02:05 PM Jul, 22 2015 سودانيز اون لاين معاوية المدير-بكندا محافظة البرتا مكتبتى فى سودانيزاونلاين
Quote: بوردابي من ابناء الباوقة يقيم في مدينة الطائف جاء الى الرياض زائرا اصريت على اكرامه في منزلي بان وجهت له الدعوة لتشريفي بتناول طعام العشاء ليلة الامس مع اخوة اعزاء ذهبت قبل مجيئهم لاحضار بعض مستلزمات المنزل وعند رجوعي وجدتهم قد حضروا ونحن على مائدة العشاء جاءني تلفون من اخي عزيز يقيم معنا في الرياض حيث بادرني بالسؤال دا شنو الكاتبو دا .وشرح لى الحاصل .. حينها عرفت بان المدعو .......... قد استغل عدم وجودي ودخل على حسابي حيث ان الجهاز موجود في غرفة الضيافة.. سالت الاحوة الحضور هل ..................... جلس في النت اجابوا بالايجاب وان كلمة المرور للجهاز تحصل عليها من ابنك الصغير هذا كل مافي الامر .. واحب ان اطمئن الجميع بان للحزب ولسيدي الرئيس بيعة في عنقي تنتهي بانتهاء اجلي باذن الله والله من وراء القصد
كونك تتعطن في هذا المستنقع الآسن، وتُحشر يوم الموقف العظيم مع سدنة النفاق والشقاق فهذا ما إخترته لنفسك، لكن كونك تتهم وآحد من وِلآدنا بهذه الفعلة المُشينة لآزم نعرفو حتي نشوف الخيابة الوقعت علي وِلآد الباوقة دي جات من وين ؟...
Post: #2 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-22-2015, 03:09 PM Parent: #1
Quote: دا شنو الكاتبو دا .وشرح لى الحاصل .. حينها عرفت بان المدعو .......... قد استغل عدم وجودي ودخل على حسابي حيث ان الجهاز موجود
إشمعنى دا تحديداً عرفتو هو العمل كدا ؟، ؤُ طالما سلفاً إنت عارفو زول ما مصدر ثقة دخلتو بيتك ليه ؟، . هل الزول دا تحديداً جا قاصد يزورك ؟، إنت برآك الدخلتو بيتك . بتجقلب مالك ؟...
Post: #3 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-22-2015, 03:18 PM Parent: #2
Quote: في غرفة الضيافة.. سالت الاحوة الحضور هل ..................... جلس في النت اجابوا بالايجاب وان كلمة المرور للجهاز تحصل عليها من ابنك الصغير
Post: #4 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-22-2015, 03:20 PM Parent: #3
خلي وائل بتاعك دا الينزل لنا صورة ولدنا العمل العملة دي عشان نعرف نتصرّف معاهو، و اعلم انه ما عندك خيار آخر غير تنزّل الصورة . إنت قلت الزول دا من وِلآد الباوقة يا عمر ...
Post: #5 Title: Re: مِنو من وِلآد الباوقة الخايب دا يا عمر ؟، � Author: معاوية الزبير Date: 07-22-2015, 03:30 PM Parent: #4
والله يا معاوية ما اتعودنا نلاحق زول بالأسئلة لكن المرة دي حرقتني شديد كوني مهتم بالقصة والرواية
Quote: طيب بدون محاكمة يا باوقة البوست مفتوح الساعة عشرة و 38 دقيقة ليلا (الثلاثاء) انت طلعت تجيب بعض مستلزمات المنزل الوكت داك
أثناء العشاء جاتك مكالمة بالحاصل سألت الحضور عن ما حصل وأخبروك هل كان الضيف المقصود موجود وكت السؤال ولّ مشى يغسل يدينو؟
ورغم ذلك تركت البوست كما هو بدون تكذيب لغاية ظهر اليوم الأربعاء !
