يوم ورا يوم .. انا بحلم بيك ..

Post: #1
Title: يوم ورا يوم .. انا بحلم بيك ..
Author: الامين موسى البشاري
Date: 08-08-2015, 01:03 AM
Parent: #0

01:03 AM Aug, 08 2015
سودانيز اون لاين
الامين موسى البشاري- المملكة العربية السعودية
مكتبتى فى سودانيزاونلاين

باي باي الهلال ...
نشوفكم السنة الجاية هههههههههههههههههه

____
تست ون

Post: #2
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-08-2015, 01:11 AM
Parent: #1

كعادته في كل عام ..

الهلال يرفع سقف طموحات جماهيره ومحبيه من الاهلة
ولما يصلوا مرحلة العرش وووووردلب يجي واقع

ونقول :

يوم ورا يوم .. انا بحلم بيك

بس الحلم (الصفر) كبر شديد وبقى عمره أكثر من 80 سنة

Post: #3
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-08-2015, 01:18 AM
Parent: #2

بهزيمته اليوم .. نظريا الهلال اصبحت فرصته ضيقة جدا في التأهل لدور الاربعة

باقي ليهو كورتين..

واحدة مع مازيمبي في السودان

والتانية مع سموحة في مصر

وما اظنو يعمر فيهن عمار

___

أتير حسنك يا غالي

Post: #4
Title: Re: يوم ورا يوم .. انا بحلم بيك ..
Author: حمزاوي
Date: 08-08-2015, 06:14 AM
Parent: #3

تطواني وربنا حقق الاماني

Post: #5
Title: Re: يوم ورا يوم .. انا بحلم بيك ..
Author: حامد بدري
Date: 08-08-2015, 06:51 AM
Parent: #4

بقرة عبدالسيد من تشوف المسيد تبرك
وفي رواية اخرى من تشوف المسيد تزروط
مساكين مجهزين الدبايح والقصايد والجرايد للنفخ
البشاري صباحك عافية ايش لونك وايش لون شيبانك

Post: #14
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:36 AM
Parent: #5

Quote: بقرة عبدالسيد من تشوف المسيد تبرك
وفي رواية اخرى من تشوف المسيد تزروط

الزووووراط هين

الله يستر ما تلحق بقرة فيصل خليل ههههههههههههههه

تحياتي

Post: #6
Title: Re: يوم ورا يوم .. انا بحلم بيك ..
Author: عادل الباهي عبدالرازق
Date: 08-08-2015, 07:00 AM
Parent: #4

المصحيك شنو ؟ أنت غيرت زمن الاوراد اليومية

ماتفرح كتير أحمد وحاج أحمد واحد
الهلال دا طرفنا منو الا بعد مايشطبو الجنائز ديل وأولهم صلاح الجزولي
يأخ الملعلق قال صلاح الجزولي قوة جسمانية لكن الموهبة يجيبا الله ههههههه لو الهلال ما يعتلون مجلس إدارتة سماسرة وتجار
صلاح الجزولي ليق الخرطوم مايلعب فيهو ناهيك عن سيد البلد قوم لف يا البشاري وخلي الكاردينال ورهطتة يلفو معاك
عالم ماعندكم وطنية بي قرش

Post: #15
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:40 AM
Parent: #6

Quote: المصحيك شنو ؟ أنت غيرت زمن الاوراد اليومية

اووووو حبيبنا ابو فركه يا عملات جادات

بعد ما مشيت الصومال مواعيد الاوراد اتغيرت ياخ!

Post: #13
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:31 AM
Parent: #4

Quote: تطواني وربنا حقق الاماني

الخال حمزاوي الجماعة ركبوا المغربية

باقي مازيمبي يفرحنا بالخماسيات هههههههههههه

Post: #7
Title: Re: يوم ورا يوم .. انا بحلم بيك ..
Author: محمد حيدر المشرف
Date: 08-08-2015, 08:09 AM
Parent: #1

Quote: بقرة عبدالسيد من تشوف المسيد تبرك

هههههههههههههههههههه ..
قرقرقرقرقرقررقرقر ..

