القصة بعد الدقيقة الاولي و 27 ثانية ( للكبار فقط ) ... _________________________________ أكيد الفيديو ده مرّ على المنبر قبال ده ...
لكن ما قدرت الا اجيبو ... امكن ( الشباب ) يفهمونا ... ___________________________________ انما الإسلام قوة ...شبابٌ و فتوة ....
Post: #2 Title: Re: طيب ما ياهو السودان آخر حلاوة و المشروع ال Author: HAYDER GASIM Date: 08-10-2015, 04:11 AM Parent: #1
عجبني {الروي} فيما سمعت من تنميط شعري, أجمل ما فيه إختراق ساحات مستفحلة وكأنها {للرجال فقط}... فلتهنأ تلك البنية بواصد قلبها على أن تكون
وشكرا ... مبينا ... حبينا ... يحي
Post: #3 Title: Re: طيب ما ياهو السودان آخر حلاوة و المشروع ال Author: يحي قباني Date: 08-10-2015, 06:53 AM Parent: #2
Quote: أجمل ما فيه إختراق ساحات مستفحلة وكأنها {للرجال فقط}... فلتهنأ تلك البنية بواصد قلبها على أن تكون
إختراق ساحات مستفحلة دي يا حيدر يا صديقي
زمان كان اسمها قلة حيا ...
بعدين الكلام الايحائي الفي الحاجة القالتها ريهام دي ... داخل ضمن الساحات نفسها ؟
هي دي ساحة الفدا البقولوا عليها ؟
Post: #4 Title: Re: طيب ما ياهو السودان آخر حلاوة و المشروع ال Author: محمد المرتضى حامد Date: 08-10-2015, 08:02 AM Parent: #3
يا يحيى سلام، الزوله دي أنا مبسوط منها جد، كثير من السودانيات كتبن وتدفقن وبُحن بما في القلب ، وخاطبن حبيب الروح مباشرة ودون مواربة وقلن في تصريح لأجهزة الإعلام (زولن سمح صوره بالفاتحه بندوره) ، بل ذهبن في الغزل مذهبا عجيبا فأسكرهن سلاف العشق حتى ألحقن المعشوق بحلاوة القرطاس الفي الخشيم تتماص ، باتشي على حافة الشفاه أوماكنتوش ضلت طريقها إلى القميص ، ولو ما كلام الناس برحل معاك خمَّاس ، يا سلام على خماس والنهود وكل ديار حَمَر,, (قلة الحيا) يا يحيى كانت عبارة تتردد في بيوت أمدرمان التي فرضت إبقاء حالة العشق عند البنات ضمن مفردات (السحَّارة) حتى تنبجس في غرف النوم أو حفلات الزار أو التجاني الماحي. لكن في كثير من بقاع السودان كان الكود مختلف ويا للمفارقة، ففي ذات الفترة التي فارقت فيها المسالمة وغزلانها انتقلت مع الوالد إلى سهول وبقاع كانت النساء ظباء تركب الهوادج والثيران ، رأيت بعضهن يتجولن في الأسواق بصدور مكشوفة غض النظر عن الفئة العمرية والإستدارة بعيدا عن منتجات فيكتوريا سيكريت ولم أصدق عيني في أيامي الأولى وعانيت من حالة سغربة مرجعها أن من حولي من الناس لم يكن ذلك (الإنفلات الأمني) يلفت انتباههم حتى أصبح المنظر مألوفا بالنسبة لي وأصبحت بعدها (مواطن عادي).. الثقافات تختلف وتتطور يا باشمهندس وقد أرست المحكمة العليا في السودان أن توجيه عبارة ( يا هوان) في منطقة ما بالسودان تندرج تحت ( الإستفزاز الحاد والمفاجئ) وتصلح أن تكون عذرا مخففا في جريمة القتل بينما ننسبها إلى أنفسنا في ثقافة الوسط تعبيرا عن آثار هجر الحبيب، أها البنت دي أنا مبسوط منها حتى مع سالفة الأصبع والفنجان ومشروع التحلية والسكرين لمن يعاني من type 2 diabetes ، وسعدت بانحيازها لعثمان حسين ، مع براءة مجدولة بالشفافية، حين حكى عن ثغره الظامئ وتحذيره بأنه ( قد لاتنفع الذكرى).. أو كما قال أحدهم: If you love someone, don't wait till tomorrow to tell him/her, maybe that next day will never come.
