الباشمهندس يكري ابوبكر .. صاحب الحوش الكبير الأميرة اميرة . صاحبة الحوش الصغير - الحليلة اول من ثنى ترشيحي لعضوية المنبر - خالد محجوب المنسي - عبد العزيز ود الفاضلاب، جارنا بالحيطة - يوسف ابوسنينة - بلة محمد الفاضل - جعفر محي الدين ، والذي وجدنا منه كل مؤازرة خلال مسيرتنا في قصة اسرة حضرموت - محمد عبد الله جرسم - الفنان القامة الموصلي - معاوية الزبير - عبد الحفيظ ابوسن - اسامة العريفي - معاوية المدير - عبد العزيز محمد عمر - عز الدين عباس الفحل - محمد نور عودو - ملهم كردفان - الشهم عبد الله ود البوش( صاحب الايادي البيضاء) - جمال ود القوز - الصادق عبد الله الحسن( تحية خاصة للمؤازرة الخاصة )( وما تقول نثني رجلنا فوق رقبتنا.. وسلامتك من كل شر) - المناضل الجسور محمد احمد الريح - جلالدونا.
اللسان يعجز عن الشكر لكم جميعا ... وكما تقول الأميرة اميرة نحن نعتبر منبر سودانيز اون لاين حديقة غناء نتجول تحت اوراقها الظليلة الوارفة وحتى اشواكها نشم فيها الرائحة العطرة... فشكرا لكم جميعا ولولاكم لما اتيحت لي الفرصة كي احظى بعضوية هذا المنبر الحر.. فأنتم اهلي واحبابي.. وارجو أن لا اخيب ظنكم... ولحين ميسرة ومسرة حتى نعود اليكم ودمتم جميعا بالف خير وصحة وعافية بسمات الشيخ عبد الرحيم
الباشمهندس يكري ابوبكر .. صاحب الحوش الكبير الأميرة اميرة . صاحبة الحوش الصغير - الحليلة اول من ثنى ترشيحي لعضوية المنبر - خالد محجوب المنسي - عبد العزيز ود الفاضلاب، جارنا بالحيطة - يوسف ابوسنينة -د
بت الشيخ انا اسمى مكتوب الحمد لله
نورتى وشرفتى واشرقت الانوار بقدومك الميمون
وشد حليك الله يعينك على ناس الحوش
مرات حلوين ومرات ييوا الجلطات
ههههههههه زيادة طيبة ومباركة للحوش الكبير
قولى بسم الله وادخلى باليمين
Post: #5 Title: Re: شكرا لكم جميعا .. فقد حظيت بعضوية الحديقة � Author: عبد العزيز محمد عمر Date: 08-18-2015, 05:37 PM Parent: #3
Quote: من العاهات الأنا عارفا فقاع الكوتات أخونا دينق
ياخ وكت هو اخوك فى داعى للكلام الزى ده؟ بعدين ياخ ده بوست ترحيب وصاحبته لا ناقة لها ولا عتود فى المناوشات دى ,, ارجو ان لاتكون بمداخلتك هذه قد اضفت اسمك للقائمة الفوق دى
الحبيبة بسمات .. أهلاً بيك فى الحديقة مع النسمات .. ويارب تنبسطى مع الونسات .. واللمات .. والقعدات تحت النيمات .. وشراب الجبنة والشاى مع اللقيمات .. وكان ما عجبتك اللقيمات .. نجيب بقسمات .. وما كدا بس .. كمان .. نجيب كوانينا .. ونعمل الشيّات .. يا حليل القعدات مع اللمات والونسات حقات زمانات .. يا حليل الزمن الروح .. أيام .. الثعلب فات .. وفى ديلو سبع لفات .. لكن .. مافى مشكلة .. ممكن .. نقعد نجتر الذكريات ..
وأخيراً وليس آخراً .. أتمنى لكِ أقامة سعيدة .. يا ابنتنا بسمات .. واقبلى منى هذه الزهرات .. اليانعات .. مع أسمى التحيات ..
Quote: ومن شيمنا برضو اضفاء جو من المرح للترويح عن الضيف ومن شيمنا برضو ما بنقبل الكلمة الما في حتتا
الظاهر الـ بينك وبين دينق عامرة ـ شكلى كده حشرت نفسى بين البرتكانة وقشرتها ,, ياخ بس مرحك ده نحن نعرفو كيفن مرح ؟ على العموم ربنا يديم الخوة بيناتكن ,, ولك العتبى حتى ترضى
Quote: انحنا لو ما أتصدينا لي جديع الحجار مارجال ياعثمان.. والبهبش مره هنا بالغلط ...... فى نظرى ماراجل
كلامك ميه في الميه لكن يا ملهم أخوي، إتا عارف في جلاليب و بناطلين ماشه ساي. و الكلام دا للأسف قاعد يحصل. قصدنا من التحذير، إنو أختنا ما تتفاجأ بجنس الجماعة ديل. أرجو أن لا تتوجس بتَّنا خيفةً من كلامنا دا. فهي في الحفظ و الصون. و مرحباً بها ألف لك ودّي و احترامي عثمان دُنقس
بسمات حبابك ألف . آخر زيارة لي للسودان حضرت حفلة غنى فيها بابكر الزكار قطار الشوق وندمت علي اني ما سجلتها، تستاهليها بصوت الزكار الذي كان يعطر ليالينا في زمن مضى ...
يا سلام يا سلام يا سلام ........... زمااااااااااان خالص خالص جانا واحد من اولاد البندر في حلتنا جايب وصية لاهل صاحبو من الرياض عروبنا جوا اسلموا عليهو واسعلوهو من اولادهم الجا منهم وبين الناس ديل انبرأ واحد كان شغال في الرياض في البرحا سواق دينا قاليهو اتا شغال وين ؟ قاليهو في الرياض انعدل عمك وبرم شنبو وقاليهو شغال في البرحا ؟ قاليهو لا خيب ظنو من ونسة ممتعة طيب شغال وين ؟ قاليهو شغال في سفارة الكويت بالرياض عمك انتكل على الحيطة وقاليهو يا سلام .... قشطة على عسل . . مرحبا الاميرة بسمات بت الشيخ حبابك ملايين وما تعلمي كيبوردك الهوبان وناس الحوش الصغير كلهم قدامك جاهزين للصرف وين باقي ناس حوشنا ؟
Post: #31 Title: Re: شكرا لكم جميعا .. فقد حظيت بعضوية الحديقة � Author: ismeil abbas Date: 08-19-2015, 07:56 AM Parent: #30
مرحباً بك ...