..
عالم ما عندها وطنية بتعريفة يا عملات ود الباهي

Post: #8
Title: Re: يوم ورا يوم .. انا بحلم بيك ..
Author: علي دفع الله
Date: 08-08-2015, 08:57 AM
Parent: #7

😃😃😃
يا حبيبي انا شمتان
شمتان فيك كتير

Post: #9
Title: Re: يوم ورا يوم .. انا بحلم بيك ..
Author: ادريس خليفة علم الهدي
Date: 08-08-2015, 09:31 AM
Parent: #8

Quote: المصحيك شنو ؟ أنت غيرت زمن الاوراد اليومية

أضحك الله سنك ودالباهي

Post: #18
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:51 AM
Parent: #9

Quote: أضحك الله سنك ودالباهي

تضحك بلاهن ... قول آمين :)

Post: #17
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:49 AM
Parent: #8

Quote: يا حبيبي انا شمتان
شمتان فيك كتير

ابو علوة .. هنااا تجوز الشماته مع الكراهية
غايتو ال 2 مليااار بتاعت حسبو نائب الرئيس لو ما لحقوا صرفوها
احتمال كبير يتراجع عن دفعها او يؤجلها للسنة الجاية

Post: #16
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:45 AM
Parent: #7

Quote: عالم ما عندها وطنية بتعريفة يا عملات ود الباهي

المشرف حبابك ياخ

Post: #10
Title: Re: يوم ورا يوم .. انا بحلم بيك ..
Author: محمد مجيدو
Date: 08-08-2015, 11:14 AM
Parent: #1

زيدني في هجراني في هواك يا جميل العذاب سراني

لمتين تطواني أنظرك في النوم جوز نواعسك رآني

عااالم بطااالــــــــــــــــــــــــــــــه .....

Post: #11
Title: Re: يوم ورا يوم .. انا بحلم بيك ..
Author: عبد العزيز محمد عمر
Date: 08-08-2015, 11:37 AM
Parent: #10

كيف يحلم الهلال بأن يكون البطل، وهو لم يحرز سوى ثلاثة أهداف..

Post: #12
Title: Re: يوم ورا يوم .. انا بحلم بيك ..
Author: جمال ود القوز
Date: 08-08-2015, 08:25 PM
Parent: #11

البشاري يا حاقد ..
رغم حركاتكـ البايخة دي..
لكن برضو تمنياتنا للمريخ بان يشرفنا ..
لأنه صراحة ضربتين في الرأس ..
زي حقات الكاس الفات بيوجعن ..
الفريقين مرقوا فكانت حسرة ..
لا نتمناها ان تتكرر ..

أنا عارف الكلام ده من ورا قلبكـ ياحاقد ...

Post: #21
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 11:10 AM
Parent: #12

Quote: أنا عارف الكلام ده من ورا قلبكـ ياحاقد

اووووو جمال ود القوز

صحتك اهم .. ونصيحة مني ليك اترك تشجيع الهلال
ياخ زمان الطيب عبد الله زعيم أمة الهلال كان بحافظ على صحته بعدم حضور مباريات الهلال

المهم السنة الجاية كيف؟!

Post: #20
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 11:01 AM
Parent: #11

Quote: كيف يحلم الهلال بأن يكون البطل، وهو لم يحرز سوى ثلاثة أهداف..

هههههههههههههه يا حبيبنا

هاك دي

قالوا في واحدة راجلها بشاغل في النسوان والبنات وساكيهن
وهي ولا شغالة بيهو الشغلة

الراجل قام زعل ويوم سألها : انتي يا فلانه شايفاني بشاغل في النسوان والبنات
وانت ولا شغالة بي الشغلة وما حصل يوم سألتيني .. ليه يعني؟

المرا: يا اخوي انا عارفاك يا الهلال ساكي البطولات كل سنة وما حصل واحدة فيهن

Post: #19
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:54 AM
Parent: #10

Quote: زيدني في هجراني في هواك يا جميل العذاب سراني

لمتين تطواني أنظرك في النوم جوز نواعسك رآني

عااالم بطااالــــــــــــــــــــــــــــــه .....

بطاااالة شديد ..

Post: #22
Title: Re: يوم ورا يوم .. انا بحلم بيك ..
Author: Mohammed Abuzaid
Date: 08-09-2015, 11:12 AM
Parent: #19

بشاري يا حبيب
كيفك وكيف احوالك

انتكاسة نعم .... ويمكن تكون نقطة تحوّل وانتفاضة كاس.

