هل عملت أي احتياطات لحفظ الموقع ده من أي هجوم جديد ؟
مش تفتكر آن الأوان انك تمشي Monitored Server 24/7
وتشوف نظام دفاعي اشد من ده ؟
Post: #2 Title: Re: يا بكري .. بعد المباركة بالرجوع .. عملت شنو � Author: معاوية الزبير Date: 08-06-2015, 01:36 AM Parent: #1
والله شلنا هم عدم الملاقاة دون أن نتعافى تصدّق حقو الناس تعمل احتياطي بعد التجربة دي على قول صاحبنا بكور
Post: #3 Title: Re: يا بكري .. بعد المباركة بالرجوع .. عملت شنو � Author: أبوبكر عباس Date: 08-06-2015, 01:54 AM Parent: #2
سلام قباني ولله والرسول يا مُعاوية. تصدق خلال فترة التوهان دي رسلت مقال لطارق الجزولي بسودانايل، لكن الحاقد ما نزلو!! المقال: الشفوت يفتقدون حوش بكري أبوبكر (سودانيز أون لاين) بقلم: أبوبكر عباس حلمان مُت وجوني الملكين البكابسوك في القبر ديك، وبدل يسألوني ما دينك؟ العتيد قال لي: أكتر حاجة أدهشتك في الدنيا شنو؟ حاولت أرفع كتفي شويّة وأخت لي سفّة، لكن الرقيب هجرني بكراعو وحدر لي، قلت ليهم: اكتر حاجتين أدهشني في الدنيا هن: - فوز باراك حسين أوباما الأسود إبن المهاجر الكيني برئاسة الولايات المتحدة الأمريكية - القراءة والحوار بحوش بكري أبوبكر سودانيز أون لاين، حاولت أتقعد في الكلام وأروي ليهم الطرائف ومتعة القراية بالحوش، لكن الرقيب قال للعتيد: وديهو النار، المعفن دا ما ظنيت في حاجة ممكن تدهشو في الجنّة! المهم يا اخوانا، منتدى بكري غائب عننا أكثر من أسبوع، والنصيحة كدا ما عارفنو إتهكر من ناس الحكومة الجربانين ديل، ولّ متوقف نتيجة علّة من علل التكنولوجيا دي!! نحن وحات سيدي الحسن، لو المنبر إتوقف سوف نقاطع القراية ورقية ولّ سوفتيّة، وأي كتابة أو حوار خارج سودانيز أون لاين قاعدين نشوفها "كلام الطير في الباقير" ساكت! ونحن نحذر الحكومة من مغبّة مثل هذه الإعتداءات، إذ يدخلها مثل هذا التصرف تحت طايلة القانون الأمريكي، لأنو سودانيز أون لاين منشأة أمريكية صدرت من ولاية فرجينيا بواسطة بكري أبوبكر ودينق وبشهادة مولانا عبد الله عبد الله، وإذا لم ترجع سودانيز، سوف لن نرفع الحظر عنكم. اسم فرجينيا أطلقه مغامر إنجليزي على هذه الأرض تيمنا بالملكة الإنجليزية البتول التي لم يمسسها بشر، وصارت من بعد ذلك تلك الأرض ملجأ للمعذبين في الأرض وأرض للحريات السبع، فكيف بالله يتجرأ قوم رئيسهم مولود بحوش بانقا على حرمة جلالة الملكة فكتوريا قدس الله سرها!! طيب يا شفت، أشرح لينا الفرق شنو في الكتابة بالحوش والحيشان التانية؟ سألتوني وأنا بحب الأسئلة الساهلة: أول حاجة عشان تكتب معانا بهناك لازم تكون شفت، وجلدك تخين، وخاتي نفسك دي في الواطة، وفوق ديل كلهم لازم تكون مستنير إستنارة حقيقية، ما يعجبوكم ناس بروف عبد الله علي إبراهيم، حسن موسى، البطل ومحمد عثمان، ديل كلهم كانوا بكتبوا بهناك وشردناهم وخليناهم يتاوقوا للمنبر من وراء حجاب! هناك ما عندنا يا يمة أرحميني ونوع يا فنان، ويا شفيف، ويا أنيق ما عندنا. تكتب أي حاجة بجوا الشفوت يفلفلوك ويطرشوك الكلام، ولو كنت مكنتك خفيفة طوالي بتتحول لمنبر سودان فورأول أو ترسل مقال لطارق الجزولي في سودانايل أو ترجع خائباً للفيسبوك. المهم، ما أطول عليكم، وعبر هذه النافذة أُرسل أشواقي لبكري أبوبكر وجميع الشفوت بمن فيهم معاوية الزبير ومعاوية المدير ومحمّد علي طه الملك، و"أحجب التحايا" عن مصطفى مدثر وأسامة الخواض وبله.