Post: #32 Title: Re: شكرا لكم جميعا .. فقد حظيت بعضوية الحديقة � Author: Salah Zubeir Date: 08-19-2015, 08:21 AM Parent: #30
بسمات نورتى الحديقة , و عشان تعرفى المنبر دا ماشى كيف , أسمعى القصة دى:- أنا و إنتى دخلنا المنبر دا فى يوم واحد مع العلم إنك أقدم منى بى ساعتين , من امس لغاية الآن رحبو بى تلاته و إنتى ماشاءالله عليك العميان شايل المكسر , جاكى أب تفه و أب صلعه و المشلخ و أب شنب و الشيوعى و اللخو و الشعراء و إييييييييييييك و على أية حال إنشاءالله يطيب ليك و لينا الجلوس فى هذا الحوش وما تقولى أنا حاسدك و إن كان الأمر لا يخلو لكن فعلا" مضحك.
Quote: أنا و إنتى دخلنا المنبر دا فى يوم واحد مع العلم إنك أقدم منى بى ساعتين , من امس لغاية الآن رحبو بى تلاته و إنتى ماشاءالله عليك العميان شايل المكسر , جاكى أب تفه و أب صلعه و المشلخ و أب شنب و الشيوعى و اللخو و الشعراء و إييييييييييييك
يا أخوي كان كدي، يكون إتلوَّمنا معاك تب و أمسحا لينا في وشَّنا. كيفن يعني ما بنرحب بأبو الرجال و الدين ممنوع و الزعل مرفوع. لكن زي ما عارف قالو أصلو الحرير بنجر بمهل. حبابك، حبابك، حبابك أخوي من ألف لي فوق. و نرجوا لك إقامة طيبة و وجود فاعل. أعتبر أخوك عثمان دُنقس و أخوانك الباقين ضراع و سدُر و ضهر. ولَّا شنو يا جماعة. لك ودّي و احترامي عثمان دُنقس
******************************************* سمج لا والله عيني باردة ..انت ماشي كويس يا مهفهف وعاوز ليك عشرة سنين تانية عشان تعرف معنى فدم ومتحذلق وصلد الذهن أطلع يا مهفهف من بوست الترحيب بتاع بسمات وواجه مصير المحكمة المعمولة على شرفك وتعرف سماجتي الما جمج
Post: #42 Title: Re: شكرا لكم جميعا .. فقد حظيت بعضوية الحديقة � Author: Mohd Ibrahim Date: 08-19-2015, 12:22 PM Parent: #41
مرحب بسمات ..المايك معاك
Post: #43 Title: Re: شكرا لكم جميعا .. فقد حظيت بعضوية الحديقة � Author: جعفر محي الدين Date: 08-19-2015, 12:46 PM Parent: #42
منورة المنبر يا بسمات حبابك ومرحب بيك إضافة كما ونوعا للبورد
شكلك ضيعتي الباسوورد من أول يوم
أها بعد دا أفرزي عيشتك من أميرة
الجزء الثاني من بوست بن لادن أنا احتفظ بجزء كبير منه لحدي قبل الهكر بكم يوم وعلى استعداد بتزويدكم بيه في حال لم يكن من الممكن استرجاع البوست الأصلي
كنا فرشنا السكة ورود لو كلمتينا كان بالجية ,, دي خطوة عزيزة ويوم موعود الخلاك تطرينا شوية ,,,
الف مرحب بالاخت بسمات في هذا الحوش الوسيع بعد المتاوقة من قريب ,, واتمنى ان نرى ابداعاتك هنا وهناك وبالتوفيق ان شا الله .. والشكر للاميرة التي منحتنا فرصة الالتقاء بك هنا ,
Quote: أنا و إنتى دخلنا المنبر دا فى يوم واحد مع العلم إنك أقدم منى بى ساعتين , من امس لغاية الآن رحبو بى تلاته و إنتى ماشاءالله عليك العميان شايل المكسر , جاكى أب تفه و أب صلعه و المشلخ و أب شنب و الشيوعى و اللخو و الشعراء و إييييييييييييك
يا أخوي كان كدي، يكون إتلوَّمنا معاك تب و أمسحا لينا في وشَّنا. كيفن يعني ما بنرحب بأبو الرجال و الدين ممنوع و الزعل مرفوع. لكن زي ما عارف قالو أصلو الحرير بنجر بمهل. حبابك، حبابك، حبابك أخوي من ألف لي فوق. و نرجوا لك إقامة طيبة و وجود فاعل. أعتبر أخوك عثمان دُنقس و أخوانك الباقين ضراع و سدُر و ضهر. ولَّا شنو يا جماعة. لك ودّي و احترامي عثمان دُنقس
Quote: بسمات نورتى الحديقة , و عشان تعرفى المنبر دا ماشى كيف , أسمعى القصة دى:ء أنا و إنتى دخلنا المنبر دا فى يوم واحد مع العلم إنك أقدم منى بى ساعتين , من امس لغاية الآن رحبو بى تلاته و إنتى ماشاألله عليك العميان شايل المكسر , جاكى أب تفه و أب صلعه و المشلخ و أب شنب و الشيوعى و اللخو و الشعراء و إييييييييييييك
ياسلام ياصلاح ,, العتب على النضر ياخ وامسحا لينا فى تِفَفْنا دى ,, مافى وَشَّنا لإنو ماعندنا وَشْ نقابلك بيهو بعدين ياخ حكاية الشعراء دى ,,, كان حتماً ولابُدَّن نقول شعر ترحيباً بأميرة عطبرة ,, لأن البنية بِنَيَّتنا وشاربة من الاتبراوى ونحن ناس اتبرا ديل زى الزهرة والفراشة ماعندنا فككان من بعض. بعدين ياخوى هاك: مــــــــرحـبتين حـــباب صــــــــلاح الــــــديــــــــــن شــــــــــــــــــــرفت منـــــــبرنا زيــــادة للسمــــــحين لومَك لينا مابْنَاباهو ونسوى الشــــــــــــين سماح ياخوى ياسمح الخصال يازين
اظنك ظلمت بسمات ظلم الحسن والحسين. وعاوزة هنا اوضح ليك بعض الحقائق:
اولا طبعا بسمات المسنوحة ما جديدة في المنبر العام .. وكانت تساهم في بوستات كثيرة وهي تستخدم الباسويرد المسجل باسمي ولكنها كانت بتكتب اسمها بالواضح.. واظنك ما قريت بوست قصة اسرة بن لادن لأنها كتبت اكثر من نصف هذا البوست وكذلك بوست الناس السمحين، ود ابوسن ، وود شيقوق ، وود البوش، وود المنسي .. ومعظم الناس البيرحبو بيها هنا كانوا من زمان بيطالبو بعضويتها لأنهم شعروا انها ستكون اضافة حقيقية للمنبر العام من تعليقاتها الساخرة ومساهمتها الفعالة في العديد من البوستات..واذا ما مصدقني اسأل ود ابوسن ، وود البوش، وعبد المنعم سيد احمد وجعفر مجي الدين والصادق وود حلتها ود الفاضلاب ..او كمان اسال العنبة الرامية فوق بيتنا..