Post: #5 Title: Re: طيب ما ياهو السودان آخر حلاوة و المشروع ال Author: جمال الباقر Date: 08-10-2015, 08:23 AM Parent: #4
Quote: انتقلت مع الوالد إلى سهول وبقاع كانت النساء ظباء تركب الهوادج والثيران ، رأيت بعضهن يتجولن في الأسواق بصدور مكشوفة
وين ده ؟
Post: #6 Title: Re: طيب ما ياهو السودان آخر حلاوة و المشروع ال Author: willeim andrea Date: 08-10-2015, 10:53 AM Parent: #4
الله علي الاندياح و رشيق الكلمة .... تسلم يا صاحب البوست وضيوفه الكرام
Post: #11 Title: Re: طيب ما ياهو السودان آخر حلاوة و المشروع ال Author: يحي قباني Date: 08-11-2015, 04:58 AM Parent: #6
Quote: الله علي الاندياح و رشيق الكلمة .... تسلم يا صاحب البوست وضيوفه الكرام
تسلم يا وليم اندرية ياخي ...
Post: #9 Title: Re: طيب ما ياهو السودان آخر حلاوة و المشروع ال Author: يحي قباني Date: 08-10-2015, 03:20 PM Parent: #4
Quote: يا يحيى سلام، الزوله دي أنا مبسوط منها جد، كثير من السودانيات كتبن وتدفقن وبُحن بما في القلب ، وخاطبن حبيب الروح مباشرة ودون مواربة وقلن في تصريح لأجهزة الإعلام (زولن سمح صوره بالفاتحه بندوره) ، بل ذهبن في الغزل مذهبا عجيبا فأسكرهن سلاف العشق حتى ألحقن المعشوق بحلاوة القرطاس الفي الخشيم تتماص ، باتشي على حافة الشفاه أوماكنتوش ضلت طريقها إلى القميص ، ولو ما كلام الناس برحل معاك خمَّاس ، يا سلام على خماس والنهود وكل ديار حَمَر,,
مولانا السمح ...
بالمناسبة و أبو الريش بتذكر الكلام ده ( في الخرطوم القديمة ) كان عندنا استاذين تربية إسلامية نفس اللبس و المشية اللهم واحد قيافة و وجيه و التاني شين :) فكنا معرفنهم بمولانا السمح و مولانا الشين ... )
وانت يا مرتضى سمح جوة و بره ... _______________________________________ اجيك لي حلاوة القرطاس الفي الخشيم تنماص ...
الكلام من شدة ما كان مستغرب ... ثبت في ذاكرة التاريخ ... و المؤرخين و الموثقين عاشوا فيهو دهور ...
انا ما اختلافي ابداً البنية تقول شنو ... انت عارفني ... انا لو علي ... الناس تركب عمود ستينلس ستيل في مخادعها ...
اما مشكلتي التلفزيون و توجهاته الكوزواسلامية ...
يا رجل الفنانين عشان يعيشوا في بلد كانت كلها بهجة بقوا مداحين !!!
كيف و التوجه ( حضاري ) ... و الدنيا ( مهدية ) !!! ____________________________________________ في انتظارك بالمناسبة ...
Post: #7 Title: Re: طيب ما ياهو السودان آخر حلاوة و المشروع ال Author: عاطف عمر Date: 08-10-2015, 12:07 PM Parent: #1
Quote: امكن ( الشباب ) يفهمونا ...
ياخ ( العواجيز ) ديل دائماً محرجننا مع الصحافة العالمية وبوصفي أحد ( الشباب ) الذين تعني أقول ياعمك خيالك مالو مشى بعيد دا إسمو إندياح إنديااااااح برئ
زماااااان أعمامك ناس عمر البنا وعتيق وأبوصلاح إنداحو لمن تموها ( الليلة هوى ياليل ) فـ ( جيلنا ) دا إندياحو كدا
معليش يا عمك راجع طبيبك خليهو يعمل فحص الـ ( إندياح تست ) تلقاهو نيقاتيف
____________
سي سي أبو الريش
Post: #12 Title: Re: طيب ما ياهو السودان آخر حلاوة و المشروع ال Author: يحي قباني Date: 08-11-2015, 05:04 AM Parent: #7
Quote: ياخ ( العواجيز ) ديل دائماً محرجننا مع الصحافة العالمية وبوصفي أحد ( الشباب ) الذين تعني أقول ياعمك خيالك مالو مشى بعيد دا إسمو إندياح إنديااااااح برئ
زماااااان أعمامك ناس عمر البنا وعتيق وأبوصلاح إنداحو لمن تموها ( الليلة هوى ياليل ) فـ ( جيلنا ) دا إندياحو كدا
معليش يا عمك راجع طبيبك خليهو يعمل فحص الـ ( إندياح تست ) تلقاهو نيقاتيف
____________
سي سي أبو الريش
بركة الجابت لينا ريهام يا صديق ...
