Post: #1
Title: والله ما شلت هم إلا من مواضيع جادات المنتظرة
Author: حاتم إبراهيم
Date: 08-06-2015, 11:07 AM
Parent: #0
11:07 AM Aug, 06 2015
سودانيز اون لاين
حاتم إبراهيم-
مكتبتى فى سودانيزاونلاين
| بعد الغيبة دي يكون جمع ليهو 200 ولا 300 موضوع |
أها يقوم يجي ويملأ الصفحتين الأولى والتانية
جادات
جادات
......
......
تررررر
وتررررر
***************************
لا للاستيكة.
ضع العنصرية في مكانها المناسب.
|
|
Post: #2
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-06-2015, 11:35 AM
Parent: #1
| غايتو الله يجيب "العواقب" سليمة | متوقع لحد بعد ستة ساعات كدة
تجي تشكيلة فيها الأخبار البايتة بتاعة اسبوعين
الله يثبرنا
***************************
لا للاستيكة.
ضع العنصرية في مكانها المناسب.
|
|
Post: #3
Title: Re: والله ما شلت هم إلا من مواضيع جادات المنتظ
Author: علي دفع الله
Date: 08-06-2015, 11:55 AM
Parent: #2
نعم الغابو وجابو
انت يا كافي البلاء ويا حايد المحن تب ما شلت هم للحال الواقف ولا لزيادة الكهرباء والموية ولا للخريف الخستق ولا لي حال البلد المايل..
بس شايل هم بوستات صلاح جادات. همك بيض يااااخ..
-----
شكرا لي صلاح جادات هذا الجهد المبزول الغير مهادن
وثق في ناس كتاااااار منتظرين بوستاتك على احر من الجمر
------
حاتم اخبار ابولو شنو
تحياتي
|
Post: #4
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-06-2015, 12:08 PM
Parent: #1
Quote:
نعم الغابو وجابو
انت يا كافي البلاء ويا حايد المحن تب ما شلت هم للحال الواقف ولا لزيادة الكهرباء والموية ولا للخريف الخستق ولا لي حال البلد المايل..
بس شايل هم بوستات صلاح جادات. همك بيض يااااخ..
-----
شكرا لي صلاح جادات هذا الجهد المبزول الغير مهادن
وثق في ناس كتاااااار منتظرين بوستاتك على احر من الجمر |
"
| يازول كهربتنا شغالة ومطرتنا كابة، السياسة ما شغلتي هههههه | مواضيع جادات ما مابينها بس يخفف شوية
شنو هو أصلو!
ياخي بالميت كدة عندو 20 موضوع يومياً، دا لو ما كان نشيط ههههه
ياخي في ناس أدباء وشعراء مرهفين هنا وضعوا انتاجهم الأدبي شعر وقصص ويستحوا والله رفعها بنقطة زي ما بيعمل جادات دا
أها، يقوم يجيك معمش ويرش الصفحة الأولى برمتها ويوديهم ليك تالت صفحة
العجيبة بيرص مواضيعو وراء بعض كيف أنا ما عارف!
دا ظلم والله لباقي الناس
والله كل يوم أقول أخش، أخاف ألقى الصفحة مرشوشة جادات
تكون دي حالة AJPS؟
Acute Jadat Posting Syndrome
***************************
لا للاستيكة.
ضع العنصرية في مكانها المناسب.
|
|
Post: #5
Title: Re: والله ما شلت هم إلا من مواضيع جادات المنتظ
Author: مرتضى احمد عبد القادر
Date: 08-06-2015, 01:01 PM
Parent: #4
نفس الكذلك :)
|
Post: #6
Title: Re: والله ما شلت هم إلا من مواضيع جادات المنتظ
Author: عثمان الأمام
Date: 08-06-2015, 01:32 PM
Parent: #5
والله أول حاجة فكرت فيها أيام غياب المنبر يا ربي جادات بكون عامل كيف هسه :)
مع إنو جادات الأيام الأخيرة هو الشايل المنبر براااهو بمشاراكاته الدائمة وده مجهود خرافي
|
Post: #7
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-06-2015, 02:47 PM
Parent: #1
| Quote: أسي كدي صلاح جادات اللجي ، دا تحرش مسبق |
| يجي يسوي شنو؟ مشكلتو ما بيعاين لبوستات الآخرين | خت نفسك مكان واحد بعد تردد وضع قصيدة من تأليفه
ويتمنى الناس تعلق عليها
يجي (هنا جادات) دا ويشوتها للصفحة التالتة
بلا رحمة
***************************
لا للاستيكة.