ثانيا : يعني هي اساسا كانت وجها معروفا ولكن لم يكن لها باسويرد خاص بها... وهذا الترحيب بسبب رغبة الكثيرين ان يقرأوا المزيد مما تجود به بسمات... وانا بالذات كنت متوقعة ان المرحبين حيكونوا اكثر بكثير .. . وحتى ودشيقوق ما ظهر في الصورة.. والغالية بت نفيسة ما ظهرت والدكتورة وضاحة ما ظهرت وعطوفي مشغولة بمناظر دبي ..
ثالثا: اساسا يا صلاح وعلى المستوى الدولي الجنس اللطيف بيلقي التشجيع والترحيب أكثر من الجنس الخشن لأنها خلقت من ضلع أعوج وتحتاج للسند والتشجيع.. وانا عندي تجربة شخصية .. فأول ما دخلت المنبر العام واجهت هجوم عنيف ومدمر وقررت وقتها ان اترك هذا المنبر العام الذي لا اجد فيه غير وجع الدماغ.. ولكن وجدت اعضاء خيرين ، وواحد منهم اختفى تماما، شجعوني حتى وقفت على قدمي وبقيت ارى الأشواك زهور.. واكثر حاجة شجعتني بوست كتبه الأستاذ الأديب البارع عبد الحفيظ ابوسن وعلق عليه ناس سمحين بالجد واولهم ود شيقوق وود البوش وود المنسي وعرفت معنى ان امتص الزعل كيفن وتعلمت منهم الكثير.. وامشي عليك الله يا صلاح فتش عن البوست ده وحتستفيد منه كثير ما دام انت بتقول جديد في المنبر العام .. عشان لمن يرموك بالحجار ترميهم بالزهور.. وحتى في الأمم المتحدة .. اذا دخلت في الموقع الإلكتروني وفي صفحة البحث عن الوظائف ستجد ان هناك جملة بتقول : ان المنظمة الدولية تشجع النساء والفتيات على التقديم لهذه الوظيفة..." يعني ما قال تشجع الرجال والشباب"" عشان النساء مكسورات جناح وبحتاجن للسند والتشجيع "واللبيب بالشارة يفهم" رابعا :: الف مرحب يا صلاح في هذا الفضاء الاسفيري الرائع حيث حرية الكلمة وحرية التعبير وزي ما قال عثمان دنقس نرجو لك اقامة طيبة وحنكون ليك ضراع وسند.. وما تنسى ان معظم الأعضاء لم يشاهدوا البوست الذي اعلنت انت منه عضويتك الجديدة .. وانا بالذات ما شفت هذا البوست..لكني راجعة هسع افتش عليه.
والله يديك الصحة والعافية
تخريمة: وحتى تعود ست القضية لترد عليكم زي ما قالت فأنا اشكركم كلكم فردا فردا لهذا الترحيب والتشجيع لبت عطبرة.. والله يديكم الصحة والعافية
Post: #53 Title: Re: شكرا لكم جميعا .. فقد حظيت بعضوية الحديقة � Author: علي عبدالوهاب عثمان Date: 08-19-2015, 06:18 PM Parent: #52
Quote: قصة اسرة بن لادن لأنها كتبت اكثر من نصف هذا البوست
يا بكري يا حبيب .. هل يمكن إعادة هذا البوست ( بن لادن ) لتواصل الاستاذة أميرة والاستاذة بسمات إكمال هذا الفلم التوثيقي الرائع حتى النهاية .. والله حرام .. ده بوست تاريخي حتى عرف الكثير من زملائنا في العمل من أبناء حضرموت واليمن واصدقائهم وأقاربهم هذا الحوش بفضل بوست بن لادن ومازالوا ولكن عبر القوقل ..
لقد وعدت العضوة الجديدة بسمات ان تفتش هذا البوست وتعود لتكمل القصة .. بل انها كمان وعدت ان تكتب عن شخصية سودانية وانا رشحت ليها السلمابي او الشيخ مصطفى الأمين او ابو العلا.. وبعدين انت عندك بوستات عن الشمالية تشد النفس ,, ونريدك ان تواصل ما انقطع من حديث والله يديك الصحة والعافية .. ولنا عودة لحين مسرة وميسرة
آسفة للتأخير في الرد على تعليقاتكم الترحيبية الحارة .. لكن مشكلة النت مشكلة..