سؤالين يا دفعه:
1- وكت الكلام الزي ده مباح في الهوائيات كده ... لبنى جلدوها في بنطلونها لي شنو ؟
2- إندياح يعني شنو ؟ بالله صَرِّفها لي عشان اعرف اصل الكلمة شنو ؟ كتب زمان ما قرينا فيها كلمة اندياح دي ... و برامج الإذاعة و التلفزيون زمان ما كانو بقولوا للضيف تسلم على هذا الاندياح الجميل ...
اها ... اندياح دي جات مع ناس حكي طاعم و الحاجات ديك ولا قصتها شنو ؟
Post: #8 Title: Re: طيب ما ياهو السودان آخر حلاوة و المشروع ال Author: محمد مجيدو Date: 08-10-2015, 12:53 PM Parent: #1
يا هندزه ....
البت قنوعه ياااخ وبتتكيف بس بنظرة عين ... وناس تانين ... ما بتكيفوا باخوي واخوك ... راسم يابس ... والمسالة بقت مسالة جرأة .. وقوة قلب ... وخليييك مع الزمن ....
Post: #10 Title: Re: طيب ما ياهو السودان آخر حلاوة و المشروع ال Author: محمد المرتضى حامد Date: 08-10-2015, 09:53 PM Parent: #8
Quote: وين ده ؟
في السودان
Post: #13 Title: Re: طيب ما ياهو السودان آخر حلاوة و المشروع ال Author: يحي قباني Date: 08-11-2015, 05:10 AM Parent: #10
Quote: يا هندزه ....
البت قنوعه ياااخ وبتتكيف بس بنظرة عين ... وناس تانين ... ما بتكيفوا باخوي واخوك ... راسم يابس ... والمسالة بقت مسالة جرأة .. وقوة قلب ... وخليييك مع الزمن ....
يا جنابو الزمن ده كان كده فاتنا عديل ...
الزمن شكلو بقى ( حضاري ) خالص ...
Post: #14 Title: Re: طيب ما ياهو السودان آخر حلاوة و المشروع ال Author: نادر النور آدم Date: 08-11-2015, 05:26 AM Parent: #13
الأديب قباني .. صباحاتك سودان
تعرف الفيديو دا ما حصل نهائي كملت فيهو اكتر من عشرة ثواني مع إنو مر علي كتير جدا.. والزولة دي وكمان في واحدة تانية ديك صعبة عدييييل.. ما اتحملت مشهد وقفتها قدام الكاميرا بس والله ما انتظرت تبدا في قراءة الشعر ذاتو.. غايتو ما عارف نحن حساسين ولا موضة قديمة ولا شنو كسرة: لو داير اسم الزول التانية الصلاة فيها سر وجهر عشان ما يبقى تشهير
Post: #15 Title: Re: طيب ما ياهو السودان آخر حلاوة و المشروع ال Author: يحي قباني Date: 08-11-2015, 07:09 AM Parent: #14
Quote: الأديب قباني .. صباحاتك سودان
تعرف الفيديو دا ما حصل نهائي كملت فيهو اكتر من عشرة ثواني مع إنو مر علي كتير جدا.. والزولة دي وكمان في واحدة تانية ديك صعبة عدييييل.. ما اتحملت مشهد وقفتها قدام الكاميرا بس والله ما انتظرت تبدا في قراءة الشعر ذاتو.. غايتو ما عارف نحن حساسين ولا موضة قديمة ولا شنو كسرة: لو داير اسم الزول التانية الصلاة فيها سر وجهر عشان ما يبقى تشهير
ههههه ... كبرنا و بقينا موضة قديمة يا نادر ...
زولتك التانية عرفتها ... ( سبحان ) الخالق في من خلق ...
1- وكت الكلام الزي ده مباح في الهوائيات كده ... لبنى جلدوها في بنطلونها لي شنو ؟
2- إندياح يعني شنو ؟ بالله صَرِّفها لي عشان اعرف اصل الكلمة شنو ؟ كتب زمان ما قرينا فيها كلمة اندياح دي ... و برامج الإذاعة و التلفزيون زمان ما كانو بقولوا للضيف تسلم على هذا الاندياح الجميل ...
