مُش أنا طلعت غواصة و انا ما عارف !!!

10:55 AM Aug, 18 2015
سودانيز اون لاين
يحي قباني-فى الدنيا العجيبة
مكتبتى فى سودانيزاونلاين



واحد من الاخوة هنا قال لي ياخي المنبر مهموم بموضوع الأخ شهاب رده الله سالماً ...

و موضوع مليارات وضاحة ... برضه شيء مهم ...

مالك بتكتب في الغنا و الونسة و بتشتت اهتمامات الناس ؟
_______________________________________
فقلت له ... يعني كيف ؟ ...

أكون غواصة وانا ما عارف...؟

مش ده الفهم و الدفينيشن حق الغواصات هنا ؟
_______________________________________
اذكر فيما أذكر اخونا زهير عثمان حمد ... ( زهير بعشر )

حينما اعتقل لفترة ... قام المنبر و لم يقعد ...

وهو بالفعل شيء جميل ... ان نتضامن مع اخوتنا و زملاءنا في محنتهم ...

كتب الناس نفس العناوين ... و نفس النداءات ... بعودة ( المناضل ) زهير عثمان حمد ...

بل طالب البعض بتجميع كتابات زهير بعشر و فتح مكتبة فورية حتى يستفيد منها الأجيال القادمة ...

وفجأة شب حريق .... و عاد الأخ زهير سالماً ...

و لم اجد بعد ذلك من يسأل او يقرأ ما يكتبه زهير !!!

كأن البوستات كانت مجرد تعبير لواقع حال كل من كتبها ... و ليس اهتماما بالمناضل زهير عثمان حمد ...


أما قريشات وضاحة ...

فهي حرة تفتح استبالية ... توزعها على المساكين ...

لكن انو نفتح 98 بوست لنفس الموضوع ؟ ...

مش زمان قالوا الصدقات دي لازم تكون في الخفاء ولا شنو ؟
________________________________________

المُهِم ... على قولة زول صاحبنا ...

من الأخطاء التي نقع فيها في عالم سودانيز اون لاين ...

اننا نعتقد ان المنبر هو سنتر اهتمامات العالم ...

و ان أعضاء المنبر هم شعوب العالم ...

فلذلك اختفاء عضو من أعضاء المنبر نعتبره هو الاختفاء او الحالة الوحيدة في العالم ...

رغم اننا نفقد أبناءنا في السودان الواحد تلو الآخر و في كل يوم تحت حكم هذه الزمرة الظالمة ...

انا لا اقلل من الفاجعة .. و لا أقول الا ان يجب ان ندعوا له و لأسرته ...

و لكن لا يجب ان ننسى ان هناك الالاف لم يجدوا من ينادي لهم بعودة غائبهم ...

و لم يجدوا من يواسيهم ...
_________________________________________________
أسأل الله ان يرد اخينا شهاب و كل المعتقلين ظلما بالعودة الى ديارهم و أهلهم ...

تحياتي يا هندسة
اعتقد الفكرة في التعاضد وحاجة اقرب ما يكون للنفير الفي السودان, لو واحد من الجيران حيطته وقعت الحلة كلها بتتلم وتساعده وحتى من لم يساعد ويبني بي ايده بكون حاضر على الأقل بوجوده والكلمة الطيبة, وزي لما زول مثلا توحل عربيته القريب و البعيد و الماشي كلو بخلي الفي أيده و يجري يساعد
وزي مثلا لو في بكاء في الحلة العندو حفلة بأجلها
الفكرة ايجابياتها اكثر من سلبياتها, وتذكر قبل كم يوم دار حديث بينك ومعاوية لو البورد ما رجع ح تفتقد الناس هنا الما أخدت نلفوناتها, دا الترابط المقصود
وإن كان صديقك كمان ما ليه حق يلومك او يطلعك غواصة