يا سامي الناس ديك المريدين (المحبين)انا خليتم امانه في رقبتك

07:02 AM Aug, 20 2015
سودانيز اون لاين
سامى عبد الوهاب مكى-قلب ام درمان للابد
مكتبتى فى سودانيزاونلاين




سامي أنا راجيك يا أخي دا ما اتفاقنا وإنت زول ماااا بتخلف مواعيدك إنت زول منضبط ما زينا يا أخي ليه تمشي وتسبقنا!

سامي يا أخي أنا كلمتك قلت ليك السعودية بعيدة أقعد تمشي أبعد منها وتاني أكيد ما جاي.

يا سامي بدري من عمرك ياخ.

هسي انا اسوي شنو؟ من قبيل بقول للناس الاخبار الزي دي مرات كتيرة بتكون اشاعة وما صاح ليه مافي زول يجي يقول لي يا سامي كلامك صاح الخبر دا (شتلة) ساي سامي حا يضرب ليك تلفون عشان ازعل وما ارد ليك.

يا سامي دا كلام شنو ياخ إنت مفروض تجي ونعمل رحلة تاني وإنت تسوي اي شي تساعد في سوات الأكل وتفرش الفرشات وتقول للناس قوموا وتضحك مع كل زول بالتساوي وتونس كل زول عشان ما تزعل زول ليه فجأءة تقرر تزعلنا كلنا وتحزنا كلنا وتبشتن بي حال الناس المنتظرنك.

يا سامي انا سلمتك أمانة من بعدي وإنت عارفها كويس فايت وين مخليها بعد ما أثبت إنك أحرص مني عليها.

يا سامي الناس ديك المريدين (المحبين)انا خليتم امانه في رقبتك ليه تنساهم فجاءة وتسرع تغادر وأنا أخر من يعلم.

دي شنو الشنا المن الصباح دي لا شنو الضلام دا الدنيا دي مالها بقت تافهة كدا إنت عملت شنو طفيت فينا شنو ونولعوا تاني كيف يا حبيبنا.

أنا سمييك (أب حمد) صاحبك يا سامي من بونسني في الخاص والعام وفي حال السودان وفي الأمل الجاي..

يا راجل دا ما كلامك.

يا سامي كمل كلامي على غير عادتي معاك لكن البكمل دموعي شنو؟؟

انا لله وانا وانا اليه راجعون

ربنا يرحمو ويغفر له ويسكنه فسيح الجنان

الدوام لله ...احر التعازي لأسرته واصحابه ومعارفه

اللهمَّ اغْفِرْ لَهُ وَ ارْحَمْهُ
وَ عافِهِ وَ اعْفِ عَنْهُ،
وَ أَكْرِمْ نَزْلَهُ
وَ وَسِّعْ مَدْخَلَهُ
وَ اغْسِلْهُ بالماءِ والثلج وَ البَرَدِ،
وَ نَقِّهِ مِنَ الخطايا كما نَقَّيْتَ الثَّوْبَ الأبْيَضَ مِنَ الدَّنَسِ،
وَ أَبْدِلْهُ داراً خَيراً من دارِه وَ أَهْلاً خَيْراً مِنْ أَهْلِهِ، وَ زَوْجَةَ خَيْراً مِنْ زَوْجِهِ،
وَ أَدْخِلْهُ الجَنَّةَ
وَ نَجِّهِ مِنَ النّارِ،
وَ قِه عَذابَ القَبْرِ