أنا شخصيا زعلت لانسلاخك المهكور لأنني أتمنى استمرارك حتى النهاية (وفي بالي اعتقال نميري للكيزان أواخر عهده) لكن روايتك تبدو غير محكمة -بالنسبة لنقاد قصص قصيرة-
قد تكون صادقا فيها (المؤمن صادق وصديق) لكنها بتفاصيلها المنشورة تبدو غير محكمة ----------- بسرعة يا ود الباوقة.. ما تفكّر كتير لأنو عندنا سؤال عن تزامن البوستين: الجلد والانسلاخ
Post: #6 Title: Re: مِنو من وِلآد الباوقة الخايب دا يا عمر ؟، � Author: جلالدونا Date: 07-22-2015, 04:33 PM Parent: #5
نضراً على.. من الليلى دى كان ركبّ القطر مدلّى كريمى اتحسبن و اتحوقل لامن القطر يخش اب حمد كمان جابتلها خسايس و حفيّر و يا ريت لو بقت من جوا البيت و بس دى من كيم البيت الخاتين فيهو المدوعل بى باسووردو ناس اتبرة وبربر ودامر ارتولى و باوقى زيداب و علياب من يوم الليلى ماكم ناسى ما دام ود الباوقى ختّ فيكم قول ود المدير كان النجيضى ما مرقت يبقى ادينى خاترك يا عيب الشووووووم العفنتو تحوووووم يا قول حبوبتى لمياء
Post: #7 Title: Re: مِنو من وِلآد الباوقة الخايب دا يا عمر ؟، � Author: عادل عبدالعزيز عبد الرحيم Date: 07-22-2015, 04:49 PM Parent: #6
جلادونا الدخل بربر شنو هسسسع ؟؟؟
Post: #8 Title: Re: مِنو من وِلآد الباوقة الخايب دا يا عمر ؟، � Author: معتصم الطاهر Date: 07-22-2015, 05:24 PM Parent: #7
Quote: جلادونا الدخل بربر شنو هسسسع ؟؟؟
أها يا عادل ..
ننكرهم
مننا و فينا
ريفنا و مرامي خريفنا ..
كان كيزان كان شيوعيين ..
Post: #9 Title: Re: مِنو من وِلآد الباوقة الخايب دا يا عمر ؟، � Author: muntasir Date: 07-22-2015, 07:55 PM Parent: #8
تست عشان خاطر الخيانة ودالباوقة بكون مشا يجيب العشاء بكون عازم الخمير الحمر فرع اللذيذ تفاحا
Post: #10 Title: Re: مِنو من وِلآد الباوقة الخايب دا يا عمر ؟، � Author: عبدالمنعم الطيب حسن Date: 07-22-2015, 08:06 PM Parent: #9
سلام يا معاوية وكل عام وانتم بالف خير.... ياخ قصة عمر دا مفككة فكيك عدوك، توديها يمين، تجيبا يسار ما بتلفق، وعارف الكلام دا ما بفوت على فطنتكم السليمة، بس كلامك واضح مش هو قال بوردابي، خليهو يجيب اسمو وصورتوبعدها لكل حادث حديث، وكمان ما يعمل حميل من البوست دا، اصلو براهو عاير وبي الفبركة دا اداها سوط، يلا يا عمر نحن في الاتنظار مع معاوية جيب الاسم والصور... اوعك تكب الزوغة!!
Post: #11 Title: Re: مِنو من وِلآد الباوقة الخايب دا يا عمر ؟، � Author: فرح الطاهر ابو روضة Date: 07-22-2015, 08:45 PM Parent: #10
...