ونبدأ بمن جاء اولا : عزيزي الفاضل معاوية الزبير: معقولة يا معاوية قطر عطبرة يتأخر.. وانت ما سمعت ان عطبرة كانت عاصمة الحديد والنار... وهسع سمعنا انه في قطر صيني جديد سريع من عطبرة للخرطوم وبطير زي الصاروخ.. واذا مشيت السكة حديد حأصور ليك القطر ده هنا. ودمت دائما بخير
عزيزي الفاضل ابو سنينة يعني حننسى اسمك كيف بعد ما قرينا روائعك في حوش الأميرة مع ود بلة.. وبالمناسبة وين ود بلة مختفى من زمن طويل. وأكيد ناس الحوش الكبير هنا حيكونوا طوالي حلوين.. وسمحين.. وزي ما قلنا ليكم حتى الأشواك حنشوفها ورود ودمت بالف خير وصحة وعافية
انا السعيدة انك ما نسيتنا بعد الغيبة الطويلة دي.. لكن كان جينا للحق اميرة دائما بتجيب سيرتك لمن تتكلم مع بت خالتها الكوستاوية. وبعدين يعني سريع سريع عاوز تحنبق وانتو العلمتونا كيف نكون سمحين زي ما بتقول اميرة في البوست الرائع اياه والذي ألهم خيال الأميرة ان تكتب روائع جذبت الكثيرين الذين اصبحوا اعضاء في الحوش الصغير.. وطبعا معظم اعضاء المنبر العام أكدوا، ونحن معهم، انك بقيت رقم صعب جدا في هذا الموقع الاسفيري الانيق ولا يمكن تجاوزه ولا يمكن نمشي بنمرة 5 لمن نجي جنب بوساتاته.. ودمت بالف خير وصحة وعافية
أنا آسف أخى .. أعتقد أننى لم أقم بالترحاب بكم أخى .. الظاهر السن له تأثير كبير .. وعمك بقى ينسى .. وأقول ليك حاجة .. بعض المرات أدخل الحمام .. انسى أنا داير أسوى شنو .. وطبعاً للضرورة أحكام .. المهم .. مرحباً بكم يا أخى الحبيب فى هذا الحوش العامر بصاحبه .. وبأناسه الطيبين .. الرب يبارك حياتكم .. أخوكم وعمكم العجوز .. ارنست +++
-------- -------- ---------
وأنت .. أيضاً .. يا أخى الحبيب عثمان دنقس .. لا أتذكر أننى قمت بالترحيب بكم .. ولو أننى .. أتذكر الإسم جيداً .. لأننا .. أيام الزمن الجميل .. وفى المدارس .. درسونا .. " عمارة دنقس وعبد الله جماع " ..
أوع يكون .. انت من نفس عائلة .. عمارة دنقس .. مهما يكون .. حتى ولو سبق و قمنا باللازم من الترحيب اللائق لشخصكم الحبيب .. نعتبر هذه الكلمات بمثابة التحية لشخصكم الحبيب ..
الأخ الحبيب والعزيز والفاضل .. عبد العزيز الفاضلابى ..
Quote: سلام ياسودانى يا ماعجوز يعنى فى زول بدخل الحمام عشان يذاكر ياايرنست؟ ما يا عاوز تقضى حاجتك يا عاوز تحلق ياعاوز تستحم وتتسوك
صدقنى .. يا عبد العزيز .. قريت تعليقك .. وضحكتنى جنس ضحك .. بقيت أضحك براى فى الأوضة .. وكتر خيرك .. حتى الضحكة دى كايسينها كواسة .. وما لاقينها .. ا فى الزمن الأغبر دا .. لاكين نقول الحمد الله .. مرة أخرى الشكر لكم أخى العزيز عبد العزيز .. على الأقل .. اتلاقينا فى هذا البوست .. وضحكنا شوية ... عليك الله ما تنقطع .. من قفشاتك الجميلة دى ..
عزيزي الفاضل عثمان دنقس اجمل التحيات والامنيات وشكرا لامنياتك الطيبة..وانا عندي حسن ظن كبير باعضاء المنبر العام في هذا الفضاء الاسفيري الراقي..ويمكن ،كما قالت العزيزة نور تاور،القى لغم وسط الحديقة الغناء..لكني عندي وقاية من حماقات الرد واكتسبتها من بوست انيق وراقي كتبه الكوستاوي ود ابوسن وتعلمنا منه الكثير في طريقة تحويل الاشواك الى ورود.. ودمت دائما بالف خير وعافية بسمات
و انت الدفعة 40 ... و أولكم كان عبدالرحمن بادي !!!
اها يحلوها كيفن دي .؟ ____________________________
ازيك يا بتنا ... و حمدلالك على السلامة ...
Post: #75 Title: Re: شكرا لكم جميعا .. فقد حظيت بعضوية الحديقة � Author: عزالدين عباس الفحل Date: 08-20-2015, 09:23 AM Parent: #74
الفاضلة بسمات Basamat Alsheikh
هنيئاً لك المورد العذب ، والشهد الحلو المذاق ، لكم فرحت لك رغم الأحزان ، علي فراق طيبة الذكر الوالدة ، اللهم أجعل قبرها روضة من رياض الجنة ، يا أكرم الأكرمين ، يا الله ، ،،،،
لنقف لحظة صمت حزنا على وفاة عضو البورد سامي عبد المطلب ونسأل له الرحمة والمغفرة قبل ان نواصل... .... .. ..