ضع العنصرية في مكانها المناسب.
|
|
Post: #8
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-06-2015, 02:55 PM
Parent: #1
Quote: والله أول حاجة فكرت فيها أيام غياب المنبر يا ربي جادات بكون عامل كيف هسه :)
مع إنو جادات الأيام الأخيرة هو الشايل المنبر براااهو بمشاراكاته الدائمة وده مجهود خرافي
|
| كدي أول افقدوهو ما يكون في غيبوبة | ما عارف لكن والله دي حالة ما طبيعية
أنا شخصياً بتوتر لما أشوف الرصة بتاعتو ديك
المصيبة كلها من فئة واحدة
أخبار
يلا يشيل المنبر دي حاجة كويسة
بس ينوع، ويحاول يضم الأخبار مع بعضها
ما معقولة يجيب لينا خبر
شعرة جابوها بالطيارة!
دا بوست براهو
***************************
لا للاستيكة.
ضع العنصرية في مكانها المناسب.
|
|
Post: #9
Title: عودة جدادات
Author: عماد حسين
Date: 08-06-2015, 05:20 PM
Parent: #8
حاتم
مرتضى
عثمان الإمام
أقسم بالله.. أنا نزلت بوست عديل بالموضوع ده.. بس الوكت داك: المنبر ما كان ظبط
حقو نسمي الحالة دي :جدادوفوبيا 
|
Post: #10
Title: Re: عودة جدادات
Author: usama Babiker
Date: 08-06-2015, 06:15 PM
Parent: #9
المشكلة مابترك البوست حقه يرتفع بالطريقة العادية يعني واحد يتداخل ويرفع البوست لا بيفرضه عليك فرض يعني يرفع البوست وانت تكون قريته لمن تجد مداخلة تقول في جديد في الموضوع تلقى ليك up وصراحة مافي داعي لي اسلوب زي ده لانه اصلا كل الناس ما بتكتب بي قروش حتى ابحث عن عدد القراء .. اترك ياجادات بوستك يترفع بالطريقة الطبيعية مش كفرض لانه ممكن يكون هناك بوست افضل من بوستك ولمن انت تجي ترفع لك كم وعشرين بوست بتكون قللت فرصة الاطلاع على بوستات اخرى ...
ماتجي كمان تطلعني غواصة ..
|
Post: #11
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-06-2015, 06:51 PM
Parent: #1
Quote:
حقو نسمي الحالة دي :جدادوفوبيا
***
اترك ياجادات بوستك يترفع بالطريقة الطبيعية مش كفرض لانه ممكن يكون هناك بوست افضل من بوستك ولمن انت تجي ترفع لك كم وعشرين بوست بتكون قللت فرصة الاطلاع على بوستات اخرى ...
|
| ما قلت ليكم! | داك ياهو جاكم
عشرة مداخلات تسخين ماسورة
ولحد ما الخميس ينتهي بنصل تلاتين براحة
أضرب يا جادات ولا تاخذك بهم رحمة
فأين تذهبون
ترررررر
--------
أنا سميتها Acute Jadat Posting Syndrome يا عماد AJPS اختصاراً
والله ياريتو يسمع كلامك ويراعي للباقين يا أخ أسامة
شكلو غمران لسة، ما مصدق
بس حالة الزول الداقاهو مطرة داك وجعان ولقى دمعة جداد حارة
خخخخخ
***************************
لا للاستيكة.
ضع العنصرية في مكانها المناسب.
|
|
Post: #12
Title: Re: والله ما شلت هم إلا من مواضيع جادات المنتظ
Author: صلاح جادات
Date: 08-06-2015, 07:17 PM
Parent: #11
حاتم انت بتتغابي ولا شنو ...
انا دخلت المنبر من امس ونزلت 3 بوستات جديدة ورفعت القديمة
وبعد ده تجي تفتح بوست بعد ما انا دخلت وشبعت دخول وتقول شايل هم لمواضيع جادات
كلامك ده لو قبل ما انا ادخل كان ممكن يكون معقول ولكن بعد دخولي يسمو شنو ...
