Post: #2
Title: Re: الوظيفة الما بتقدر عليها شنو؟
Author: معاوية الزبير
Date: 08-07-2015, 03:14 PM
Parent: #1
ما بقدر أكون:
شيال في كورَس أغاني شعبية
برضو زيك لا علاقة للأمر بالفن
لكن ما بقدر التزم بالإيقاع طوال الأغنية
والحكمة كمان لو وقعت ليك: وترنح براً وسفينا، وترنح براً وسفينا، لمّا راسك يدوش، خاصةً قبُل عشا الفنانين 
|
Post: #3
Title: Re: الوظيفة الما بتقدر عليها شنو؟
Author: حمد عبد الغفار عمر
Date: 08-07-2015, 03:53 PM
Parent: #2
هلا يا معاوية
| Quote: والحكمة كمان لو وقعت ليك: وترنح براً وسفينا، وترنح براً وسفينا، لمّا راسك يدوش، خاصةً قبُل عشا الفنانين |
برضها صعبة وعايزة ناس صبورين وخصوصا تكون بتصفق الحفلة كلها 
خارج الهيكل الوظيفي:
تصدق مداخلتك حقت أمس قربت تبكيني بتاعة إنو الناس تحتفظ بتلفونات بعض ياخ حِلة سودانيز دي ما في محل تاني بقبلها غير الحوش دا لا فيسبوك ولا يحزنون
طبعا أنا كنت معصور شوية وغبت عن المنبر يوم فتحتو لقيتو مكرتن والقصة طبعا طالت قلت يا الله عاد تاني وين البسمة ديك وين تتلقي
|
Post: #4
Title: Re: الوظيفة الما بتقدر عليها شنو؟
Author: فردوس جامع
Date: 08-07-2015, 04:21 PM
Parent: #3
سلام الأخ حمد
نعدل من بوستك شوية عشان ندخل معاكم في حكاية الإمامة دي :)
أها البوست ده لو كان بعد مية سنة , موضوع الإمامة ده حيكون مناسب معاي بارت تايم كده. الكثير من
أئمة اليوم عايزين زول يلمهم كلهم و يعمل ليهم تدريب جماعي ما مؤهلين ياخ (و جهة نظري الخاصة) وزايدين الطين بلة
قليل جداً أسمع لي خطبة و تشرح لي صدري !
الأشغال الما بقدر عليها:
آي شغل فيه وقفة في الشمس الحارة أكثر من أربعة ساعات... ممكن إشتغلها في الشتاء و الخريف!
آي شغل ممكن يقع فيه ظلم على إنسان و أنا أكون السبب من غير علمي... ما عارفة الرؤساء ديل بينوموا بالليل كيف 
ما أعتقد إني ممكن أكون قاضية... لأنو القوانين البيُحتكم إليها (شرقاً و غربا) كتير بشوف إنها ظالمة ( و هي أوج العدالة قانونياً)...
تاني شنو ... الجراحة لاحولاااا دي عذاااب
تحياتي
|
Post: #6
Title: Re: الوظيفة الما بتقدر عليها شنو؟
Author: عبدالمنعم الطيب حسن
Date: 08-07-2015, 04:32 PM
Parent: #3
Quote: لكن ما بقدر التزم بالإيقاع طوال الأغنية
|
والاصعب في الاحتفاظ بالايقاع هو المعاينة الشديدة ديك، وبتركيز عالي؛
حتى لكانما الواحد منهم يكاد ينفذ لاعماق زميله الصوتية والزميل يفعل نفس المهمة،
انه امر مرهق ان تنظر لشخص طوال الوقت لحظة انبثاق الحرف الطروب،و ينطلق حرفك في ذات اللحظة، ويطرب...
انها مهنة ممتعة، مهنة صعبة....
مهنة فنانة بالله شوف انسجام كورس فنان حركي ومسرحي كالاستاذ النور الجيلاني..
شكرا الاعزاء، معاوية... وحمد لبد؛
|
Post: #5
Title: Re: الوظيفة الما بتقدر عليها شنو؟
Author: ايمن الصادق
Date: 08-07-2015, 04:29 PM
Parent: #2
معلم مراحل ابتدائي ( أو مدرس للأطفال ) .
وحيالآ بلا وظيفه ... يلا اعلنوا عن وظائف هنا بالمره .
|
Post: #7
Title: Re: الوظيفة الما بتقدر عليها شنو؟
Author: عبدالمنعم الطيب حسن
Date: 08-07-2015, 04:45 PM
Parent: #5
متحصل ضريبة،
ياخ دا الحكومة في اسوأ حالة كونها تقلع قلع؛
ومن مواطن مقهور وما عندو....
