تجارة العملة على قارعة الطريق في الخرطوم!!!

10:27 AM Aug, 10 2015
سودانيز اون لاين
الهادي ابوبكر-
مكتبتى فى سودانيزاونلاين



صبية ينتشرون في بعض الشوارع المعروفة في الخرطوم والاسواق الطرفية وهم يلوحون لاصحاب العربات والمارة برزم من الجنيهات السودانية، معلنين بذلك شراء ما لديهم من عملات أجنبية.

منظر مخيف ومريب!؟؟

قارعة الطريق البعيدة ديييييييييييك؟؟
والله بمجرد طلوعك من صالة الوصول يجوك...صرف صرف..

هههههههههههه

طيب بالمناسبه دي الريال عامل كم اليومين

الريال ممكن يكون 2530

سلام
انا كنتا في الخرطوم قبل اسبوع ، الجماعة بتاعين بيع العملة تلقفوني من اول ما طلعت من الصالة وقعدتا يومين في السوق العربي وكل دقيقة يجيني واحد وبطريقة من يريد ترويج ممنوعات يجيني ويعرض علي استبدال العملة
واحد في شارع القصر عرض علي الريال ب 2500

يعني ما قفل ال 2600 او ازيد شويتين ... حاجه عجيبه خلاص وليك الله يا بلد

مهدي صلاح
والله الناس ديل ما بقو خايفين من اي شيء، الله يرحم مجدي وجرجس القبطي.
اقول ليك الناس ديل يلولحو بالقروش في وش العربات والمارة ،، الواحد تقول شايل ليه ربطة فجل مش ربطة قروش.

الحكاية فيها إن واخواتا كمان..

وليم اندريا
بدور ارتاح ...

اسمع حسب علمي تحويل الريال اليوم من الرياض 2480 لي 2500 وانت طالع حسب الكمية ..
والسعر في الخرطوم بيتراوح بين 2520 لي 2530 برضو قابل للزيادة حسب الكمية.

اسعدني مرورك ،،،

شكرا يا ياسر على المرور
انا غايتو صالة الوصول والحصل فيها داك ما خلاني اركز على الناس البرة، يمين الله الواحد بس تقول فكوه من معتقل اصلو ما يعين وراه ....

الفروش البرفعوا فيها الشفع دى انا شفتها في شاحنة عديل طالعة من صك العملة الي احد بيوت المسئولين يعني زيها وزى اى ورق الحمام الله يكرم القراء عشان كدا عملية الشراء المطلوقة في السوق الايام دى عاوزين يدعموا الخزينه وهذه اخطر طريقة صك العملة بدون اى تغطية فعلية هل تصدق انو اذا اشتريت ليك ورق ابيض من النوع الذى يوضع في المطاعم لتجفيف الايادى البكت فيه خمسمائة ورقة تتخيل البكت بثلاثه ريا ل فقط والريال يساوى الفان وخمسائة جنيه يعني قروشك دون الورق حاجة مؤلمة ومحزنه فعلا انا هاجرت والجنيه السوداني بعشره ريا ل ووالدى حجةوالجنية 14 ريا ل وجماعتك قالوا لو ما استولوا علي السلطة ولحقوا البلد الدولار كان وصل 20 جنيه بالله ياسلام الله يرحمك يا مجدى رحت ضحية نظام دموى وجرجس كذلك

Quote: الفروش البرفعوا فيها الشفع دى انا شفتها في شاحنة عديل طالعة من صك العملة الي احد بيوت المسئولين يعني زيها وزى اى ورق الحمام الله يكرم القراء عشان كدا عملية الشراء المطلوقة في السوق الايام دى عاوزين يدعموا الخزينه وهذه اخطر طريقة صك العملة بدون اى تغطية فعلية هل تصدق انو اذا اشتريت ليك ورق ابيض من النوع الذى يوضع في المطاعم لتجفيف الايادى البكت فيه خمسمائة ورقة تتخيل البكت بثلاثه ريا ل فقط والريال يساوى الفان وخمسائة جنيه يعني قروشك دون الورق حاجة مؤلمة ومحزنه فعلا انا هاجرت والجنيه السوداني بعشره ريا ل ووالدى حجةوالجنية 14 ريا ل وجماعتك قالوا لو ما استولوا علي السلطة ولحقوا البلد الدولار كان وصل 20 جنيه بالله ياسلام الله يرحمك يا مجدى رحت ضحية نظام دموى وجرجس كذلك

فعلااستاذ قاسم
عملتنا لا تساوي اي شيء حتى ورق الحمام اكرمك الله والسامعين له قيمة سوقية ... والمسألة خطيرة ومخيفة ،، وديل ما خايفين من اي شيء يبقى المسألة فيها إن ..