وجاي في مداخلتك دي كانك جبت الديب من ديلو ... شاطر كلامك طلع صاح
ها ها ها
جادات كالسيف في الحشا
Quote: ما قلت ليكم!
داك ياهو جاكم
عشرة مداخلات تسخين ماسورة
ولحد ما الخميس ينتهي بنصل تلاتين براحة
أضرب يا جادات ولا تاخذك بهم رحمة
فأين تذهبون
ترررررر
--------
أنا سميتها Acute Jadat Posting Syndrome يا عماد AJPS اختصاراً
والله ياريتو يسمع كلامك ويراعي للباقين يا أخ أسامة
شكلو غمران لسة، ما مصدق
بس حالة الزول الداقاهو مطرة داك وجعان ولقى دمعة جداد حارة
خخخخخ
***************************
لا للاستيكة.
ضع العنصرية في مكانها المناسب. |
|
Post: #13
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-06-2015, 07:30 PM
Parent: #1
| Acute Jadat Posting Syndrome أدى الناس معاك فرصة |
حاتم انت بتتغابي ولا شنو ...
- أبدا والله.
انا دخلت المنبر من امس ونزلت 3 بوستات جديدة ورفعت القديمة
- ما هي دي المشكلة، شكلك مرابط ربط شديد.
وبعد ده تجي تفتح بوست بعد ما انا دخلت وشبعت دخول
- ويعني لو لسة ما شبعت "دخول" كنت حتسوي شنو أكتر من كدة؟
كلامك ده لو قبل ما انا ادخل كان ممكن يكون معقول ولكن بعد دخولي يسمو شنو ...
- أنا قلت فوق إني بتحاشى الدخول عشان ما اصطدم بالتررررررر بتاعتك دي.
ها ها ها
- قال لي ها ها ها، شفتو؟ معناها في تلاتة بوستات جديدة حتنزل هسع.
راعي لبقية الأعضاء
فضلاً لا أمنية.
***************************
لا للاستيكة.
ضع العنصرية في مكانها المناسب.
|
|
Post: #14
Title: Re: والله ما شلت هم إلا من مواضيع جادات المنتظ
Author: الشفيع وراق عبد الرحمن
Date: 08-06-2015, 09:54 PM
Parent: #13
حاتم الغواصة
خلي جادات في حالو
والناس تقول المنبر مات مالو
|
Post: #15
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-07-2015, 05:49 PM
Parent: #1
| الشيء موكب رسمي؟ | بالتمحيص في أوقات البوستات
أظن فهمت عمنا جادات دا بيرص بوستاتو ورا بعض كيف
قولوا لي كيف:
1- بيفتح كل بوست في نافذة جديد براهو، كان عشرة كان خمطاشر بوست
2- يقوم يعبيها ردود ولا أي كلام حشو
3- في دقيقة واحدة يقوم يضغط على كل واحد (أضف رد)، طرق طرق طرق
4- يرجع بسرعة يشوف في الصفحة الأولى لو نزلوا في شكل كونفوي، ويتأكد إنو مافي بوست ما حقو انحشر في نصهم
5- إذا انحشر بوست "غريب" في النص بيرجع يتعدل البوستات الاتخلفت عن الموكب، عشان يلحقن الموكب ويخلن الغريب وراهن
هوس!
ولا كمان عندو مدفع بوستات رشاش، posting machine gun
انت يااااا جادات نسألك
بتتكيف لمن تشوف اسمك مرصوص تسعة ولا عشرة مرات تحت بعض؟
***************************
لا للاستيكة.
ضع العنصرية في مكانها المناسب.
|
|
Post: #16
Title: Re: والله ما شلت هم إلا من مواضيع جادات المنتظ
Author: الصادق اسماعيل
Date: 08-07-2015, 06:08 PM
Parent: #15
هذا البوست دليل
على أن المدعو حاتم إبراهيم "غواصة"
ولا نزيد والمناضل بالإشارتي يفهمو
|
Post: #17
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-07-2015, 06:18 PM
Parent: #1
Quote:
حاتم الغواصة
خلي جادات في حالو
****
هذا البوست دليل
على أن المدعو حاتم إبراهيم "غواصة"
|
| آآي استهدفوني | طلعوني
"مدعو وغواسة"
الله يطلعك يا روح
-----
الصادق أبولو كيف؟
***************************
لا للاستيكة.
