Post: #1
Title: يا وضاحة ..عليك الله كان ما جيتي و قلتي لينا دي كذبة أبريل
Author: يحي قباني
Date: 08-22-2015, 05:57 AM
Parent: #0
05:57 AM Aug, 22 2015
سودانيز اون لاين
يحي قباني-فى الدنيا العجيبة
مكتبتى فى سودانيزاونلاين
عشان انحنا نرتاح ... و انتي زاتك ترتاحي و تعرفي تنفذي الفي راسك بهدوء ...
لو باريتي المنبر ده ... قزازة السمنة ستنكشح في النهاية ... و لا تلومن الا نفسك ... ههههه ...
و نصيحة من زول و الله ما محتاج منك لا وظيفة لا داير يكون مستشارك .... :)
عليك الله اعملي الدايراهو في سرك ...
وقولي لينا كلنا هنا و بي صوت عالي ... دي كانت كذبة أبريل بس جات متأخره شوية ...
|
Post: #2
Title: Re: يا وضاحة ..عليك الله كان ما جيتي و قلتي لين�
Author: يحي قباني
Date: 08-22-2015, 02:51 PM
Parent: #1
و بعدين يا بتي ... الصدقات دي عملها في السر بيزيد من حسناتك ...
و العلن .. غير بجيب ليك العين و الحسد ما بودي لي قدام ...
______________________________________
زماااان يا ( جاسمين ) ... لما جيت مهاجر لي كندا ...
صاحبي كمال سابل جاب لي عن طريق معارفه كونتينر 40 قدم فاضي ختيناهوا قدام البيت في الرياض ...
على أساس شوية شوية اعبيهو لغاية ما اشحنه لي كندا ...
بعد كم يوم جاري الله يطراهوا بالخير د. حسن اب سبعه قال لي
يا قباني ياخوي انتهي من عفشك ده و شيل الكونتينر ده من قدام بيتك و الله يجيب ليك العين !!!
قلت ليهو عين كيفن يعني ؟ و انا مخلي البلد مرة واحده ... !!!
قال لي و الله ناس الزمن الكعب ده يحسدوا الزول في قبرو ....!!!
____________________________________________
مفهوم ولا نعيد تاني ...ههههه
|
Post: #3
Title: Re: يا وضاحة ..عليك الله كان ما جيتي و قلتي لين�
Author: وضاحة
Date: 08-22-2015, 07:29 PM
Parent: #2
يحي يا غالي
انا لم أكن حريصة علي النشر لاني بحب اعمل حاجاتي بعيد عن الإعلان وبهدوء
ولكن نزلت عند رغبة اخوة اعزاء كانت وجه نظرهم ان نطرح المشروع ونشره
حتي نستفيد بآراء الزملاء و الاستفادة من الخبرات والمهارات المختلفة هنا
وحتي يكون ايضا دافع لآخرين ليسيرو في طريق تقديم ما يستطيعون من جهد للوطن ولي أطفال بلدنا
لانوا المشروع دا حقنا كلنا كا سودانين
والحمد لله كان رأيهم صواب فقد وجدت الدعم المعنوي ما زادني اصرار علي إكمال الحلم وتحويله الي حقيقة
ووجدت من النصائح عبر مختلف الوسائل ما أضاء لي الطريق
وفي نقاشنا قبل النشر في الاجتماع الاول
توقعنا ان يظهر اصحاب العلل النفسية والأغراض والمحبطون الذين عشعش الشر والترصد في نفوسهم ولا يحبون الخير للوطن ولي اطفاله
يريدون الجميع ان يكونوا معهم في حضيضهم
ولكن هيهات فهم لا يعرفون وضاحة
فان لن أتخلي عن حلمي وعن السير في طريق منفعه اهلي ووطني ولن تردني سهام حقدهم
وربنا يسهل طريقي فهو ناظري ومعينني ومصدر قوتي
كسرة:بالله نزل لي اغنية كابلي حسنك فاح مشاعر هههههههههه
|
Post: #4
Title: Re: يا وضاحة ..عليك الله كان ما جيتي و قلتي لين�
Author: عمر عبد الكريم علي
Date: 08-22-2015, 11:40 PM
ربنا يوفقك للخير وياريت تعملي بوست يوضح المشروع وصل وين الآن والخطه الإنتي واضعاها ليهو ومحتاج كم من الزمن عشان يرى النور وهل المشروع حيحتاج لدعم وللا إنتي متكفلة بالكامل
لأنو حالياً الصورة ضبابية تماماً وقبل كدة كان في محاولات بقيادة الأخ تبلدينا على ما أذكر لقيام مستشفى سرطان الأطفال مشابه للموجود بمصر لكن شايف الموضوع ما إتقدم
فشنو عشان الحلم يتحقق لازم جميع الأوراق تكون مكشوفه والكل يساهم بما يستطيع
|
|