Post: #2
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-12-2015, 05:59 AM
Parent: #1
الغريبة النفيسة فيهو يكون بايت ليهو تلاتة يوم ...
و الكسرة قديمة ...
تمرقوا من التلاجة بارد ... تخت الكسرة المن شدة ما قديمة تتكسر براها ...
و العجب كان في صحن شطة خدره مدقوقة ...
و تاكل و ما تدي جارك ...
|
Post: #3
Title: Re: يا جماعة ... المشتهي ليهو مُلاح ورق يعمل شن�
Author: اباذر عبد العال
Date: 08-12-2015, 06:40 AM
Parent: #2
هههههههههههه ملاح ورق اخدر معاهو سبروووق
تحياتي قباني .....
وصفك ليهو ده مباااااااااالغه خاصة الشطه ها ها ها حاجه روعه
زي ما بقولوا ووو الماعارفوا يقول عدس
بعدها كباية شاي صاموطى ..سكر خفيف ....
بتعرف الشاي البانجقلي
|
Post: #16
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-12-2015, 11:44 PM
Parent: #3
Quote: هههههههههههه ملاح ورق اخدر معاهو سبروووق
تحياتي قباني .....
وصفك ليهو ده مباااااااااالغه خاصة الشطه ها ها ها حاجه روعه
زي ما بقولوا ووو الماعارفوا يقول عدس
بعدها كباية شاي صاموطى ..سكر خفيف ....
بتعرف الشاي البانجقلي |
اباذر ... اول المتضامنين ...
و الله مكوفر بس ... و القصة كل ما ليها بتكبر في راسي ...
بعدين الشاي خلقة انا بشربه بانجِقلي ... لكن بساعده يا بتمرة تمرتين أو تين ...
السكر الكتير ما اريده ابدا ... بحب طعم الشاي يكون هو المسيطر على الموقف ...
|
Post: #4
Title: Re: يا جماعة ... المشتهي ليهو مُلاح ورق يعمل شن�
Author: معتصم سليمان
Date: 08-12-2015, 06:46 AM
Parent: #2
الليلة ياشيخ يحي طلبك عاااااااااااااالي
أوع يكون أولاد ماما حضور
يا أخوي اسمع نصيحة مني عليك بالثلج
بالبامية الغلااااااادة ديك والشبت الماخمج
والفرك يكون كتش وكان ماعندك كنش
أكنش ليك خشبة وأفرد ضراعاتك وافرك
الثلج انا قاصد بيهو الثلج بفتح الثاء واللام
مع سكون الجيم .
Thalaj
صحتين وعافية مع أطيب تحياتي لك
|
Post: #5
Title: Re: يا جماعة ... المشتهي ليهو مُلاح ورق يعمل شن�
Author: محجوب البيلي
Date: 08-12-2015, 07:52 AM
Parent: #4
Quote: يكون بايت ليهو تلاتة يوم ...
و الكسرة قديمة ...
تمرقوا من التلاجة بارد ... تخت الكسرة المن شدة ما قديمة تتكسر براها ...
و العجب كان في صحن شطة خدره مدقوقة ...
|
إرهابي 
|
Post: #6
Title: Re: يا جماعة ... المشتهي ليهو مُلاح ورق يعمل شن�
Author: ismeil abbas
Date: 08-12-2015, 08:27 AM
Parent: #5
قمة الطعامة.......وسلام للجميع....وبالله بعد داك موية من الزير باردة بكوز......ورقدة فى عنقريب هبابى......وخلفة رجل وقهوة من زول عزيز......الليلة محمد المرضى حامد ما يجى بهنا نفسو متاوراه لأشياء قريبة من كده.....الله يصلح حال بلادنا ويمتعنا بيها...سلام للجميع.
|
Post: #7
Title: Re: يا جماعة ... المشتهي ليهو مُلاح ورق يعمل شن�
Author: علي عبدالوهاب عثمان
Date: 08-12-2015, 01:09 PM
Parent: #6
حبيبنا يحيى مع التحية ..
الورق من فصيلة اللوبيا .. وكنا نزرعه مع اللوبيا في الجرف .. الفرق أوراقه صغيرة وملساء ..
يطلق عليه بالنوبية ( أوقود ) وحبوبه تطلع أجمل بليلة في التاريخ ولكنها نادرة لأن اوراقها تطبخ قبل الاستواء
أخي يحيى يمكن ان تطلب مجفف من السودان .. ولكن زراعته سهلة جداً في بداية موسم الشتاء .. مع هبايب شهر كهيك
بالعربي كده عندنا في البلد بعد إنحسار الفيضان بفترة من شهر نوفمبر ولكن في امريكا ممكن في الصيف
ولا يصلح معه البرد الشديد ولكن يمكن حصاده أو إستخدام أوراقه للطبخ خلال عشرة إلى خمسة عشرة يوم ..
كان ممكن الواحد يطلب من البلد ويرسل ليك عبر ( DHL ) ولكن المشكلة في الفحص والتدقيق وغيرها ..
يا سلام حبيبنا يحيى ذكرتنا الجروف واللوبيا والخضرة ..
مودتي ..
|
Post: #8
Title: Re: يا جماعة ... المشتهي ليهو مُلاح ورق يعمل شن�
Author: nour tawir
Date: 08-12-2015, 01:29 PM
Parent: #7
يا ود قبانى..
فى أى محل خضار عندك..