ضع العنصرية في مكانها المناسب.
|
|
Post: #18
Title: Re: والله ما شلت هم إلا من مواضيع جادات المنتظ
Author: جمال ود القوز
Date: 08-07-2015, 06:41 PM
Quote: ولا كمان عندو مدفع بوستات رشاش، posting machine gun
|
غايتو كان الداهي ده عنده ..
أكيد محتاجلو براءة اختراع ..
ونسمي المدفع ده جاداتوف ..
على وزن كلانشكوف بتاع الكلاش ....
حاتم بطّل غوصنه ..
|
Post: #19
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-07-2015, 07:06 PM
Parent: #1
Quote: ونسمي المدفع ده جاداتوف ..
على وزن كلانشكوف بتاع الكلاش ....
|
| انت معي ولا ضد جادات؟ |
قول جاداتكوف
البجيب الخوف
***************************
لا للاستيكة.
ضع العنصرية في مكانها المناسب.
|
|
Post: #20
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-09-2015, 06:29 PM
Parent: #1
| outsourcing dot dot | | كدة بقى نقدر نقول: جانا الموز أبو نقطة |
|
Post: #21
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-10-2015, 02:55 PM
Parent: #1
| الله يطلعك يا روح | واحد يجهز الرصة بتاعة الكونفوي
والتاني يجي يرفعها "بنقطة" واحدة مع الالتزام بالرص الصحيح
يقوم الأول يجي يشكره تاني يوم (شكراً لرفع البوست)، بنفس الرصة
اليوم الرابع حيجي التاني يرد (لا شكر على واجب، نحن في الخدمة)، وبرضو بنفس الترصيص
____
الله يعلي مراصيصك يا جادات
|
|
Post: #22
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-11-2015, 01:05 PM
Parent: #1
| الليلة عيان شكلو | تلاتة مرصوصات بس!
يا أخوانا زولكم افقدوهو
ولا يمكن الردم كتر عليهو
|
|
Post: #23
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-12-2015, 11:21 PM
Parent: #1
| Obsessive Compulsive Posting | الفوق دا اسم المرض يا جوطات، وسواس المداخلات القهري.
غايتو شكلك الليلة حتبقى زي تور الروديو
تبردب شمال يمين فوق وتحت
تلكع دا وتعفص دا وتطعن داك بقرنك
دا لو ما تحولت لزومبي
ياني الراكب وماسك قوي.
|
|
Post: #24
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 08-13-2015, 00:21 AM
Parent: #1
| أها نبقى في جنس اللعب دا | داك ياهو تور الروديو هاج
بالله رشاكم بمرصوصة فيها سبعة جوطات
في خمسة ثواني
إنجاز والله
______
أغيثوا الرجل يا أمة الإسلام، هو يعاني
|
|
Post: #25
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-02-2015, 04:38 PM
Parent: #1
| بالله شوفو الصفحة الأولى ملعلطة كيف! | كدة يادوب الواحد يعرف يستفيد
بالله الراجل العجيب داك كان ملوث المنبر قدر دا؟
داك ياهو نزل تحت، يغير زيت المكنة بتاعة المنبر
بالله يا بكري خليهو في الفيسليغ تحت قبلو
الله لا طلعوا فوق تاني
|
|
Post: #26
Title: Re: والله ما شلت هم إلا من مواضيع جادات المنتظ
Author: طلحة عبدالله
Date: 09-02-2015, 05:49 PM
Parent: #25
Quote:
خت نفسك مكان واحد بعد تردد وضع قصيدة من تأليفه
ويتمنى الناس تعلق عليها
|
هههههههههههههههههه
قول كدا يا حاتم ياخ ..
لكن بالمناسبة عندك برضو الأخ هشام هباني وواحد تاني على
ما أعتقد اسمو زهير حمد
|
Post: #27
Title: Re: والله ما شلت هم إلا من مواضيع جادات المنتظ
Author: aosman
Date: 09-02-2015, 06:01 PM
Parent: #26
Quote: نت يا كافي البلاء ويا حايد المحن تب ما شلت هم للحال الواقف ولا لزيادة الكهرباء والموية ولا للخريف الخستق ولا لي حال البلد المايل..