Quote: الخال حمزاوي الجماعة ركبوا المغربية

اوووعكم من الماليزية

Post: #24
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 11:17 AM
Parent: #22

Quote:
بشاري يا حبيب
كيفك وكيف احوالك

انتكاسة نعم .... ويمكن تكون نقطة تحوّل وانتفاضة كاس.

كل سنة يا محمد نفس الحنكـ دا

لقد هرموا ياخ!

Post: #23
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 11:13 AM
Parent: #19

Quote: ضل الله بابكر حماد · يعمل لدى الخرطوم
اشمت يا ودالبشارى الدور جائى عليك ومن يضحك اخيرا يضحك كثيرا هههههههههههههههههههههههههههههه

أوووو حبيبنا فضل الله

كفارة ياخ ...

Post: #25
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 11:20 AM
Parent: #23

الليلة يوم الرجال ....

بالتوفيق للمريخ اليوم في تجاوز وفاق سطيف
..
..

___
تنويه بعد الكورة انا ما موجود لأني مسافر

Post: #26
Title: Re: يوم ورا يوم .. انا بحلم بيك ..
Author: اباذر عبد العال
Date: 08-09-2015, 11:44 AM

يا حاقد يا ضل يا وصيف
انت اول مره ليك تشارك وتصل المرحلة دي مع الكبار
يا اصحاب مقولة ما بنطير برانا يا متسواكم محلي

Post: #27
Title: Re: يوم ورا يوم .. انا بحلم بيك ..
Author: سامى عبد المطلب
Date: 08-09-2015, 11:54 AM

يا البشاري البشمت براه بخنق ما عافي ليكم حقي كله كله

يعني هسع اخوانا الاتكلفوا ودقوا تأشيرة لليابان وقطعوا التذاكر ديل يمشوا يحضروا أوشين ولا شنو ؟

Post: #28
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 08:48 PM
Parent: #27

فووووووق

Post: #29
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:04 PM
Parent: #28

100000000000000000000000000000000000000000000000000000000000 مبروك للمريخ

بالمناسبة أنا لغيت السفر

Post: #30
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 10:42 PM
Parent: #29

Quote: يا البشاري البشمت براه بخنق ما عافي ليكم حقي كله كله

تعال اشمت يا سامي ....

Post: #31
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-09-2015, 11:28 PM
Parent: #30

Quote: يا حاقد يا ضل يا وصيف
انت اول مره ليك تشارك وتصل المرحلة دي مع الكبار
يا اصحاب مقولة ما بنطير برانا يا متسواكم محلي

هههههههه@ابا ذر

معليش نشوفكم السنة الجاية

نشوف الببقى محلي منو

Post: #32
Title: Re: يوم ورا يوم .. انا بحلم بيك ..
Author: صبري طه
Date: 08-10-2015, 06:40 AM
Parent: #31

Quote: باي باي الهلال ...
نشوفكم السنة الجاية هههههههههههههههههه

سألتقيك أولاً في هذا البوست بعد مُباراة الهلال ومازمبي ...

Post: #33
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-10-2015, 08:07 AM
Parent: #32

Quote: سألتقيك أولاً في هذا البوست بعد مُباراة الهلال ومازمبي ...

اووووو صبري

وإن غدا لناظره لقريب ... تحسبونه بعيدا ونراه قريباً

يا صبري الهلال يفتقد لمدرب جيد ولاعبين من طراز عالي يملكون الحماس والغيرة على الشعار
هسي في زول عاقل بشطب علاء الدين وبكري المدينة ويخلي اتير توماس ومساوي وبقية المواسير ديل
انظر كيف تم توظيف علاء وبكري والفريق ككل في المريخ ..
ياهم نفس لاعبي المريخ الفرق التدريب وحسن التوظيف ..

واتوقع مازيمبي يرشكم جوه المقبرة

Post: #34
Title: Re: يوم ورا يوم .. انا بحلم بيك ..
Author: حامد بدري
Date: 08-10-2015, 08:36 AM
Parent: #33

احب شفرة التضمين ظاتو زوووووووووووووط

Post: #35
Title: Re: يوم ورا يوم .. انا بحلم بيك ..
Author: صبري طه
Date: 08-10-2015, 08:41 AM
Parent: #33

Quote: يا صبري الهلال يفتقد لمدرب جيد ولاعبين من طراز عالي يملكون الحماس والغيرة على الشعار
هسي في زول عاقل بشطب علاء الدين وبكري المدينة ويخلي اتير توماس ومساوي وبقية المواسير ديل
انظر كيف تم توظيف علاء وبكري والفريق ككل في المريخ ..
ياهم نفس لاعبي المريخ الفرق التدريب وحسن التوظيف ..