عزيزي الفاضل علي عبد الوهاب شكرا للترحيب الحار واطمئن فسوف يعود ذلك البوست قريبا بعد ان وعدنا الاستاذ جعفر بمدنا بالحلقات الاخيرة التي اتمسحت بفعل الهاكر وقد كانت القصة في فصولها الاخيرة او في الحقيقة في الفصل الاحير.. ولدي الان كتاب تحت يدي اسمه:" The Kingdom وبه معلومات كثيرة جدا عن السعودية ومعلومات خافية على الكثيرين واهم الاحداث في ذلك البلد، وربما يسمح لي الوقت باستعراضه هنا، إلى جانب استعراض شخصيات سودانية اثرت في المجتمع السوداني. والشكر مرة اخرى لشخصك الكريم لما ابديته من مؤازرة ودعم خلال ترجمتنا لقصة الاسرة الحضرموتية التي تحدت الصعاب ونجحت نجاحا باهرا في المملكة العربية السعودية.. ودمت بالف خير وصحة وعافية
عزيزي الفاضل الطيب عبد الرازق النقر شكرا على الاطراء .. واحب اؤكد ليك ان المنبر العام فعلا مليان بالقامات وفي جميع المجالات وان العاهات قلة قليلة جدا لا تذكر ، وربما اندثرت تماما ، ولا تؤثر ابدا في مسيرة هذا الموقع الاسفيري الانيق والذي يعتبر نافذة الحرية للشعب السوداني.. ودمت بالف خير وصحة وعافية
شعرك الانيق ده بيدل على انك كنت بتعوم في الاتبراوي وكنت بتشرق وتشرب منه الكثير من الموية العكرانة، زي ما بيقول اباذر، لأن البيشرب من الاتبراوي احساسه دائما بيكون رهيف
والشكر ليك مرة ومرتين وثلاثة لدعمك المستمر وتشجيعنا.. ولمن نشوفك تاني في الاجازات القادمة، فإنت معزوم مع اسرتك في الضفة الاخرى لقريتكم الوادعة البهية وتجونا في حي السودنة والذي لا يزال يحتفظ برونقه وبهائه وطيبة سكانه..
عزيزي الفاضل ملهم كردفان شكرا على طلتك الهية يا راجل يا شهم.. وربنا يكثر من امثالك يا ود امي وزيك انت البشجعنا نستمر ونواصل مسيرتنا في هذا المنبر الاسفيري الذي نعشقه دون وجل .., ودمت دائما بالف خير وصحة وعافية
اعزائي الافاضل والفضليات قبل ان نواصل مع عمنا العجوز( اقصد الشاب ارنست) عاوزة واحد من خبراء الانترنت يشرح لينا كيفية نقل صورة من الـDesktop إلى البروفايل في الملف..وعملت عدة محاولات وفشلت جميعها.. ودمتم بالف خير وصحة وعافية
Post: #82 Title: Re: شكرا لكم جميعا .. فقد حظيت بعضوية الحديقة � Author: عبد المنعم سيد احمد Date: 08-20-2015, 04:15 PM Parent: #81
اهلين بسمات اضغطى على ريبلاى زى الدار تكنك تردى على زول تشوفى بالاحمر...تحميل صورة تضغطى عليه وتختارى الصورة.. وتعملى تحميل للصورة لو نجحت المحاولة بتلقى الصورة الاخترتيها وتحتها..كودين الاول ..لو عايزة الصورة فى البوست والثانى..اصغر ده تعملى ليهو كوبى وتمشى تحت او اعلى بتلقى كلمة بروفايل بتلقى خانات كتيرة من ضمنهم خانة لاضافة الصورة اها تعملى بيست طوالى تلقى صورتك ظهرت تحت اسمك ويامسهل هههههههههه
الحبيب العم ارنست ونحن بنسميك دائما حكيم المنبر لأن كلامك كله جميل وسمح ويتسم بالمنطقية والمعقولية.. وبعدين يا ارنست انت ولا عجوز ولا حاجة.. وما شاء الله وكأنك في مقتبل الشباب.. وبمناسبة اللقيمات، فانا عاشقة للقيمات مع شاي الصباح.. واليوم بالذات حنمشي نجيب اللقيمات وانت معزوم معانا.. وشكرا للترحيب الحار ودمت بالف خير وصحة وعافية
شكرا ابو الريش على الترحيب ونرجو ان نكون عند حسن الظن وما عدمناك ودمت بالف خير
Post: #86 Title: Re: شكرا لكم جميعا .. فقد حظيت بعضوية الحديقة � Author: مصطفى الجيلي Date: 08-21-2015, 06:18 AM Parent: #85
الأستاذة بسمات الشيخ.. لك التحية والاحترام.. تعجبني كلمات التواضع... والعنوان الذي اخترته لأول مساهمة لك كله تواضع.. مرحبا بك في مجتمع سودانيزأونلاين.. ونتطلع لمساهماتك..
الاستاذ محمد خليل الحقيقة انا نقلت الاسماء من بوست اميرة المعنون" بسمات تقف ببابك تستأذن في كلمة مرور...."ولمن اسمك ما كان مكتوب ولكننا لم ولن ننسى ابدا الوقفات المشرفة التي وقفتها معنا اثناء لرجمة كتاب اسرة حضرموت.. فلك العتبى حتى ترضى وشكرا مرة ثانية على التثنية والترحيب... وحنرجع للفصل الأخير من الكتاب قريب فخليك جاهز للمساعدة.. ودمت بالف خير وصحة وعافية
الاستاذ الفاضل عبد الله عبد الله ومرحب بيك انت كمان وانا بت عطبرة .. ولكن نيويورك ما بننسى فضلها والتي علمتنا الكثير في فنون الحياة وانا شفت مدن كثيرة ولكن نيويورك مدينة لها طعم خاص باختلاف الثقافات فيها.. والمهاجر الجديد لا يشعر بوحشة الغربة او بانه غريب لأنك تجد العالم كله متجمع في هذه المدينة الفريدة وشكرا للترحيب ودمت بالف خير
عزيزي الفاضل جلالدونا طبعا محتاجة للتوصية .. مع انه فعلا البكان ما غريب على .. لكن الفرق كبير الآن عشان اي كلمة بكتبها هنا محسوبة على انا وليس على اميرة وشكرا على الترحيب ودمت بالف خير
عزيزي الفاضل الشهم عبد الله ود البوش ( وبالمناسبة اميرة دامئا بتقول ان ود البوش عنده شبه كبير بالصادق المهدي وكأن الصادق اخوهو الكبير)
وحبابك انت بلايين وكان نسينا ما بننسى تشجيعكم ودعكم لينا في الحوش الصغير ، والآن في الحوش الكبير بنحتاج كثير للدعم والتشجيع لاني احتمال اخوض في غمار السياسة وانت عارف دروبها صعبة .. وده من شدة الألم الشفته في عطبرة الحنينة.. لكن كلمة " ما اعلم كيبوردي الهوبان" دي .. إلا تجي اميرة البدوية او ود حلتنا ود الفاضلاب يشرحوها لي.. ودمت بالف خير وصحة وعافية يا ملك.
