|
|
|
 Re: الصادق إسماعيل وصلاح جادات.. (Re: محمد الطيب محمد)
|
Quote:
اعتقد الحكاية تلفون وكده لكنهم بالجد مولعينها علي الاخر |
وإنت طيب يا محمد الطيب
معقولة ده تلفون بس؟ هل من تلفون بس يكون الصادق رسل لصلاح فيزا في القاهرة من غير سابق معرفة او توصية؟؟
الصادق زعلان من صلاح لانه ما إتصل بيهو من مطار أسمرا وبفتكر إنو صلاح ما ذكر الصادق كمرجع للفيزا عندما تم توقيفه في المطار.
| |
 
|
|
|
|
|
|
|
|
Re: الصادق إسماعيل وصلاح جادات.. (Re: سيف اليزل سعد عمر)
|
صلاح جادات طوالي بلصق للصادق إسماعيل وبيديلوا من الشنطة:
Quote: الصادق الحرامي المشاطة
دفروك يا خايس يا ... بتاع الكيزان جيت جاري من خجلة وزي ما قلنا المساكنو عليك كبير وبخليك طوع بنانهم
جيت تشتت وتبعد الزنقة من شيخك
ها ها ها
هيهات |
أهم حاجة الضحكة الفي نهاية المداخلة..
أول مرة أعرف إنو ود الباوقة (شيخ) الصادق إسماعيل.
| |
|
|
|
|
|
|
|
|
|
Re: الصادق إسماعيل وصلاح جادات.. (Re: سيف اليزل سعد عمر)
|
القصة بدأت أيام المقاومة المسلحة في اريتريا
الصادق كان هناك وجادات حاول يدخل اريتريا بي فيزا مشبوهة بحسب ما قرأت
أول ظهور جادات في البورد الصادق طلب منه تلفونه عشان يعتذر ليه ولأنه في حاجات كان فاهمها غلط
لكن بعديها بدت المناقرة وليست العداوة
أنا من المستمتعين بي مناقرتهم .. الصادق راجل مهذب وضربه كلو قانوني بتحس فيه بي روح الطرافة وبتحس بي إنه قلبو أبيض شديد وبناقر بي حب ما بي غبينة
جادات أنا بختلف مع الناس كتير في رأيهم حوله .. رغم كل عيوبه وإصراره على أخطاؤه إلا إنه اتجاهو وخطواته واضحة شديد وبمثل قوة اخبارية للمنبر .. أي شمار حايم في الواتساب ولا الفيسبوك لو عاوز اتأكد من صحته بفتح سودانيز اونلاين وافتش بوستات جادات بلقاهو جابو وجو اصحاب الاهتمام والمعرفة أبدو رأيهم فيه
أنا شخصياً واحد من الناس المستمتعين شديد بي مساككتهم ومناقرتهم وبضحك لي مداخلات الصادق في بوستات جادات
| |
|
|
|
|
|
|
|
|
|
Re: الصادق إسماعيل وصلاح جادات.. (Re: أحمد محمد عمر)
|
بداية مساككة الصادق لي جادات كانت في بوست حول مقتل سليمان ميلاد شقيق رأفت ميلاد
الصادق شارك في البوست باعتباره معاصر للفترة ديك وشاهد على الحادثة
جادات أفرد بوست لاحق بي شكل بتاع إثارة إعلامية أوحى فيه بي إنه عندو معلومات جديدة حول الحادثة وقام بإعادة تدوير مشاركات البوست السابق وأرفقها بي استنتاجات شخصية على طريقة جادات
طبعاً جادات عندو الاستنتاج حقيقة .. يعني بيورد استنتاجه على إنه حقائق مثبتة
الصادق زهج من الفكرة خاصة وإنه البوست كان متابع وأسرة ميلاد موجودة في البورد والمعلومات القالها جادات ممكن تفتح قضايا وشبهات واتهامات بي قتل وكدة
______________________________
بالمناسبة أنا بتكلم من الذاكرة ساي وما عندي ليكم اي اقتباس ولا رابط
البهرشني في حاجة بمسحها طوالي 
| |
|
|
|
|
|
|
|
|
|
Re: الصادق إسماعيل وصلاح جادات.. (Re: أحمد محمد عمر)
|
Quote: بداية مساككة الصادق لي جادات كانت في بوست حول مقتل سليمان ميلاد شقيق رأفت ميلاد
الصادق شارك في البوست باعتباره معاصر للفترة ديك وشاهد على الحادثة
جادات أفرد بوست لاحق بي شكل بتاع إثارة إعلامية أوحى فيه بي إنه عندو معلومات جديدة حول الحادثة وقام بإعادة تدوير مشاركات البوست السابق وأرفقها بي استنتاجات شخصية على طريقة جادات
طبعاً جادات عندو الاستنتاج حقيقة .. يعني بيورد استنتاجه على إنه حقائق مثبتة
الصادق زهج من الفكرة خاصة وإنه البوست كان متابع وأسرة ميلاد موجودة في البورد والمعلومات القالها جادات ممكن تفتح قضايا وشبهات واتهامات بي قتل وكدة |
أحمد عمر
ياخي دي إضافات تاريخية جدا
يازوول ما تمسح أي حاجة..