Post: #12 Title: Re: مِنو من وِلآد الباوقة الخايب دا يا عمر ؟، � Author: جلالدونا Date: 07-22-2015, 09:51 PM Parent: #11
Quote: جلادونا الدخل بربر شنو هسسسع ؟؟؟
يا عادل بربر دى بالذات عندنا فيها عود اهلنا ناس القدواب الشيخ المرحوم عبد الله البدرى طيب الله ثراه و أبنه الشيخ عبد الله متعه الله بالصحة و المعهد الدينى ال بقى كلية فى زمن الانقاذ الكذوب ده اهلنا كانو بقومو من الخرتوم و من كريمى عشان يخدمو فيهو خدمة ضراع اخدر مو مساهمة بالمال و بس لامن اتبنى و قام اها ديل برضو داخلين فى الحسبنة و الخوقلة و باقى الذى منه ات باقيلى مستهون كلام ود الباوقى و بالجمبتين كمان أكان جد ... شوف نوع الخساسة و أكان كذب... شوف القدرة على بهتان الغير _______ يا عزيزى عادل الدلائل كلها تشير الى ان عمر الباوقة كذاب اشر و ما أتى به بهتان كبير لا يضح ان يمر دون عقاب و ان ما كتبه معاوية الصايم فى صفحته صحيح
Quote: صراع حول المنهوبات ..من اموال الشعب السودانى ...فى الخليج....وفى اجتماع ..عاصف .ومخجل فى منزل القيادى الكوز (العوض ع ا) فى الرياض فى حى الملز .. توجيه اللوم المعنف للطبال الاسفيرى الاشهر عمر عبد القادر ..الشهير ب ود الباوقة ..ومعلومات عن وصول كوز من منطقة القصيم ل لملمة الفضيحة
و النفى الوحيد الناسف لكل هذه الدلائل ان يذكر ود الباوقة اسم عضو المنبر الذى كتب البوس باسم ود الباوقة يعنى ما دايرين نسمع عفا الله عما سلف و من ستر مسلما ستره الله يوم القيامة
Post: #13 Title: Re: مِنو من وِلآد الباوقة الخايب دا يا عمر ؟، � Author: ود الباوقة Date: 07-22-2015, 09:53 PM Parent: #12
Quote: الدلائل كلها تشير الى ان عمر الباوقة كذاب اشر
دا كلام شنو يا السغيروني
Post: #14 Title: Re: مِنو من وِلآد الباوقة الخايب دا يا عمر ؟، � Author: جلالدونا Date: 07-22-2015, 11:30 PM Parent: #13
المضمحل ود الباوقة نحترم ظرفك و نرد عليك
Quote: دا كلام شنو يا السغيروني
السغرة ياها جنس فعايلك دى تلفح الكلام من نصو و تسئ للغير
Quote: : الدلائل كلها تشير الى ان عمر الباوقة كذاب اشر
و ياهو ده باقى كلامى و فيهو الفرصة كاملة انك تدافع عن نفسك و بدون اساءة للغير
Quote: و النفى الوحيد الناسف لكل هذه الدلائل ان يذكر ود الباوقة اسم عضو المنبر الذى كتب البوس باسم ود الباوقة يعنى ما دايرين نسمع عفا الله عما سلف و من ستر مسلما ستره الله يوم القيامة
ثم انو يا ود الباوقة خليت الكلام الفوق ده كلو و جيت على اخر مداخلة و طرشت طراشك ده يا خى ود الزبير ده عندو مداخلة من امبارح شايلا و مباريك عشان ترد عليها ما تفولى ما شفتها مالك حامل وللا اضانك طرشا خليها مداخلة ود الزبير ... مداخلات ود المدير دى كوووووولها ما وقعت فوق عينك؟ اياك و الاستحقار ثم اياك و الاستصغار ثم كان عندك خيارات اتاحا ليك المنبر جاك تلفون وعرفت الحاصل امشى اسحب البوست طال ما ممفتوح بى اسمك او اعتذر بى مداخلة فى نفس البوست عما ورد فيه لكن تخلى البوست فاتح و تحوم من بوست لى بوست و تفتح فى بوستات تانية و متجاهل الفطيسة الريحتا طاقة دى و بعد داك تجينا بى قصة لآول مرة يتوافق فيها الصادق اسماعيل مع صلاح جادات فى عدم مصداقيتك فى ظاهرة منبريه مستحيلة الحدوث عشان تبرر بيها الشى الحاصل دى ما سغرنة وبس .. ده اضمحلال يا مضمحل
Post: #15 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-23-2015, 00:58 AM Parent: #14
المسافر محمد حسن العمّدة حاتم الياس سيف النصر محي الدين حسن البشاري ـ بربر، القدوآب ـ علي الكرار هاشم ـ أرتولي ـ وليد شريف زياد جعفر عبد الله زهير الزناتي ـ نسب ـ محمد حيدر المشرف عبد الوآحد إبراهيم معاوية المدير نور الهادي الخضر محمد الشيخ عبد الحافظ سعد الطيّب عبد المنعم عبد الله أحمد الأمين علي ادريس حسن مختار الخليفة محمد حمزة الحسين محمد بابكر محمد عبد الرزاق الطيّب يس عبد الغني كرم الله حسين ديقول معتصم محمد عبد الرحيم عبد العزيز محمد عمر الشغيل .