المُشكلة ليست في مدربي ولاعبي هلال مريخ .. المُشكلة فيك إنت ...

من مُباراة واحدة خسرها الهلال (رغم تسيده لها طولاً وعرضاً لازمه خلالها سوء الطالع) أصبح الهلال بلا مدرب ولعيبته مواسير !!

ومن مُباراة واحدة فقط كسبها المريخ أصبح المريخ زي برشلونة بل وأكبر من ذلك بكثير .. بلادة حارس وفاق سطيف منحت بكري لقب ليونيل ميسي .. وتنفيذ علاء الدين يوسف ركلة جزاء بطريقة غير آمنة أحرز منها هدفاً صنعت منه في مخيلتك لاعباً أسطورياً فأصابه الغرور فحاول أن ينفّذ الركلة الأخرى بنفس الطريقة فأتاه الخبر اليقين بأن الأولى قد خاطر بها ليس إلاّ !!

النجيضة1: لا يمكن أن نعتبر لاعبي الهلال مواسير من مباراة خسروها لتكتل الخصم أمام مرماه ولسوء الطالع .. ولخطأ مدافع يمكن أن يحصل من مالديني هيمسيلف !!

النجيضة2: لا يمكن أن نعتبر لاعبي المريخ أبطالاً في مُباراة خاضها الفريق الخصم في أغلب وقتها بعشرة لاعبين !!

النجيضة3: تبييت حكم المُباراة النية للفريق الجزائري وضح من خلال ركلة الجزاء الثانية .. والسؤال هنا لك لماذا احتج عليها لاعبي وفاق رغم أنّها لامست يد اللاعب ؟

ــــــــــ

Post: #36
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-10-2015, 10:27 AM
Parent: #35

Quote: المُشكلة ليست في مدربي ولاعبي هلال مريخ .. المُشكلة فيك إنت ...

ههههههههههه@صبري

بل المشكلة في عقلية الهلالاب وفي لاعبيهم ومدربهم

المريخ يؤدي بثبات في البطولة الافريقية ووضحت بصمات غارزيتو عليه
المريخ خسر مباراة واحدة امام اتحاد العاصمة بسبب التحكيم الذي نقض هدفا صحيحا للمريخ
لا أحد ينكر بصمات غارزيتو وتوظيفه للاعبي المريخ بطريقة صحيحة الا اذا كان هلالابي هههههه

النجيضة لا يمكن مقارنة بكري اليوم ببكري الهلال .. ولو كان بكري في الهلال امام التطواني لاستفاد من كور كاريكا وتمريراته
التي لم تجد من يدخلها الشباك

كذلك علاء الدين استفاد منه غارزيتو واخرج كل ما لديه ثقة وثبات وأمان في مركزه الجديد

ثم انا مشكلتي هينة شوف مشكلة لاعبيكم يا حبيب ههههههههههه

Post: #37
Title: Re: يوم ورا يوم .. انا بحلم بيك ..
Author: صبري طه
Date: 08-10-2015, 10:35 AM
Parent: #36

في ذمتك دا مستوى فريق ثابت في البطولة الإفريقية الشاهدناها دي ؟

youtu.be/iPcbcWPNj38

أحسب لي فُرص الاتحاد الجزائري الضائعة ...

وبمناسبة الهدف المنقوض .. حدّثنا عن حالة التسلل التي لا وجود لها والتي أحرز منها لاعب الاتحاد هدفاً بعد صافرة الحكم ...

عشان بس أعرف عقلية بعض المريخاب زيّك كدا !!

Post: #39
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-10-2015, 10:48 AM
Parent: #37

Quote: عشان بس أعرف عقلية بعض المريخاب زيّك كدا !!

