ما تشغلوا التلاجات والمراوح لامن الواطة تسخن

07:23 PM Jul, 25 2015
سودانيز اون لاين
عبدالحفيظ ابوسن-كوستي / الحلة الجديدة
مكتبتى فى سودانيزاونلاين



ﺍﻟﺒﺸﺎﺭﻱ
ﺃﺑﺪﺕ ﺍﻟﺤﻜﻮﻣﺔ ﺍﺳﺘﻌﺪﺍﺩﻫﺎ ﻟﻠﺨﺮﻭﺝ ﻣﻦ ﻗﻄﺎﻉ ﺍﻟﻜﻬﺮﺑﺎﺀ
ﻟﺼﺎﻟﺢ ﺷﺮﻛﺎﺕ ﺍﻟﻘﻄﺎﻉ ﺍﻟﺨﺎﺹ، ﺷﺮﻳﻄﺔ ﺃﻥ ﺗﻜﻮﻥ ﻟﺪﻳﻬﺎ
ﺍﻟﻘﺪﺭﺓ ﻭﺍﻟﻜﻔﺎﺀﺓ ﻋﻠﻰ ﺍﻟﻌﻤﻞ ﻓﻲ ﺍﻟﻤﺠﺎﻝ، ﻭ ﻗﺎﻟﺖ ﻟﻢ
ﺗﺘﻘﺪﻡ ﺃﻱ ﺷﺮﻛﺔ ﺣﺘﻰ ﺍﻵﻥ ﻟﻠﻌﻤﻞ ﻓﻲ ﺍﻟﻤﺠﺎﻝ، ﻭﺃﺿﺎﻓﺖ
‏«ﺇﺫﺍ ﻭﺟﺪﻧﺎ ﺟﻬﺔ ﺑﺘﻘﺪﺭ ﺗﻌﻤﻞ ﺗﻮﻟﻴﺪ ﻭﺗﻮﺯﻳﻊ ﻣﺮﺣﺒﺎً ﺑﻬﺎ
ﻭﺳﻨﻜﻮﻥ ﺃﺳﻌﺪ ﺍﻟﺴﻌﺪﺍﺀ‏» ، ﻭﺗﻤﺴﻜﺖ ﻓﻲ ﺍﻟﻮﻗﺖ ﺫﺍﺗﻪ
ﺑﺘﻄﺒﻴﻖ ﺗﻌﺮﻓﺔ ﺟﺪﻳﺪﺓ ﺗﺸﻤﻞ ﺯﻳﺎﺩﺓ ﺃﺳﻌﺎﺭ ﺍﻟﻜﻬﺮﺑﺎﺀ ﻓﻲ
ﺍﻟﻔﺘﺮﺓ ﺍﻟﻤﻘﺒﻠﺔ،ﻭﺍﻛﺪﺕ ﻋﺪﻡ ﺗﺄﺛﺮ ﺍﻟﻔﺌﺎﺕ ﺍﻟﻀﻌﻴﻔﺔ ﺑﺎﻟﺰﻳﺎﺩﺓ
ﺗﻨﻔﻴﺬﺍً ﻟﺘﻮﺟﻴﻬﺎﺕ ﺭﺋﻴﺲ ﺍﻟﺠﻤﻬﻮﺭﻳﺔ ﺑﺠﺎﻧﺐ ﺍﺳﺘﻤﺮﺍﺭ ﺍﻟﺪﻋﻢ
ﺍﻟﺤﻜﻮﻣﻲ ﻟـ ‏( 200 ‏) ﻛﻴﻠﻮﻭﺍﻁ ﺍﻷﻭﻟﻰ ﻭ ﺩﻋﺖ ﻓﻴﻪ ﺇﻟﻰ
ﺇﺩﺍﺭﺓ ﺣﻮﺍﺭ ﻣﻮﺳﻊ ﺑﻴﻦ ﺍﻟﻤﺴﺆﻭﻟﻴﻦ ﻭﺍﻟﻤﻮﺍﻃﻨﻴﻦ ﻭﺃﺻﺤﺎﺏ
ﺍﻟﻤﺼﻠﺤﺔ ﺑﺸﺄﻥ ﺗﻌﺮﻓﺔ ﺍﻟﻜﻬﺮﺑﺎﺀ، ﻣﺸﺪﺩﺓ ﻋﻠﻰ ﺃﻧﻬﺎ ﺗﺮﻏﺐ
ﻣﻦ ﺧﻼﻝ ﺯﻳﺎﺩﺓ ﺍﻟﺘﻌﺮﻓﺔ ﻟﻠﻤﻘﺘﺪﺭﻳﻦ ﻟﻠﺤﺪ ﻣﻦ ﻣﺎ ﺃﺳﻤﺘﻪ
ﺑـ ‏«ﺍﻟﺰﻳﺎﺩﺓ ﺍﻟﻔﺎﺣﺸﺔ ‏» ﻓﻲ ﺍﻻﺳﺘﻬﻼﻙ ﺧﻼﻝ ﺳﺎﻋﺎﺕ
