الفنان الاثيوبي ابو صلعة الجميل Abinet agonafir في اغنية سودانية
الإهداء لابوصلعة وكل محبي الفنانين الاثيوبيين
بالله واحد منكم لو شافو حايم في الخرطوم يغريهو السلام
كت اوت :
على الدواعش الالتزام بآداب المشاهدة ...
Post: #2 Title: Re: اب صلعة يا رهيب .... يا ما اشتقتا ليك ...... فيد Author: اميرة السيد Date: 08-07-2015, 01:53 PM Parent: #1
والله يا خضر ابدعت في الاهداء للباشمهندس بكري ابو صلعة هسع انا افتكرت الفنان ده ذاته هو بكري ابو صلعة.. انت ما شايف الشبه كيف!! والله يديك الصحة والعافية
تخريمة مرات الفنانين الاثيوبيين بيغنوا الأغاني السودانية احسن من الفنانين السودانيين ذات نفسهم
Post: #3 Title: Re: اب صلعة يا رهيب .... يا ما اشتقتا ليك ...... فيد Author: خضر الطيب Date: 08-07-2015, 03:35 PM Parent: #2
Quote: والله يا خضر ابدعت في الاهداء للباشمهندس بكري ابو صلعة هسع انا افتكرت الفنان ده ذاته هو بكري ابو صلعة.. انت ما شايف الشبه كيف!! والله يديك الصحة والعافية
تخريمة مرات الفنانين الاثيوبيين بيغنوا الأغاني السودانية احسن من الفنانين السودانيين ذات نفسهم
مرحب الاميرة بت السيد زاد البوست حلاة
سبحان الله يخلق من الشبه اربعين عدد كبير من الفنانيين الاثيوبيين غنو اغاني سودانية وكانت رائعة جداً اداءاً وموسيقى وذي ما قلتي بعضهم اداها احسن من اصحابا كانت علاقات عدد من الفنانيين السودانيين وطيدة مع الفنانيين الاثيوبيين والشعب الاثيوبي منهم على سبيل المثال محمد وردي وسيد خليفة وكابلي و خوجلي عثمان عبد العزيز المبارك ونادر خضر وحنان بلو بلو وغيرهم.
حانزل اغنية تانية فيها شغل ممتاز لمطرب اثيوبي بذل فيها مجهود مقدر في الاونة الاخيرة تميز الفنانيين الاثيوبيين بانتاج اغانيهم بطريقة مميزة هي اقرب للعالمية في السيناريو والاخراج الشئ الذي يفتقده انتاج الاغاني السودانية.
Post: #4 Title: Re: اب صلعة يا رهيب .... يا ما اشتقتا ليك ...... فيد Author: خضر الطيب Date: 08-08-2015, 00:36 AM Parent: #3
الاغنية من اغاني اماني مراد وشاركها الآداء ثنائي العاصمة وهي من الحان السني الضوي
الراحلة اماني مراد كانت رقماً هاماً في مسيرة الغناء السوداني ومن اشهر اغانيها هذه الاغنية ( أغلى الحبايب) والاغنية الاشهر اغنية (مبروك النجاح) والتي ارتبطت بمسيرة نجاحاتنا الدراسية , و اغنية (الاسمو في قلبي) ارتبطت باجيال الستينات والسبعينات بمساهماتها الغنائية النادرة , رحم الله الفنانة اماني مراد والتي رحلت عن دنيانا قبل ما يقارب العشر سنوات, حيث جاء رحيلها بعد معاناة طويلة مع المرض في بدايات العام 2006م.
Post: #5 Title: Re: اب صلعة يا رهيب .... يا ما اشتقتا ليك ...... فيد Author: خضر الطيب Date: 08-08-2015, 10:06 PM Parent: #4
نفس الاغنية آداء الراحل نادر خضر
Post: #6 Title: Re: اب صلعة يا رهيب .... يا ما اشتقتا ليك ...... فيد Author: خضر الطيب Date: 08-10-2015, 00:12 AM Parent: #5
الاغنية القادمة كذلك من الاغاني السودانية اغنية القطار دور حديدو آداء الفنان الاثيوبي الرائع Abenet Girma