ياخ حرام عليك ,, إنت عارف دلقان دى معناتا شنو؟ إذا ماعارف نوريك,,, الدلقان ده خرقة بالية تستعمل فى مسح الحذاء وازالة القاذورات ,, وانت تجعلها وصفاً لإخوة لك ,, يا خوانا هذه رياضة وان لم تسموا الرياضة بخلق الانسان فما فائدتها؟ فى ادبيات الرياضة الواحد يقول ليك خلى روحك رياضية ,, دليل على ان الرياضة تهذيب فجعلتموها اسفاف غفر الله لنا ولكم يا اخى ونحن اذ نخاطبك انما نشير الى زلة وقعت فيها ونحسن الظن بك ان تعود لمثلها ,, هذه كورة ,, الامل غالب اليوم مغلوب بكرة ,, المريخ مغلوب اليوم غالب بكرة وهكذا هى كورة القدم لامجال فيها للتشفى والازدراء ,, مع الاحتفاظ بالمناكفة اللائقة التى هى ملح الكورة. وتفضل بقبول فائق الاحترام
Post: #5 Title: Re: الدلاقين مضروبين في عطبرة 2/0 ظووو Author: صلاح جادات Date: 08-13-2015, 10:36 PM Parent: #4
Post: #6 Title: Re: الدلاقين مضروبين في عطبرة 2/0 ظووو Author: محمد البشرى الخضر Date: 08-13-2015, 11:01 PM Parent: #5
اعصابك ياخوي بعدين خلاص المنبر العام ده يعني قاعدين تحترموه مافيه كلام اكعب من الدلاقين .... بعدين الاعلام ده كلو مسميكم الدلاقين بقت علي بوستي المسكين ده .... بعدين لي علمك الدلاقين ده سماها ليكم اعلامكم السالب وبالاسم مزمل ابو القاسم .... اقول حاجة طيب الوصيف كيف ؟؟؟ عطبرة بلد الحديد والنار والضرب الناشف ... قبيل قلنالكم شغلكم ده فورة اندروس .... .وعارفين الغلب حار بس ياهو حال الدنيا .... غايتو اجمل اسم معبر عن الدلاقين هو الدلاقين ههههه ...
Quote: على الأقل من باب لا تسبّوا آباءكم , يا ريت تراجع العنوان وتشيل اللفظ من العنوان حتى لا تكون ذريعة لشتم الهلال و الهلالاب ايضا
Post: #10 Title: Re: ناس الوصيف مضروبين في عطبرة 2/0 ظووو Author: على محمد على بشير Date: 08-14-2015, 02:10 AM Parent: #9
الظاهر عليك ولد صغير فى السن وبتحب المكاواه
فى لفظ بيطلق من متعصبى المريخ فى منتدياتهم على الهلال لفظ وسخ وجارح ويتنافى مع اخلاقيات الرياضه
الهلال فى الاسبوع دا اتعثر بالهزيمه فى ابطال افريقيا فى ارضه وبين جمهوره ومحليا اتعثر بالتعادل فى كادوقلى
شفت ليك مريخابى فتح بوست فى المنبر العام ووصف الهلال بذلك الوصف القبيح الذى يستخدمه المريخاب فى منتدياتهم ؟ وقال الفلان اترش من التطوان او كادوقلى ؟
لو جاوبت على سوالى دا ح تعرف فداحة وصفك للمريخ بالدلقان و عشان تعرف لييه قلت ليك فى المنبر العام ، لانو احنا هنا هلالاب ومريخاب بيننا اتفاق غير مكتوب بالامتناع عن العنف اللفظى وعدم الانزلاق الى لغة منتديات الانديه وان نتناكف بسماحه واحترام وفى حدود المعقول
والاتفاق الغير مكتوب دا هو المنعنى انى ارد عليك بنفس لغتك الفجه واوصفك والهلال بوصف لا يليق بك ولا يليق بالهلال ذلك النادى الكبير والمحترم معشوق الملايين وندنا الوحيد فى البلاد
عموما ارجو ان تتفهم كلامى هذا وان ترجع من مثل هذه اللغه وان تناكفنا ماشاء لك وفق الاتفاق الغير مكتوب وان تعفو عنى ان قاسيا قليلا لانو ما معقول انتا وعطبره الاتنين
Post: #11 Title: Re: ناس الوصيف مضروبين في عطبرة 2/0 ظووو Author: أبوبكر عباس Date: 08-14-2015, 06:35 AM Parent: #10
سلام يا أسامة كلمة دلاقين كلمة عادية ويجوز استعمالها لمكاواة المريخاب وما كان عليك تعديلها فهي لا تحمل أي نوع من عدم احترام الآخر. اللهم إلا إذا اكتسبت هذه الكلمة مؤخرا معنى غير لائق!!
Post: #12 Title: Re: ناس الوصيف مضروبين في عطبرة 2/0 ظووو Author: Muhib Date: 08-14-2015, 08:40 AM Parent: #11
كان عندنا حبوبه بتقول لينا الشفع الدلاقين ديل وكنا بنضحك وبنحب نسمعا منها