عزيزي الفاضل طارق ابراهيم تعبير جميل :" عضوة متجددة" وان شاء الله ما اخيب ظنكم وانا متأكدة انك مريت علينا كثير في قصة اسرة حضرموت وشكرا للترحيب ودمت بالف خير وصحة وعافية
عزيزي الفاضل صلاح زبير وزي ما قالوا ليك اعضاء المنبر العام هنا ما تتحسس بالطريقة دي.. ومع اني متأكدة انك كتبت الكلام ده على سبيل المزاح والونسة( You are only lidding)
ولا شك ان الكل يتمنى لك اقامة طيبة في حوش الباشمهندس بكري الكبير، واذا قريت نعليق اميرة يمكن تقتنع ، وكمان نوجه ليك دعوة خاصة لحوش اميرة الصغير بعدما نأجر لينا قصاص أثر ونقدر نتلم فيه.. ومرحب مرة ثانية في هذا الفضاء الاسفيري الانيق ودمت بالف خير
عزيزي الفاضل نصر الدين عثمان شكر بغير حدود واظنك متابع مساهماتي الماضية في قصة اسرة حضرموت وحوش الأميرة .. وخلاص دخلنا الحوش الكبير بالباب بعدما كنا بنكتب من الشباك وشكرا مرة ثانية لتذكيرنا بما خطه يراع الأديب عبد الله عثمان ودمت بالف خير
عزيزتي الفاضلة الاستاذة نعمات عماد شكرا على طلتك البهية ،، وبالجد سرني جدا حضورك هنا للترحيب بي، فأنت رقم صعب في هذا المنبر العام ... وشرفتي الديار ودمتي بالف خير وصحة وعافية.. ونختتم ردود اليوم ، وختامه مسك ، بهذا الرد على الاستاذة نعمات عماد ولحين ميسرة ومسرة
Quote: الحبيب العم ارنست ونحن بنسميك دائما حكيم المنبر لأن كلامك كله جميل وسمح ويتسم بالمنطقية والمعقولية.. وبعدين يا ارنست انت ولا عجوز ولا حاجة.. وما شاء الله وكأنك في مقتبل الشباب.. وبمناسبة اللقيمات، فانا عاشقة للقيمات مع شاي الصباح.. واليوم بالذات حنمشي نجيب اللقيمات وانت معزوم معانا.. وشكرا للترحيب الحار ودمت بالف خير وصحة وعافية
تعرفى يا بسمات يا بتى .. عمك .. عجوز جنس عجز .. من أيام " الترُماى " .. كنا نركبو من حى البوستة فى بحرى .. لغاية المحطة الوسطى .. يا سلام أيام جميلة يا بسمات .. كده .. اسألى جدك .. ما تغرك الصورة حقتى .. دى صورة قديمة .. المهم .. مرة أخرى نحن سعداء بوجودك بيننا .. بسمات .. يا رب أيامك كلها تكون بسمات وبسمات ..
الاستاذ الفاضل جعفر محي الدين اولا نرجو ان تتقب شكرنا العميق لدعمك وتشجيعك المستمر. لنا في قصة اسرة حضرموت ..وفعلا نحن نحتاج للحلقات الاخيرة التي اختفت والتي تعبت فيها امتثال ..وهي كانت قد وصلت الفصل قبل الاخير وسوف نعود قريب للفصل الاخير وشكر كتير للترحيب مع اجمل التحيات العطرة
عزيزي الفاضل ابا ذر عبد العال كيفن عرفت ان موية الاتبراوي عكرانة..انت من عطبرة ولا شنو؟ لكن على الرغم من ان موية الاتبراوي عكرانه لكنها احلى من الفانتا والفراولة وحبابك عشرة وشكرا على الترحيب الاتبراوي ودمت
عزيزي الفاضل عبد المنعم سيد احمد يعني ما جوعتنا بهذا الرطب الجميل وانا متذكرة انك دائما كنت بتتحفنا في حوش اميرة الصغير بلوحات فنية رائعة وخلابة ومنها الهندندوية التي كانت ترعى بغنمها وشايلة سخلة صغيرة.. وشكرا على طلتك البهية هنا للترحيب ودمت بالف خير
الف مرحب بيك - اميرة ارتاحت من عتالة رسائلك القيمة - الناس في البداية افتكرو ان اسم بسمات البكون في خاتمة مداخلة اميرة هو اسمها الحقيقي - بلغي تحياتنا للاخت اميرة شايفها الايام دي مختفية ان شاء الله خير
الاستاذ صلاح جادات شكرا للسؤال عن الاميرة اميرة وفي الحقيقة هي اختفت شوية لان والدها متوعك شوية هذه الايام ..لكنها طمانتني بانه الان بخير وستعود لهذا الفضاء الاسفيري ببوستات جديدة تضيفها لحوشها الذي اختفى بفعل الهاكر وهي بصراحة اصيبت باحباط باختفاء البوست الشهير اسرة حضرموت التي نجحت في المملكة العربية السعودية..وخليك متابع ومرة اخرى نشكرك على الاخبار الدسمة التي تاتينا بها وكمان مدعومة بالصور ودمت بالف خير
عزيزتي الاستاذة الفاضلة نور تاور تحية عطرة الف الف شكر على طلتك البهية والترحيب وحتى الالغام والاشواك في هذا المنبر الانيق حنعتبرها زهور وورود عشان بقت عندنا وقاية ذاتية اكتسبناها من البوست الرائع الذي كتبه الاستاذ الاديب عبد الحفيظ ابو سن واراد فيه ان يلوم بعض اصحابه من بعض الغام وجدها في طريقه ولكن وجدنا هؤلاء الاصحاب السمحين كما وصفتهم اميرة قد حولوا الالغام الى زهور وورود ودمت بالف خير وصحة وعافية