بس شايل هم بوستات صلاح جادات. همك بيض يااااخ.. |
وأضف إلي ذلك بوستات جادات مقدور عليها, ممكن يتجاهلها بس لكن إنقطاع الكهرباء والموية وموية الخريف الراقدة في الشوارع والفساد الأصبح منتشر كيف يمكن تجاهلهم؟
جادات خطر أصبح مصدر خوف ورعب, واصل يا جادات في رسالتك.
|
Post: #28
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-02-2015, 06:36 PM
Parent: #1
Quote: هههههههههههههههههه
قول كدا يا حاتم ياخ ..
لكن بالمناسبة عندك برضو الأخ هشام هباني وواحد تاني على
ما أعتقد اسمو زهير حمد |
| مرحب أخ طلحة | لست شاعر ولا أفهم في الشعر
لكن أعرف كيف يشعرون
يستحيل أن يقوم أديب أو شاعر بكتابة ثم تواتيه الشجاعة ليفعل مثلما يفعل ذلك المسخ (الرفع بنقطة)
كمية من الأعمال الأدبية توارت واختفت بسبب النقل والرص اليومي المهووس
|
|
Post: #29
Title: Re: والله ما شلت هم إلا من مواضيع جادات المنتظ
Author: ناصر حسين محمد
Date: 09-02-2015, 06:44 PM
Parent: #28
والله ياحاتم جادات هين
المشكلة انت
اقلها ياخ امشي كمل موقعك الكلو ( قريبا ، ونعتذر)
|
Post: #30
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-02-2015, 06:54 PM
Parent: #1
| Quote: اقلها ياخ امشي كمل موقعك الكلو ( قريبا ، ونعتذر) |
| شكراً للزيارة، ما كلو في الحقيقة، بعض منه خليك دقيق يا كمبيوترمان، الشوية الموجودة ما فهمت منها شنو؟ | معليش يا ناصر ياخ، شكلك زعلت!
خلاص معليش، جدك حكيم
بل حكيم جداً لأنو انحاز للحيوان في خلافك مع الحمار
عرف بحكمته أيكم الأجدى نفعاً
كلم معاك أليكسي دوفالييه دا يجي يشاركنا في بوست تحليل اللغة
نشوف الراس دا فيهو شنو
أظنه بتاع إنجليزي، وشايف أبوريش "راصو" جايط كلو كلو
________
على الأقل أنزل لصاحبك تحت في صيوان العزاء
مش انتو الشجعتوهو؟
_________
رأيك شنو تركز معاي في تخصصك؟
|
|
Post: #31
Title: Re: والله ما شلت هم إلا من مواضيع جادات المنتظ
Author: ناصر حسين محمد
Date: 09-02-2015, 07:04 PM
Parent: #30
Quote: معليش يا ناصر ياخ، شكلك زعلت!
خلاص معليش، جدك حكيم
بل حكيم جداً لأنو انحاز للحيوان في خلافك مع الحمار
عرف بحكمته أيكم الأجدى نفعاً
كلم معاك أليكسي دوفالييه دا يجي يشاركنا في بوست تحليل اللغة
نشوف الراس دا فيهو شنو
أظنه بتاع إنجليزي، وشايف أبوريش "راصو" جايط كلو كلو
________
على الأقل أنزل لصاحبك تحت في صيوان العزاء
مش انتو الشجعتوهو؟
_________
رأيك شنو تركز معاي في تخصصك؟ |
مالك داير تطفش الكفر ياخ
خليه لعب نظيف بلاش الدافوري
كان عايز منو بنعبي ليك لمن تأمن ..!!
اسه نفتح فيك تفتش للحجاز
بره الدافوري
بالمناسبة الموقع كلو مجلي
واجتهادتك تقريبا سرقة أفكار وقواعد بيانات ..!!
|
Post: #32
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-02-2015, 07:13 PM
Parent: #1
Quote: وأضف إلي ذلك بوستات جادات مقدور عليها, ممكن يتجاهلها بس لكن إنقطاع الكهرباء والموية وموية الخريف الراقدة في الشوارع والفساد الأصبح منتشر كيف يمكن تجاهلهم؟
جادات خطر أصبح مصدر خوف ورعب, واصل يا جادات في رسالتك. |
| انتو دا منو البيجي سريع ويمشي سريع دا؟ | شوف أنا ما عارفك انت منو وما عندي عادة النظر في البروفايلات، بخاطب الأفكار فقط.