انت زعلته ولا شنو؟

النجيضة أن المريخ قد فتح ابواب التأهل الى المربع الذهبي على مصراعيه
وأن الهلال بخسارته على ارضه قد ادخل نفسه في ورطه واصبح امر تأهله مشكوك فيه
مباراة صعبة أمام مازيمبي في ام درمان ومباراة أمام سموحة في مصر

هذه المباريات المهم فيها حصد النقاط أما مستوى المريخ فالهلالاب الزيك كدا ما بشوفوه ههههه

في مباراة الامس بقليل من التركيز كان يمكن كسب سطيف 5 -0 لأن هناك العديد من الفرص الضائعة
مقابل فرصتين لوفاق سطيف ....

المهم نشوفكم السنة الجاية

Post: #40
Title: Re: يوم ورا يوم .. انا بحلم بيك ..
Author: صبري طه
Date: 08-10-2015, 10:56 AM
Parent: #39

Quote:
المهم نشوفكم السنة الجاية

أنا إحباطي لأنّو ممكن بعد دا نصطدم بالاتحاد في نصف النهائي !!

Post: #41
Title: Re: يوم ورا يوم .. انا بحلم بيك ..
Author: صبري طه
Date: 08-10-2015, 11:08 AM
Parent: #40

Quote: «قوون» تكشف باللوائح والمعادلات موقف الهلال فى ربع نهائى الأبطال!
الأحد 9 أغسطس 2015 الساعة 12:24
تقرير اخباري / قوون
اختلطت الاوراق في المجموعة الاولى بربع نهائي بطولة الاندية الافريقية الابطال بعد نهاية مباريات الجولة الرابعة التي شهدت فوز المغرب التطواني ومازيمبي الكنغولي على الهلال وسموحة المصري .
وتصدر الغربان الترتيب العام برصيد (8) نقاط يليهم الهلال برصيد (5) نقاط بفارق الاهداف من المغرب التطواني ثم سموحة برصيد (3) نقاط ..
هذا الوضع وفقا لرصد "قوون" يمهد لاشتباك محتمل للهلال ومازيمبي والتطواني وذلك حسب المعادلات التالية :
ـ سيلعب الهلال في الجولة المقبلة امام مازيمبي الكنغولي واذا فاز سيرفع رصيده الى (8) نقاط وهو نفس الرصيد الذي يحمله الفريق الكنغولي ..
وسيلعب في الجولة نفسها المغرب التطواني امام ضيفه سموحة المصري واذا فاز سيرفع رصيده الى (8) نقاط وهو نفس الرصيد المحتمل للهلال ومازيمبي بعد الجولة الخامسة ..
ـ وسيلعب الهلال وسموحة بالاسكندرية في الجولة الاخيرة في نفس التوقيت الذي يلعب فيه مازيمبي مع التطواني في لوممباشي .. فاذا سيطر التعادل هنا وهناك سيستمر التساوي بين الاندية الثلاثة لفض الاشتباك .. وسيلجأ الكاف للائحة المسابقة لتحديد الفريقين المتأهلين لنصف النهائي ..
ماذا تقول اللائحة ..؟؟
تقول لائحة بطولة الاندية الافريقية الابطال انه في حالة تساوي ناديين او ثلاثة في النقاط بعد نهاية مباريات دوري المجموعات يتم الفصل وفق المعايير التالية :
ـ اكبر عدد من النقاط في المواجهات المباشرة ..

ـ افضل فارق اهداف في المواجهات المباشرة ..
ـ اكبر عدد اهداف مسجلة في المواجهات المباشرة ..
ـ اكبر عدد اهداف خارج الارض في المواجهات المباشرة ..
اذا استمر التساوي بعد تطبيق المعايير اعلاه يتم الفصل حسب المعايير التالية :
ـ اكبر فارق اهداف في جميع مباريات المجموعة ..
ـ اكبر عدد اهداف في جميع مباريات المجموعة ..
ـ اكبر عدد اهداف خارج ملعبه في جميع مباريات المجموعة ..
ـ القرعة ..
الوضع المثالي للهلال