ﺍﻟﺬﺭﻭﺓ ﻭﺍﻟﺘﻲ ﻗﺎﻟﺖ ﺇﻧﻬﺎ ﺗﻜﻠﻔﻬﺎ ﻣﻼﻳﻴﻦ ﺍﻟﺠﻨﻴﻬﺎﺕ .
ﻭﺃﻛﺪ ﻭﺯﻳﺮ ﺍﻟﻜﻬﺮﺑﺎﺀ ﻣﻌﺘﺰ ﻣﻮﺳﻰ ﺧﻼﻝ ﺣﺪﻳﺜﻪ ﻟﺒﺮﻧﺎﻣﺞ
‏« ﻣﺆﺗﻤﺮ ﺇﺫﺍﻋﻲ ‏» ﺍﻟﺬﻱ ﺑﺜﺘﻪ ﺍﻹﺫﺍﻋﺔ ﺍﻟﻘﻮﻣﻴﺔ ﺃﻣﺲ ﺑﺄﻥ
ﻗﺪﺭﻫﻢ ﺃﻥ ﻳﻤﻀﻮﺍ ﻓﻲ ﺍﻟﻤﺼﺎﻋﺐ ﻭﻋﺪﻡ ﺍﻟﺘﻬﺮﺏ ﻣﻦ
ﻣﺴﺆﻭﻟﻴﺎﺗﻬﻢ، ﻭﻃﻤﺄﻥ ﺑﻌﺪﻡ ﻓﺼﻞ ﺃﻱ ﻣﻬﻨﺪﺱ ﺣﺎﻝ ﺩﻣﺞ
ﺍﻟﻬﻴﺌﺔ ﺍﻟﻘﻮﻣﻴﺔ ﻟﻠﻜﻬﺮﺑﺎﺀ ﺃﻭ ﺍﻹﺑﻘﺎﺀ ﻋﻠﻰ ﺷﺮﻛﺎﺕ
ﺍﻟﻜﻬﺮﺑﺎﺀ . ﻭﻛﺸﻒ ﻣﻮﺳﻰ ﻋﻦ ﺃﻥ ﺍﺳﺘﻬﻼﻙ ﺍﻟﻜﻬﺮﺑﺎﺀ ﻣﻦ
ﺍﻟﻮﻗﻮﺩ ﺧﻼﻝ ﺍﻟﻌﺎﻡ ﺍﻟﺤﺎﻟﻲ ﺑﻠﻎ ‏( 3,5 ‏) ﻣﻠﻴﺎﺭ
ﺟﻨﻴﻪ‏« ﺗﺮﻟﻴﻮﻥ‏» ، ﻣﺸﻴﺮﺍً ﺇﻟﻰ ﺍﺭﺗﻔﺎﻉ ﺃﻋﺪﺍﺩ ﺍﻟﻤﺸﺘﺮﻛﻴﻦ
ﺇﻟﻰ ﻣﻠﻴﻮﻧﻴﻦ ﻭﻣﺎﺋﺘﻴﻦ ﻭﻋﺸﺮﺓ ﺁﻻﻑ ﻣﺸﺘﺮﻙ ﺧﻼﻝ
ﺍﻟﺨﻤﺲ ﺳﻨﻮﺍﺕ ﺍﻷﺧﻴﺮﺓ، ﻭﺃﺿﺎﻑ ‏« ﻗﺒﻞ ﺳﺪ ﻣﺮﻭﻱ
ﺍﻟﻜﻬﺮﺑﺎﺀ ﺗﻜﺎﺩ ﺗﻜﻮﻥ ﻋﻤﻠﻴﺔ ﺑﺘﺎﻋﺖ ﺗﺤﻠﻴﺔ ﺃﻭ ﻓﺎﻛﻬﺔ ﻣﺎ
ﻛﺎﻧﺖ ﻋﻤﻠﻴﺔ ﺃﺳﺎﺳﻴﺔ ‏» ، ﻭﻃﺎﻟﺐ ﻣﻮﺳﻰ ﺍﻟﻤﻮﺍﻃﻨﻴﻦ
ﺑﺘﺮﺷﻴﺪ ﺍﻻﺳﺘﻬﻼﻙ ﺧﻼﻝ ﺳﺎﻋﺎﺕ ﺍﻟﺬﺭﻭﺓ، ﻭﻗﺎﻝ
‏« ﺍﻟﻤﻮﺍﻃﻨﻴﻴﻦ ﻟﻮ ﻃﻠﻌﻮﺍ ﻟﻴﻨﺎ ﻣﻦ ﻭﻗﺖ ﺍﻟﺬﺭﻭﺓ ﺍﻟﺘﻲ ﻳﺼﻞ
ﻓﻴﻬﺎ ﺍﻻﺳﺘﻬﻼﻙ ﻧﺤﻮ ‏( 400 ‏) ﻣﻴﻘﺎﻭﺍﻁ‏» ، ﻭﻗﺎﻝ ‏« ﺇﻥ
ﺍﻟﺒﻠﺪ ﺑﺘﺪﻓﻊ ﻣﻘﺎﺑﻞ ﺫﻟﻚ ﺩﻡ ﻗﻠﺒﻬﺎ‏» ، ﻭﺍﺿﺎﻑ ‏« ﺩﻱ ﻣﺮﻛﺐ
ﻟﻮ ﻏﺮﻗﺖ ﺑﺘﻐﺮﻕ ﺑﻴﻨﺎ ﻛﻠﻨﺎ ‏»