يا الصادق إسماعيل تعال مارق من غير ما يدفرك أي كوز...
صلاح جادات ياخي قول حاجة!! قول شكرا وواصل في بوستاتك...
| |
|
|
|
|
|
|
|
|
|
Re: الصادق إسماعيل وصلاح جادات.. (Re: سيف اليزل سعد عمر)
|
Quote: بالمناسبة أنا بتكلم من الذاكرة ساي وما عندي ليكم اي اقتباس ولا رابط
البهرشني في حاجة بمسحها طوالي |
اتكلم زى ما عايز
و البقول داير اقتباس بنقول ليهو امشى جيبو براك
غايتو حقيقة انا مستمتع بى شغل توم اند جيرى الحاصل بيناتم ده
بس يتخيل لى لو اتلاقو الاحضان بيناتم ماب تقيف
| |
|
|
|
|
|
|
|
|
|
Re: الصادق إسماعيل وصلاح جادات.. (Re: سيف اليزل سعد عمر)
|
سيف اليزل
عيدك سعيد
صلاح جاكات الشهير بصلاح جادات
أنا بعرفه من السودان
أها وأنا في اسمرا ضرب من المطار
وقال لى أنا هنا وداير انضم للتحالف
قلت ليه ما في مشكلة
ووريتو الاجراءات وطلبت منه انه يغادرويرجع
عشان يقدر يمشي يخش الأراضي المحررة
لأنه غير كدا المسألة ما ممكنة
ودا اتفاق مع الأمن الأرتري
(طبعاً إنت بتجربتك عارف الإجراءات دي والتعقيدات)
أها شلت منه رسوم الفيزا ومشيت طلعتها ليه، وأديته نسخة
وقلت ليه قبل ما تصل تتصل بي
لأنه لو ما استلمتك من المطار ما حيدخلوك.
وطلبت منه ارسال تاريخ ورقم السفرية
أها الزول دا ما عمل الكلام دا كله.
حسب كلامه إنه جاء المطار وضابط الأمن ساله من الفيزا دي منو الطلعها ليك، وقال
ليه الفيزا دي ما حقيقية.
أها صلاح وبرضه حسب كلامه إنه (خاف) وقال ليهم الزول الطلعها لى في القاهرة
الضابط حبسه، وفي بعض الإتحاديين (حسب كلام جادات)
اتوسطوا ليه، وقاموا ناس الأمن رجعوهو بنفس الطيارة.
أها أول ما ظهر في المنبر أنا اتصلت بيه بالتلفون
وقال لي الحكاية، وشرحت ليه الحصل
وما عارفه اقتنع ولا لاّ
أها سألني عن موضوع الشهيد ميلاد
أديته المعلومات العندي.
جا فتح بيها بوست وذكر حاجات هي استنتاجات
الموضوع دا أقلق الأخ رأفت ميلاد شقيق الشهيد
وأقلقني جداً لأن الشهيد صديق عزيز جداً
لم أحب أن تنبش سيرته هكذا
من أجل كسب إعلامي (وعدد كلكات)
فجاكات مشى جاب صورة للفيزا الأنا طلعتها ليه
وقال إنه أنا زورتها عشان أشيل المية دولار رسوم التأشيرة
(وما درى أنني كنت المسؤول المالي عن كل أموال تنظيم التحالف)
وهذه الإتهامات أقلقت الكثير من الأهل والأصدقاء
فرديت عليه، لأني في الوقت داك لم هو نزل البوست أنا حقيقة ما شفته
وبعد داك صورة الفيزا نفسها ما شفتها
لكن بعد دا كله
قلت ليه يا خي أنا الطلعت الفيزا دي
وأنا مسؤول عنها، وهددني بفتح بلاغ
فطلبت منه إنه يفتح بلاغ في أي مكان في العالم
وأديته عنواني وإسمي بالكامل
بل تعهدت له أن ذهب وعلى حسابي لقطر حالما
يفتح البلاغ
وزودته بالممكتب القانوني للسفارة في قطر.
لكنه درج على تشويه سمعة كل من يختلف معه، وينعته بأنه غواصة.
هل صلاح كوز، ربما؟
وربما هو شخص مريض موسوس؟
ولكنه درج على التخوين والشتيمة والتلميحات غير الكريمة.
وكل ما يفعله الآن هو أن ينقل شمارات وأخبار الواتساب والفيسبوك
للمنبر ويزيد عليها حرابيش.
مثلاً صلاح فتح قناة بإسمه في اليوتيوب
فأول ما يظهر فديو في الواتساب أو الفيسبوك
فهو يحمل الفديو على كمبيوتره ثم يحمّله في
قناته في اليوتيوب، لكى يظهر أنه من وجد هذا الفديو
وأخبار الواتساب يزيد عليها شمار ويأتي هنا بإضافاته
(ويزلقها) في نص البوست.
