لكل فعل ردة فعل ولابد ان يكون السعودي استفز او شتم الدكتور
Post: #2 Title: Re: استياء سعودي من دكتور سوداني قام بطرد مري� Author: صلاح جادات Date: 08-26-2015, 04:02 PM Parent: #1
Post: #3 Title: Re: استياء سعودي من دكتور سوداني قام بطرد مري� Author: صلاح جادات Date: 08-26-2015, 04:06 PM Parent: #2
في الفترة الاخيرة اصبح الخليجين لا يتهيبون السوداني كما في السابق وخاصة السعودين زمان السوداني بضرب لاقل سبب ولا يبالي بسجنه او ترحيله الان اصبح كثير من السودانين يحسبونها بدقة بسبب الوضع في السودان لعنة الله عليكم يا كيزان
Post: #4 Title: Re: استياء سعودي من دكتور سوداني قام بطرد مري� Author: صلاح جادات Date: 08-26-2015, 04:10 PM Parent: #3
المريض ذاتو يحمد الله الدكتور ما دقاهو دق العيش ولو وقف كان الدكتور جعلو عظة لغيره
Post: #5 Title: Re: استياء سعودي من دكتور سوداني قام بطرد مري� Author: aosman Date: 08-26-2015, 06:43 PM Parent: #4
فعلا كلامك صاح يا صلاح, نظرة الخليجيين تجاه السودانيين بدأت تتغير, لكن رغما عن ذلك هنالك إحترام لحد ما, عندنا عميد كلية ذكر بأن هنالك عدد كبير من السعوديين يفضلون السودانيين في تولي الحسابات لأمانتهم, وبين بما أن هنالك مجموعة من السودانيين يشوهون السمعة, وقال بس السوداني لو زعلت بديك ليها كااااااااش.
Post: #6 Title: Re: استياء سعودي من دكتور سوداني قام بطرد مري� Author: صلاح جادات Date: 08-26-2015, 11:41 PM Parent: #5
الاخ عثمان نتمني يتصلح الوضع في السودان وعندها سوف ترجع للسودانين هيبتهم
Quote: فعلا كلامك صاح يا صلاح, نظرة الخليجيين تجاه السودانيين بدأت تتغير, لكن رغما عن ذلك هنالك إحترام لحد ما, عندنا عميد كلية ذكر بأن هنالك عدد كبير من السعوديين يفضلون السودانيين في تولي الحسابات لأمانتهم, وبين بما أن هنالك مجموعة من السودانيين يشوهون السمعة, وقال بس السوداني لو زعلت بديك ليها كااااااااش.
Post: #7 Title: Re: استياء سعودي من دكتور سوداني قام بطرد مري� Author: مجاهد محمد الهادي Date: 08-27-2015, 01:17 AM Parent: #6
صح الواحد لمن يزعل مننا ما بنخاف
وهم عارفين إننا طيبين لدرجة إلا الواحد يزعلو
الواحد أبو ما بيشوفو قدامو
العيد الفات دا - واحد سعودي حب يغلط
حق الشرطة قدام شايفو بيقول لينا يا زول ماشين وين
قلتا ليهو ماشين كدة ورفعتا صوتي
السعودي مستغرب قال لي انتا حتى الحيكومة بتتكلم معاها كدة
شكلك تبغا لك تأديب
قلتا ليهو .. والله ما تقدر تسوي شي
مشى وخلانا
بس هو الغلط فينا أول لقينا قافلنو والدنيا عيد زحمة ولينا عذرنا عايزين نصلي مع الناس
لحدي هسي خاتي نمرة عربيتو مغيوز والله منو
عاوز اشتكيهو
هههههه
صاحبنا الدكتور بيكون استفزاهو السعودي عشان كدة قال ليهو أعلى ما في خيلك أركبو
بيحصل تلاقي ناس رغم قلتم بحاولو يقولو انهم ناس البلد
لينا مدة طويلة نادرا ما شفنا واحد بيحاول يغلط فينا - البلد زيها وزي بلدنا هناك برضو في كتار منكن يطاولو عليك .
عندي فهم أنا ماشي بيهو - إن احترمت نفسك بحترمك غيرك - وإن عرفتا حقك ما في زول بيقدر يقعلو منك.. الكعب الخنوع والناس البتمشي الغلط..
سلام
Post: #8 Title: Re: استياء سعودي من دكتور سوداني قام بطرد مري� Author: اخلاص عبدالرحمن المشرف Date: 08-27-2015, 01:26 AM Parent: #7
يا صلاح المريض ده لو ما عمل شئ الدكتور ما بطلع ورأه بره العيادة التصوير جاب النهاية اما البداية فهي ما اخفيت السوداني مع المتأسلمين صار ملطشة
الله هوينني
Post: #9 Title: Re: استياء سعودي من دكتور سوداني قام بطرد مري� Author: صلاح جادات Date: 08-27-2015, 04:09 PM Parent: #8
السعودي مستغرب قال لي انتا حتى الحيكومة بتتكلم معاها كدة
شكلك تبغا لك تأديب
قلتا ليهو .. والله ما تقدر تسوي شي
مشى وخلانا
بس هو الغلط فينا أول لقينا قافلنو والدنيا عيد زحمة ولينا عذرنا عايزين نصلي مع الناس
لحدي هسي خاتي نمرة عربيتو مغيوز والله منو
عاوز اشتكيهو
هههههه
صاحبنا الدكتور بيكون استفزاهو السعودي عشان كدة قال ليهو أعلى ما في خيلك أركبو
بيحصل تلاقي ناس رغم قلتم بحاولو يقولو انهم ناس البلد
لينا مدة طويلة نادرا ما شفنا واحد بيحاول يغلط فينا - البلد زيها وزي بلدنا هناك برضو في كتار منكن يطاولو عليك .
عندي فهم أنا ماشي بيهو - إن احترمت نفسك بحترمك غيرك - وإن عرفتا حقك ما في زول بيقدر يقعلو منك.. الكعب الخنوع والناس البتمشي الغلط..
سلام
Post: #10 Title: Re: استياء سعودي من دكتور سوداني قام بطرد مري� Author: محمد الكامل عبد الحليم Date: 08-28-2015, 07:40 PM Parent: #9
تحية
يقولون في ثقافتهم المحلية ( يا غريب كون اديب ) ويقولون ايضا ( امشي عدل يحتار عدوك فيك...) هذ ه هي الثقافة السائدة وهذا هو منوال السودانيين في اي بقعة من بقاع الأرض ... الأنحياز الي جانب المواطن في الخليج اجتماعيا وثقافيا وقضائيا هو السائد ومعلوم للوافد وعلي ضوئه يعمل ويتعامل ...يكتسب السوداني رضاء الأخرين لا تزلفا منه انما لنصاعة سلوكه وخلو سجله مما يشين الا النادر والنادر لا حكم له.. من الصورة وهي ليست حكما قاطعا فان غضب الدكتور (ما هو هين)