تلقى فى نوع من الخضار ليه ورقة عريضة شديد..
والعرق بتاعها لونه عّنابى وبنفسجى..
ما عارفة اسمها..
لكين ممكن اجيبو ليك لما أطلع..
وفى محلاتا العرب...
تلقى الويكة المسحونة مكتوب عليها ocra powder
والملاح بتعمل زى طريقة ملاح الورق فى السودان..
يعنى الموضوع بسيط..
|
Post: #9
Title: Re: يا جماعة ... المشتهي ليهو مُلاح ورق يعمل شن�
Author: عبد المنعم سيد احمد
Date: 08-12-2015, 03:31 PM
Parent: #8
|
Post: #10
Title: Re: يا جماعة ... المشتهي ليهو مُلاح ورق يعمل شن�
Author: سفيان بشير نابرى
Date: 08-12-2015, 05:00 PM
Parent: #9
و الله يا عبد المنعم يا قريبي كنت داخل اكتب كلام بس بعد شفته الصورة المنزلة
دي شلته نفسي وابى يتخته والكلام راح لي ذاتو .
غايتو الله في بس
ومعليش يا قبا معليش انت الكبير طول بالك بس
|
Post: #11
Title: Re: يا جماعة ... المشتهي ليهو مُلاح ورق يعمل شن�
Author: عبد المنعم سيد احمد
Date: 08-12-2015, 06:32 PM
Parent: #10
والله ياسفيان
الشغل الزى ده
داير ليه..يد متمرسة وطاعمة
لسه يحى ماجى
يورينا ياهو ده طلبو..
سلمت يازول جميل
ودى هديتنا ليك
|
Post: #12
Title: Re: يا جماعة ... المشتهي ليهو مُلاح ورق يعمل شن�
Author: سفيان بشير نابرى
Date: 08-12-2015, 08:38 PM
Parent: #11
يا سلاااااام ياخ الدفيفيق الدابو ني
ياسلللاااام ياخ مع انو دا دفيق نجيض
هدية سمحة والله
|
Post: #13
Title: Re: يا جماعة ... المشتهي ليهو مُلاح ورق يعمل شن�
Author: اميرة السيد
Date: 08-12-2015, 09:21 PM
Parent: #12
والله يا اسماعيل عباس وصفك السمح ده كتير بنشوفو في قرانا في الشمالية
ونلقى واحد اتغدي بقراصة تقيلة وشرب كباية شاي خفيف وخالف رجلينه
وراقد تحت شجرة نيمة قدام الباب في عنقريب بدون مرتبة وكانه ملك ملوك العالم
والله يديك الصحة والعافية
ويا ود قباني هسع ملاح الورق كمان صعب تلقاه...يعني معقولة اولادك ما عندهم كراسات
فيها ورق..(وش ضاحك)....ياخي جوعتنا بوصفك ده..
والله يديك الصحة والعافية
|
Post: #14
Title: R
Author: عبدالعزيز الفاضلابى
Date: 08-12-2015, 09:44 PM
Parent: #13
| Quote: e: يا جماعة ... المشتهي ليهو مُلاح ورق يعمل شن� |
اتلايق فى ودالمدير يمكن تطلع منه بى كمشة؟
|
Post: #15
Title: Re: R
Author: اْسامة اْباّرو
Date: 08-12-2015, 11:44 PM
Parent: #14
| Quote: اتلايق فى ودالمدير يمكن تطلع منه بى كمشة |
والله يا فاضلابى اخوى بتدور تشحف رويحة ودقبانى ساى
والمدير في الصيفية دى إيدو ما يمرمشه ليو خلًى كمان يطلع منو بى كمشه كامله !
يا زول غيًر بدًل
أها ياقبانى انًحدسك أنا ... ياخ ملاح الورق ده أكتر شى متاح في البلد دى بى كسارو وقراريصو كمان
أها عليك بالـ Spinach والباميه . ودوًر الخلاط. عليك أمان الله تبقى في الفكاك
بس ما تجى صادى تسألنى عن المصران الخرس
ولًتن كمان أمسك في كلام فاضلابى إمكن ......
|
Post: #37
Title: Re: R
Author: يحي قباني
Date: 08-15-2015, 06:12 AM
Parent: #15
Quote: والله يا فاضلابى اخوى بتدور تشحف رويحة ودقبانى ساى
والمدير في الصيفية دى إيدو ما يمرمشه ليو خلًى كمان يطلع منو بى كمشه كامله !
يا زول غيًر بدًل
أها ياقبانى انًحدسك أنا ... ياخ ملاح الورق ده أكتر شى متاح في البلد دى بى كسارو وقراريصو كمان
أها عليك بالـ Spinach والباميه . ودوًر الخلاط. عليك أمان الله تبقى في الفكاك
بس ما تجى صادى تسألنى عن المصران الخرس
ولًتن كمان أمسك في كلام فاضلابى إمكن ...... |
ملاح ورق ... الورق جاي من جروفه قبال دقايق ... يا ابارو
ورق اخدر يلمع ... عروقه بي طينهم ...
و لحمة الضان ترجف باقي روح الخروف لسه ما مرقت ...
و المفراكة يا اباروا حقة الورق براها و حقة البامية براها ... تقول لي خلاط ...
و على شرط ... حلته مشدودة في كانون نارو هادية ... و الحلة زاتها ما ينفرك فوقها الا الورق ... زي حلة اللبن المقنن ...