أبوبكر عباس كاتب مستنير من حوش بكري مقيم بدبي وفرجينيا
Post: #4 Title: Re: يا بكري .. بعد المباركة بالرجوع .. عملت شنو � Author: الباقر ابوبكر ابراهيم Date: 08-06-2015, 02:02 AM Parent: #3
حمدا لله علي رجوع الموقع والله الايام الفاتت دي راسنا اتقطع لعنة الله على الهكر تحياتي قباني وضيوفه
Post: #6 Title: Re: يا بكري .. بعد المباركة بالرجوع .. عملت شنو � Author: معاوية الزبير Date: 08-06-2015, 02:16 AM Parent: #4
تعرف يا بكور كتابتك في المنابر التانية ولا ليها طعم ناقصة ملح وبصل وموية عشان كدا بنطالب بكري يزيد ليك القروش ويبقيك على سودانيز اونلاين exclusively
Post: #5 Title: Re: يا بكري .. بعد المباركة بالرجوع .. عملت شنو � Author: HAYDER GASIM Date: 08-06-2015, 02:12 AM Parent: #3
لكن ... أمانما ... زره ... طويلة ياخ ... طول البحر
عموما ... أهل مكة أدرى بشعابها, وكلام حبيبنا قباني ده ما حا يقع البحر
ثم ... أنني عضو بهذا البورد, ولأجل أن يكون ممكن أدفع لما يتطلب إستمراره ونظافته من الهاكرز ولأجل سرعة أفضل وخدمة مستمره ومأمونه
فقد تعودنا في نورث أمريكا على دفع مستحقات أي خدمات
فما رأي بقية الأعصاء؟
Post: #40 Title: Re: يا بكري .. بعد المباركة بالرجوع .. عملت شنو � Author: الامين موسى البشاري Date: 08-08-2015, 01:26 AM Parent: #3
Quote: تصدق خلال فترة التوهان دي رسلت مقال لطارق الجزولي بسودانايل، لكن الحاقد ما نزلو!!
Quote: أبوبكر عباس كاتب مستنير من حوش بكري مقيم بدبي وفرجينيا
Post: #7 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-06-2015, 04:43 AM Parent: #2
Quote: والله شلنا هم عدم الملاقاة دون أن نتعافى تصدّق حقو الناس تعمل احتياطي بعد التجربة دي على قول صاحبنا بكور
و الله يا معاوية بالضبط كده ...
هَمْ عدم الملاقاة ...
تخيل انو المنبر ده راح ... و لسة ما شلنا ارقامكم و لا عرفنا و ين اراضيكم و لا فهمنا حاجة ...
العملها فينا بكري زي ما زمان تمشي بيت عرس و تقابلك واحدة سمحة تختف قلبك ...
و تقوم تتكلم معاها و تتكلم معاك و آخر الليل ترجع سدرك منفوخ من الريدة ...
و تسرح فيها و انت راقد في المرتية الساااقطة ديك و مدخل يدك بي جوة الجلابية علي صوف السدر ....و طقققق ...
تتذكر انو ما شلت لا تلفونها لا عنوان بيتها ... لا عرفته هي صاحبة منو ؟؟؟؟ _______________________________________________________ ان شاء الله بس بكري ينستر و يعمل احتياطي مركزي لي جنس البهدلة دي ...
Post: #8 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-06-2015, 04:49 AM Parent: #7
Quote: سلام قباني ولله والرسول يا مُعاوية. تصدق خلال فترة التوهان دي رسلت مقال لطارق الجزولي بسودانايل، لكن الحاقد ما نزلو!! المقال: الشفوت يفتقدون حوش بكري أبوبكر (سودانيز أون لاين) بقلم: أبوبكر عباس
سلام يا بكور و سلامتك من التوهان ...
و بكري و الله ما ورانا مشكلته كانت وين ...
اها انحنا رمينا بياضنا و حاضرين ...
هل هي تكنلوجيا قديمة تخلفت مع سرعة الزمن ...
ام تهكير بإهمال ...
في كل الأحوال ركوزنا جاهز ...