وبالنظر للوضع الحالي في المجموعة سيحتاج الهلال للفوز في مباراته المقبلة امام مازيمبي بامدرمان والتعادل في المباراة الاخيرة امام سموحة بالاسكندرية وسيصعد مباشرة دون ان يتأثر بنتائج الجولتين الخامسة والسادسة بالنسبة لمنافسيه ..
وفوز الهلال على مازيمبي سيضع الفريق الكنغولي امام خيارين فقط للصعود هما التعادل مع التطواني وانتظار تعثر الهلال امام سموحة ليصحب التطواني معه الي نصف النهائي ـ شريطة فوز الاخير على سموحة ـ او الفوز على التطواني والصعود مباشرة ..
الامر الثاني الالزامي على الهلال اذا سارت الامور على هذا الشكل هي التعادل مع سموحة او الفوز عليه في الاسكندرية لان الفوز على مازيمبي لن يكفي الهلال لبلوغ نصف النهائي فالمغرب التطواني اذا فاز على سموحة سيصل الى النقطة (8) التي سيتوقف عندها الهلال اذا خسر في الجولة الاخيرة وسيصعد التطواني بالمواجهات المباشرة ..
هناك وضع آخر مثالي للهلال وهو فوزه على مازيمبي وتعادل التطواني وسموحة وهذا الوضع سيجعل الهلال ومازيمبي في الصدارة برصيد (8) نقاط ثم التطواني (6) وسموحة (4) .. وحينها سيصعد الهلال مباشرة الى نصف النهائي وسيصطدم مازيمبي مع التطواني في صراع البطاقة الثانية لمرافقة الهلال .. فاذا فاز التطواني سيتجمد مازيمبي في (8) نقاط وسيخسر في المواجهات المباشرة امام الهلال ويصعد التطواني متصدرا .. واذا فاز مازيمبي او تعادل سيودع التطواني ..
وهناك اوضاع اخرى في هذه المجموعة الشائكة يمكن ان تقلب الامور رأسا علي عقب .. فمثلا فوز سموحة علي التطواني وفوز الهلال على مازيمبي .. ففي هذه الحالة يرفع الفريق المصري رصيده الى (6) نقاط ويبقى التطواني في (5) مقابل (8) للهلال ومازيمبي ..

وفوز سموحة في الجولة الاخيرة على الهلال يعبر بالفريق الى نصف النهائي برصيد (9) نقاط وسيرافقه التطواني اذا فاز على مازيمبي لان المواجهات المباشرة في مصلحته اذا تساوى في النقاط مع الهلال ومازيمبي .

اما اذا خسر الهلال من مازيمبي وفاز التطواني على سموحة سيصعد الفريق الكنغولي ومعه التطواني مباشرة عملا بلائحة المواجهات المباشرة بين الهلال والفريق المغربي ..
اذا تعادل الهلال ومازيمبي وتعادل التطواني مع سموحة سيحتاج الفريق المغربي للفوز على مازيمبي (المتأهل) دون النظر لنتيجة مباراة الهلال وسموحة ..وهناك اشكال اخرى واوضاع محتملة لهذه المجموعة الشائكة ويبقي الوضع المثالي ان يفوز الهلال على مازيمبي ليضع قدما في نصف النهائي ..

عشان كدا قُلت ليك قابلني بعد مُباراة مازمبي في بوستك دا ...

Post: #38
Title: Re: يوم ورا يوم .. انا بحلم بيك ..
Author: علي عبدالوهاب عثمان
Date: 08-10-2015, 10:42 AM
Parent: #36

البشاري حبيبنا ..
يا أخي الواحد هلالابي من مباراة فاسكودجاما مع الهلال في الستينات .. بطلنا تشجع الكورة السودانية نهائي ..
قمت رجعت قبل فترة .. عاودني الحنين .. والهلال بدأ يمشي كويس .. لكن بصراحة في مباراته الاخيرة رفع الضغط مليون ..
مبروك للمريخاب .. ولكن الهم الكبير الواحد يوم الخميس يقول شنو في القهوة مع شلة العكننة في ( جدة غير )
عايزين لينا أنتصار كبير لبرشلونه قبل يوم الخميس عشان يغطي لينا فوز المريخ ..
وكمان عزائي الوحيد الزمالك إتغلب .. وأسعد لحظاتي هزيمة الفرق المصرية من الافارقة ..

التحية ليك .. ومبروك سودانا فوق ..
أهم حاجة اخبار فوزنا عبر القنوات وهذا تجميل لبعض القبح الذي اصابنا ..