وبورنيك 15 يحس المواطن الغلبان ان الفلوس دي ماشة للزول اللحوح دا،
باصراره الغريب، ولزوجته التي لا حد لها،
انه القهر كله ان ياخذ واحد فلوسك وبقوة القانون الحكومي الارعن ويختها في جيبو...
|
Post: #8
Title: Re: الوظيفة الما بتقدر عليها شنو؟
Author: جلالدونا
Date: 08-07-2015, 05:02 PM
Parent: #7
ترزى .. و قصة تدّخل الخيت فى الابرة دى براها كمان
و العجيبة يوم الوقفة و صبحان العيد
اليوم كلو تهوزز فى رجلينك
جنس بشتنة!!!!
لا حول و لا قوة
____
سلام حمد لبد و المرور الكرام
|
Post: #9
Title: Re: الوظيفة الما بتقدر عليها شنو؟
Author: muntasir
Date: 08-07-2015, 05:05 PM
Parent: #8
راقص باليه محترف
|
Post: #10
Title: Re: الوظيفة الما بتقدر عليها شنو؟
Author: حمد عبد الغفار عمر
Date: 08-07-2015, 06:29 PM
Parent: #9
مرحب فردوس جامع
Quote: أئمة اليوم عايزين زول يلمهم كلهم و يعمل ليهم تدريب جماعي ما مؤهلين ياخ (و جهة نظري الخاصة) وزايدين الطين بلة
قليل جداً أسمع لي خطبة و تشرح لي صدري ! |
خطب مكررة لدرجة في ناس تلقاهم شغالين بالموبايلات في الجامع فسبكة تقيلة
طبعا صعوبة الإمامة غير التوجيه والإرشاد إنو بتحمل مسئولية صحة صلاة المأمويين كلهم
لذلك لازم يكون زول 
باقي الوظائف القلتيها دي كلها أنا ما بقدر عليها برضو خصوصا الجراحة دي
|
Post: #11
Title: Re: الوظيفة الما بتقدر عليها شنو؟
Author: حمد عبد الغفار عمر
Date: 08-07-2015, 06:34 PM
Parent: #10
هلابك منعم الطيب حسن
تخيل نفسك الزول اللئيم داك البقلع في قروش الناس أو أقفل ليك محلك
تحياتي لولدنا الفارس الجديد
|
Post: #12
Title: Re: الوظيفة الما بتقدر عليها شنو؟
Author: حمد عبد الغفار عمر
Date: 08-07-2015, 06:47 PM
Parent: #11
هلا أيمن الصادق
| Quote: معلم مراحل ابتدائي ( أو مدرس للأطفال ) . |
يبدو إنو بالك ما طويل بتضايق بسرعة
بيني وبينك عايزين صبر
|
Post: #13
Title: Re: الوظيفة الما بتقدر عليها شنو؟
Author: حمد عبد الغفار عمر
Date: 08-07-2015, 07:12 PM
Parent: #12
جلالدونا كيفك
| Quote: ترزى .. و قصة تدّخل الخيت فى الابرة دى براها كمان |
تصدق دي المهنة الحاولت اتعلمها وغلبتني شايفها ممتعة كهواية، بس على قولك دخيل الخيط في الإبرة دا حكايتو حكاية
في محاولاتك لإدخالو بتكون دخلتو وطلعتو عشرة مرات من الإبرة
والله انت مصيبة
|
Post: #14
Title: Re: الوظيفة الما بتقدر عليها شنو؟
Author: حمد عبد الغفار عمر
Date: 08-07-2015, 07:21 PM
Parent: #13
منتصر حبابك
والله انت طموحك عالي خلاس محترف كمان
عليك الله أقدر عليها ياخ الملابس الضيقة دي براها تتضيق الأخلاق
|
Post: #15
Title: Re: الوظيفة الما بتقدر عليها شنو؟
Author: عبدالعزيز الفاضلابى
Date: 08-07-2015, 08:28 PM
اى شغل ليهو علاقة بالقوات النظامية لانه بلغى حرية الاختيار
ياخ ديل يقولوا ليك الشر يعم والخير يخص اها ديل ناس اشتغل معاهن؟
شنو ياحمد مامشتهى ليك صحن موليته؟
|
Post: #16
Title: Re: الوظيفة الما بتقدر عليها شنو؟
Author: باسط المكي
Date: 08-07-2015, 08:31 PM
Parent: #15
نجاد مراتب جد صعبة