أها ناس (سنة دو) ديل عندي ليهم معزة خاصة
احتراماً للأقدمية
فخليك واضح وقول الكلام الحقك انت
شغل التشجيع لا يناسب "أقدميتك"
أما أليكس دوفالييه دا أنا خاتيهو ليوم "كيبور"
_____
برضك أنزل الفيسليغ وواسي صاحبك ساعة
|
|
Post: #33
Title: Re: والله ما شلت هم إلا من مواضيع جادات المنتظ
Author: طلحة عبدالله
Date: 09-02-2015, 07:27 PM
Parent: #32
Quote:
نتو دا منو البيجي سريع ويمشي سريع دا؟
|
والله دي قلبت فيها هوبة عديل يا حاتم ..
واحد صاحبنا لاقي ليهو تؤأم ( شبه شديد ) قال ليهم منو فيكم التاني ؟؟
ههههههههههههه
بالمناسبة دي لو عندك موقع بالله ما تنسي أخوك جيبو هناك مع اعلان كبير
لنجم الأسافير بلا منازع .. أقلاهو ننفك من ناس جرجير ديل كرهونا أكل النبق .
|
Post: #34
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-02-2015, 07:32 PM
Parent: #1
Quote: خليه لعب نظيف بلاش الدافوري
كان عايز منو بنعبي ليك لمن تأمن ..!!
اسه نفتح فيك تفتش للحجاز
بره الدافوري
بالمناسبة الموقع كلو مجلي
واجتهادتك تقريبا سرقة أفكار وقواعد بيانات ..!! |
| Finally! back on the tack, haleluya | الدافوري دا مش بديتو انت، بمدابربتك لحمار جدك؟
ياخي انت رفست حمار البيت المتربي معاهو، ما ترفث فيني أنا؟
ايشلون جلافة!
شوف!
تقوم تفتح بوست يا أخ
و"تعبيهو" من كلام ناس "مجلي" و"سرقة أفكار" مع الأمثلة
وخلينا نشوف الحمار كان ممكن ينجز شنو،
لو سمحوا ليهو يدرع شنطة الدمورية في بطنو ويمشي المدرسة بدلك!
Go ahead, lets ROCK.
|
|
Post: #35
Title: Re: والله ما شلت هم إلا من مواضيع جادات المنتظ
Author: ناصر حسين محمد
Date: 09-02-2015, 08:37 PM
Parent: #34
Quote: الدافوري دا مش بديتو انت، بمدابربتك لحمار جدك؟
ياخي انت رفست حمار البيت المتربي معاهو، ما ترفث فيني أنا؟
ايشلون جلافة!
شوف!
تقوم تفتح بوست يا أخ
و"تعبيهو" من كلام ناس "مجلي" و"سرقة أفكار" مع الأمثلة
وخلينا نشوف الحمار كان ممكن ينجز شنو،
لو سمحوا ليهو يدرع شنطة الدمورية في بطنو ويمشي المدرسة بدلك! |
يا ود الناس شنو حمار جدك
انت بالجد ما فاهم للدرجة دي...!!!!!!
ده مثل ياخ الله يرضى عليك
هههههه
كان ياهو فهمك الترابة في خشمك
بعدين حتة مجلي دي مجلي
ياخ سيبك من ( قريبا، ونعتذر)
والحشو البتقولو هنا
افكارك ال ( قريبا) دي ذااتها ملطوشة
|
Post: #36
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-02-2015, 09:24 PM
Parent: #1
Quote: ده مثل ياخ الله يرضى عليك
هههههه
كان ياهو فهمك الترابة في خشمك
بعدين حتة مجلي دي مجلي
ياخ سيبك من ( قريبا، ونعتذر)
والحشو البتقولو هنا
افكارك ال ( قريبا) دي ذااتها ملطوشة |
| الترابة في خشمك يعني شنو؟ | ما اتكون اتعقدت يا ناصر يا أخوي
أنا عارفو مثل،
أنا ذااااتي زول ضهاري زيك، بس كلام الحمير ما بقولو هنا
خاصة إذا كان حيجيب شبهة، زي حقتك دي، "رفسني ورفستو" دا كلام؟
وكمان الأمثال بتتقال تمشيا مع الأفعال، ولا كيف؟
انت قايل بستوردوها؟
تعرف، أنا بقول "تعبي" راصك حسن أساليب عشان ما يتعكلت فيك واحد زيي كدة
أها نجي لموضوعنا بتاع الموقع
ممكن تدينا اسم ولا عنوان لاقاك هناك عشان نشوفك فهمت قدر شنو؟
يمكن "اتلخبت عليك الاختساس" آالعوض
|
|
Post: #37
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-02-2015, 09:51 PM
Parent: #1
| بره الموضوع: انت غيرت القميص أبو ياقة طرقة عشر مالك؟ | ما تحاول معاي الكلام الما في محلو
خليك حريص على مشاعر الآخرين هنا.