تاكلوا من ناروا ... تحتار ...
تاكلوا بايت و بااارد ... تقول ما يتاكل الا كده ...!!!
تصدق كانت تمر علي أيام ... افك بيهو ريقي من التلاجة ...
بااارد ... لقيت كسرة لقيت ما لقيت رغيف ناشف تفته جوه الملاح و ترش شطة حمرا ...
الشطة الخدره لما يكون طاله من نارو ..
و عينك ما تشوف الا الهنا و السرور ...
|
Post: #42
Title: Re: R
Author: اْسامة اْباّرو
Date: 08-15-2015, 08:38 PM
Parent: #37
Quote:
ملاح ورق ... الورق جاي من جروفه قبال دقايق ... يا ابارو
ورق اخدر يلمع ... عروقه بي طينهم ...
و لحمة الضان ترجف باقي روح الخروف لسه ما مرقت ...
و المفراكة يا اباروا حقة الورق براها و حقة البامية براها ... تقول لي خلاط ...
و على شرط ... حلته مشدودة في كانون نارو هادية ... و الحلة زاتها ما ينفرك فوقها الا الورق ... زي حلة اللبن المقنن ...
تاكلوا من ناروا ... تحتار ...
تاكلوا بايت و بااارد ... تقول ما يتاكل الا كده ...!!!
تصدق كانت تمر علي أيام ... افك بيهو ريقي من التلاجة ...
بااارد ... لقيت كسرة لقيت ما لقيت رغيف ناشف تفته جوه الملاح و ترش شطة حمرا ...
الشطة الخدره لما يكون طاله من نارو ..
و عينك ما تشوف الا الهنا و السرور ... |
والله يا قبانى حليلنا .. الله يقصًرا غربة .. غايتو جرفنا بقى وول مارت
أها مصداقاً لى وصفك ده .. عندى حبوبتاً لى إيدا طاعمه فى التبيخ وحريفه بالحيل في الملحات الخدرا وخاستاً الورق
أها ليها قول مأثور: ورق الطينة عدم الخمارة العجينة , وعندها نظرية خاصه بملاح الورق وأكلو .. أها تستند على إنو الورق لازماُ يكون بارد وكسرتو حاره - يعنى من الدوكه للصحن - وهى
تفضًل الكسرة على العصيدة لملاح الورق
على العموم الليلة غدانا قراصه بى بامية .. والله صحى
|
Post: #29
Title: Re: R
Author: يحي قباني
Date: 08-14-2015, 00:50 AM
Parent: #14
| Quote: اتلايق فى ودالمدير يمكن تطلع منه بى كمشة؟ |
( إتلايق ) دي زاتها دغدغت مشاعرنا يا فاضلابي ...
|
Post: #24
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-13-2015, 01:14 AM
Parent: #13
Quote: والله يا اسماعيل عباس وصفك السمح ده كتير بنشوفو في قرانا في الشمالية
ونلقى واحد اتغدي بقراصة تقيلة وشرب كباية شاي خفيف وخالف رجلينه |
و حياتك يا اميرة ...
عندي جماعة أصحاب هنا ... زوجته من ( أندينا ) ...
دخلت عليهم في أوراق كده يوقعوها ...
الراجل قال لي حصانك ما جرّاي ... هسي رفعنا الغدا ...
لكن انت اتغديت ؟
قلت ليهو انسى انا زاتي مشغول و عندي كم مشوار ...
جات بت اهلي قالت لي و الله القراصة ما بتاخد دقايق !!!
و الملاح الأحمر اصله جاهز !!!
قراصة ؟؟؟
انقري المواعيد كلها ما اتلغت ؟
و لك ان تتخيلي الباقي !!!!
|
Post: #26
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-13-2015, 01:19 AM
Parent: #10
Quote: و الله يا عبد المنعم يا قريبي كنت داخل اكتب كلام بس بعد شفته الصورة المنزلة
دي شلته نفسي وابى يتخته والكلام راح لي ذاتو .
غايتو الله في بس
ومعليش يا قبا معليش انت الكبير طول بالك بس |
و العجب يا نابري يا صديقي
كان في باقي تبيخ رز بالطماطم ( شاغل روحو ) بايت ...
ده علي ده و عينك ما تشوف الا النور ...
|
Post: #23
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-13-2015, 01:05 AM
Parent: #9
يا منعم ...
الملاح اتحملنا صورته ...
لكن لياقتو دي ... هسي في داعى للحاصل في طرف الصحن ده ؟
|
Post: #21
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-13-2015, 00:56 AM
Parent: #8
Quote: يا ود قبانى..
فى أى محل خضار عندك..
تلقى فى نوع من الخضار ليه ورقة عريضة شديد..
والعرق بتاعها لونه عّنابى وبنفسجى..
ما عارفة اسمها..
لكين ممكن اجيبو ليك لما أطلع..
وفى محلاتا العرب...
تلقى الويكة المسحونة مكتوب عليها ocra powder
والملاح بتعمل زى طريقة ملاح الورق فى السودان..
يعنى الموضوع بسيط.. |
قصدك ال Kale يا نور ؟
انحنا مرات بنغش رقبتنا بالسبانخ ... بفركوها زي الورق ...
مع كسرة سمحة كده بمشي الحال ...