Quote: سامي أنا راجيك يا أخي دا ما اتفاقنا وإنت زول ماااا بتخلف مواعيدك إنت زول منضبط ما زينا يا أخي ليه تمشي وتسبقنا! سامي يا أخي أنا كلمتك قلت ليك السعودية بعيدة أقعد تمشي أبعد منها وتاني أكيد ما جاي. يا سامي بدري من عمرك ياخ. هسي انا اسوي شنو؟ من قبيل بقول للناس الاخبار الزي دي مرات كتيرة بتكون اشاعة وما صاح ليه مافي زول يجي يقول لي يا سامي كلامك صاح الخبر دا (شتلة) ساي سامي حا يضرب ليك تلفون عشان ازعل وما ارد ليك. يا سامي دا كلام شنو ياخ إنت مفروض تجي ونعمل رحلة تاني وإنت تسوي اي شي تساعد في سوات الأكل وتفرش الفرشات وتقول للناس قوموا وتضحك مع كل زول بالتساوي وتونس كل زول عشان ما تزعل زول ليه فجأءة تقرر تزعلنا كلنا وتحزنا كلنا وتبشتن بي حال الناس المنتظرنك. يا سامي انا سلمتك أمانة من بعدي وإنت عارفها كويس فايت وين مخليها بعد ما أثبت إنك أحرص مني عليها. يا سامي الناس ديك المريدين (المحبين)انا خليتم امانه في رقبتك ليه تنساهم فجاءة وتسرع تغادر وأنا أخر من يعلم. دي شنو الشنا المن الصباح دي لا شنو الضلام دا الدنيا دي مالها بقت تافهة كدا إنت عملت شنو طفيت فينا شنو ونولعوا تاني كيف يا حبيبنا. أنا سمييك (أب حمد) صاحبك يا سامي من بونسني في الخاص والعام وفي حال السودان وفي الأمل الجاي.. يا راجل دا ما كلامك. يا سامي كمل كلامي على غير عادتي معاك لكن البكمل دموعي شنو؟؟

الله يصبرك والمريدين والمحبين وانا لله وانا اليه راجعون
الدوام لله الواحد الاحد سامي في رعاية المولى جل شانه

بسم الله الرحمن الرحيم
وَمَا كَانَ لِنَفْسٍ أَنْ تَمُوتَ إِلَّا بِإِذْنِ اللَّهِ كِتَابًا مُؤَجَّلًا

صادق التعازي للأهل بالمعيلق في وفاة إبن المنطقة والصديق سامي والتعازي للكل في سودانيزأونلاين
نسأل الله ان يدخل سامي الجنة وان يخلف البركة في الذرية
______
زين العابدين – الحليلة

لاحولة ولاقوة الابالله .
اخي سامي وهكذا يرحلون امثال سامي عبد المطلب
الذين يملون الدنيا طيبآ وحبا .. هنئيآ لك الراحل المقيم
هذا الكم من الشهادات انها جميعها ترفع الي السماء ,

اللهمَّ اغْفِرْ لَهُ وَ ارْحَمْهُ
وَ عافِهِ وَ اعْفِ عَنْهُ،
وَ أَكْرِمْ نَزْلَهُ
وَ وَسِّعْ مَدْخَلَهُ
وَ اغْسِلْهُ بالماءِ والثلج وَ البَرَدِ،
وَ نَقِّهِ مِنَ الخطايا كما نَقَّيْتَ الثَّوْبَ الأبْيَضَ مِنَ الدَّنَسِ،
وَ أَبْدِلْهُ داراً خَيراً من دارِه وَ أَهْلاً خَيْراً مِنْ أَهْلِهِ، وَ زَوْجَةَ خَيْراً مِنْ زَوْجِهِ،
وَ أَدْخِلْهُ الجَنَّةَ
وَ نَجِّهِ مِنَ النّارِ،
وَ قِه عَذابَ القَبْرِ

لا حول ولا قوة إلا بالله العلي العظيم .
نسأل الله له الرحمة والمغفرة .
إنا لله وإنا إليه راجعون .


صادق التعازي لأُسرته وجميع معارفة .
اللهُمّ ابني له بيتاً عندك في الجنّة ...

لكم الرحمة يا سامى لك الرحمة

للاخ الزميل سامي، عالي الجنان،
ولاسرته ولاصدقائه؛ ولكل عضوية وقراء سودانيزونلاين صادق التعازي؛
والله اني لحزين جدا على فقد هذا الشاب الخلوق.....
لم التقي سامي قط وجها لوجه،
ولكنا تداخلنا معا وكثيرا، وقرأت تقريبا كل ما كتب،
انا وحدي اكتب هذه الكلمات، ودموعي تبلل الكيبورد، والحزن يشلني،
نحن اسرة واحدة...

