اسفين ممنوع الرقص هنا ...............

07:03 AM Aug, 24 2015
سودانيز اون لاين
محمد البحر -الدوحة /قطر
مكتبتى فى سودانيزاونلاين







كاديابا حارس مازمبى يضرب احد الاطفال البجيبو الكورة من خارج الملعب بعد ان قلدها بحركتها عقب انتهاء المبارة ( معقولة يا فردة بقى ليك حار )

نحنا هلالاب غتيتين جداً ..
بنتمسكّن .. ونتمسكّن ..
ونعمل فيها مساكين ..
وغلبانيين ..
كأنوا ما بنعرف حاجة عن الأبطال ...
نغمض عيونا ونعمل فيها ميتين ..
نعمل فيها غمرانيين ..
منتهين كلو كلو ..
عدونا يقول : يا حليلهم ..
يخت في بالو نحنا متنا ..
وشبعنا موت ..
يمشي مننا خطوتين ..
نفتح عيونا ونمد لسانا ..
يتلفت علينا تاني نعمل فيها ميتين ..
نخلّي الفريق الصغير يمشي ولا بنلمسو ..
العامل فيها كبير طوالي نفتِّح عيونا ..
نملاهن شرار ونقوم عليها ..
أصلنا كده نحب الغتاتة مووت ..
وكمان عندنا فهم كبير في رأسنا ..
ما بنحب شغل ( الكورة لفّت )..
و شغل ( ضربات الجزاء )
بنضيعوا طوالي ..
بنعافوا ..
ما بنحبوا ..
عندنا فهم كبير في رأسنا دا ..
ماعايزين غير المركز التاني ..
عارفين ليه ؟
عشان الفريق البجيب الأول من مجموعتنا يلاقي
البجيب المركز التاني من المجموعة التانية ..
عارفين أولنا منو ؟
وعارفين التاني من هناك منو ؟
أها اليوم داااك نشوف البجيب تعادل من برا وينتصر علي أولنا منو ؟
اليوم داااك غتاتنا بتظهر ..
اليوم داااك نشوف ناس ( البيع ) مع بعضهم يعملوا شنو ؟
حركات غازيتو دي إتعلّمها من هناك ..
شفتونا غنيتين كيف ؟
نحنا بنلاقي ناس الكورة لفّت ما لفّت ..
بنحب نلاقي الكُبار ..
الكبار اللاهسه ما خسروا مباراة ..
وبعداك نشوف الفرق ..
وتاني ح نعمل فيها ميتين ..
يلا الكيشة قدِمو وألحقو ..
(الشريف الحمدابى )