واحد حاول يتجالف معاي هنا قبلك
داك ياهو طافش ليهو أربعة شهور.
والتاني أهو قدامك بتزاوغ.
So, please take note.
_________
موضوعنا هنا عن جوطات الانت ومعاك أليكسي دوفالييه نزلتوهو الفيسليغ
موضوع الموقع دا تمشي تفتح بيهو بوست، لو عندك حاجة
أو داير تعرف حاجة.
_________
Nice shirt, untidy tie.
|
|
Post: #38
Title: Re: والله ما شلت هم إلا من مواضيع جادات المنتظ
Author: ناصر حسين محمد
Date: 09-03-2015, 07:54 AM
Parent: #37
قلت لي عارفو مثل
سمحة المعرفة
اما موضوع مشاعر الاخرين الاولى انك تكون حريص عليها
بنجيك بما يؤذي ان واصلت في تطفيش الكفر
|
Post: #39
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-03-2015, 10:23 AM
Parent: #1
Quote: قلت لي عارفو مثل
سمحة المعرفة
اما موضوع مشاعر الاخرين الاولى انك تكون حريص عليها
بنجيك بما يؤذي ان واصلت في تطفيش الكفر
|
| مالك عامل للدرب كليوات؟ | أنت ما عندك غير الحمير والكورة؟
شوف!
داير تأذيني جد جد؟
تفتح بوست، وتكتب فيهو كل رأيك الشخصي عن محتوى الموقع
وتخلينا نعرف أنا (سرقت) فكرة منو و (المجلي) شنو.
غير كدة انت بتضيع في زمني ساكت.
صعبة دي؟
_________
أسمع، زولكم طلع أمس فوق صنفر ليهو أربعة بلكات
كلمو ما ينسى يقرض الضبة بتاعة الكرتيل
وناولوه طشت يفرغ فيهو الزيت الراجع
|
|
Post: #40
Title: Re: والله ما شلت هم إلا من مواضيع جادات المنتظ
Author: حاتم إبراهيم
Date: 09-03-2015, 06:07 PM
Parent: #1
| أها شفت كيف يا ناصر يا أخوي | دا حال الناس البينصبوا أنفسهم أوصياء هنا
أها المدرشة الحصلت لأخونا أبوريش دي ما مفروض تثنيك عن عزمك فتح بوست تتهمني فيه (بالسرقة والجلاء)
أبوريش دا زي ما شفت ما بياخد معاي ضحوية، فني ساكت تصادف حصوله على ورقة مكتوب فيها (هندسة)
داك ياهو أرغى وأزبد بعد ما كلفني جنيهين الانترنت
فقلت نخليهو يبرد شوية ونجيك انت آآالدخري
باقي طاحونتي دي شغالة ببابور جاز دويرتو صعبة خلاس، ما بنبطلها بالسهولة
فعشان الحجر ما ياكل أخوه لازم نرمي ليها لهوة
أي حاجة إن شاء الله مهندس فالصو
ياخي دا عندو اختراع قال بيفتح باب العربية بالانترنت! أي والله
ما العربية في مدينة تانية، لا ، العربية الواقفة قدام الباب
تعمل دخول لسيرفر في سقط لقط عشان تفتح بابها
بدل ما تستخدم الريموت في المفتاح
انت قايل تهمة (السودانيين كسالى) دي جات من فراغ؟
ماهي مشكلتنا نوع التفكير دا
عندو اختراع تاني اسمو
"الووب-ووبين"
________
انت حتفتح البوست متين؟
عشان في هوم ويرك وجدول نجهزم ليك
________
باب الملح حيفتح بعد شوية
زولك بتاع الكرتيل التحت هسع يجي يصنفر بلكاتو
|
|
|