Post: #9 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-06-2015, 04:54 AM Parent: #8
Quote: حمدا لله علي رجوع الموقع والله الايام الفاتت دي راسنا اتقطع لعنة الله على الهكر تحياتي قباني وضيوفه
سلامات يا باقر ...
غايته بندي بكري كم يوم يشيل نفسه ...
لكن لازم يجي هنا يورينا الحاصل شنو و الخطة شنو ؟
لانو انا شايف الخطة حقة الجماعة خطة بلا رحمة ... :)
عاين ناس التوهان و شيل هم عدم الملاقة ديل ... بالله قربت ابكي ...
Post: #10 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-06-2015, 04:58 AM Parent: #9
Quote: لكن ... أمانما ... زره ... طويلة ياخ ... طول البحر
عموما ... أهل مكة أدرى بشعابها, وكلام حبيبنا قباني ده ما حا يقع البحر
ثم ... أنني عضو بهذا البورد, ولأجل أن يكون ممكن أدفع لما يتطلب إستمراره ونظافته من الهاكرز ولأجل سرعة أفضل وخدمة مستمره ومأمونه
فقد تعودنا في نورث أمريكا على دفع مستحقات أي خدمات
فما رأي بقية الأعصاء؟
ركوزنا حاضر يا حيدر ...
بس بكري يفهمنا حاجة ...
Post: #11 Title: Re: يا بكري .. بعد المباركة بالرجوع .. عملت شنو � Author: معاوية الزبير Date: 08-06-2015, 05:07 AM Parent: #10
Quote: تتذكر انو ما شلت لا تلفونها لا عنوان بيتها ... لا عرفته هي صاحبة منو ؟؟؟؟
تلفونها شنو في السبعينات يا عم قباني،، والله انتو يا ناس امدرمان زي المعارضة ما عايشين الواقع السوداني. تشبيهك عجيب فعلا، لكن كمان كوستي دي ضيقة، ح تهرب مننا وين. المشكلة البِجَن للمناسبة من برّا، خاصةً الأبيض، لا حولااااا تصدق شهر لي قدام نمشي ننتظر قطر الأبيض في المحطة، عسى ولعل تكون ماشه عرس تاني في الخرطوم أو عشان تنضمّ لمعسكر رائدات السلة
Post: #12 Title: Re: يا بكري .. بعد المباركة بالرجوع .. عملت شنو � Author: عبدالله عثمان Date: 08-06-2015, 05:38 AM Parent: #11
إضافة تعليق...
.
Salim Ahmed · الإسكندرية (فرجينيا) مافي هكر ولا حاجه وبكري يعلم ذلك جيداً الموقع نسخة قديمة جداً اوقفت الشركة المنتجة تطويرها منذ سنيين عديده ولم يضع صاحب الموقع ذلك في الاعتبار واكتفي بالتلتيق من هنا وهناك ولذلك المشاكل كتيره وستكون اكثر وعصيه بمرور الزمن اذا لم يجد صاحب الموقع البديل ... والله من وراء القصد.
Post: #13 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-06-2015, 05:46 AM Parent: #11
Quote: تلفونها شنو في السبعينات يا عم قباني،، والله انتو يا ناس امدرمان زي المعارضة ما عايشين الواقع السوداني. تشبيهك عجيب فعلا، لكن كمان كوستي دي ضيقة، ح تهرب مننا وين.
ما تحكها ... ده تشبيه ضمني ...
عشان ناس حمادة يفهمونا ...
بعدين ناس عمك احمد ابرهيم ( بطري ) عندهم تلفون من سنة دو ... و أولاد شلقامي كمان ...
يعني عليك الله اكتب شنو ؟ رقم صندوق البوستة حق ابوها عشان ارسل ليها تلغراف و لا تلفون سيد الدكان الفي طرف الحلة ؟
خليك حلو ... نحن في زمن اوزون و اشرّط ليك هدومي ... ________________________________________ و بالمناسبة دي بهديك اغنية عجيبة .... سوداثيوبية
في أداء مميز ...
Post: #14 Title: Re: يا بكري .. بعد المباركة بالرجوع .. عملت شنو � Author: محمد خضر بشير Date: 08-06-2015, 06:08 AM Parent: #1
السلام عليكم ورحمة الله وبركاته
الأخ العزيز/ بكري ابوبكر الموقر
ألف حمداً لله على السلامة ....والفرحة ليس لها حدود بعودة المنبر ...يا الله لك الحمد والشكر نسأل الله أن يحفظك ويحفظ لنا المنبر من كل سوء ... لك الود والتقدير
Post: #15 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-06-2015, 06:20 AM Parent: #14
Quote: Salim Ahmed · Alexandria, Virginia مافي هكر ولا حاجه وبكري يعلم ذلك جيداً الموقع نسخة قديمة جداً اوقفت الشركة المنتجة تطويرها منذ سنيين عديده ولم يضع صاحب الموقع ذلك في الاعتبار واكتفي بالتلتيق من هنا وهناك ولذلك المشاكل كتيره وستكون اكثر وعصيه بمرور الزمن اذا لم يجد صاحب الموقع البديل ... والله من وراء القصد.
