Post: #1
Title: إنتو يا ناس قناة النيل الأزرق ما بتمشو الصلاة؟؟!!
Author: محمد قسم الله محمد
Date: 07-24-2015, 05:51 PM
Parent: #0
05:51 PM Jul, 24 2015
سودانيز اون لاين
محمد قسم الله محمد-
مكتبتى فى سودانيزاونلاين
برنامج مساء جديد تتقاطع مواعيد بثه مع صلاة المغرب ..
الملاحظ أنّ البرنامج يتوقف لنصف دقيقة لرفع الأذان ثم يعود لضيوفه..
وتجد المذيعين في ذات أماكنهم ..
السؤال..
لماذا لا تتوقف القناة برهة لمنح مذيعيها وضيوفها وقتاُ للصلاة ..
بدلاً عن تأخيرها..
السؤال موجه للمالك الجديد
وللطاهر التوم الشريك الجديد ذي الخلفية الإسلامية..
برغم أنّ الصلاة لله ولسنا في موقع الرقيب ولكن السؤال يتبادر من واقع الملاحظة لقناة تتخذ موقعاً صدارياً في التوجيه والتثقيف والمعرفة.
|
Post: #2
Title: Re: إنتو يا ناس قناة النيل الأزرق ما بتمشو الص
Author: محمد قسم الله محمد
Date: 07-24-2015, 06:03 PM
Parent: #1
قبل قليل توقفت البرنامج للأذان..
وعادو للبرنامج المباشر وغني طلال الساته ضيف الحلقة..
وكانت معه الفنانة مكارم بشير التي انسحبت قبل نهاية البرنامج وقبل نهاية الأغنية التي غناها الفنان بعد الأذان مباشرةً ربما للحاق بصلاة المغرب..
|
Post: #3
Title: Re: إنتو يا ناس قناة النيل الأزرق ما بتمشو الص
Author: محمد قسم الله محمد
Date: 07-24-2015, 06:04 PM
Parent: #2
مجرد ملاحظة..
|
Post: #4
Title: Re: إنتو يا ناس قناة النيل الأزرق ما بتمشو الص
Author: اميرة السيد
Date: 07-24-2015, 07:23 PM
Parent: #3
ربما يكون البرنامج مسجل يا محمد ويبث وقت صلاة المغرب
إلأا اذا كان مكتوب على الشاشة ( مباشر)
والله أعلم
والله يديك الصحة والعافية
|
Post: #5
Title: Re: إنتو يا ناس قناة النيل الأزرق ما بتمشو الص
Author: محمد قسم الله محمد
Date: 07-24-2015, 10:56 PM
Parent: #4
| Quote: إلأا اذا كان مكتوب على الشاشة ( مباشر |
هو فعلاً مكتوب على الشاشة مباشر ..
شكراً يا أميرة.
|
Post: #6
Title: Re: إنتو يا ناس قناة النيل الأزرق ما بتمشو الص
Author: محمد البشرى الخضر
Date: 07-24-2015, 11:05 PM
Parent: #5
تحياتي يا محمد
من هو مالك القناة الجديد, ومن هو الماك السابق
كنت فاكرها حكومية
|
Post: #7
Title: Re: إنتو يا ناس قناة النيل الأزرق ما بتمشو الص
Author: محمد محمود محمد
Date: 07-24-2015, 11:24 PM
Parent: #6
سلامات محمد البشرى..
القناة كانت موزعة اﻷسهم بين جمهورية السودان
والشيخ صالح الكامل..الذي قام ببيع أسهمه
لرجل الأعمال السوداني وجدي ميرغني محجوب
وأعتقد أنه يمتلك النصيب الأكبر من الأسهم.
|
Post: #8
Title: Re: إنتو يا ناس قناة النيل الأزرق ما بتمشو الص
Author: محمد البشرى الخضر
Date: 07-24-2015, 11:26 PM
Parent: #7
شكرا محمد محمود على المعلومة
يعني الحكومة غازة عودها برضو
|
Post: #9
Title: Re: إنتو يا ناس قناة النيل الأزرق ما بتمشو الص
Author: محمد قسم الله محمد
Date: 07-24-2015, 11:28 PM
Parent: #6
Quote: من هو مالك القناة الجديد, ومن هو الماك السابق
كنت فاكرها حكومية |
أستاذنا محمد البشري لك تحياتي..
الحكومة لا تمتلك أكثر من خمس الأسهم بينما اشترى رجل الأعمال السوداني وجدي ميرغني مؤخراً أكثر من نصف الأسهم من مالكها القديم الشيخ صالح الكامل.
هيئة الأوقاف الإسلامية ساهمت في تأسيس القناة كشريك عند إنشائها.
|
Post: #10
Title: Re: إنتو يا ناس قناة النيل الأزرق ما بتمشو الص
Author: محمد قسم الله محمد
Date: 07-24-2015, 11:58 PM
Parent: #9
طيب قناة أسهمت فيها هيئة إسلامية ورأسمال وطني ومديرها على درجة عالية من الكفاء حسن فضل المولي نربأ بها مواصلة برامجها المباشرة أثناء صلاة المغرب على قصر ميقاتها ..