ولا المراوح
عشان دة وقت الذروة

نقص مرتك توب مضغوط من البتمسحبو كبابي الشاي
او
نقص تنك القعدة تلاتة خطوط
رحم الله حميد
شوف سيادتك مكيفات الاسبلت الشغالة في مكاتب كبار الموظفين ومباني الوزارات
ولا شوف كمية المكيفات الاسبلت المركبة في بيوت الناس البطالبو هسة بزيادة التعريفة وتقليل الصرف وقت الذروة

ابسن اخوي ازيك واريتك طيب
بالجد زي الوزراء لو انطمو سكتو كان بكون احسن
كلام خارم بارم ويرفع ضغط الدم في الفاخورة يغني شنو الكهرباء قبال سد مروي ما كانت من الاساسيات يعني قبال سدهم الماسورة دا كانت الكهرباء بنلعب بيها حلاوة كهرباء ولا شنو
كلام ينم عن جهل واستخفاف وانفة كضابة وعدم اعتراف بالفشل ومواصلة ادمان الكضب .
لكن نحن نستاهل يكون زي معتز مين دا وزير والبشير وبقية التاافهين متحكمين فينا
تبا لنا مليار مرة

والله يا علي اخوي همنا عارفينو وقادرين نتعامل معاهو لكن جنس التصريحات دي البغلبنا دبارتها
قال القدال
قت ليك العليك
ادرابو لا تنغش
ولا ترضابو لا تنغش
عليك الدور
وترتيب الليالي بدور
سأعود

نحن يا سادتنا واولياء امرنا
لا نملك كثيرا من الاجهزة التي ترشف الكهرباء رشفا .. وضنين بها .. فارقنا مكاوي الكهربا تلك التي تجعل العداء يدور زي المروحة . بنكوي بالفحم . وفي الاسبوع مرة فقد علمتنا التجربة انو كترة الكي تهلك الملابس ..ف شنو بنملص هدومنا القليلة حقت المرقة نعلقها حتي تنشف من العرق ونطبقها
وبي الليل بنوم في الحيشان لا مروحة لا نور
وبنشغل الخلاطات في رمضان بس
والتلاجات بقت لينا وسيلة للتوفير والتخزين . تعلمنا فن حفظ الفواكهة والخضروات في بلد يصل السعر عشرات اضعافه وبل مئات المرات . صفيحة الطماطم من 15 ج بتحصل 600 ج مثلا
والمراوح رضينا بسمومها
بعد دة نقتصد كيف
الا نموت ليكم