أعجبني · رد · 4 ساعة
يا سالم ...
شكلك عارف حاجة ... لو متأكد منها نورنا ينوبك ثواب ...
Post: #16 Title: Re: يا بكري .. بعد المباركة بالرجوع .. عملت شنو � Author: محمد عثمان Date: 08-06-2015, 06:28 AM Parent: #15
الف حمدا لله بالسلامه...
Post: #18 Title: Re: يا بكري .. بعد المباركة بالرجوع .. عملت شنو � Author: مجدي عبدالرحيم فضل Date: 08-06-2015, 06:38 AM Parent: #16
حمدا علي السلامة للجميع
،،،،أبوقصي،،،،
Post: #17 Title: Re: يا بكري .. بعد المباركة بالرجوع .. عملت شنو � Author: بابكر قدور Date: 08-06-2015, 06:35 AM Parent: #14
الأخ العزيز قباني لك الود والتحايا الطيبات والتحايا عبرك للباش بكري أبوبكر .. وحمداً لله على السلامة وغياب المنتدى سبب لينا حالة من الإحباط مبالغ في درجتها .. عندما غاب المنتدى سألت أحد الزملاء المصريين وهو معي في المكتب وهو متخصص في الـ "IT" وقلت له أن المنتدى قد تهكر .. وعند فتح صفحة المنتدى وجدنا أن هناك رسالة "باللوندي" بتاع الكمبيوتر وعندما قرءها قال لي أن هذا عطل فني .. وأخذ يشرح لي مش عارف فيرشن 5 ولازم يعمل ديقريد لفيرشن 4 .... وهذا كل مافهمته .... المهم عطل فني وأتفق معك في مطالبة الباش بالعمل على تفادي تكرار مثل هذا العطل .... لك وله الود التحايا الطيبات ...
Post: #19 Title: Re: يا بكري .. بعد المباركة بالرجوع .. عملت شنو � Author: بكرى اللبيب Date: 08-06-2015, 06:58 AM Parent: #17
التحايا الاخ قبانى والاعزاء الكرام
الف الف سلامه والقصه دايره كرامه
Post: #20 Title: Re: يا بكري .. بعد المباركة بالرجوع .. عملت شنو � Author: Yousif A Abusinina Date: 08-06-2015, 08:24 AM Parent: #19
يا سيد الحوش العزيز وغالى
الف حمد لله على السلامة وان شاء الله الجاياك تختاك
الحوش عامر بفضل الله والمرديين
Post: #21 Title: Re: يا بكري .. بعد المباركة بالرجوع .. عملت شنو � Author: عماد حسين Date: 08-06-2015, 08:43 AM Parent: #20
أبوبكر عباس
Quote: العتيد قال لي: أكتر حاجة أدهشتك في الدنيا شنو؟ حاولت أرفع كتفي شويّة وأخت لي سفّة، لكن الرقيب هجرني بكراعو وحدر لي، قلت ليهم: اكتر حاجتين أدهشني في الدنيا هن:
المناهج غيروها، ولّ دي آثار ركوب اللواري
الكرام رقيب وعتيد.. في المناهج القديمة (الكتبة، الذين يكتبون الحسنات والسيئات).
مع تحيات أخوك عماد الوهابي رئيس لجنة الرقابة الشرعية بالبورض
Post: #22 Title: Re: يا بكري .. بعد المباركة بالرجوع .. عملت شنو � Author: Deng Date: 08-06-2015, 09:06 AM Parent: #21
الأخ يحيى قباني وبقية الأخوة الكرام.
لا أعتقد أن هنالك حل نهائي لتأمين هذا الموقع، طالما أنه موقع عام فهو لن يكون مؤمن مية المية. وطالما أنه مستهدف بواسطة خبراء تهكير، ف بكري أبوبكر لن يستطيع تأمينه مية المية. هنالك مواقع كبيرة ولها أمكانيات كبيرة جدا، وهي تتعرض للتهكير أيضا. حتى يتمكن الخبراء في إيجاد حل نهائي لمشكلة التهكير، فأن الوضع الحالي قد يستمر.
