Post: #2 Title: Re: قبل مباراة الهلال ومازيمبي الكنغولي في ال Author: Elhadi Date: 08-17-2015, 02:03 AM Parent: #1
ونعم المواسير
Post: #3 Title: Re: قبل مباراة الهلال ومازيمبي الكنغولي في ال Author: Elhadi Date: 08-18-2015, 02:21 AM Parent: #2
تلاتة سودانيين : مريخابي و موردابي و وهلالابي تائهين في الصحراء ، وبقوا ماشين من من وادي لي وادي، لحدي ما ظهر ليهم شيطان قاموا سألوهوا :
المريخابى قال للشيطان : المريخ بشيل كأس الأبطال بتين ؟؟؟
الشيطان قاليهو: السنة دى بس إنت ما بتحضرا بتموت .. المريخابي قعد يبكي ..
الموردابى قاليهو: والموردة بتجيب كأس الأبطال متين ؟؟؟
الشيطان قاليهو: بعد 20 سنة بس إنت برضو مابتحضرا بتموت.. الموردابي قعد يبكي
الهلالابى قاليهو :
أها والهلال بجيب كأس الأبطال بتين؟؟؟
الشيطان قعد يبكي...
الهلالابي قاليهو: مالك يا زول بتبكي ؟؟
الشيطان قاليهو: أنا زااااااااتي مابحضرا :)
كككككككككك
Post: #4 Title: Re: قبل مباراة الهلال ومازيمبي الكنغولي في ال Author: ismeil abbas Date: 08-18-2015, 08:27 AM Parent: #3
السلام عليكم ألأخ/الهادى.....أنت تريد وأنا أريد والله يفعل ما يريد........الهلال والمريخ مقدمين على دورى ألأربعة يجب علينا دعمهم نفسياً ليحققوا شىء جميل للوطن.....لك منى خالص ألأحترام.
Post: #5 Title: قبل مباراة الهلال ومازيمبي الكنغولي ـ فيديو خطير للغايـة !! Author: Elhadi Date: 08-20-2015, 02:29 AM Parent: #4
بعثة الغربان في السودان.. لمواجهة الهلال..
واحدة راجلا هلالابي وهي مربية ليها سواسيو في البيت...
و كل ما الهلال يتغلب الراجل يعمل معاها شكلة ، تقوم المرة تلم السواسيو في كرتونة وتمشي بيت أهلها ويجوا الأجاويد يرجعوها...
وتاني الهلال يتغلب يقوم الراجل يشاكل المرة، تقوم المرة تلم السواسيو في كرتونة وتمشي بيت أهلها..
وتاني يجوا الأجاويد يرجعوها..
أمبارح قالوا المرة فاتحة الإذاعة الرياضية وذاعوا خبر وصول مازيمبي للسودان استعداداً لمباراته مع الهلال
قال ليك السواسيو طوالي جروا دخلوا الكرتونة
Post: #6 Title: تغريدات اللاعب البرازيلي اندرزينهو يشكو الأوضاع في نادي الهلال Author: Elhadi Date: 08-20-2015, 03:24 AM
لاعب الهلال الماسورة البرازيلي المدعو أندرزينهو..
على التويتر يشكو مر الشكوى من أحوال ناديه !
Quote: André Silva @Andrezinhofer Aug 17 Sudan
Disappointed but it's part of life ! Many promisses ... Tomorrow ... Tomorrow ... Tomorrow ... Tired of this ! Good night !
Quote: André Silva @Andrezinhofer Aug 11 Sudan
If anyone want know my situation just give a call and i will give u interview but please start to talk shiit !!!
Quote: André Silva @Andrezinhofer Aug 17 Sudan
Finish my patience!!!
https://twitter.com/Andrezinhofer?lang=en-gb
الظاهر ما قبض قروشه وشابكنو ليك بكرة وبعد بكرة..
يا عمك خلي بالك طويل انت لسة شفتا حاجة :)
Post: #7 Title: Re: تغريدات اللاعب البرازيلي اندرزينهو يشكو � Author: على محمد على بشير Date: 08-20-2015, 04:47 AM Parent: #6
بوست جميل يا الهادى ومناكفه اجمل
بس ما عارف الفيديو الاول بتاع الهلال ماسوره كبيره ما عجبنى وما ارضانى ، والهلال الكيان اكبر من سخرية مصور الفيذيو اللى مشى المطار واستجدى الكنغوليين عشان يشتمو بلده ، فالهلال جزء اصيل من البلد
مع كامل تقديرى واحترامى
Post: #8 Title: بعثة المريخ تحل بقسطنطينة وسط اهتمام إعلامي Author: Elhadi Date: 08-21-2015, 01:37 AM Parent: #7
بعثة المريخ تحل بقسطنطينة بالجزائر وسط اهتمام ومتابعة من وسائل الإعلام الجزائرية..
بانتظار المواجهة الحاسمة مع مولودية العلمة الجزائري التي قد تحسم تأهل المريخ إلى نصف نهائي البطولة الافريقية
أو يتأجل التأهل إلى المباراة الأخيرة أمام اتحاد العاصمة الجزائري بملعب اللهب والنار استاد المريخ بأمدرمان..
بصراحة الفيديو الاول غير موفق ،، نعم الهلال هو خصم المريخ ولكن فى المحافل الدولية يفضل اسم السودان
والزول الصور الفيديو دا فى مطار الخرطوم ما عنده وطنية بتعريفه ،،ولا يشبه المريخ
ودا المرجع كورتنا لى وراء وعمرها ما ح تتقدم ما دام فى عقليات بى المستوي دا ،،
نتمنى للهلال كل التوفيق فى مباراته القادمة مع مازمبى
Post: #10 Title: Re: المريخ في الطريق لكتابة تاريخ جديد للكرة السودانية.. Author: Elhadi Date: 08-21-2015, 10:57 PM Parent: #9
المريخ إلى نصف نهائي البطولة الأفريقية لأبطال الدوري بعد تغلب فريق اتحاد العاصمة على وفاق اسطيف
ليحل المريخ في المركز الثاني خلف المتصدر اتحاد العاصمة، وينتقل لمواجهة بطل المجموعة الأولى ( A) في نصف النهائي والذي من المرجح أن يكون مازيمبي الكنغولي بحسب المعطيات حتى الآن
وبحسب القرعة الموضوعة مسبقاً من قبل " الكاف" فسيؤدي المريخ ذهاب نصف النهائي " المباراة الأولى " في أمدرمان، ومباراة العودة الحاسمة في هذا الدور خارج السودان
ولو وصل لنهائي البطولة وأزاح بطل المجموعة الأولى فسيضمن أداء مباراة إياب نهائي البطولة الإفريقية " المباراة الحاسمة أو مباراة التتويج بالكأس" في أمدرمان
Post: #11 Title: المريخ في الطريق لكتابة تاريخ جديد للكرة السودانية.. Author: Elhadi Date: 08-21-2015, 11:13 PM Parent: #10
قبل الذهاب لنصف النهائي
على المريخ الثأر لهدف لاعبه شرف الدين شيبون والذي نقضه حكم المباراة في قرار خاطئ سرق به عرق لاعبي المريخ وأهدى انتصاراً غير مستحق لاتحاد العاصمة الجزائري كفل له صدارة المجموعة
مباراة مرتقبة أتمنى أن يسحق فيها المريخ اتحاد العاصمة ويمزق شباكه بلا رحمة ويوجه انذاراً قوياً لخصمه في نصف النهائي
خمسة أو ستة صفر في شباك الاتحاد ستجعل مازيمبي يفكر ألف مرة قبل مواجهة المريخ