الويكة يا نور و الشطة و باقي الأمور كلها وارد السودان ... الحاجات الناشفة دي ما تخافي علينا فيها
لكن الورق البجيك يلمع داك ... نلقاهو وين هنا ؟
اواتوا و تورنتو ما وارد يا نور ... لكن ود المدير في الخلا حقهم داك اللوبا دي باقي ليك ما بتكون مزروعة ؟
|
Post: #20
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-13-2015, 00:48 AM
Parent: #7
Quote: كان ممكن الواحد يطلب من البلد ويرسل ليك عبر ( DHL ) ولكن المشكلة في الفحص والتدقيق وغيرها ..
يا سلام حبيبنا يحيى ذكرتنا الجروف واللوبيا والخضرة ..
|
الا صحبة راكب يا علي ...
الشرموط بنجيبو صحبة راكب لامن الورق ...
|
Post: #19
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-13-2015, 00:21 AM
Parent: #6
| Quote: قمة الطعامة.......وسلام للجميع....وبالله بعد داك موية من الزير باردة بكوز......ورقدة فى عنقريب هبابى......وخلفة رجل وقهوة من زول عزيز......الليلة محمد المرضى حامد ما يجى بهنا نفسو متاوراه لأشياء قريبة من كده.....الله يصلح حال بلادنا ويمتعنا بيها...سلام للجميع. |
سمعة يا ملك ...
الظاهر كبرنا و طرينا حبانا يا حبيب ...
الحالة دي انا عارفها ...
بدت بي ملاح ورق ... الله اعلم تنتهي وين !!!
|
Post: #18
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-13-2015, 00:11 AM
Parent: #5
باقي ليك يا بيلي ما بستحق التهلكة ؟ ...
|
Post: #17
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-13-2015, 00:00 AM
Parent: #4
Quote: الليلة ياشيخ يحي طلبك عاااااااااااااالي
أوع يكون أولاد ماما حضور
يا أخوي اسمع نصيحة مني عليك بالثلج
بالبامية الغلااااااادة ديك والشبت الماخمج
والفرك يكون كتش وكان ماعندك كنش
أكنش ليك خشبة وأفرد ضراعاتك وافرك
الثلج انا قاصد بيهو الثلج بفتح الثاء واللام
مع سكون الجيم .
Thalaj
صحتين وعافية مع أطيب تحياتي لك |
يا معتصم ياخ أكل السَلِج ده ... زي شراب البيرة البدون كحول ...
يا ورق يا ما داير ...
و على شرط ... بي لحمة ضان كبارة كده مجدعة فيهو ...
تكُد بي مزاج و ريحة الورق معبق المكان...
و تكون حريف ... تشيل حبة ملاح جوة العضمة و انت بتشفط في المُخ ...
ياخ دي زي ليلة ... القدر ...
|
Post: #22
Title: Re: يا جماعة ... المشتهي ليهو مُلاح ورق يعمل شن�
Author: معاوية المدير
Date: 08-13-2015, 01:00 AM
Parent: #17
Quote:
يا ود المدير ... كندا دي فيها لوبا ؟ |
عارف يا قباني،
سقت وِليداتي ؤُ مشيت البلد، بعد قعدت لي كم يوم مشيت جبت لي خرفان ضبحتهن
ؤُ دعيت ناس الحِلة قتلهم، دي سماية الوِليدآت باقي في بلآد الغربة ما سميتلهم .
قاموا قالوا لي، حكاية السماية دي لا تطراها قول، كرامة . قتلهم، لا سماية والوِليدآت
حايمين ياكلوا في اللحم . أها، قالوا، الليلة ود المدير سوالوا بِدعة في البلد .
يا زول اليوم داك أكلنا كترة لحم لآمن النفس دا غلبنا، وانا بقيت النفس دا يا الله
اشيلو وانزلو، أها، انا علي الحالة دي جا صديق ود بابكر ؤُ صديق دا زول
جزيرة، جا شايلو قدح كسرة ؤُ ملآح ورق والناس كلهم مرخمين ؤُ يعاينو، زول
نزل عليهو مافي . صديق قال لي، يا معاوية تعال انزل الورق دا ورق جزيرة .
بيني ؤُ بين نفسي قلت، صديق دا اللجبر بخاترو، ؤُ قلت كدي نزلت، وحات
خوتك يا قباني دخلت اللقمة اللولآ في خشمي، وانا وصديق دا وقعنا في الورق
دا نسف، مشينا غسلنا إيدينا ؤُ صديق شال مواعينو عدمانات نفاخ النار .
علي القسم انا من ربنا خلقني ما ضقت زي ملآح الورق داك، ؤُ لي الليلة
كان القاهو وجبة كل يوم ما آكل غيرو .