Post: #44 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-09-2015, 09:27 AM Parent: #22
Quote: الأخ يحيى قباني وبقية الأخوة الكرام.
لا أعتقد أن هنالك حل نهائي لتأمين هذا الموقع، طالما أنه موقع عام فهو لن يكون مؤمن مية المية. وطالما أنه مستهدف بواسطة خبراء تهكير، ف بكري أبوبكر لن يستطيع تأمينه مية المية. هنالك مواقع كبيرة ولها أمكانيات كبيرة جدا، وهي تتعرض للتهكير أيضا. حتى يتمكن الخبراء في إيجاد حل نهائي لمشكلة التهكير، فأن الوضع الحالي قد يستمر.
التهكير لو موجه اكيد ما بقيف يا دينق ...
لكن مراقبة السيرفر و عمل الاحتياطات بقلل كتر من زمن وقوف المنبر ...
Post: #23 Title: Re: يا بكري .. بعد المباركة بالرجوع .. عملت شنو � Author: Yahya Osman Date: 08-06-2015, 09:11 AM Parent: #21
حمد لله على السلامه
وسلام خاص جدا للمستنير ابو بكر عباس
Post: #24 Title: Re: يا بكري .. بعد المباركة بالرجوع .. عملت شنو � Author: عبداللطيف خليل محمد على Date: 08-06-2015, 09:24 AM Parent: #23
Quote: لا أعتقد أن هنالك حل نهائي لتأمين هذا الموقع، طالما أنه موقع عام فهو لن يكون مؤمن مية المية. وطالما أنه مستهدف بواسطة خبراء تهكير، ف بكري أبوبكر لن يستطيع تأمينه مية المية. هنالك مواقع كبيرة ولها أمكانيات كبيرة جدا، وهي تتعرض للتهكير أيضا. حتى يتمكن الخبراء في إيجاد حل نهائي لمشكلة التهكير، فأن الوضع الحالي قد يستمر.
Deng في أوج ( عقلانيته ) ..
( المافي شنو ) ؟
Post: #25 Title: Re: يا بكري .. بعد المباركة بالرجوع .. عملت شنو � Author: ALWALEED ALSHEIKH Date: 08-06-2015, 09:30 AM Parent: #23
Quote: العملها فينا بكري زي ما زمان تمشي بيت عرس و تقابلك واحدة سمحة تختف قلبك ...
و تقوم تتكلم معاها و تتكلم معاك و آخر الليل ترجع سدرك منفوخ من الريدة ...
و تسرح فيها و انت راقد في المرتية الساااقطة ديك و مدخل يدك بي جوة الجلابية علي صوف السدر ....و طقققق ...
تتذكر انو ما شلت لا تلفونها لا عنوان بيتها ... لا عرفته هي صاحبة منو ؟؟؟؟
الله عليك يا قباني كان فعلاً زمن جميل و ياريت أيام السبعينات و الثمانينات تعود تاني. بعدين يا أستاذي العزيز معاوية الزبير معظم بيوت الخرطوم في الزمن داك كان فيها تلفونات يحلو بها التواصل حتى مع بنات الأقاليم.
Post: #26 Title: Re: يا بكري .. بعد المباركة بالرجوع .. عملت شنو � Author: عبدالحليم حامد النعيم Date: 08-06-2015, 10:15 AM Parent: #25
.. والله يا قباني .. مرينا بي نفس الشعور .. مع قلة مداخلاتنا ... إلا انه القراية براهو بتوديك لي عوالم .. قباني .. معاوية مرفوع للقوى 2 .. ابوبكر .. دينا .. المسانيح ..
حمد لله على السلامة ... ..