Quote: ﺇﺫﺍ ﻭﺟﺪﻧﺎ ﺟﻬﺔ ﺑﺘﻘﺪﺭ ﺗﻌﻤﻞ ﺗﻮﻟﻴﺪ

سلامات ياشيخ العرب
خليهم يتبعوها للدايات امدرمان

مالك مقاطع حوشى؟

هههه الفاضلابي
اياهو الفضل .. نكلم الحروم علا هن زاتن غالبهن يصقعن جرتهن
تعرف يا صاحب
زي اي حاجة في السودان معاكسانا .. النت مدخلنو بي قروشنا ودافعينو مقدم ومابي يخش لينا .. معذبنا في عمرنا
اها قدر ما يتحسن ماهو مكفي مغستنا دي ..
هسة شوف جنس التصريحات دي ..علي بالطلاق اكان الصرف علينا بس في الكهربا ..الا تفضل ليهم ويصدروها
قال وقت الذروة وهو غير وقت الذروة شن طعمها

في حتة ما قدرت افهمها قبل وبعد سد مروي
لكن العارفو يا سيادة المسؤول الموقر . قبل السد بكثير
الكهربا كانت متوفرة مستقرة وكنا مستمتعين بيها . تلاجاتنا ما بتوبظ لانو الكهربا موزونة . وبنخش السنما البتشتغل بالكهربا لامن كان في سنما .. وحفلاتنا في بيوتنا ما كنا شايلين هم قطعة كهربتها .. وبرشو الحكومة كانت بتدفع حق كهربة الجوامع
واضف لذلك كلة كانت الشوارع مضيئة والحكومة معينة موظفين يولعو النور ويطفوهو
والكهربا فعلا كانت عندنا تحلية وترفية وتسهيل للعبادة
وهسة
فعلا بقت حاجة تاني
الكهربا للضرورة
بنور محل ما قاعدين بس ترشيدا لميزانية البيت . وصارت بيوتنا مظلمة بعد ما كان قدام اي باب لمبتين ينيرن الطريق للمارة ليلا وسط الحولري

سلام عبدالحفيظ،

لومك علي، الناس ديل لو لقو طريقة،،،، القمرا حقت الله دي يعملوا فيها رسوم.

Quote: واضف لذلك كلة كانت الشوارع مضيئة والحكومة معينة موظفين يولعو النور ويطفوهو

لو كانت البلد راجعه لي وراء كان أحسن

هههه
حباب ابوالريش غايتو القمرة ما بعرفها لكن موية الله دي بدفعوك فيها رسوم . لو قنعت من الموية وحفرت ليك بير بجوك متلبين ناس المياه الريفية ويدفغوك قروش غلا زي الشارب من زمزم عشرة سنة

معاوية كنت في سيرتك مع قدورة بردسول
جا العيد و رجع
تعرف بكري اخوي وريتو الخبر وشافني منفوخ .. قال لي عشان تريحوا الحكومة مفروض تولعوا الانوار بعد تنوموا بي الليل بس لانو ما وقت ذروة

عندنا واحد متشوبر جدا .. تشكي ليهو اي شكية يقول ليك
اي بس ياهو
ام برمبفي
تشكي ليهو .. يسألك
بتجيك حمي
تقول ليهو
اي
ينط ليك
اي بس ياهو امبرمبفي
ما عندك برضو
بسسسس ياهو زاتو امبرمبفي
بتطرش
بس بس كتلتو كتلة اياهو امبرمبفي
ف شنو
للحكومة حل سحري
زيادة تعريفة الخدمات
كهربا مافي زيدوا التعريفة
فيها اعطال زيدوا التعريفة
بقت ضعيفة زيدوا التغريفة
موية مافي زيدوا
في ناس بسرقوها زيدوا
وسخانة زيدوا
التعليم متدني زيدوا
الصحة زيدوا
حكومة زيدوا