اها ... اندياح دي جات مع ناس حكي طاعم و الحاجات ديك ولا قصتها شنو ؟
رهام مين الجابتنا ؟؟ .... جبتنا إنت دا
كنت في السودان وعندما يكون المرؤ في السودان فتكون المواقع الإسفيرية هى آخر محطات إهتمامه مرات بستغرب بورداب الخرطوم ديل بيلقوا وكت وين ؟؟
كان جاتك عشراقة الأيام الفاتت أعرف أنها بسببنا وأننا كنا في سيرتك صاحبك أبو صالح وذكريات ذلك الزمان ....
حضرت كريمتي من الجامعة ومعها زميلاتها قالت تعرفهن على ونستهم وضحكتهم لمن عرفوا حاجة جاءت كريمتي تاني من الجامعة تضحك وهى تخبرنس
" بابا... صاحباتي قالوا عليك كسار ... " تغير وجهي وصوتي وقلت لها " وسكتي ليهم .. ؟ إزداد ضحكها وهى تشرح
" بالعكس أنا شكرتهم .... كسار يعني جذاب ..... بيخلي البنات يتكسروا فيهو ... " جاء دوري لأضحك ودور الفضلى ( بعلتنا ) لتصر وجهها .....
أها يا عمك تقولي صرف لى إندياح وأعربها ليك ؟؟؟ ......
آها يا قباني يا صديقي .. يعني من تالا مجدي له الرحمة ولبنى .. برضو كمان يقوموا يجلدوا رهام دي عشرين جلدة حد الكيف حتى أنت تتكيف .. ولا كيف يا كيف ..
قلت لي يا قباني .. دي لو سمعتوها في زمنكم يكون عليكم قضاء وكفارة عديل كدة .. إن لله منكم يا عجايز ..
أحكي ليك حاجة طريفة .. في العام 99 بدينا الدراسات العليا في جامعة النيلين كلية القانون وكنا بنعبر النشاط المفتوح في اتجاه الباب الشمالي وندخل عن طريق إدارة الكهرباء ..
كان في شجرة كبيرة كدة على السور بتاع العمادة وضلها بيرمي على الشارع ويوجد على السياج تروتوار مغري للقعدة والخلط .. وكان طوالي في جوز كدة طالب وطالبة
متخصصين في الجلوس على التروتوار وهم في حالة خلط من تصبح لغاية الساعة أثنين ظهر .. وكان الملاحظ أن الشاب بيكون في حالة نقة طوالي والبنت تومئ برأسها فقط ..
آها يا قباني في واحد من أعمامك الشغالين في إدارة الكهرباء النوع البيكون لابس مركوب وقميص لونه لبني أشبه بالسفاري وبنطلون ظهري والطاقية العادية دي في الرأس
وبياض شعره يغلب على سواده .. الظاهر كل يوم بمر بالمنظر بتاع الشباب ديل وهم خالطين والحكاية دي ما عجباه فيوم وقف أمامهم ووجهه حديثه للولد قال ليه والله يا ولدي
نحن زمان إن قعدنا معاهن وناضمناهن قدر نضميك ده كان حملناهن بلا نقربن .. يلا يا بت قومي إنعل أبو أدبكم لأبو الجامعات معاكم .. وسار في طريقه ومن يومها لم نرى هذا الثنائي في ذلك المكان ..
شفته كيف يا قباني .. يا عجوز .. برضو تقول لي قضاء وكفارة ..
يا زول نحن مع رهام ونشد من أزرها ومتكيفين منها كمان حد الكيف ..
سامق التحيات يا قباني بما يوازي قامتك الجميلة وكن بخير أبداً
تخريمة .. أزيك يا عاطف يا زول يا جميل .. قتل لي كسار وكده ومنداح كمان .. بالله كلم العجوز قباني يرفع يده من رهام .. أو يتكيف زينا .. أو ينداح ..
لما تسمع كلام زي ده طواااالي تقوم ( تشتت ) ... يا حبة ... __________________________________ و الله بختك اللقيت الونسة مع حمادة ... و الله مشتاق ليهو جنس شوق ...
انت عارف انا و أبو صالح ده كان عندنا مقابر حقتنا برانا ... دافنين فوقها جنس حاجات سوا ... ______________________________________________ قلت لي بنيتك بعد نعومة الخليج و الدلع بقت تقول كسار و يا حبة !!!