Post: #27 Title: Re: يا بكري .. بعد المباركة بالرجوع .. عملت شنو � Author: عبدالحفيظ ابوسن Date: 08-06-2015, 10:23 AM Parent: #26
سلام للصحاب هنا هسة الدخل العوين شنو في تهكير الموقع
Post: #28 Title: Re: يا بكري .. بعد المباركة بالرجوع .. عملت شنو � Author: محمد أبوالعزائم أبوالريش Date: 08-06-2015, 10:25 AM Parent: #25
سلام قباني وضيوفه،
حسب اعتقادي، كلام دينق فيهو نص الحقيقة. صحيح في مواقع كبيرة بتتهكر. لكن لأغراض المقارنة، نشوف الموقع ده والمواقع المشابهة ليهو وعندها نفس ظروفه من حيث منو البكتب فيهو ومنو الممكن يتضرر من الكتابة فيهو. يخيل لي النتيجة إنو المواقع التانية وضعها أحسن. يبقى السؤال: ........ ليه؟
نطالب بكري بالرد
Post: #30 Title: Re: يا بكري .. بعد المباركة بالرجوع .. عملت شنو � Author: إسماعيل حسن Date: 08-06-2015, 10:56 AM Parent: #28
قباني تحياتي سلامي والتحية موصولة للك الشباب والشيب المرو من هنا على الرغم اني لست مداوما على المنبر كثير ... لني افتقده عند حوجة ايام التهكيره دي يكفي ان به ناس رايعين زيكم الي معاوية مع التحية : انت كنت مكتول في بت من بنات القبة اوروبا لا شنو؟ تشكر كثير يا قباني على الاغنية يا سلاااااام
Post: #29 Title: Re: يا بكري .. بعد المباركة بالرجوع .. عملت شنو � Author: جمال الباقر Date: 08-06-2015, 10:50 AM Parent: #23
Quote: لكن ... أمانما ... زره ... طويلة ياخ ... طول البحر
عموما ... أهل مكة أدرى بشعابها, وكلام حبيبنا قباني ده ما حا يقع البحر
ثم ... أنني عضو بهذا البورد, ولأجل أن يكون ممكن أدفع لما يتطلب إستمراره ونظافته من الهاكرز ولأجل سرعة أفضل وخدمة مستمره ومأمونه
فقد تعودنا في نورث أمريكا على دفع مستحقات أي خدمات
فما رأي بقية الأعصاء؟
اثني
قباني وضيوفو تحياتي
Post: #43 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-09-2015, 09:24 AM Parent: #17
Quote: الأخ العزيز قباني لك الود والتحايا الطيبات والتحايا عبرك للباش بكري أبوبكر .. وحمداً لله على السلامة وغياب المنتدى سبب لينا حالة من الإحباط مبالغ في درجتها .. عندما غاب المنتدى سألت أحد الزملاء المصريين وهو معي في المكتب وهو متخصص في الـ "IT" وقلت له أن المنتدى قد تهكر .. وعند فتح صفحة المنتدى وجدنا أن هناك رسالة "باللوندي" بتاع الكمبيوتر وعندما قرءها قال لي أن هذا عطل فني .. وأخذ يشرح لي مش عارف فيرشن 5 ولازم يعمل ديقريد لفيرشن 4 .... وهذا كل مافهمته .... المهم عطل فني وأتفق معك في مطالبة الباش بالعمل على تفادي تكرار مثل هذا العطل .... لك وله الود التحايا الطيبات
هو لكن داير اشتغل بينا يا قدور ؟
اظنوا نفسو قايم لي يوم الليلة ...
Post: #36 Title: Re: يا بكري .. بعد المباركة بالرجوع .. عملت شنو � Author: mohamed kabbar Date: 08-06-2015, 03:13 PM Parent: #14
السلام عليكم ورحمة الله وبركاته
الأخ العزيز/ بكري ابوبكر الموقر
ألف حمداً لله على السلامة ....والفرحة ليس لها حدود بعودة المنبر ...يا الله لك الحمد والشكر نسأل الله أن يحفظك ويحفظ لنا المنبر من كل سوء ... لك الود والتقدير
Post: #31 Title: Re: يا بكري .. بعد المباركة بالرجوع .. عملت شنو � Author: حاتم إبراهيم Date: 08-06-2015, 11:30 AM Parent: #1
Quote: مافي هكر ولا حاجه وبكري يعلم ذلك جيداً الموقع نسخة قديمة جداً اوقفت الشركة المنتجة تطويرها منذ سنيين عديده ولم يضع صاحب الموقع ذلك في الاعتبار واكتفي بالتلتيق من هنا وهناك ولذلك المشاكل كتيره وستكون اكثر وعصيه بمرور الزمن اذا لم يجد صاحب الموقع البديل ... والله من وراء القصد.
"
Quote: لكن لازم يجي هنا يورينا الحاصل شنو و الخطة شنو ؟ لانو انا شايف الخطة حقة الجماعة خطة بلا رحمة ... :)
"
سلام، أضم صوتي لأن المسألة خطأ فني
بخصوص هذا البوست، لا أتوقع من الأستاذ بكري أن يستجيب، هو يعتمد على التقنية التي يعمل بها هذا الموقع منذ 16 عاماً.