عِلآ بس لآيوّق، غايتو اليومين ديل في جنس ليآقة، هسّع انا بقيت
اكان ما ختيت حبوب الدغت جنبي ما بدخل المنبر دا ...
|
Post: #25
Title: Re: يا جماعة ... المشتهي ليهو مُلاح ورق يعمل شن�
Author: معاوية المدير
Date: 08-13-2015, 01:18 AM
Parent: #22
Quote:
يا سلاااااام ياخ الدفيفيق الدابو ني
ياسلللاااام ياخ مع انو دا دفيق نجيض |
دِفيفِيّق في عينك يا سفيان، فضحتنا ياخ ...
|
Post: #27
Title: Re: يا جماعة ... المشتهي ليهو مُلاح ورق يعمل شن�
Author: معاوية المدير
Date: 08-13-2015, 01:28 AM
Parent: #25
Quote:
اتلايق فى ودالمدير يمكن تطلع منه بى كمشة؟ |
ههههههههههه،
عينك في الفيل ؤُ تطعن في ضلو ؟...
|
Post: #28
Title: Re: يا جماعة ... المشتهي ليهو مُلاح ورق يعمل شن�
Author: HAYDER GASIM
Date: 08-13-2015, 03:50 AM
Parent: #27
يحيانا ... كيفينك, مع ملاح الورق ده ......قرع,
طبعا ملاح القرع مع الكسرة, ويا حبذا بايته, وتقوم
تعجنا بي أصابعك, حتى تري هريسة الكسرة والملاح
يمرو بين أصابعيك, وتقوووووم كده تحلب فيها نص
ليمونه وتضرضر عليها شوية شطة ... واو... المافي
شنو؟
ذكرتني بقصة واحد أخونا بحب المفاريك السودانية جدا,
وقامت زوجتو فركت ليهو ملاح خدرة ناصح وغليد, ثم
قامت ضربت ليهو تلفون في الشغل وهي فرحانة بي ملاح
المفروكة ده, لكن يبدو أن الزوج كان شبعان شديد أو ربما
عايش لحظات خارج مسألة الطعام دي, فقام قال ليها خليوه
أبيت عشان إبقى أحلى ... فشنو ... قام ... صدما
كدي أنتهي من ملاح ورقك ده, عشان نشوف ملاح الرجلة
{السودانية} ... جنس حلاه ... اللهم أعنا على شهوات البطون
... وكده
|
Post: #30
Title: Re: يا جماعة ... المشتهي ليهو مُلاح ورق يعمل شن�
Author: عبدالعزيز الفاضلابى
Date: 08-14-2015, 09:02 PM
Parent: #28
| Quote: دِفيفِيّق في عينك يا سفيان، فضحتنا ياخ |
فضحنا ساكِتْ؟ ده شرط عينَّا ياخ
لكن معذور مو من الصعيد ,, زول موليتة وعنكوليب.
|
Post: #31
Title: Re: يا جماعة ... المشتهي ليهو مُلاح ورق يعمل شن�
Author: جلالدونا
Date: 08-14-2015, 09:27 PM
Parent: #30
هههه
اختنا نور اظنها نست يعملو كيف
Quote: والملاح بتعمل زى طريقة ملاح الورق فى السودان..
يعنى الموضوع بسيط.. |
طريقة عمل ملاح الورق
__________________________
المكونات:
½ كيلو لحمة ضاني
1 بصلة متوسطة
4 كوب ماء للشوربة
½ ملعقة ك ملح او حسب الرغبة يمكن الزيادة او النقصان
5 رؤوس ثوم
½ ملعقة ص فلفل
½ ملعقة كربونات الصوديوم
5 حزمة ورق ( صفق سيقان اللوبا الطيب )
2 حزمة سلج
½ كيلو بامية خضراء متوسطة الحجم
الطريقة:
نقوم بتقطيع اللحمة والبصلة مع اضافة 4 كاسات ماء والملح وتوضع علي النار لعمل شوربة الملاح
نقوم بتوريق الخضار وتقطيع الويكة الي حلقات صغيرة
بعد ان تنضج اللحمة وينقص الماء في الشوربة نقوم بإضافة 2 كأس ماء الي ان تغلي الشوربة وحشو الملاح في الشوربة واضافة الثوم والفلفل و
فورا نضيف الكربونات
ثم يحرك الخضار ليختلط بالكربونات
تترك المكونات لتغلي الي ان تستوي
نقوم بفرك المكونات بالمفراكة الخشبية او الكهربائية الي ان يصي رالملاح ناعم ومتجانس .
يغرف في الصحن ثم توضع في وجهه القراصة او الكسرة
يمكن تُحمر اللحمة لوحدها او تترك في الملاح
|
Post: #32
Title: Re: يا جماعة ... المشتهي ليهو مُلاح ورق يعمل شن�
Author: nour tawir
Date: 08-14-2015, 10:46 PM
Parent: #31
ود المدير...
غايتو اليومين ديل في جنس ليآقة، هسّع انا بقيت
اكان ما ختيت حبوب الدغت جنبي ما بدخل المنبر دا ...
..
أضحك الله ايامك يا أخى..
بقينا الواحد لامن يضحك..
يتلفت يمين شمال..
زى العامل ليه عملة..
بس حكاية حبوب الدغت دى سيبك منها..
وخت اعصابك فى ديب فريزر لامن تدخل المنبر..
وتعوذ من الشطان الرجيم..
وتقول اللهم أدخلنى مدخل صدق وأخرجنى مخرج صدق..
أو تقول (اللهم انى اعوذ بك من همزات الشياطين وأعوذ بك ربى أن يحضرون)..باقى المنبر مسكون..
أو كمان تقرا ( الذين قال لهم الناس ان الناس قد جمعوا لكم فأخشوهم...الخ) صدق الله العظيم..
لآنه فى ناس كدا أجارك الله..
زى الويكة (السآرا)..
والويكة السآرا دى أت لو من كردفان حتعرف انها أليق من السيليسيون..
صابون فنيك ما يغسلها من أيدك..
وفى ناس فى المنبر كدا..