لاحول ولا قوة إلا بإلله العظيم.
إنا لله وإنا إليه راجعون..
اللهم ارحم وأغفر لأخانا وزميلنا وصديقنا سامي عبد المطلب رحمة واسعة..
والعزاء لزملاء البورد ولأسرته وأهله وأصدقائه....
البركة فيكم.

اللهمَّ اغْفِرْ لَهُ وَ ارْحَمْهُ
وَ عافِهِ وَ اعْفِ عَنْهُ،
وَ أَكْرِمْ نَزْلَهُ
وَ وَسِّعْ مَدْخَلَهُ
وَ اغْسِلْهُ بالماءِ والثلج وَ البَرَدِ،
وَ نَقِّهِ مِنَ الخطايا كما نَقَّيْتَ الثَّوْبَ الأبْيَضَ مِنَ الدَّنَسِ،
وَ أَبْدِلْهُ داراً خَيراً من دارِه وَ أَهْلاً خَيْراً مِنْ أَهْلِهِ، وَ زَوْجَةَ خَيْراً مِنْ زَوْجِهِ،
وَ أَدْخِلْهُ الجَنَّةَ
وَ نَجِّهِ مِنَ النّارِ،
وَ قِه عَذابَ القَبْرِ

لا حول ولا قوة إلا بالله

يا له من خبر مفجع..

ندعو المولى الكريم أن يتغمد ابن منطقتنا الباشمهندس سامي بواسع رحمته

وأن يلهم أهله وذويه الصبر وحسن العزاء

إنا لله وإنا إليه راجعون

تعازينا لأسرته ولك أخي سامي ولعموم أسرة البورد

لا حول ولا قوة إلا بالله، ولا نقول إلا ما يرضي الله

وإنا لله وإنا إليه راجعون ، ربنا يتقبله قبولا حسنا

ويعوض شبابه الجنة والبركة في أأهله وأحبابه

ربنا يصبرهم على هذا الفقد الجلل

لا حول ولا قوة الا بالله ..
اللهم وسع مدخله واجعل قبره روضة من رياض الجنة..
اللهم لا تفتنا بعده ولا تحرمنا اجره..
واجعل الجنة مثواه مع الصديقين والشهداء..
احر التعازير لآله وذويه وزملائه ..
إنا لله وإنا إليه راجعون.

إنا لله وإنا إليه راجعون
اللهم ارحم سامياً واغفر له.
اللهم أكرم نزله ووسع مدخله واجعل قبره روضة من رياض الجنة.
العزاء لأسرته الكريمة وأهله وأصدقائه و زملائه
........................
بكيتُ سامياً، وأنا لا أعرف عنه أكثر من اسمه وصورته الجميلة.
رأسه يميل قليلاً ناحية اليسار، نظرته الحالمة تتجاوزك دون أن تخترقك. كأنه ينظر إلى شيء بعيييييد، هناك خلفك.
دائما كان يحيّرني هذ التعبير على محيّاه: شيءٌ عصيّ على الإمساك، شيءٌ يشبه شبح الابتسامة، وسَكينةٌ كتلك التي في عيون القديسين.
شيءٌ ما كان يدعوني لقراءة مداخلاته، حتى لو لم يكن يستهويني الموضوع.
مضى سامي ولم نتعرف عليه كما ينبغي.
مضى مخلّفاً ذكرى جميلة وغُصة... ولوعة في قلوب أصدقائه ومعارفه.
اللهم ارحم سامياً واغفر له.

إنا لله وإنا إليه راجعون
سامي يا سامي المكانة ،
سامي يا عالي المكانة ،
لا أود أن أقول كان بدري عليك ، لأن من ناداك أصطفاك من بيننا ليشملك برحمته ،
كما يجري معي لا أعرف الكثيرين من الأخوان في البورد وأنت من ضمنهم ولكني كنت أرى صورتك ومشاركاتك ، من وجهك ،، من طلتك ،،
كنت تبين كالنسمة العابرة وفعلا عبرت والأنقياء الطيبون يمرون كالبرق . نم هانئاً بالرغم من حزننا وفقدنا لك ، ستصلك دعواتنا بأن لك النصيب من الجنان .