المسنوحة بسمات ما شاء الله .. ولكن لازم تعرفي اعضاء سودانيز اون لاين منتظرين روائعك .. وانا عارفة انك ما حتخذليهم وحنقرأ ليكي الكثير من الادب الرفيع والاجتماعيات الثرة... ومع انك برجوازية لكن تواضعك بذكرني الشاعر النحرير محمد بادي .. وانا عارفاك حافظة الكثير من شعر ود بادي وشعر اسماعين حسن.. وعجبني كتير ابيات الشعر الانتي اخترتيها لتوقيعك .. والله يديكي الصحة والعافية ودي هدية بسيطة
عزيزي الفاضل يحى قباني ازيك يا يحي قباني والله سرني جدا مرورك هنا ولك الف الف شكر...بس في البداية محتاجة لدعم ونقد ايجابي ونصائح .. انا متذكرة انك كنت بترفع ضغط الاميرة اميرة بردودك السخنة لكنها شوية شوية اتعودت وبقت عندها حصانة ضد الزعل..وبقت تاخد الامور ببساطة.. وانت بردك على محمد مجيدو انو هو من الدفعة ٤٠ قاصد انه من مواليد الاربعينات ولا الدفعة ٤٠ وبن؟ وتاني حاجة انت برضك كبرتني شديد لاني ما من مواليد الثمانينات ولكن من مواليد التسعينات(وجه ضاحك شديد وليس باسم) ودمت بالف صحة وعافية
ود المنسي هذه الهدية التي اهديتها للمسنوحة بسمات ، وهي بالمناسبة خفظت الكثير من اشعاره الحلمنتيشية، هي مهداة لك ايضا.. عشان ظهرت اخيرا وسقيت العطشانين في شندي من المزرعة الليلكم( على حسب قول ود الفاضلاب) والله يديك الصحة والعافية
خلاص يا بنية الشيخ ء حقو تعَرِّشى على كده وتبدى لينا فى الروائع الوعدتنا بيها بنية مصطفى ,, ناس سلام بلا غَرَدْ طيبين بلامرض ديل كان ما سويتيلك ترباس يزازوك زى سيد اللبن صباح وعشية,, يلا خلاس شَطبى البوست ده وابدى لينا فى الكلام الـ بمرق المسانيح من جخانيبُن. ـــــــــــ اعلان هام مغلق الى حين افتتاح الصالون الجديد
العزيزة الغالية منى بت نفيسة سعيدة جدا بمرورك هنا رغم الاحزان وطبعا خبر وفاة عضو المنبر العام سامي احزنا شديد ومع اني لا اعرفه شخصيا لكن لمن قريت ان جميع السودانيين في المنطقة التي عاش فيها رافقوا جنازته لوداعه الوداع الاخير سالت الدموع من عيوني ..وهكذا اخلاق السودانيين وثقافتهم وعاداتهم مثل الذهب لا يصدا ابدا..ونسال الله له الرحمة والمغفرة وان شاء الله اهله ما يشوفو شر ابدا.. وعشان كده انا اخترت لتوقيعي ابيات من شعر اسماعيل حسن .. بلادي ناسا يكفكفوا دمعة المفجوع ودمتي ابدا بخير وصحة وعافية
عزيزي ود الفاضلاب معقولة يا ود الحلة زول يتعب نفسه ويفتح المنبر العام ويضغط بالماوس على بوست الترحيب بتوقيع بسمات الشيخ وما ارد عليه واشكره...اذا عملت كده ما حاكون عطبراوية وناس ابو جهينة وعبد العزيز العطبراويين كانوا ما يسلموا على تاني...وحابدا ليكم قريب وان شاء الله ما اخيب ظنكم .... ودمت بالف خير وصحة وعافية
عزيزي الفاضل عزالدين عباس الفحل غمرني احساس عميق وانت تأتي للترحيب رغم ظروف الخزن الذي يحيط بكم لفراق طيبة الذكر الوالدة.. ونعلم تماما ان اصعب موقف يمر على الانمسان في حياته هو موقف وفاة الأم .. ولكن هذا هو ناموس الكون احزان يتبعها افراح وافراح يتبعها احزان
ومرة اخرى الف شكر لمرورك ودمت بالف خير وصحة وعافية
استاذنا الجليل محمد خليل نرجوك ارجع ورا شوية وفتش عن بوست انيق وراقي ورائع كتبه الأديب عبد الحفيظ ابوسن ، وانا ما حافظة عنوان البوست ، لكنه بوست سوف يعجبك شديد.. وممكن تدخل اي بوست كتبه عبد الحفيظ ابو سن ، حتى تجد البوست.. وطبعا سوف لن تندم بقراءة جميع مواضيع ود ابوسن.. لان مواضيعه كلها من بيت الكلاوي، يعني كلها مفيدة،، وبعد ذلك سوف لن يصيبك الزعل ابدا وما تنسى نحن محتاجين ليك لسع لأن الفصل الأخير من كتاب اسرة حضرموت جاي قدام ومرة اخرى شكرا كتير للترحيب والدعم والتشجيع ودمت بالف خير وصحة وعافية
Quote: عزيزي ود الفاضلاب معقولة يا ود الحلة زول يتعب نفسه ويفتح المنبر العام ويضغط بالماوس على بوست الترحيب بتوقيع بسمات الشيخ وما ارد عليه واشكره...اذا عملت كده ما حاكون عطبراوية وناس ابو جهينة وعبد العزيز العطبراويين كانوا ما يسلموا على تاني...وحابدا ليكم قريب وان شاء الله ما اخيب ظنكم ....