Post: #42
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-10-2015, 07:51 PM
Parent: #38

الصفيراب تعادلوا في كادقلي اليوم هههههههههههههه

Post: #43
Title: Re: يوم ورا يوم .. انا بحلم بيك ..
Author: اباذر عبد العال
Date: 08-15-2015, 08:11 AM
Parent: #42

Quote:
الصفيراب تعادلوا في كادقلي اليوم هههههههههههههه

الوصيف الضل مضروب مسمارين في عطبره هههههههههههههههههههه

اولادنا في عطبره رجعوا الضل لحجمو الطبيعي هههههههههههههههه

المعز لسه يكون منبطح من جبدو رزاق عهههههههههههههههههههه

الوصيفاب ماشين يتفلسفوا في عطبره هههههههههههههههههههههه

Post: #44
Title: Re: يوم ورا يوم .. انا بحلم بيك ..
Author: اباذر عبد العال
Date: 08-15-2015, 09:28 AM
Parent: #43

سيحه طلع امس طلع ضربات الجزاء كلها غلط

Post: #45
Title: Re: يوم ورا يوم .. انا بحلم بيك ..
Author: صبري طه
Date: 08-15-2015, 09:44 AM
Parent: #42

Post: #46
Title: Re: يوم ورا يوم .. انا بحلم بيك ..
Author: عبد العزيز محمد عمر
Date: 08-15-2015, 09:50 AM
Parent: #45

Quote: سيحه طلع امس طلع ضربات الجزاء كلها غلط

فيصل سيحة لم يكن حكما يشار إليه بالبنان قبل أن يعتزل
في وجود أمثال عبد الله عبد السيد والقرقور وحسن عبد الحفيظ وغيرهم

عشان كدا.... نزل الكرتونة دي من راسك يا معلم ...

Post: #47
Title: Re: يوم ورا يوم .. انا بحلم بيك ..
Author: اباذر عبد العال
Date: 08-15-2015, 11:04 AM
Parent: #46

Quote:
فيصل سيحة لم يكن حكما يشار إليه بالبنان قبل أن يعتزل
في وجود أمثال عبد الله عبد السيد والقرقور وحسن عبد الحفيظ وغيرهم

عشان كدا.... نزل الكرتونة دي من راسك يا معلم ...

وين يا فرده......رايك شنو في رزاق كااااااااااااااك

سيحه لا اعرف عنه شئ سوا مشاهدتى له من خلال التلفاز في برنامج عالم الرياضه
ولكن امس قال تحليل منطقي وصحيح...في كل ضربات الجزاء الحصلت في مباراة المريخ والهلال في دوري الابطال ..انها غلط
..لانو عند تنفيذ ضربة الجزاء دخل كم لاعب في خط الجزاء ...يعنى جوه الخط...ممكن تراجعوا الفديوهات او الاقوان

هنا ناس الخبره الرانكارت ممكن يفيدونا ....................

Post: #48
Title: Re: يوم ورا يوم .. انا بحلم بيك ..
Author: عبد العزيز محمد عمر
Date: 08-15-2015, 11:18 AM
Parent: #47

Quote: وين يا فرده......رايك شنو في رزاق كااااااااااااااك

عطبرة فوق الجميع يا معلم.... نخلع ثوبنا الأحمر... ونرتدي ( أبرول السكة حديد) ونشيل صفاراتنا ونشجع الأمل

لا هم لنا سوى ثبوت الأمل ... وصعود الأهلي ...

ومن ثم نجهز الشمالي والهدف للمواسم القادمة ...إن شاء الله

Post: #49
Title: Re: يوم ورا يوم .. انا بحلم بيك ..
Author: على محمد على بشير
Date: 08-16-2015, 01:14 AM
Parent: #48

رديف المريخ لعب مباراة الامل بثقه زايده
غرزه شكلو ما شغال بالممتاز كتير
الراجل مستهدف الاميره الافريقيه

خليكم مع الامل عطبره والقرقره
الى ان تجدوا الاولاد نازلين بالكاس من الطياره
مريخ السنه دى قبل دا اصلو ما شفنا

قرقروا واحنا شغالين نحو هدفنا
والبضحك اخير بيضحك كتير

Post: #50
Title: Re: يوم ورا يوم .. انا بحلم بيك ..
Author: على محمد على بشير
Date: 08-16-2015, 01:17 AM
Parent: #49