ضياع المواضيع وبترها يعود لأخطاء فنية، وليس تهكير.
مواقع المنتديات المعاصرة لا تكلف شيئاً، ولها مطورون يعملون يومياً على تقويتها وسد ثغراتها، قلنا هذا أكثر من أربعة مرات. أخونا المهندس بكري يعتمد على نفسه، بالترقيع لهذه النسخة القديمة، ولكنه ينسى أن عمل الاختبارات واكتشاف الثغرات ربما يتطلب مجهودات أكبر من قدرة فرد واحد.
فحتى الخطأ الفني البسيط يفتح ثغرات كثرة ومع وجود نسخة بكود قديم ربما الأمر لا يحتاج لهكر من الأساس.
هنالك برامج اختراق تنتشر في الانترنت وتعمل على مدار الساعة. *************************** لا للاستيكة. ضع العنصرية في مكانها المناسب.
Post: #32 Title: Re: يا بكري .. بعد المباركة بالرجوع .. عملت شنو � Author: محمد مجيدو Date: 08-06-2015, 02:43 PM Parent: #1
Quote: تخيل انو المنبر ده راح ... و لسة ما شلنا ارقامكم و لا عرفنا و ين اراضيكم و لا فهمنا حاجة ...
العملها فينا بكري زي ما زمان تمشي بيت عرس و تقابلك واحدة سمحة تختف قلبك ...
و تقوم تتكلم معاها و تتكلم معاك و آخر الليل ترجع سدرك منفوخ من الريدة ...
و تسرح فيها و انت راقد في المرتية الساااقطة ديك و مدخل يدك بي جوة الجلابية علي صوف السدر ....و طقققق ...
تتذكر انو ما شلت لا تلفونها لا عنوان بيتها ... لا عرفته هي صاحبة منو ؟؟؟؟
الحبيب يحي .. وضيوفك الكرام ...
السلام عليكم ,,,
فعلا كانت لحظات عصيبه بدون حوش بكري .. بس انا كنت متاكد ان المنبر سيرجع كما كان .. وفي اسرع وقت .. وليست هذه اول مره .. حيث يوجد فطاحله يعملون خلف الكواليس .. والتحية لهم ..
وفي موضوع .. التلفونات .. والخلط .. وتدخل ايدك جوه الهنااي .. طبعا في ايامنا الخوالي .. وفي الحفلات ... ما بترجع بيتكم ساااي .. الا بعد ما تكون نجضت الحله تماما ... وتنووم مهدوووود ..... و خالي البااال ....
تحياتي ,,
Post: #33 Title: Re: يا بكري .. بعد المباركة بالرجوع .. عملت شنو � Author: محمد البشرى الخضر Date: 08-06-2015, 02:52 PM Parent: #32
سلام عليكم جميعا وحمدا لله ع السلامة شكرا ياقباني على الأغنية, صوت جميل جميل واللكنة اثيوبية أرترية او صومالية أو من شرق السودان
ملاحظة قد او قد لا يكون لها علاقة صفحة منبر الحوار بالراكوبة ايضا متوقفة قد يكون عطل او لا, قد يكون هناك علاقة أو لا الله أعلم حقو الناس تضاير عدتها و تبطل نشر وثائق الويكيليكس ديك اصلهم مارقين للربا و التلاف:)
Post: #34 Title: Re: يا بكري .. بعد المباركة بالرجوع .. عملت شنو � Author: عبدالعظيم عثمان Date: 08-06-2015, 03:00 PM Parent: #33
حمدا لله على السلامة سلام على الجميع المهندس بكري يبذل مجهود جبار في مواجهة الهجمات التي يتعرض لها الموقع ، دا تخريب منظم ولن يتوقف..