|
Post: #17
Title: Re: الوظيفة الما بتقدر عليها شنو؟
Author: أيمن الفاضل
Date: 08-07-2015, 09:14 PM
Parent: #16
طباخ
بحب الأكل، لكن عاوزو جاهز 
كزول عزابي في الغربة عايش في أزمة
بدخل المطبخ وأن جعان شديد
الحلة في النار بلقط منها ولامن تنجض بتكون فااااضية 
تحياتي حمد والحضور، وحمد الله علي سلامة المنبر
|
Post: #18
Title: Re: الوظيفة الما بتقدر عليها شنو؟
Author: عثمان الأمام
Date: 08-08-2015, 06:57 AM
Parent: #17
سلام
مندوب مبيعات
غايتو حكاية تكون شايل ليك منتج معين وممكن يكون معروف
للزول البتحاول تقنعو بجدوى شرائه عملية صعبة ومملة جدا"
|
Post: #19
Title: Re: الوظيفة الما بتقدر عليها شنو؟
Author: حمد عبد الغفار عمر
Date: 08-08-2015, 07:37 PM
Parent: #18
مرحب يا شباب
عبد العزيز الفاضلابي
Quote: اى شغل ليهو علاقة بالقوات النظامية لانه بلغى حرية الاختيار
ياخ ديل يقولوا ليك الشر يعم والخير يخص اها ديل ناس اشتغل معاهن؟
شنو ياحمد مامشتهى ليك صحن موليته؟ |
القوات النظامية لا تُشتهى خروقاتها كثيرة فجأءة ممكن تلقى نفسك شايل رشاش وبترش في ناس تانيين (أعداء)
الموليتة بالحيل مشتهيا خصوصا الليلة عندي لواية مبالغة
باسط المكي
| Quote: نجاد مراتب جد صعبة |
عايزة صبر
أيمن الفاضل
Quote: طباخ
الحلة في النار بلقط منها ولامن تنجض بتكون فااااضية |
حالتك صعبة
بس الطبيخ وتجهيز الأكل عند الرجال عايز مجموعة متجانسة ونشيطين
عثمان الإمام
دي الثقالة بذاتها وخاصة لو كان البيع بالآجل
معذرة يا شباب على النقل الجماعي دا إموري جاطت فجأءة والله
|
Post: #20
Title: Re: الوظيفة الما بتقدر عليها شنو؟
Author: امير الامين حسن
Date: 08-08-2015, 07:50 PM
Parent: #19
غناى ..!!
بالجنبة كده
لسه بتغنى ولا الغربة شالت الهواية..؟
|
Post: #21
Title: Re: الوظيفة الما بتقدر عليها شنو؟
Author: عبد العزيز محمد عمر
Date: 08-09-2015, 06:39 AM
Parent: #20
موظف في جهاز المغتربين...
|
Post: #22
Title: Re: الوظيفة الما بتقدر عليها شنو؟
Author: محمد خضر بشير
Date: 08-09-2015, 06:57 AM
Parent: #1
السلام عليكم ورحمة الله وبركاته
الأخ الفاضل / حمد عبد الغفار ....
الله سبحانه وتعالى أعطى كل كائن قدرات ومقومات للحياة ...
فعليه أنا أقوم بما يتناسب مع قدراتي ومؤهلاتي العلمية والعملية
والحمد لله على نعم الله
|
Post: #23
Title: Re: الوظيفة الما بتقدر عليها شنو؟
Author: حمد عبد الغفار عمر
Date: 08-10-2015, 06:55 PM
Parent: #22
أمير الأمين
كيفك يا رجل بالله معانا بجاي
Quote: غناى ..!!
بالجنبة كده
لسه بتغنى ولا الغربة شالت الهواية..؟ |
غناي ما بتقدر عليها فعلا نحن أهلا غلبتنا - ياخ الغربة دي شالت أي حاجة لكن برضو الحمد لله
عبد العزيز الشغيل كيفك
| Quote: موظف في جهاز المغتربين... |
عارفك قلبك طيب وما بتقدر على المساخة
محمد خضر بشير
اخبارك شنو
| Quote: فعليه أنا أقوم بما يتناسب مع قدراتي ومؤهلاتي العلمية والعملية |
والله يا محمد أنا شخصيا مؤهلاتي العلمية والعملية الرئيسية خليتها زمان وغيرت لحاجة تانية خالص
تصدق ما بنقدر ياخ على الشمس
|
|