قصدهم أصلا يرفعوا ليك الدغت..
فشنو ؟
خليك حريف وما تديهم فرصة..
أو بالمافى كدا..
أديهم (بالجزمة القديمة)...(صنع فى ايطاليا)...
وبالحتة الفيها الحديده...
|
Post: #33
Title: Re: يا جماعة ... المشتهي ليهو مُلاح ورق يعمل شن�
Author: nour tawir
Date: 08-14-2015, 11:05 PM
Parent: #32
ود قبانى...
سلام..
السبانخ ممكن يستعمل بدل الرجلة..
مافى أى فرق فى الطعم..
بس اتاوا فيها رجلة..
يعنى لو حبيت..
نرسلها ليك بال Gray Hound
يعنى تبقى رجلة intercontinental
|
Post: #34
Title: Re: يا جماعة ... المشتهي ليهو مُلاح ورق يعمل شن�
Author: HAYDER GASIM
Date: 08-15-2015, 01:55 AM
Parent: #33
½ كيلو بامية خضراء متوسطة الحجم
يا جلادونا ... قول خير, يعني كيف ملاح {ورق}
تضيف ليهو نص كيلو {بي حالو} بامية خضرا,
في الحالة دي ما ببقى ملاح ورق, ببقى حاجة تانية
نسميها في الجزيرة ملاح {أم بق بق} ... تصدق
غايتو لمن شفت المقادير التي ذكرتها لملاح الورق,
نص رطل إيه ونصف معلقة فلفل وبصلة {متوسطة}
لاحظ... قلت الزول ده حا إعمل لينا أجمل ملاح ورق
في الدنيا ... لكن ... يبدو وأن تخالطت الأطعمة.
... والأمزجة ... كذلك,
ثم في حاجة مهمة في البوست ده, حقو ما إخشو زول
{جعان}... لدرء شهوات النفس وهي تحت تأثير إنزيمات
الجوع {الكافر} ... هههههههههه
|
Post: #35
Title: Re: يا جماعة ... المشتهي ليهو مُلاح ورق يعمل شن�
Author: سيف ود الخواجة
Date: 08-15-2015, 04:18 AM
Parent: #34
سلام يا باشمهندس
عليك بالسبانخ السبانخ
|
Post: #40
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-15-2015, 06:37 AM
Parent: #31
Quote: ½ كيلو لحمة ضاني
1 بصلة متوسطة
4 كوب ماء للشوربة
½ ملعقة ك ملح او حسب الرغبة يمكن الزيادة او النقصان
5 رؤوس ثوم
½ ملعقة ص فلفل
½ ملعقة كربونات الصوديوم
5 حزمة ورق ( صفق سيقان اللوبا الطيب )
2 حزمة سلج
½ كيلو بامية خضراء متوسطة الحجم
|
ربع شنو و تمن شنو يا جلّي ...
ملاح بي مقادير ده ما بنفع ...
الله يرحمك يا أمي ...
كان يسألوها البنات السُغار لو ممكن تديهم دفتر المقادير ...
تقول ليهم ماعندي دفتر ... بس كان بتحبوا الشي البتعملوهوا اتوكلو و ختو حبة من ده و حبة من داك و بيظبط معاكم ...
___________________________________________________________________________
بتعرف يا جلال الكربونات لي شنو ؟
|
Post: #44
Title: Re: يا جماعة ... المشتهي ليهو مُلاح ورق يعمل شن�
Author: اْسامة اْباّرو
Date: 08-15-2015, 10:54 PM
Parent: #31
| Quote: طريقة عمل ملاح الورق |
|
Post: #45
Title: Re: يا جماعة ... المشتهي ليهو مُلاح ورق يعمل شن�
Author: اْسامة اْباّرو
Date: 08-15-2015, 11:01 PM
Parent: #31
| Quote: طريقة عمل ملاح الورق |
قااااااادر الله
كمان عملتو ليهو مكونات وكميات وضعيه على نار هادئه!!!
يا جلًى ده ورق يعنى الفوره وللكوره ... شفتا البساطه كيف؟
تحياتى يا شفيف
|
Post: #39
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-15-2015, 06:24 AM
Parent: #28
Quote: طبعا ملاح القرع مع الكسرة, ويا حبذا بايته, وتقوم
تعجنا بي أصابعك, حتى تري هريسة الكسرة والملاح
يمرو بين أصابعيك, وتقوووووم كده تحلب فيها نص
ليمونه وتضرضر عليها شوية شطة ... واو... المافي
شنو؟
|
القرع بذكرني بالبركس يا حيدرنا ... ما بطراهوا كتير ...
لكن ملاح الورق ده ... بالله لو علي انا ده ... ارَكِبُو درِبْ ...
لايف لاين عديل كده ...
عارف زمان ناس الامن سكوني بي بوكسيهم الشين داك و زرزروني علي خفيف كده بي سبب واحد صاحبنا ...
و اخوك صمد ...
تعرف لو كان جوعوني يوم يومين و جابوا لي ملاح ورق ...
كان صاحبي يكون في خبر كان هسي ...
|
Post: #38
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-15-2015, 06:16 AM
Parent: #22
Quote: عارف يا قباني،
سقت وِليداتي ؤُ مشيت البلد، بعد قعدت لي كم يوم مشيت جبت لي خرفان ضبحتهن
ؤُ دعيت ناس الحِلة قتلهم، دي سماية الوِليدآت باقي في بلآد الغربة ما سميتلهم .
