Post: #1
Title: يا اميرة بت السيد ... انذار لمدة 72 ساعة ... والرهيفة تنقد زي ما بقول ود البوش .
Author: مني عمسيب
Date: 08-12-2015, 09:43 AM
09:43 AM Aug, 12 2015
سودانيز اون لاين
مني عمسيب- هولندا
مكتبتى فى سودانيزاونلاين
حبيبتي انتي هههههههههه .
سلام بالاحضان السودانية تصدقي اشتقة ليكم .. ويا كافي البلاء لا نفاج اسكاي لا طاقة واتساب
ولا عريشة فيسبوك ما لقيتكم فيها اها قلت احسن لغة التهديد دي في شان توريني عملتي لينا شنو
في البناء هيل الصالون بعد ما شالو سيل الهكر والشكية لي الله . الكلوس كلهم متبرعين بمواد البناء
وابو سنينة رسل حق الطوب وفاضلابي رسل لي حق الاسمنت وباقي الكلوس قالوا متبرعين بالبناء
يعني اسه بعد دا كلو لو ما استعجلنا وبنينا يكون حالنا حال اليابا فضيل زي ما بقول ود المنسي اها قلتي
شنو ؟
المشتاقة شدييييييييد بت نفيسة .
|
Post: #2
Title: Re: يا اميرة بت السيد ... انذار لمدة 72 ساعة ... وا
Author: اميرة السيد
Date: 08-12-2015, 10:20 AM
Parent: #1
الغالية منى
والشوق ليكم بحر..ومرة ثانية الف مبروك لبت اخوك(ما تقولي لينا العقبال ليكم)
لكن بيني وبينك مافي استعجال لغاية ما نلقى واحد زي ناسنا السمحين في حوشنا
الاصلو الزعل ما بيدخل قلوبهم ..والله يا منى من شدة ما اتعودت على كلامهم وحكاويهم
البتشد النفس بشعر بيهم وكانهم اهلي من دمي ولحمي ...وحتى البرجوازية بت الشيخ
عبد الرحيم اتاثرت بكلامهم ولمن تكون معانا هنا ما عندها سيرة غيرهم وتنقل القصص
والحكاوي البتقراها لصاحباتها في الجامعة وتتذكرهم بالاسم ولمن تحكي تقول دي
ما بسمات بت البندر لكنها القروية الما شافت المدينة قبل كده..وبتذكرني القرويات
البنشدن:"يا ربي بتين اشوف الخرطوم"
وقريب حتقري لي بوست جديد حيحل محل الحوش الاتهكر ...والاتلوم فينا لوم
اليابا فضيل..
والله يديك الصحة والعافية يا غالية يا حبيبة
|
Post: #3
Title: Re: يا اميرة بت السيد ... انذار لمدة 72 ساعة ... وا
Author: مني عمسيب
Date: 08-12-2015, 10:30 AM
Parent: #2
حبيبة قلبي الاميرة ..
منورة.
اقتباس :
(ما تقولي لينا العقبال ليكم) ..
ان شاء الله عقبالك وعقبال كل العاشقين والمحبين .. والله قلتها من جوا
قلبي ... وربنا يحقق الاماني يا اميرة الشباب .
تاني بادي افتحي لينا الصالون لو سمحتي ونستنا مردومة هدي وما عارفين
نمشي بيها وين !
تسلمي حبيبتي وما عندمناكم ... وعامرين بصالونكم .
|
Post: #4
Title: Re: يا اميرة بت السيد ... انذار لمدة 72 ساعة ... وا
Author: سامي عطا المنان
Date: 08-13-2015, 02:44 PM
Parent: #3
مرحب بأيقونات المنبر
والله منورين
وأميرة بت السيد كلامها ده ما بنجدع واطة .... أها مدينا قرعتنا مستنين المطر ينزل يغسل قلوبنا
والرهيفة التنقد علي قول بت عمسيب .........هههههه
|
Post: #5
Title: Re: يا اميرة بت السيد ... انذار لمدة 72 ساعة ... وا
Author: اميرة السيد
Date: 08-13-2015, 04:06 PM
Parent: #4
عزيزي سامي عطا المنان
:"ايقونات المنبر"دي بالغت فيها ..لكنه تعبير ادبي بليغ بخلي
الواحدة فينا تمشي في الارض مرحا وبفخر..والله لا يحب كل مختال فخور..
ولكن المهم شكرا على حسن الظن..وانتظارك ما حيطول لحين ميسرة ومسرة
زي ما بيقول ود المنسي..
وهو ود المنسي اختفى مالو ..لكني سمعت ان ناس دبي،اجمل مدينة في العالم،
ما عندهم وقت لانهم لا يريدون ان يضيعوا اي لحظة من العمر داخل دبي وهم يستمتعون
بمناظرها الخلابة واسواقها وبلاجاتها وشوارعها المزخرفة (يا ربي متين حنشوف دبي)
ولا الجرائد والمجلات الامريكية بتبالغ شوية في وصف المدينة)..
يا ناس دبي ورونا الحقيقة..وينك يا عطوفي..
والله يديك الصحةوالعافية.
|
Post: #6
Title: Re: يا اميرة بت السيد ... انذار لمدة 72 ساعة ... وا
Author: مني عمسيب
Date: 08-14-2015, 06:14 PM
Parent: #5
الكلس .. سامي ود عمي عطا ..
حبابك يا الحبيب ... وليك الاعتماد في الديوان هيل الاميرة .
ونحمد الله الجابلنا كلس يزيد ديوانا وحبانا هههههههههه
مشكور يا سامي علي الطله السمحة زيك .. ونحت في انتظارك
وبنبرك محضر . وتسلم لينا محل ما تقبل .
**************
من بلد الزهور مرسل سلام وتحية
للناس العزاز الفيها زولآ لــــــــــي
|
Post: #7
Title: Re: يا اميرة بت السيد ... انذار لمدة 72 ساعة ... وا
Author: مني عمسيب
Date: 08-14-2015, 07:13 PM
Parent: #6
غايتو شعب يحب الشماراااات ويعشق المشاكل هههههههههه
يعني ما بتجيبكم الا شكلة صاح العنوان نفسو حار نفس شكلة ههههههههه
خلاس خليكم علي كدا برضو حلوين .
|
|