اشترينا لوح التلج في رمضان بي 50 ج وسعرو 8 ج
يعني تلاجاتنا ما كفت زاتو

ﺃﻛﺪ ﻭﺯﻳﺮ ﺍﻟﻜﻬﺮﺑﺎﺀ ﻣﻌﺘﺰ ﻣﻮﺳﻰ ﺃﻥ ﺗﻌﺮﻓﺔ ﺍﻟﺒﻴﻊ ﺍﻟﺤﺎﻟﻴﺔ
ﺃﻗﻞ ﻣﻦ ﺗﻜﻠﻔﺔ ﺍﻹﻧﺘﺎﺝ، ﺩﺍﻋﻴﺎً ﻹﺩﺍﺭﺓ ﺣﻮﺍﺭ ﺗﻔﺎﻛﺮﻱ ﺑﻴﻦ
ﺃﺟﻬﺰﺓ ﺍﻟﺪﻭﻟﺔ ﻭﺍﻟﻤﺠﺘﻤﻊ ﻹﻳﺠﺎﺩ ﺣﻠﻮﻝ ﺗﻮﺍﻓﻖ ﺑﻴﻦ ﻋﺪﻡ
ﺍﻟﻤﺴﺎﺱ ﺑﺘﻌﺮﻓﺔ ﻣﺤﺪﻭﺩﻱ ﺍﻟﺪﺧﻞ ﻭﺑﻴﻦ ﺍﻟﺤﺪ ﻣﻦ ﺗﺼﺎﻋﺪ
ﺍﺳﺘﻬﻼﻙ ﺑﻌﺾ ﺍﻟﻔﺌﺎﺕ .
ﻭﻛﺎﻧﺖ ﻟﺠﻨﺔ ﺍﻟﻄﺎﻗﺔ ﺑﺎﻟﺒﺮﻟﻤﺎﻥ ﺍﻟﺴﻮﺩﺍﻧﻲ ﻗﺪ ﻋﻘﺪﺕ ﻳﻮﻡ
ﺍﻹﺛﻨﻴﻦ ﺍﺟﺘﻤﺎﻋﺎً ﺗﻔﺎﻛﺮﻳﺎً ﻣﻊ ﺍﻟﻮﺯﻳﺮ، ﺑﺤﻀﻮﺭ ﻣﺪﻳﺮﻱ
ﺷﺮﻛﺎﺕ ﺍﻟﻜﻬﺮﺑﺎﺀ، ﻭﺗﻨﺎﻭﻝ ﻣﻮﻗﻒ ﺍﻟﻜﻬﺮﺑﺎﺀ ﻭﺗﻜﻠﻔﺔ
ﺍﻹﻧﺘﺎﺝ .
ﻭﺃﻭﺿﺢ ﻣﻮﺳﻰ ﻟﻠﺠﻨﺔ ﻣﻌﺎﻟﻢ ﻭﺛﻴﻘﺔ ﺗﻄﻮﻳﺮ ﻗﻄﺎﻉ ﺍﻟﻜﻬﺮﺑﺎﺀ
ﺍﻟﺘﻲ ﺗﻬﺪﻑ ﻟﻼﺭﺗﻘﺎﺀ ﺑﺎﻟﺘﻮﻟﻴﺪ ﺇﻟﻰ ﺃﻛﺜﺮ ﻣﻦ 5000
ﻣﻴﻐﺎﻭﻁ، ﻟﻤﻘﺎﺑﻠﺔ ﺍﻟﻄﻠﺐ ﺍﻟﻤﺘﺰﺍﻳﺪ ﻋﻠﻰ ﺍﻟﻜﻬﺮﺑﺎﺀ، ﻛﻤﺎ
ﺗﻬﺪﻑ ﺇﻟﻰ ﺭﺑﻂ ﻛﻞ ﻭﻻﻳﺎﺕ ﺍﻟﺴﻮﺩﺍﻥ ﺑﺎﻟﺸﺒﻜﺔ ﺍﻟﻘﻮﻣﻴﺔ .
ﻭﻗﺎﻝ ﺇﻥ ﺗﻌﺮﻳﻔﺔ ﺑﻴﻊ ﺍﻟﻜﻬﺮﺑﺎﺀ ﺍﻟﺤﺎﻟﻴﺔ ﺃﻗﻞ ﻣﻦ ﺗﻜﻠﻔﺔ
ﺍﻹﻧﺘﺎﺝ، ﻭﺇﻧﻪ ﻻﺑﺪ ﻣﻦ ﺇﺩﺍﺭﺓ ﺣﻮﺍﺭ ﺗﻔﺎﻛﺮﻱ ﺑﻴﻦ ﺃﺟﻬﺰﺓ
ﺍﻟﺪﻭﻟﺔ ﻭﺍﻟﻤﺠﺘﻤﻊ، ﻹﻳﺠﺎﺩ ﺣﻠﻮﻝ ﺗﻮﺍﻓﻖ ﺑﻴﻦ ﻋﺪﻡ
ﺍﻟﻤﺴﺎﺱ ﺑﺘﻌﺮﻓﺔ ﺍﻟﻜﻬﺮﺑﺎﺀ ﻟﻤﺤﺪﻭﺩﻱ ﺍﻟﺪﺧﻞ، ﻭﺑﻴﻦ ﺍﻟﺤﺪ
ﻣﻦ ﺗﺼﺎﻋﺪ ﺍﻻﺳﺘﻬﻼﻙ ﺍﻟﻌﺎﻟﻲ ﻟﺒﻌﺾ ﺍﻟﻔﺌﺎﺕ .
ﻭﺷﺪَّﺩ ﺍﻟﻮﺯﻳﺮ ﻋﻠﻰ ﺃﻫﻤﻴﺔ ﺍﺳﺘﻤﺮﺍﺭ ﺍﻟﻨﻤﻮ ﻓﻲ ﻗﻄﺎﻉ
ﺍﻟﻜﻬﺮﺑﺎﺀ ﻓﻲ ﺫﺍﺕ ﺍﻟﻮﻗﺖ ﻟﺘﺼﻞ ﻛﻞ ﺍﻟﻤﻮﺍﻃﻨﻴﻦ . ﻭﻣﻀﻰ
ﻗﺎﺋﻼً " ﺗﻮﻓﺮ ﺍﻟﻜﻬﺮﺑﺎﺀ ﻟﻜﻞ ﺍﻟﻤﺪﻥ ﻭﺍﻟﻘﺮﻯ ﻭﺍﻟﻘﻄﺎﻋﺎﺕ
ﺍﻹﻧﺘﺎﺟﻴﺔ ﻳﻤﺜﻞ ﺍﻟﻘﺎﻋﺪﺓ ﺍﻷﺳﺎﺳﻴﺔ ﻟﻨﻬﻀﺔ ﺍﻟﺴﻮﺩﺍﻥ ."
ﺷﺒﻜﺔ ﺍﻟﺸﺮﻭﻕ