قاموا قالوا لي، حكاية السماية دي لا تطراها قول، كرامة . قتلهم، لا سماية والوِليدآت
حايمين ياكلوا في اللحم . أها، قالوا، الليلة ود المدير سوالوا بِدعة في البلد .
يا زول اليوم داك أكلنا كترة لحم لآمن النفس دا غلبنا، وانا بقيت النفس دا يا الله
اشيلو وانزلو، أها، انا علي الحالة دي جا صديق ود بابكر ؤُ صديق دا زول
جزيرة، جا شايلو قدح كسرة ؤُ ملآح ورق والناس كلهم مرخمين ؤُ يعاينو، زول
نزل عليهو مافي . صديق قال لي، يا معاوية تعال انزل الورق دا ورق جزيرة .
بيني ؤُ بين نفسي قلت، صديق دا اللجبر بخاترو، ؤُ قلت كدي نزلت، وحات
خوتك يا قباني دخلت اللقمة اللولآ في خشمي، وانا وصديق دا وقعنا في الورق
دا نسف، مشينا غسلنا إيدينا ؤُ صديق شال مواعينو عدمانات نفاخ النار .
علي القسم انا من ربنا خلقني ما ضقت زي ملآح الورق داك، ؤُ لي الليلة
كان القاهو وجبة كل يوم ما آكل غيرو .
عِلآ بس لآيوّق، غايتو اليومين ديل في جنس ليآقة، هسّع انا بقيت
اكان ما ختيت حبوب الدغت جنبي ما بدخل المنبر دا ... |
اسمعني يا معاوية ...
في حاجات كده مهما شبعته ... مكانها بكون موجود في البطن لو حضرت ...
منهم ملاح الورق ده ...
اكل ملاح الورق لو بديت اول لقمة زي لعب القمار ... الا تنخرت حتين ترفع ايدك ...
|
Post: #36
Title: Re: يا جماعة ... المشتهي ليهو مُلاح ورق يعمل شن�
Author: معتصم سليمان
Date: 08-15-2015, 05:59 AM
Parent: #17
Quote: و تكون حريف ... تشيل حبة ملاح جوة العضمة و انت بتشفط في المُخ ...
|
آمنت بالله يا يحي قباني أنك راجل
إكيل درجة أولى ممتازة ومميزة كمان
يا أخي أنت أول زول يعرف يوصف يعبر عن الحالة دي
|
Post: #41
Title: Re: يا جماعة ... المشتهي ليهو مُلاح ورق يعمل شن�
Author: جلالدونا
Date: 08-15-2015, 12:14 PM
Parent: #36
Quote: يا جلادونا ... قول خير, يعني كيف ملاح {ورق}
تضيف ليهو نص كيلو {بي حالو} بامية خضرا, |
يعنى يا حيدر دارنى اديهو مقاييس عشان ياكل هو براهو
القاعدة الاساسية فى الموضوع
الزيادة فى البامية مضروبة فى كمية وافرة من الورق
مقسومة على نار موقد هادى
تساوى كثافة فى اللياقة لمزيد من الضيوف سواء بالكسرة ام القراصة
Quote: بتعرف يا جلال الكربونات لي شنو ؟
|
كيف ما بعرف
قبل الكربونات كان العطرون
البمطرو بيهو التمباك عديل كدى
يبلوهو فى فنجان و يخجوهو ثم يتركوهو لامن يروق و يصفى
ثم فى الحلة مويتو يكشحوها
جاييكم لى كيفية عمل الشطة الخدرا
اها كمان قولو بتعرفو تسووها
ناس ندقها فى فندك يمتنعون
|
Post: #43
Title: Re: يا جماعة ... المشتهي ليهو مُلاح ورق يعمل شن�
Author: HAYDER GASIM
Date: 08-15-2015, 09:46 PM
Parent: #41
دحين العطرون ده ما ياهو ... الجردقة؟
|
Post: #46
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 08-17-2015, 05:54 AM
Parent: #36
Quote: آمنت بالله يا يحي قباني أنك راجل
إكيل درجة أولى ممتازة ومميزة كمان
يا أخي أنت أول زول يعرف يوصف يعبر عن الحالة دي |
يا معتصم لكن ما عصرت علي بي كلمة ( أكيل ) دي ...
دي بتدي إحساس نظام السمين يقع و الضعيف يقيف ...
ياخ شوف اهل الشام بدل ما يقولو إكيل ...
يقولوا ليك ده ( بيعرف طعمة تِمّو ... )
يعني ما جحمان ... لكن بعرف اللقمة الطيبة ... :)
|
Post: #47
Title: Re: يا جماعة ... المشتهي ليهو مُلاح ورق يعمل شن�
Author: سامي عطا المنان
Date: 08-18-2015, 12:45 PM
Parent: #46
ورق شنو القاعد يقوم المصران ..... بس
لكن أنا بحب خدرة الخلا بالعجالي السمين مع العصيدة الحارة بعد المغرب مباشرة ...... والشطة الخدرة بالليمون .... حبها وحب الليمون الكبار قاعد يعاين ليك وإنت بتاكل.
هامش: خدرة الخلاء غير خدرة الجروف والجناين .... دي ياخ سيقانها طواااال لونهم مايل للإحمرار ..... وطعمها حادق شوية .......... وبتقوم براها ، بروس ، في المناطق البور بعد نزول المطر بشهر تقريبا .