Post: #35 Title: Re: يا بكري .. بعد المباركة بالرجوع .. عملت شنو � Author: أبوبكر عباس Date: 08-06-2015, 03:12 PM Parent: #32
Quote: انت نزلتهم القبور كيفن؟؟
سلام الرقيب عماد وأنا بكتب في المداخلة (المقال)، قدر ما حكيت راسي عشان أجيب أسماء الملائكة بتاعين القبر ما إتذكرتهم، أها لقيت اسماء الكتبة الرقيب والعتيد ماشة مع "النص" وبتدي معنى آخر للكلام، أها قلت أكتبم وناس الأسافير ديل غير ناس سودانيز داقسين وبتمشي فيهم. أها عذري ليك انو النص دا إنكتب لغير ناس سودانيز في البدء ,وديل ناس ليست لهم شفتنة ناس منكر ونكير الهنا
Post: #37 Title: Re: يا بكري .. بعد المباركة بالرجوع .. عملت شنو � Author: اخلاص عبدالرحمن المشرف Date: 08-06-2015, 04:37 PM Parent: #35
ناس الحكومة قالو جابو هكر فلسطينين وحسب معرفتي بالهنود والبنغال والفلبين ف الشئ ده شغل فلسطينين = ما بغباني شغلهم = الوزيرة ال قالت ممكن توقف كل كتابات الاسافير الله يوقف حالها ويشيلها من اي منصب وما تلقي التسوي ال بقول الحكومة برئية هو البرئ دي حكومة حمت الناس المويه والكهرباء ما بتحمينا الاسافير !!!
Post: #38 Title: Re: يا بكري .. بعد المباركة بالرجوع .. عملت شنو � Author: جمال ود القوز Date: 08-06-2015, 05:46 PM Parent: #37
إن لم أكن غلطان .. الشغلة دي تهكير لمواقع سودانية .. لأنه منبر الحوار بالراكوبة معطل .. وكذلك منتدى سودانيات برضو ماشغال ..
ده ضيق بالرأي الآخر .. وقلة حيلة ومحاولة لتكميم الأفواه .. المنتديات دي إن كانت الحكومة راغبة في الإصلاح .. بتمثل أداة هامة لكشف المستور .. اللهم إلا لو كانوا جماعتنا دايرين مركب النظام حقهم .. تمشي على علاتها .. ويستمر مسلسل الفساد مستمرا .. لابد من الاشارة الى أن هناك الكثير من التناول السالب .. الذي لا يتسم بأي عقلانية أو حصافة .. وربما دفع المنتدى وجوده واستمراره تبعاً لذلكـ الأمر .. ولن تألو الحكومة جهداً لايقاف هذه المنتديات .. فالامكانيات المادية والفنية لديها حاضره ومتاحة .. مزيد من الحرص والاستعداد ببرامج حماية معتبرة .. بالذات في هذه الفترة التي هددت الحكومة بلجوئها لمحترفي تهكير .. لاسكات صوت المعارضة التي دأبت على الكثير من الفبركات الأكاذيب ... وقليل من التناول المقبول والعقلاني ..
Post: #39 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-07-2015, 11:10 PM Parent: #38
Quote: سلام للصحاب هنا هسة الدخل العوين شنو في تهكير الموقع
كيييييف يا صديقي ...
هي الدنيا دي بتمشي بلاهم ... ؟
Post: #41 Title: Re: يا بكري .. بعد المباركة بالرجوع .. عملت شنو � Author: الامين موسى البشاري Date: 08-08-2015, 01:33 AM Parent: #39
الجميل يحى قباني
سلام...
ما تخاف ياخ بطل ما بموت
يا يحى الداتابيز محفوظة واظن بكري عامل حسابه كويس
فما تخاف ..
انت عارف سودانيز دا واحد من عجائب الدهر لانه لا يزال صامدا
رغم قدمه ومحاصرة وسائل التواصل له
Post: #42 Title: Re: يا بكري .. بعد المباركة بالرجوع .. عملت شنو � Author: معاوية الزبير Date: 08-09-2015, 02:41 AM Parent: #41
مافي زول رد عليكم ؟ وبرضو ساكتين !
Post: #45 Title: Re: يا بكري .. بعد المباركة بالرجوع .. عملت شنو � Author: نعمات عماد Date: 08-09-2015, 10:00 AM Parent: #42
Quote: الوزيرة ال قالت ممكن توقف كل كتابات الاسافير الله يوقف حالها ويشيلها من اي منصب وما تلقي التسوي ال بقول الحكومة برئية هو البرئ دي حكومة حمت الناس المويه والكهرباء ما بتحمينا الاسافير !!!
سلام و تحية يا باشمهندس يحي
دخلت للتحية و نقل البشارة للعزيزة د . إخلاص . وزارة الإتصالات تدَعي إن التجسس علي المنابر الحوارية لبس من أولوياتها .
إذا من هو الهاكر و ماذا يريد ؟
الجريدة ( 09-08-2015 )
Post: #46 Title: Re: يا بكري .. بعد المباركة بالرجوع .. عملت شنو � Author: يحي قباني Date: 08-10-2015, 07:00 AM Parent: #45