ديل وِلآد الباوقة و ما جورها معاك هنا في المنبر يا عمر خُت اصبعك فوق وآحد ؤُ قولنا الزول ياهو دا، سيّبك من الجخس بتاع البدلة الدخلتو بيتك عشان يمثل معاك التمثيلية القذرة دي . ما يهمني معارضة أو حكومة، إنت يا عمر حددت المنطقة وإن لم تصرّح بإسم الزول ستظل التُهمة السيئة دي تطارد جميع أولآد الباوقة بالمملكة، أو تكون إنت كذآب اشِر فعلاً .
الجخس المِتشنّط في البدلة دا مااااا بيشبه وِلآد الباوقة ...
Post: #16 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-23-2015, 01:16 AM Parent: #15
Quote: والله يا معاوية ما اتعودنا نلاحق زول بالأسئلة لكن المرة دي حرقتني شديد كوني مهتم بالقصة والرواية
صدقني يا معاوية ما راح تلقى إجابة لأسئلتك دي خاسةً والضيوف وصلو قبل الساعة 10:38 يوم الثلاثاء، صاحب البيت مرق لقضاء بعض الحاجات والجماعة عقبوهو ؤُ بكرة شُغُل يعني ما مواعيد زيارة ولا حتي يوم زيارة . لآحظ الكاميرة الصورت اللقطات ما فيها لا تاريخ لا زمن . دا كلللللو ما بيهمني يا معاوية، أنا بس دآير أعرف ولدنا الباطل دا منو ؟...
Post: #17 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-23-2015, 01:22 AM Parent: #16
[/url]
Quote: قف دُونَ رأيك في الحياة مجاهدا ان الحياة عقيدة وجهادُ
وائل حمزة الزبير، حتي نتبيّن خليك وآضح ؤُ جيب الصور وآضحة وإسم ولدنا بتاع الباوقة دا، وإلآ ستظل فاسق في نظري تنطبق عليك الآية الكريمة ...
Post: #18 Title: Re: مِنو من وِلآد الباوقة الخايب دا يا عمر ؟، � Author: معاوية الزبير Date: 07-23-2015, 03:09 AM Parent: #17
Quote: ديل وِلآد الباوقة و ما جورها معاك هنا في المنبر يا عمر خُت اصبعك فوق وآحد ؤُ قولنا الزول ياهو دا، سيّبك من الجخس بتاع البدلة الدخلتو بيتك عشان يمثل معاك التمثيلية القذرة دي . ما يهمني معارضة أو حكومة، إنت يا عمر حددت المنطقة وإن لم تصرّح بإسم الزول ستظل التُهمة السيئة دي تطارد جميع أولآد الباوقة بالمملكة، أو تكون إنت كذآب اشِر فعلاً .
Quote: وائل حمزة الزبير، حتي نتبيّن خليك وآضح ؤُ جيب الصور وآضحة وإسم ولدنا بتاع الباوقة دا، وإلآ ستظل فاسق في نظري تنطبق عليك الآية الكريمة ...