ماقلنا حاجة يابنية الشيخ انا بقيت اخاطبك بـ بنية الشيخ عشان قلتى مواليد التسعينات ,, يعنى تكونى قدر بنتى تبيان مواليد (٩٥) لانها فى السنة التانية فى الجامعة وانت اظنك كذلك اها نرجع لى ناس السلام ديل ,, طالما انتى بتقدمى ليهن شاى باللبن ولقيمات مابقوموا ,, دحين قدمى ليهن شاى احمر وقولى ليهم الغنم غارزات ,,
Quote: عزيزي الفاضل يحى قباني ازيك يا يحي قباني والله سرني جدا مرورك هنا ولك الف الف شكر...بس في البداية محتاجة لدعم ونقد ايجابي ونصائح .. انا متذكرة انك كنت بترفع ضغط الاميرة اميرة بردودك السخنة لكنها شوية شوية اتعودت وبقت عندها حصانة ضد الزعل..وبقت تاخد الامور ببساطة.. وانت بردك على محمد مجيدو انو هو من الدفعة ٤٠ قاصد انه من مواليد الاربعينات ولا الدفعة ٤٠ وبن؟ وتاني حاجة انت برضك كبرتني شديد لاني ما من مواليد الثمانينات ولكن من مواليد التسعينات(وجه ضاحك شديد وليس باسم) ودمت بالف صحة وعافية
بتنا بسمات ...
اجمل حاجة فيك قصة عزيزي الفاضل دي .. ما ( فاضل ) زول تاني ما اخد لقب فاضل ...ههه
معليش عشان تعرفينا كبرنا ... قلت لجنابو مجيدو طالبة في الجامعة و قلت ليهو مواليد التمانينات ...
مع انه انا بتي مواليد التسعينات و قربت تخلص الماستر ... خرف مبكر معليش ...
اما الدفعة 40 فجدك مجيدو بجي براهو يوريك ...
اما صاحبتك اميرة ... و الله ما عندي معاها شيء يرفع الضغط ... و لا ضغطت عليها ...:)
بس مرة افتكرت أبو القاسم الشابي مغني سوداني ...
و مرة تاني قالت انو مافي سوداني في نورث اميركا عنده مرسيدس ... على أساس الناس الهنا كلها مشلهتة ... :)
فبس ... نبهناها لا اكثر ولا اقل ...
عمك قباني ... ( بعيد عمك ارنست مفروض يغير الامضاء حقته لي جدكم العجوز ارنست )
عزيزي الفاضل الفاتح ميرغني انا متذكرة ان اميرة بت مصطفى كانت دائما بتقول ان الفاتح ميرغني من الارقام الصعبة في هذا المنبر العام ..\ وشرفتنا بالحضور والترحيب .. وان شاء الله نكون عند حسن ظنك؟؟ لكن بصراحة ما اظن اقدر اجاري الأميرة اميرة في روائعها .. لكن بحاول ودمت بالف خير وعافية
عزيزنا الفاضل الاديب ابو جهينة نحن دمنا واحد ما دمت انت شارب من الاتبراوي وناس عطبرة كلهم اهلي.. والليلة كمان اتعرفت على الاديبة الاتبراوية مها عبد المنعم وشرفتنا كتير بزيارتنا في هذا البوست .. والف شكر على طلتك البهية ودمت بالف خير وصحة وعافية
خلاس يابنية عبدالرحيم ,, ماداير أجيك ناطى كل مرة زى دعاية المسلسل نخليك ترحبى بضيوفك ديل ,, لكن سلُّوا روحنا ,, متشوقين للابداع الاتبراوى ,, عشان كدى قلنا الناس دى يجوا يباركوا بالعقَّابية ,, واعملى حسابك المسنوح مقطوع الطارى داك لى هسع ما جاء ,, يكون فى البردانة بِصَرِّر فى المعوز,, باقى الدنيا خريف.
Post: #146 Title: Re: شكرا لكم جميعا .. فقد حظيت بعضوية الحديقة � Author: Yousif A Abusinina Date: 08-26-2015, 08:48 AM Parent: #145
Quote: لمسنوحة بسمات ما شاء الله .. ولكن لازم تعرفي اعضاء سودانيز اون لاين منتظرين روائعك .. وانا عارفة انك ما حتخذليهم وحنقرأ ليكي الكثير من الادب الرفيع والاجتماعيات الثرة... ومع انك برجوازية لكن تواضعك بذكرني الشاعر النحرير محمد بادي .. وانا عارفاك حافظة الكثير من شعر ود بادي وشعر اسماعين حسن.. وعجبني كتير ابيات الشعر الانتي اخترتيها لتوقيعك .. والله يديكي الصحة والعافية ودي هدية بسيطةB]
اهاااااا الامير والله تانى الا تشوفيلك سواقة جديدة تسولقك بوستاتك كنت مرتااااااااااحة وضاربة الضلله اها شدى حيلك
هدى بت الشيخ المسنوحة دخلت الحوش برقشة جديدة لنج وما تقولى ادبراوية يعنى السواقة من زمن العجلات معها تفحيط كمان
نور الحوش بالقدوم الميمون والله يكتر منكم بالحوش الكبير وانتم الخير والبركة
معقولة اكون بعيدة من بت مصطفى.. يدينا دائما في ايدين بعض .. واها يا يوسف جينا تاني للكلام الصعب,, هسع كلمة تفحيط دي حتى في قاموس ودحلتنا ود الفاضلاب مافي... وبمناسبة الدراجات التي تشتهر بها عطبرة .ز انا متذكرة وانا صغيرة بركب العجلة وبمشي المكتبة القبطية .. شكرا كتير على الترحيب وبعذع المناسبة تحياتنا وتحيات بت مصطفى لود بلة الذي اختفى واختفت معه حكاياته التي كانت تشدنا دائما لقرائتها من الالف للياء. ودمت بالف خير وبركة..
