Post: #1
Title: العهد الغيهب: "الظلم ظلمات": في عهدهم البئيس كن أمنجيا تغفر لكم خطاياكم وتثاب!! عجب
Author: عبدالله عثمان
Date: 08-17-2015, 08:36 AM
08:36 AM Aug, 17 2015
سودانيز اون لاين
عبدالله عثمان-
مكتبتى فى سودانيزاونلاين
لنا أخ كريم رحل عن دنيانا هذ منذ فترة
ببساطة دهسه ابن معتمد مدينة ود مدني في صباح باكر كما دهس مثله عدد من قبل وكما دهس والده ونظام والده آلآف الأرواح في دارفور وجبال النوبة
القضية دائما تنتهي بالدية المخففة والتي يتم دفعها - إن تمّ - من جيب محمد أحمد المدهوس نفسه
اللهم أرنا فيهم عزتك وجبروتك
نشرت المجهر اليوم 17 أغسطس 2015:
|
Post: #2
Title: Re: العهد الغيهب: andquot;الظلم ظلماتandquot;: في عهدهم
Author: عبدالله عثمان
Date: 08-17-2015, 08:38 AM
Parent: #1
المجني عليه دفن كأنها وفاة طبيعية.. ثم ابلغ احد اولاد الحلال اخته بأنه ضرب وقتل.. عملت عريضة وتم نبش الجثمان ولقوا (التقرير مكتوب)
.. المحكمة لأن المتهم من الأمن اعتبرته قتل غير عمد!!
ثم تحدثوا عن المرحوم الغلطان (لأنه بيشرب) وجابوا تقارير من المستشفى التي يعمل فيها بتاع الامن والضحية بذلك!!
و...طالبوا القاتل بدفع الدية.. وقالوا ما كان قاصد دفعه فى كتلة اسمنتية احدثت نزيفا فى الرأس.. والتقرير الطبي يقول بأن الضلوع مكسرة.. وسحجات..
غايتو..
المهم زي ما بقول تبارك
اللهم ارنا فيهم عزتك وجبروتك
|
Post: #3
Title: Re: العهد الغيهب: andquot;الظلم ظلماتandquot;: في عهد�
Author: abubakr salih
Date: 08-17-2015, 05:34 PM
Parent: #2
يا عبد الله، دا كلام عجيب و غريب و الله. اييييك الحكاية دي وصلت مرحلة متأخرة عديل. حتى جرائم القتل الوااااضحة بقا فيها خيار و فقوس. و الله كلام عجيب. ضربوه، قتلوه و تستروا على الجريمة بالتلاعب فى التقارير الطبية برضو القاضي يقول دا ما قتل عمد، قلت بالغلت ساكت!!
|
Post: #4
Title: Re: العهد الغيهب: andquot;الظلم ظلماتandquot;: في عهد�
Author: عبدالله عثمان
Date: 08-18-2015, 05:30 AM
Parent: #3
والموجع أكثر يا أبا بكر صالح النبش في سيرة الراحل عليه الرحمة والرضوان
وهم يرددون "أذكروا محاسن موتاكم"
ألم يقل عنهم الأستاذ محمود محمد طه "يفوقون سوء الظن العريض"
|
Post: #5
Title: Re: العهد الغيهب: andquot;الظلم ظلماتandquot;: في عهد�
Author: عبد الحي علي موسى
Date: 08-18-2015, 06:57 AM
Parent: #4
آسف للتكرار
|
Post: #6
Title: Re: العهد الغيهب: andquot;الظلم ظلماتandquot;: في عهد�
Author: عبد الحي علي موسى
Date: 08-18-2015, 07:04 AM
Parent: #4
مشيت الكلاكلة اللفة لقيت كيلو الطماطم ب 40 أف جنيه وذلك قبل مغادرتي السودان في 21/7/2015 الثلاثاء.
ركز معاي في سعر كيلو الطماطم دا.
بمناسبة القتل شبه العمد، كنت الشاهد الأول في قضية اغتيال بشير الطيب 5 / آداب جامعة الخرطوم.
المتهم فيها فيصل حسن عمر 3 آداب.
أُدين المتهم بقتل بشير..لكن قتل شبه عمد.
العقوبة:
فصل من الجامعة ودفع 30 ألف جنيه دية..أقل من سعر كيلو الطماطم بجنيه الإنقاذ.
كان ذلك في بداية التسعينات.
العقوبة الما عقوبة:
صديقي معيد في كلية الآداب أرسل لي خطاب بالبريد (حليل زمن البريد) في عام 1993 يفيد بأن فيصل حسن عمر رجع الجامعة وبقرأ في كليتو بتاعة الآداب!!!
ربك رب الخير:
في 1995 طائرة متجهة للجنوب، أصر فيصل بمرافقة من فيها..فأبيدت بمن فيها.
دا، ربك الما بظلم زول.
فلننتظر...
أحد من شهد معنا – مدافعا عن فيصل – حاجة كدا سوار.
فهل هو (أمين) عام المغتربين، ام ذاك (الإمام ) البصلي بالناس.
أعني هل هو حاج ماجد سوار أم محمد أحمد سوار؟
|
Post: #7
Title: Re: العهد الغيهب: andquot;الظلم ظلماتandquot;: في عهد�
Author: عبدالله عثمان
Date: 08-18-2015, 09:51 AM
Parent: #6
سلام أيها العارف بالله عبدو الحي
من فمه الشريف ولي أضاني البتسمع فيك دي قال لي - بعدما شكيت ليهو تطاول الأخوان المسلمين علينا في الجامعة -
قال لي
إن موعدهم الصبح أليس الصبح بقريب؟!
قريب وغريب ايها العارف بالله
أنت عارف الآية دي البعدها شنو؟
بعدها
فَلَمَّا جَاءَ أَمْرُنَا جَعَلْنَا عَالِيَهَا سَافِلَهَا وَأَمْطَرْنَا عَلَيْهَا حِجَارَةً مِّن سِجِّيلٍ مَّنضُودٍ (82) مُّسَوَّمَةً عِندَ رَبِّكَ ۖ وَمَا هِيَ مِنَ الظَّالِمِينَ بِبَعِيدٍ
|
|