أبقي جيَّة !

08:10 AM Jul, 23 2015
سودانيز اون لاين
shazaly gafar-امدرمان
مكتبتى فى سودانيزاونلاين



أبقي جيَّة !
شاذلي جعفر شقَّاق

كنتَ بحلــمْ بِكْ عشيَّـــــة
جَنْبِكْ اتنسَّم بسيمــاتِك نديَّـــــة
وقَنقَر الونســــة الشهيَّــــــــة
واندياحِك فوق كتوف الأبجديَّــة
يا حلاتِك وانتِ جَنبي
ويا حلاة رُطباً جنيَّا !

**********

غمَّازة البدْر البِيَضْحَك للمســــــاهر
والغناوي المارقة من بيت المزاهـــــر
وهوشة الطبْل البدوزن في المشاعـــــر
والحجاوي الحالمة تِتْوسَّد ضفائــــــــر
كُلَّها بتهْتف تعالــــــي
وردَّدتْ عينيك هيـــَّا !

**********

يا جمال الفجرِ يشرق في مسيدِك
وبالطيوب الشاردة يدَّرْوَشْ مُريدِك
والمَدَد منَّك وليكي ..كلَّما ينقُص بزيدِك
المصون الهشَّ شاشايْ لي وحيدِك
تَرْجم الحِرمان تكيَّة
وشوقي ليك تقَّابتو حيَّة !
يلاَّ راجيك يا بنيَّة أبقي جيَّة !

وابقى مارق بن غناك

كيف يحفز في البنية

وتبقى جية.

- حشد الكلمات : قنقر ، هوشة الطبل ،شاشاي : مليان وقادر-

شكرا شاذلي لهذا المقتطع من زمن الرياء المترع بهذا المنبر !