشت على المأمور . ولا نطت سلك أو سور . لا دخلت على أمد رمان . ولا كسرت قفل دكان . لا دفرت على التلفاز .. ولا عضّت كراع فنان . لا ذاعت بيان للناس . لا احتلت كمان "حيشان" . ولا نصبت شبك للحشّ . جات بصغراها كايسة القش . تلاقي القوت صبح محظور . وخير البقعة جوة السور . سماحة الدنيا منسية . قرنتية .. لا بتعرف عجن أو لخ . وجات احلامها دوغرية . عجب … ساقوها جوة الفخ . عجب … من طولها وقعت تخ . عجب … سلخوها صبحية . عجب … ونحنا بنسلخ الانسان .. كيف ما نغدر الحيوان . عجب … والدنيا عصرية ؟! قرنتية .. لا دبابة برمائية .. لا جاسوسة مدسوسة .. لا غواصة روسية .. لا جندية في حركة .. لا مختلسة مال شركة .. ولا حزبية بعثية .. قرنتية !!
Quote: عليك الله وريني الكلآم دا وين عشان يتم التعديل قبل الفأس يقع في الراس، وانا بحكيلك عن القصيدة دي ...
فى بوستاً لى بت عبدالرحيم اسمو: ياعرب اخجلو حاجة بالشكل ده شفت بت عبدالرحيم دى اول ماشطحت نطحت زى مابقول المصاروة مرقتا فى المانيا ,, واتلَّحت المستشارة ميركل باقيلك تكون غواصة استغلت عَكر اللتبراوى؟
Quote: عزيزي الفاضل محمد حمزة الحسين انا ما عرفت ان معاوية ود المدير من عطبرة إلا بعد ما قريت ليه القصيدة الجميلة دي والبتغنى فيها عن عطبرة الحبيبة وبعدين هو ما كلمنا عن رابطة عطبرة ،، وما دام هو رئيس الرابطة ، اتوسط لينا معاهو عشان يسجلنا في الرابطة وشكرا معاوية ود المدير على هذه القصيدة الرائعة.. وبالمناسبة هو من عطبرة من وين؟ ودمت بالف خير وصحة وعافية
عــــطــــبــــرة...
يا غالية ريدك في مسارب روحي إسرّب سرى ومازج دمايَ معاها في الشريان جرى ما إنت يا حبي الكبير داخل قليبي محكرا وبلاك ما بطيق الحياة تصبح رِويحتي معكّرا يا حلوة يا مصدر غُناي وشموخي وأكبر مفخرا من جوف مشاعري الهايمة بيك بهديك حروفي معطرا وأنا ما نسيتك لحظة شان أطراك يوم يا عطبرة سيالة يا مرتع صِباى أوتار غُناي ينبوع سعادتي ومصدرا أنا ببدا مِنّك شوط طوافي على المدينة وبندرا بطرا الجزيرة نواوي كيف زمن التسآب النيل حواها وحاصرا والعارفين ناس ود نواوي أهل العِلِم ورثوا الصلاح من الورى الداخلة في جوارهم أمان روعة وحنان ما أحلى ناسها ومنظرا السكة الحديد والسودنة آيات جمال، وكرم خِصال جلّ البرا في حِلة الصاج الكنيسة ومدرسة ودار الرياضة وجمهرة في القيقر السوق القديم والمدفعيّة وعسكرا حوش المخازن والوِرش ومبنى العموم آيات فخار ما أظهرا في ساحة المولد فرح في كل عآم بمولد النور السرى الجامع الكبير وشارع السلك وللهندسة كلية فيك ما أشهرا وبين أُمبكول والسوق دوام أجمل حديث ومناظره الأتبراوي مع الطليح والقلعة نورا وجوهرا بيهدي الحصايا أجمل غرام وبنورو دايماً يجهرا ليك يالغُريبة مكانة في داخل قلوبنا مسطّرا ومين فينا بس مدني الفكي يا أهلنا ما بيذكرا يا إمتدادنا الشرقي فيك أطياف جمال تسري الخيال ما أكثرا منسابة من حي المطار وفيض الشمالي معينا دافق ومصدرا وحِلة الصنفور بتفتح للقطر هيمان جرى إنت يا قلعة نضالنا فيك حي عُمال مفخرة في عمومك بنهى الطواف والجمال والذوق حاصرا ليك خليوة منارة ثقافة فيض فنون ومآذرا بشبابها وبرحابها تعلو بيك فوق الثرى فيك قضيت أحلى السنين ليها طاري وبذكرا وكيف كان لياليك الحُنان العطبراوي بيسكرا! يشجيها بالنغم الطروّب بريدو هايمة مخدّرا أعلام شموخك عآلية فوقك وآضحة للبيك مادرا المحطة رصيفها وناظِرا النقابة عرين أُسد الشرا الوِرش وعيون ساهرا حاج الريّح والمُلتقى العمارة ورفعة مِنبرا وكُبري للحُريّة إنبرا الجبابرة رقابهم كسرا النضال سيرتك طهرا بالحديد والنار سطرا وفي سِجِل تاريخك حكرا وأنا ما نسيك لحظة شآن أطرآك يوم يا اتبرا...
