رسالة الى الموصلى ........ ( هناك مبدعين ولكنهم لا يجدون حظهم اعلاميا ) اليك امثلة

04:57 PM Aug, 12 2015
سودانيز اون لاين
بجاوى-Australia
مكتبتى فى سودانيزاونلاين

حبيبى امير موسى

اعجبني جدا امير موسى
فهو يبشر بفنان كبير وله افكار خاصه دا

تنازل خوجلى هاشم عن ( عباد الشمس ) بعد ان سمع ان مصطفى تغنى بها
اليك اللحن العطبراوى

الراكوبة علمتنى كيف يكون النضال
اول مرة سمعتها فى بورتسودان
قبل اكثر من عشرة سنوات وانا لى فى الغربة لى اكثر من 15 سنة
اهديها ليك بنفس الصوت الذى سمعتها به بعد كل هذه السنوات والهمنى كثير من الاشياء

وهذه الاغنية تذكرنى دار اتحاد الادباء والفنانين بورتسودان
وذكريات كثيرة فى ازقة بورتسودان
مع اخى وصديقى ياسر ابراهيم ( ياسر بورتسودان )

وطلب خاص استاذ الموصلى
بفرح بيها
موسيقى بس
كل احترامى

ومن المبدعات في العزف الموسيقي ولم تنل حظها امتثال
عازفة سكسفون ماهرة سواء اغاني امريكية او سودانية
وخاصة اغاني سيد خليفة وموسيقى العجكو
والله يديك الصحة والعافية

دى منو يا استاذة اميرة

هي ما مشهورة ومواطنة عادية وهي طالبة جامعية في نيويورك ولكنها
بتعزف على الة السكسفون وكانها هي الصنعتها....
بس قلت اخليها تشتهر في وسط سودانيز اون لاين لانها بتعشق هذا الموقع
الالكتروني البديع ودائما بتقول ان سودانيز اون لاين حديقة غناء نتجول فيها
وورودها عبقة واشواكها عطرة
والله يديك الصحة والعافية

الحبيب بجاوي
الف مرحب بيك
اختياراتك جميلة لأناس جميلين
---------------------------
وشكرا لاميرتنا

التحية ليك وللفنان الكمبوزر الموصلي وﻻميرة وللجميع
هم فعلا جميلين
لكن كيف ما نالوا حظهم اعلاميا
وكل الذكرتهم اتعملت معاهم لقاءات وحلقات وحفلات
وقدموا فيها نفسهم بصورة جميلة...رانيا محجوب هي زوجة هاني ومعاه في عقد الجلاد
وانت بنفسك بتقدر تعرف المساحة بتاعتهم
خوجلي وياسر معروفين جدا في كل الاجهزة
خوجلي ايضا صاحب اغنية:
الكنت قايلوا فات زمان....رجعتوا بى طعم الغنا
للشاعر الراحل تاج السر عبدالقادر
وكان موظفا في سكك حديد عطبرة
وكان خوجلي هو السبب الرئيسي للقصيدة ودي ليها قصة

الاستاذة الاجلاء
اميرة السيد
الموصلى
احمد يس
تحياتى لكم جميعا وشكرا على المرور الانيق
استاذة اميرة يا ريت تنفحينا ولو عمل واحد لهذه المبدعة
الاستاذ احمد
صادفت خوجلى هواشم فى بورتسودان وسمعت اغلب اغانيه هناك
يا ريت تمدنا بقصة اغنية ( الفات زمان )
بكرى هندسة او بكرى بورتسودان مبدع شارك فى نجوم الغد باغانيه الخاصة
وهو يلحن لاغلب اعماله
الاستاذ الموصلى فى انتظار ارائك حول هؤلاء الشباب
هذه الاغنية من الحانه شارك بها فى نجوم الغد اهديها لكم

وده مبدع من طابت الا وهو الفنان محمد عمر موسى

بجاوي انت زاتك خطير دي اختيارات موفقة تماما والشباب ديل اصواتم جميلة جدا و كمان طريقة اداء الاغنيات فيهو ثقة كبيرة بالنفس وخاصة الشاب محمد عمر موسى فهو مبدع

هاني ورانيا شاركاني مشكورين في اعمال عافيه ككورال وكانا قمة في الاداء
كما شاهدتهما مع عقد الجلاد وكورال كلية الموسيقى
والان شاهدت الفيديو هذا هذان فنانان ان انفرجت اسارير الحرية في البلاد فسيكون لهما شأوا كبيرا

تسلم اخوى عبد الكريم الاحمر
ظللت اتابع المبدع محمد عمر موسى منذ ايام نجوم الغد وهو مبدع يحتاج الى رعاية بالجد
اما حمدى السمر ده قصة براهو
هذا الشاب الانيق البسيط
احتفظ بمجموعة من الاغانى الخاصة له
واغلبها من الحانه كدى اسمعو العمل ده

يا سلام عليك يا بجاوي
و يا سلام على خوجلي هاشم
تعرف رجعتني 91سنة لي ورا ، عندما سمعت اغنية الراكوبة(سرقوها في ليلة وقت الغبش دقسوا), سمعتها من
أبناء عطبرة الرائعين في جامعة الجزيرة وكانت تعبر عن رفضنا
للنظام وسرقته للسلطة عندما دقس الغبش ..
خوجلي هاشم صوت دافئ وعميق وزول غناي شديد

تحياتي

تسلم اخوى عبد العظيم عثمان
دى من الاعمال الجديدة حتعجبك خلطة عجيبة
بداها بكلمات عاطف خيرى والاغنية من كلمات قاسم ابوزيد
الاستاذ مدنى عندما سمع صوته اهداه كلمات باسم عطبرة عندى ليها
كدى فى الاول اسمع الاغنية الثورية دى
كل احترامى

حقيقة يا بجاوي اختيارات موفقه لشباب من المفترض2 الان ان يتسيدوا الغناء في السودان
لكن يبدو ان كل شيء يمشي هناك علي غير عادته
ربنا يوفقهم

لقاء واغانى مع المبدع خوجلى هاشم
يا جماعة عندى اغانى صوتية كتيرة لما احولا لى اليوتيوب بجيبا ليكم هنا
كدى شوفو اللقاء مع خوجلى هاشممع تلفزيون سودانيات

ورايك شنو فى ايمان توفيق
عندها كثير من الاعمال الخاصة

وما الصبر ليهو حدود

واغنية من الدويم لبت الدويم