يعني مبالغة ................ جاااااااااااااااااااااااااااااااااااااااااك
|
Post: #48
Title: Re: يا جماعة ... المشتهي ليهو مُلاح ورق يعمل شن�
Author: محمد عبد الله الامين
Date: 08-18-2015, 12:56 PM
Parent: #47
اتفضل طلبك يا لورد .....
|
Post: #49
Title: Re: يا جماعة ... المشتهي ليهو مُلاح ورق يعمل شن�
Author: محمد مجيدو
Date: 08-18-2015, 01:05 PM
Parent: #1
تعرف يا هندزه ...
انا قبل كم يوم كده برضو كنتو مشتهي البتاعه دي
اها ونحنا قاعدين كلنا .. قلت لام العيال الواحد اشتاق لملاح ورق..
واحده من بناتي ( شهادة عربيه ) سالتني .. كيف يعني ملاح ورق ؟؟؟
قلت ليها .. شفتي الكراس حق المدارس داااك ... ؟؟
قالت .. اااي ...
قلت ليها بس نقعد نشرط صفحه صفحه ونختها في الحله.. وبعدين نجيب بصله و طماطم ...
غايتو .. عاينت لي فوق وتحت .. وهي ما مصدقه اننا بقينا زي الغنم بناكل ورق .... 
اها انتا كمان شوف ليك فلسكاب ماكن كده واطبخووو ... 
قاتل الله الغربه ...
تحياتي يا برنس ....
|
Post: #50
Title: Re: يا جماعة ... المشتهي ليهو مُلاح ورق يعمل شن�
Author: اباذر عبد العال
Date: 08-18-2015, 01:21 PM
Parent: #49
Quote:
دحين العطرون ده ما ياهو ... الجردقة؟ |
العطرون براهو والجردقه براها
العطرون بالعملوا بيهو التمباك يمطروا بيهو
الجردقه ايضا من التربة تستخدم دواء بلدي وتدي نفس الغرض
ايضا حديثا الكربونات تموت بيها ملاح الفرك او الورق
|
Post: #51
Title: Re: يا جماعة ... المشتهي ليهو مُلاح ورق يعمل شن�
Author: محمد مجيدو
Date: 08-18-2015, 01:58 PM
Parent: #1
Quote:
العطرون براهو والجردقه براها
العطرون بالعملوا بيهو التمباك يمطروا بيهو
الجردقه ايضا من التربة تستخدم دواء بلدي وتدي نفس الغرض
ايضا حديثا الكربونات تموت بيها ملاح الفرك او الورق |
ابو الزوووز .... ياااااا
بقيت خبره وخيت ....
كيف ليمااار ؟؟؟؟
|
Post: #52
Title: Re: يا جماعة ... المشتهي ليهو مُلاح ورق يعمل شن�
Author: اباذر عبد العال
Date: 08-18-2015, 02:23 PM
Parent: #51
Quote:
ابو الزوووز .... ياااااا
بقيت خبره وخيت ....
كيف ليمااار ؟؟؟؟ |
اووووووو سعادة اللواء كفيك اتا
خبره من غير بستله هههههههههه ما تنفع ........منكم نتعلم
لمار كويسه بس لايوقه لايقه اكتر من ملاح الويكه بالسبروق
|
Post: #53
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 10-18-2015, 08:42 PM
Parent: #52
هذا و قد حاول العزيز جلالدونا زراعة اللوبا على أراضي اريزونا ...
و لم ( يفلح ) ... :)
|
Post: #54
Title: Re: يا جماعة ... المشتهي ليهو مُلاح ورق يعمل شن�
Author: ست البنات
Date: 10-19-2015, 03:44 PM
Parent: #53
أقع أسواق الصينيين والفيتناميين عنجهم حتى السبروق ( صفق البامية)
ست البنات.
|
Post: #55
Title: Re: يا جماعة ... المشتهي ليهو مُلاح ورق يعمل شن�
Author: يحي قباني
Date: 10-20-2015, 05:15 AM
Parent: #54
Quote: أقع أسواق الصينيين والفيتناميين عنجهم حتى السبروق ( صفق البامية)
ست البنات. |
يا ستهم ....
اهلك الشايقية جنهم السبروق ... ما عارف الحكمة شنو ...
البامية غايتو بتساعد مرضى السكر ... اهلك الغتيتين بكونوا نقشوا ليهم حاجة و ما كلمونا ...
عليك الله كان ما كشفتي لينا السر ؟
|
Post: #56
Title: Re: يا جماعة ... المشتهي ليهو مُلاح ورق يعمل شن�
Author: جلالدونا
Date: 10-20-2015, 10:08 AM
Parent: #55
اول حاجة اهنيك و اهنى الجميع بوجود بوستين لى ملاح الورق ضد بوستات العرقى
و عشان ناس العرقى برضو ناس حلوين بنهديهم الصورة دى
ام فتفت فى طور ما بعد النضافة home made
ده اول هام
تانى هام
من ناحية زرع اللوبيا التجربة كانت ناجحة تماما با عتبار انها قامت فى بيئة غير بيئتا
جاييك للجرجير و البامية كمان .. بس بى رو اقة
مشكلة ملاح الورق فى المتبخ و يا ريت لو كان عندى تكل و عدّة التكل
|
|