فلنفترض جدلاً إذا كانت الحصة الكبيرة للتوتو كوره كمساهم يعني يعملو شنو ؟؟؟
يذكرني هذا بمقال قديم كتبته في سنوات سابقة عن قناة النيل الأزرق التي يستبد بها النزق حين يتم تصوير برامجها خارج السودان فتبدو الفتيات في الحفلات بأزياء لا تسمح بها ذات القناة حين تبث حفلات من داخل السودان وكأنها تكيل بمكيالين.
|
Post: #11
Title: Re: إنتو يا ناس قناة النيل الأزرق ما بتمشو الص
Author: أبوبكر عباس
Date: 07-25-2015, 02:37 AM
Parent: #10
الوضوء بخرب الميك أب للجنسين
|
Post: #12
Title: Re: إنتو يا ناس قناة النيل الأزرق ما بتمشو الص
Author: أيمن محمود
Date: 07-25-2015, 07:04 AM
Parent: #11
| Quote: برغم أنّ الصلاة لله ولسنا في موقع الرقيب ولكن السؤال يتبادر من واقع الملاحظة لقناة تتخذ موقعاً صدارياً في التوجيه والتثقيف والمعرفة. |
1. الرقابة بتكون كيف طيب؟
2. ايه علاقة الموقع الصداري في التوجيه والتثقيف والمعرفة بصلاة المزيعين لصلاة المغرب؟
تحياتي
|
Post: #13
Title: Re: إنتو يا ناس قناة النيل الأزرق ما بتمشو الص
Author: خالد المبارك
Date: 07-25-2015, 08:41 AM
Parent: #12
ايمن محمود
Quote: . الرقابة بتكون كيف طيب؟
2. ايه علاقة الموقع الصداري في التوجيه والتثقيف والمعرفة بصلاة المزيعين لصلاة المغرب؟
تحياتي |
تهكم بلا حدود
دائما ما تتهكم عندما يكون الامر متعلق بالدين و الشيوخ - انا ملاحظ كده غايتو -
انت لا تحب ان يتحدث الناس عن الدين على الاطلاق
- من دفتر ملاحظاتي و ما معروف كاتب السيئات يكون كاتب شنو في السجل بتاعك -
|
Post: #14
Title: Re: إنتو يا ناس قناة النيل الأزرق ما بتمشو الص
Author: أيمن محمود
Date: 07-25-2015, 10:03 AM
| Quote: انت لا تحب ان يتحدث الناس عن الدين على الاطلاق |
لا لا .. كلامك غير صحيح.
في البوست ده ما عجبني التحشر في خصوصيات مزيعي قناة النيل الازرق.
يمشو يصلو او يأجلو الصلاة او ما يصلو خالص دي حاجة بتخصهم!
ــــــــــــــــــــــــــــــــــــ
| Quote: ما معروف كاتب السيئات يكون كاتب شنو في السجل بتاعك |
حتى السجل بتاعي عايز تعرف مسجلين فيهو شنو!؟ 
|
Post: #15
Title: Re: إنتو يا ناس قناة النيل الأزرق ما بتمشو الص
Author: Salah Habib
Date: 07-25-2015, 12:17 PM
Parent: #14
تحية يا اخ محمد فسم
الاذان فى اغلب القنوات لتنبيه المشاهد بوقت الصلاة
من غير المنطقى ان تتوقف القناة عن البث ثلث ساعة لأداء العاملين للصلاة
اما المشاهد فهو غير مجبر على المشاهدة إذا كان توقيت صلاته متوافق مع القناة
يجوز فى مثل هذه الحالة ان يصلى العاملين المغرب فى وقته الضرورى
الى ماقبل العشاء يقليل ..
|
Post: #17
Title: Re: إنتو يا ناس قناة النيل الأزرق ما بتمشو الص
Author: محمد قسم الله محمد
Date: 07-27-2015, 02:09 PM
Parent: #14
| Quote: في البوست ده ما عجبني التحشر في خصوصيات مزيعي قناة النيل الازرق. |
ياخ يحشروك في علبة صلصة قول آمين.
انت زاتك الحشرك في البوست الما عاجبك ده شنو..
بعدين ما في زول اتكلم عن خصوصيات المذيعين.. الخصوصيات دي هناك في البيت.. لكن تحدث البوست وفي ملاحظة عابرة عن القناة ككل وليس في شخص زول بالإسم.
|
Post: #18
Title: Re: إنتو يا ناس قناة النيل الأزرق ما بتمشو الص
Author: عماد حسين
Date: 07-27-2015, 03:09 PM
Quote: ايمن محمود
تهكم بلا حدود
دائما ما تتهكم عندما يكون الامر متعلق بالدين و الشيوخ - انا ملاحظ كده غايتو -
انت لا تحب ان يتحدث الناس عن الدين على الاطلاق
- من دفتر ملاحظاتي و ما معروف كاتب السيئات يكون كاتب شنو في السجل بتاعك - |
تسلم يا خالد
تصدق.. أنا زمان.. قايل ده شعور عند الوهابية براهم
|
Post: #16
Title: Re: إنتو يا ناس قناة النيل الأزرق ما بتمشو الص
Author: محمد قسم الله محمد
Date: 07-27-2015, 01:59 PM
Parent: #12
| Quote: 1. الرقابة بتكون كيف طيب؟ |
الرقابة بتكون زي البعملوها ناس الأمر بالمعروف في السعودية.
أما ما نكتبه فمجرد ملاحظة عامة.
| Quote: 2. ايه علاقة الموقع الصداري في التوجيه والتثقيف والمعرفة بصلاة المزيعين لصلاة المغرب؟ |
العلاقة هنا هي القدوة.
القدوة منهج تربوي وأخلاقي قبل أن يكون معياراً دينياً.
فموفع القناة الصداري ودورها في التثقيف يفرض عليها أن تكون قدوة في أفعالها.
أيمن انتا مالك داخل شمال ومقوم نفسك ونفسنا معاك ياخ.
|
|