توسيع الشبكة
دة كلام مضحك
الشبكة الناس بتوسعها بي قروشها
لو قدمت لي توصيل جديد ايا كان مكانك بتدفع رسوم شبكة .. تترواح بين اتنين مليون وحاجة لغاية قريب اربعة مليون . ما بين تجاري وسكني .. وبتجيب السلك والزاوية والتأمين هم بوصلوا ليك بس
دة لو كان العمود موجود وتحت راسك
اما لو كان العمود بعيد منك .. بدفعوك تمن العمود كان بي 6 مليون .. بقيسوا المسافة وممكن تدفع تمن اكتر من عمود .. ومش العمود بس حتي المحول تشتريهو وكان تمنو 100 مليون
ودي بتحصل كتير ..
ف لاحظوا القروش دة ما عندها علاقة بي استهلاك التيار
بعني الناس بتوسع الشبكة بي قروشها
الا
الا
للكسب السياسي وفساد الساسة كما حصل في كوستي .. الاف الاعمدة طلعت من المدينة عشان تصل قرية نائية ارضاءا لاحد الدستوريين بمعاونة الوالي .. ل قرية صغيرة وبعض المنازل في اطراف المدينة تعاني من عدم وصول الكهربا لعجزهم عن توصيلها
يعني الكهربا ما قاعدة تدعم زول

Quote: قال لي عشان تريحوا الحكومة مفروض تولعوا الانوار بعد تنوموا بي الليل بس لانو ما وقت ذروة

واحد من الشباب هنا ساكن مع عزابة ,, بسكر سكر شديد ..
الجماعة قالوا ليهو ياخ انت حكايتك شنو؟ ياخ إنت جاى البلد دى بِعثة سَكر؟
قال ليهم: وليه ما اسكر مادام ساكن مع فلان وفلان؟
قالوا ليهو ياخ فلان وفلان دخلهم فى سَكرك شنو؟
قال ليهم ده جات فاتورة الكهرباء قلنا ليهو ادفع نصيبك قال انا شغال ليل ما بدفع معاكن كهرباء ,,
التانى ختا ليهو حَلَّة لبن فوق النار ومرق قلنا ليهو يازول لبنك ده فى النار ماشى وين؟
قال مشوار قريب بس واصل منهاتن وراجع (منهاتن دى من بروكلين زى ساعة بالقطر)

ههههه ياالفاضلابي
يدفع ليه لكن هو ما منور معاهم
قريب صلاح عوض النعمان عضو المنبر
رسلوهو بالليل يجيب العشاء وادوهو القروش
جاهم راجع بعد سنتين مشي ليبيا