البوست بتاع إعتقاله في كينيا وضح أنها كذبة منه (فالأيام التى يقول أنه قضاها في المعتقل
كان يكتب خلال في المنبر.
موضوع غسان (الف الكضبة ولم يستطيع الدفاع عنها)
وأيامه التى كان يعلف فيها من الجرايد كاان يأتي بالخبر
ويتمو (موية).
فالقصة بالنسبة لي التصدي
لشخص مثل جادات يستمريء تشويه
سمعة الناس واغتيال شخصيتهم
من أجل الظهور الإعلامي أو من أجل أجندة كيزانية
أو بسب مرض نفسي.
ولكن آليت على نفسي أن اتصدى له، ولا أحمل عليه أي ضغينة.
وأعرف تماماً أن منبر سودانيزاونلاي لا يقرأه الكثيرون في السودان
وهو ليس بمؤثر سوى على الذين هم خارج السودان
فدي القصة يا حبيب
وبالمناسبة
أهو دا الكلام القاله صلاح جادات لمن قبضوهو في مطار أسمرا
Quote: قلت لناس الامن انو الزول في مصر حتي لا يتطور الموضوع وندخل في تحقيق
وانا كان همي ادخل وتعرف لقد ندمت اني ما قلت لهم انك من سلمني الفيزا كان منعت بلاوي
كثيرة حدثت في قوات التحالف بسببك يا الصادق |
ناس الأمن بتاعين المطار كلهم بيعرفوني
وبدخل صالة كبار الزوار لإستقبال أو توديع شخصيات المعارضة عادي
وحتى لو لم يكن كل ذلك صحيحاً، السؤال الذي
عجز صلاح عن إجابته:
لماذا كذب على رجال الأمن في المطار؟
لماذا لم يقل لهم أن الشخص الذي استخرج له الفيزا هو الصادق إسماعيل؟
عندما سألته هذه الأسئلة هاج وماج وارغى وازبد
ونعتنى بالماشطة (في احتقار لمهنة شريفة ولكنها عقليته الذكورية) ونعتنى بالغواصة
وأخيراً بالكوزنة؟
وعلى العموم هذا هو رابط البوست لمزيد من الضوء على مسار النقاش:
andlt;a href="http://sudaneseonline.com/cgi-bin/sdb/2bb.cgi?seq=printandboard=380andmsg=1325697444andrn=69" target=_selfandgt;Re: تعالوا شوفوا المسح بالارض كيف ؟؟؟ اكتسب خبرة في العمل السري :Re: تعالوا شوفوا المسح بالارض كيف ؟؟؟ اكتسب خبرة في العمل السري :
وإن لم يعمل الرابط يمكن وضع اسم البوست في قوقل وسيعيدك لنسخة من البوست
| |
|
|
|
|
|
|
|
|
|
Re: الصادق إسماعيل وصلاح جادات.. (Re: الصادق اسماعيل)
|
Quote:
غايتو حقيقة انا مستمتع بى شغل توم اند جيرى الحاصل بيناتم ده
بس يتخيل لى لو اتلاقو الاحضان بيناتم ماب تقيف |
صدقت يا جلالدونا
نتمنى ليهم دوام الصحة والعافية والمقابلة في وطن يسع الجميع....السودان..
علي العموم طالما كان الدواس قانوني فمافي عوجة تب.
| |
|
|
|
|
|
|
|
|
|
Re: الصادق إسماعيل وصلاح جادات.. (Re: سيف اليزل سعد عمر)
|
الصادق إسماعيل
وعيد بخيت وسعيد عليك..
تابعنا معاك الحصل بيناتكم في إريتريا..
وشكر لتلخيص الموضوع في المداخلة أعلاه..ده ركوز مداخلاتك في بوستات صلاح جادات..
زي ما قلت ليك أنا وغيري من القراء مستمتعين جدا بمداخلاتك مع صلاح جادات. مش إنت براك لكن بورداب معروفين هنا كمان..
انا والله ما بهمنى البورد ده بقروه الناس في السودان ولا ما بقروه. بهمنى الحوار الدائر ومدي إحترامه لعقل القارئ أينما كان.
مداخلاتكم في بوستات صلاح جادات بتدي الخبر ابعاد جديدة، غير البعد بتاع صلاح جادات..
في النهاية بحيّ صلاح جادات علي صموده والدفاع عن وجهة نظره..
داير أقولو ليك حاجة يا صلاح: الصادق ما كوز وما عنده أية علاقة بالكيزان..
| |
|
|
|
|
|
|
| |
سيف اليزل سعد عمر
محمد الطيب محمد
جلالدونا
الصادق اسماعيل
فيس بوك
تويتر
انستقرام
يوتيوب
بنتيريست