سوء شبكات الاتصال والوزيرة والتحصيل

04:51 AM Aug, 07 2015
سودانيز اون لاين
عبدالحفيظ ابوسن-كوستي / الحلة الجديدة
مكتبتى فى سودانيزاونلاين



قرأت لسيادة وزيرة الاتصالات حديثين متتاقضين في مكان واحد يفصل بينهما يوم واحد .. واعتذر عن تخلف جهازي التقني وعدم القدرة علي الاتيان بهما منسوخين
المهم
في لقاء سئلت عن سوء الشبكة ..فقللت من سوء الشبكة واستصغرتها في الانقطاع احيانا اثناء المكالمة . وضاربة الامثلة بدول مجاورة ومؤكدة علي حرصهم بإمتلاكهم لاجهزة حديثة تمكنهم من قياس الشبكة
ثم في حديث تقريري اليوم الثاني متحدية عن سوء النت لازدياد عدد المشتركين ذاكرة رقم 27 مليون شخص هو عدد مستخدمي الموبايلات
وقالوا
التعسر في التحصيل الالكتروني نسبة لهجرة المصممين الذي صمموا افضل نظام في العالم
هجرة ولا سؤ شبكة رغم انو حكاية المصممين ديل دايرة قعدة

سوء لا يمكن تصوره
اتصال صوتي او نت
دون استثناء
اسوأ الشبكات بالترتيب دون تفاضل يذكر
زين
ام تي ان
سوداني
واستغلال فاحش للمشتركين .. تشترك في خدمة النت ليوم ولا تستخدم منها سوي ساعات وبعنت شديد
تشترك في خدمة الاتصالات المجانية وتعجز عن استغلال كامل مدتك بشكل مريخ
ومن المضحكات تصريح شركة زين انها مستعدة لاطلاق خدمة الجيل الرابع وراجين اذن الحكومة
التحصيل مشكلة
الاوراق الثبوتية مشكلة
الرد جاهز
الشبكة طاشة
ياخ صلحوها عشان تتحصلوا مننا ما عشانا . لانو عدم التحصيل تعطيل لمصالحنا وبقت شماعة جديدة

ود ابوسن
تحية طيبة
فى فترة ما السودان كان من احسن الدول من ناحية الاتصالات
خدمة الجيل الرابع نزلت فى الخليج واغلب دول العالم قبل سنين
هذا يوضح الى اى مدى نحن ماشين للخلف
من ناحية المصممين كلامك تمام والدليل الشخص اللى صمم نموذج
التقديم للجامعات !! دا عذبنا عذاب! بالاضافة للشبكة طاشة طول الوكت
تخيل عشان تقدم الطلب ياخدمنك يومين بدل 10 او 20 دقيقة !!
ولك التحية مرة اخرى

نرجع لموضوع المقاطعة تاني يا ود ابوسن

مرحب صلاح وكتر خيرك وكتر خير ابوالريش لرفع البوست مالقيتو كلو كلو
تعرف دة زمن الثابت . لأنو الحكومة لا تقيم وزنا للمواطن ولا حقوقو .. وسوداتل تعاملت كصاحب حق اصيل في الارض
اقول ليك
تصحي الصباح تلقا المحل الجمب خشم بابك محفرة ويغلبك تمرق . في شنو يقول ليك سوداتل .. تكسر سور حديقتك .. تحفر قدام دكانك .. تخت ليك العمود جمب بابك ولا حفرة المرحاض .. يدها كانت مطلوقة .. لذا اتيح لها ما لا يتاح لغيرها في الدول التي تحترم الملكية الخاصة الا بإذنها
وللاسف بكل غباء تركت سوداتل كل ذلك وانصرفت عنه وبارت الهواء
بالمناسبة لازال تلفوني الارضي بالدكان والبيت يعملان حتي الان . رغم انه لا يوجد اسبيرات للسماعات ولا سماعات وشغال فني ولتيق

سلام يا ابسن ،
في خبر كويس ، اعتبارا من شهر اكتوبر حيتم تطبيق نظام الانتقال بنفس الرقم بين الشركات
يعني لو رقمك زين مثلا ، ممكن تتحول لشركة سوداني او ام تي ان بي نفس رقمك ..
حتكون مفيدة انو الشركات تحسن خدماتها عشان ما تفقد مشتركينها

( هيئة الاتصالات قالت انو تفعيل الخدمة حيبدا يوم 4 اكتوبر ، وكانت الفترة الفاتت عاملين ليها تشغيل تجريبي)

مرحبا وائل
للاسف كلهم دة ازرط من دة
كلهم البصل اب ريحتا واحدة
زين علي ام تي ان علي سوداني دة تضرب بيهو دة . ولو خلطهم ما بتقدر تطلع منهم شبكة واحدة كويسة
كدي شوف رسالة سوداني دي شان تعرف اللغوسة .. مشركني في باقتين في نفس الوقت .. الاولي ابت تحمل معاي دخلت التانية

Dear customer, You have 44 Minutes Free calls to Sudani and will be expired at 13/08/2015 00:00:00.30.598 MB free Internet Usage and will be expired at 16/08/2015 22:46:40.11.906 MB free Internet Usage and will be expired at 05/09/2015 20:15:28.

يا عبدالحفيظ، نحن الناس البرة، بنتصل بي الدنيا بجهاتها الأربعة (أغنى الدول وأفقر الدول) بدون مشاكل، أول ما نتصل بالسودان تمرق من هنا وتدخل هنا، يقولوا ليك (الشبكة كعبة) ..... الشبكة كعبة دي ما بنسمعها إلاّ في السودان.

زمان يا ابوالريش زمن المسجلات النانشونال والبانوسونيك ديك . لامن الشريط يشربك جوة وتقوم تصلحو وتدقس المحلة المشربكة تقلبها . وتخلي البرة جوة وتشغلو .. تسمع كلام وما كلام صفافير ولا ما صفافير
اها هسة كدة مرات
يا ربي يكون قلبو الشريط