Quote: * للمره الثانيه على التوالى يفشل المريخ فى تحقيق الفوز فى الممتاز، لأن غارزيتو ولاعبيه يتعاملون معه مثلما يتعاملون فى المباريات الوديه ولا يولونه الإهتمام الذى يتناسب مع أهميته بالنسبة للفريق وجماهيره.
* مريخ الممتاز لاعلاقة له بمريخ دورى الأبطال.
* شتان بين هذا وذاك.
* من يتابع الفريق هنا وهناك سيظن قطعاً أنه يتفرج على فريقين مختلفين.
* فى دورى الأبطال فن ورجولة وحماس وتركيز وروح قتاليه ورغبة عارمه فى التفوق والفوز.
* وفى الدورى المحلى إستخفاف بالخصوم وإستكانه وإستهتار وجرجرة وغياب تام للحماس والروح القتالية.
* الفريق الذى حقق التعادل مع بطل افريقيا فى الجزائر وأذله فى امدرمان إكتفى بالتعادل مع مريخ الفاشر فى الدورى وخسر بهدفين نظيفين أمام الأمل.
* هزيمه مزعجة لم يتعرض لها المريخ حتى فى دورى الأبطال إلا فى أولى مبارياته أمام عزام التنزانى.
* مريخ الدورى فشل فى التسجيل فى آخر مباراتين أمام مريخ الفاشر والأمل.
* ومريخ الأبطال سجل ثلاثة أهداف فى آخر مبارتين وأهدر ركلة جزاء.
* مريخ الدورى فشل فى صناعة أى فرص خطيرة فى آخر مبارتين.
* ومريخ الأبطال صنع عشرات الفرص امام وفاق سطيف فى الخرطوم والجزائر.
* مريخ الدور يتعثر ويتواضع ويفقد خكورته كلما خرج من ملعبه.
* ومريخ الأبطال رفض الهزيمة أمام بطل أفريقيا فى آخر مباراة له خارج السودان.
* السبب عدم إهتمام المدرب واللاعبين بالبطولة المحلية وإستهتارهم بها والتعامل مع مبارياتها وكانها حبيه أو إعدادية، متناسين حقيقة أنها بطولة مهمة،تؤهل الفريق للمشاركة فى دورى الأبطال كل عام.
* عدم إهتمام غارزيتو بالدورى وضح فى التشكيلة التى خاض بها مباراة الأمس وحتى فى تبديلاته.

Post: #51
Title: Re: يوم ورا يوم .. انا بحلم بيك ..
Author: اباذر عبد العال
Date: 08-16-2015, 09:10 AM
Parent: #50

مريخابي شغال بياض ..
وقع من السقاله
ودوهو اقرب مستشفى بعد فتح قال ليهم انا وين
؟
قالوا ليهو في مستشفى الامل
قالوا غمر تاني

مريخابي جاتو رساله الجمعه مكتوب فيها
جمعه عطره .
رد لصاحبه
قاليهو عطبره يامعفن

Post: #52
Title: Re: يوم ورا يوم .. انا بحلم بيك ..
Author: الامين موسى البشاري
Date: 08-21-2015, 09:26 PM
Parent: #51

وفاق سطيف مرشوش 2 زي السم في الشوط الاول

مبرووووووووك للصفوة التأهل لدور الاربعة

Post: #53
Title: Re: يوم ورا يوم .. انا بحلم بيك ..
Author: الامين موسى البشاري
Date: 09-27-2015, 08:22 PM
Parent: #52

هلا بالحبايب :)

وما زال الصفر ينمو ويكبر

Post: #54
Title: Re: يوم ورا يوم .. انا بحلم بيك ..
Author: طارق حرسي
Date: 09-27-2015, 08:27 PM
Parent: #53

المهم والاهم ... الناس ديل بيمشوا الجزائر وللا نكلم ليهم رفاق بكري المدينة يوصلوهم ؟؟

Post: #55
Title: Re: يوم ورا يوم .. انا بحلم بيك ..
Author: الامين موسى البشاري
Date: 09-27-2015, 08:28 PM
Parent: #53

Post: #56
Title: Re: يوم ورا يوم .. انا بحلم بيك ..
Author: الامين موسى البشاري
Date: 09-27-2015, 08:37 PM
Parent: #55

Post: #57
Title: Re: يوم ورا يوم .. انا بحلم بيك ..
Author: سفيان بشير نابرى
Date: 09-28-2015, 00:35 AM
Parent: #56

يا جماعة البوست دا قصتو شنو عشان نشارك ياخ !!!!؟