Quote: مطرة في السودان .. خليها لمن تقيف وأمش أهبش ليك أي حيطة ..
تعرف ياطلحة ,, فى السعينات كنت فى سنجة وطبعاً الخريف فى سنجة ماسورة واتفتحت اها كنت ساكن فى بيت رجل طيّب لدرجة لم ارها فى حياتى يوم المطر انهمر ليلاً وبعد وقف مرقت فى الحوش وفى لمبة فى الحيطة انطفت ,, من شلاقتى رحت اعافر فيها ,, طقَّتنى كهرباء وعمك كان حاضر ,, والموضوع انتهى واطمأن على. وبقى الليل كله حايم فوقى يصحى فينى عشان يتأكد انى بخير. كل ما اغمد يجى يصحينى ويسألنى انت كويس؟ قلت ليهو ياحاج انا كويس ,, بس أخير لى الكهرباء من مساهرتك بى دى .
هههههههههههه والله فاضلابي في السودان لما تجىء مطرة أخير تمش تتشعبط في سلك المحول العام من تهبش ليك حيطة واللا أية مصيبة زمان .. قريب في اجازتي الجيت منها قبل أسيوع دي في بت وحيدة أمها كتلتا المطرة أقصد الكهرباء . تحياتي للرضعان فوق الحلال .
Post: #40 Title: Re: غواصات بِلآ حدود، توجد ادِلّة دآمغة ... Author: Haytham Ghaly Date: 09-02-2015, 05:35 AM Parent: #39
Quote: ود الغالي يا غالي، الشوق بحور .
غايس وين المُدة دي كولها يا غوآسة ؟.
يا اخي الزول بتاع جك الفول دا سبقتني عليهو والله .
والدليل علي غوسنتو، عاملها ظاهرة .
تحلف بشياخة ود الباوقة !، هي الغوسنة دي كيفنها اوّل ؟!...
ولك من الاشواق اضعاف اضعاف مضااااعفة .. والله صحي
انا طبعاً كنت غايس في السودان في إجازة
كانت إجازة جميلة جداً كونها بين الاهل
وحزينة ومحبطة جداً جداً لما وصل اليه حال البلد والناس
اليأس والبؤس والحزن يخيم على كل شيئ إضافة الى خيبة الامل
كلما خرجت من المنزل ادرك الى أي مدى نحن مقصرين في حق البلد
وكلما اطل مسؤول في شاشة التلفاز ادركت كم نحن هوينين واغبياء ليحكمنا مثل هؤلاء
أتمنى ان يكون هناك مجرد امل يا معاوية ليرجع لنا السودان كما كان ويرجع السودانيين كما كانوا
بحنيتهم وطيبتهم وبساطتهم وترابطهم كم أتمنى ذلك يا ود المدير
غايتو ربنا يصلح الحال
Post: #41 Title: Re: غواصات بِلآ حدود، توجد ادِلّة دآمغة ... Author: محمد البشرى الخضر Date: 09-02-2015, 05:56 AM Parent: #40
سلامات يا ود المدير نصيحة ود الزبير ما همّلتها وشكرته عليها أنا نظرتي وفهمي للبورد يختلف عن الطريقة الرومانسية - لنقل المثالية - البشوفوبيها ناس ود الزبير فا شنو.. ما في مشكلة والمجهود دا إن شاء الله في ميزان حسناتنا :)
Post: #42 Title: Re: غواصات بِلآ حدود، توجد ادِلّة دآمغة ... Author: MOHAMMED ELSHEIKH Date: 09-02-2015, 06:44 AM Parent: #41
Quote: أعرف الحق تعرف أهله
اكتبو لي دي في محل توقيعي
Quote: أعرف االغواسة تعرف أهلها
Post: #43 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-03-2015, 07:03 AM Parent: #42
Post: #51 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-05-2015, 10:33 AM Parent: #50
Quote: انا المحيرنى الصادق ده لى هسع فى الدبّورتين ديل: الحرامى ,, والمشاطة
معاهِن حكامة يا اخ حكااااااااما لصقوها ليهو من زمااااان، عشان إنت ما بتباركلو ...
Post: #52 Title: Re: غواصات بِلآ حدود، توجد ادِلّة دآمغة ... Author: معاوية المدير Date: 09-05-2015, 10:38 AM Parent: #51
Quote: سلامات يا معاوية يا حبيب،،،،، شايف بوستاتك المتخسسة بالحيل كترت:) بقيت طوالي ساكي السنبر،،، ياخ انا مغرود فيك بالحيل والله،،،،،، ما بلقى لي لسته جااااهزة كدا بقوايم الجماعة ديل!!!! بادلة بدون أدلة جيبا يا زول مافي زمن!!! البحث بعنوان (المعارضة السودانية ومتلازمتي الغواسة والعواسة) تحياتي وليك وحشة يا رجل،،،،
ايمن الطيب، يا اخي والله مشتاقين . الوآحد يا صديقي بقى زي صقر الجديان شغال قنيص . بالنسبة للستة رسلتها ليك لكن الظاهر ساعي البريد عجبو الكلآم نايم عمل ...