ود الباوقة و وائل حمزة العايز فيكم يبرئ نفسو من تهمة "الكاذب الأشر" و "الفاسق" يرد على كلام ود المدير. إنتو بهتوا أولاد الباوقة الساكنين الطائف، و دي جريمة ما لم تثبتوا صدق اتهامكم. يا أولاد الباوقة في الطائف ويا سودانيي الطائف: هل تعرفون صاحب الصورة المنشورة في بوست وائل ؟
Post: #19 Title: Re: مِنو من وِلآد الباوقة الخايب دا يا عمر ؟، � Author: اباذر عبد العال Date: 07-23-2015, 07:03 AM Parent: #18
تحياتي معاوية المدير كل سنه وانت طيب
استهبال واستهتار كيزان ليس إلا واتفاق على شغل الناس وعمل ضجه فارغه هم اربعه خمسه اشخاص قاموا بهذه الفوضي ظاهر من اللولوه الحاصلة في كم بوست
Post: #20 Title: Re: مِنو من وِلآد الباوقة الخايب دا يا عمر ؟، � Author: مني بت نفيسة Date: 07-23-2015, 07:15 AM Parent: #19
ود المدير صاحبي ... كل عام وانت والاسرة بخير عافية .. وضيوفك الكرام ..
اقتباس : استهبال واستهتار كيزان ليس إلا واتفاق على شغل الناس وعمل ضجه فارغه
كلمناااااااااااااكم .. كتبنا ليكم مئة مرة قلنا ليكم قاطعوا هولاء االاوباش حثالة الشعوب لكن انتوا ما بتسمعوا , تستااااااااااااااهلوا ..
************ فظيع جها ما يجري وافظع منه أن تدري !
Post: #21 Title: Re: مِنو من وِلآد الباوقة الخايب دا يا عمر ؟، � Author: سعد مدني Date: 07-23-2015, 07:21 AM Parent: #19
سلامات ود المدير يعني ود الباوقة دايرنا نصدق قصة إنّو في زول قريبو كتب الكلام دا دا كلام ما راكب عدلو كلو كلو و ما بتصدق نهائي شكلو اضغط من جهات معينة راجعته في قراره الذي اتخذه
Post: #22 Title: Re: مِنو من وِلآد الباوقة الخايب دا يا عمر ؟، � Author: اباذر عبد العال Date: 07-23-2015, 07:35 AM Parent: #21
Quote: كلمناااااااااااااكم .. كتبنا ليكم مئة مرة قلنا ليكم قاطعوا هولاء االاوباش حثالة الشعوب لكن انتوا ما بتسمعوا , تستااااااااااااااهلوا ..
سلام وتحيه بت عمسيب كل سنه وانت طيبه
كلامك صحيح لكن ااانا ما قاعد اهرج معاهم نهاااائي ولا علقت على بوستاتهم المهببه دي..علا قلنا نشارك ود المدير ده
Post: #23 Title: Re: مِنو من وِلآد الباوقة الخايب دا يا عمر ؟، � Author: مني بت نفيسة Date: 07-23-2015, 07:44 AM Parent: #22
ابا ذر تسلم يا حبيب ..
كلامك صحيح لكن ااانا ما قاعد اهرج معاهم نهاااائي ولا علقت على بوستاتهم المهببه دي..علا قلنا نشارك ود المدير ده
مشكور اخي علي الرد الشافي .. زاتمني من الجميع ان يفعلوا ما فعلته انت .
ودمت .
*************** فظيع جهل ما يجري وافظع منه أن تدري .
Post: #24 Title: Re: مِنو من وِلآد الباوقة الخايب دا يا عمر ؟، � Author: محمد حيدر المشرف Date: 07-23-2015, 07:56 AM Parent: #22
ود المدير سلامات ..
الاخ العزيز عمر ودالباوقة مطالب بالاعتذار عن هذا الخطأ وعن الكثير من اللولة والسيناريوهات غير الحقيقية في هذا الموضوع ..
هذا او يكون مطالبا باثبات دعاويه واتهاماته المبذولة وذلك بايراد اسم البوردابي .. فقط الاسم .. لا يحتاج الناس لصور غامضة وكلامات وقلنا وقالوا الخ هذا العبث ..
Post: #25 Title: Re: مِنو من وِلآد الباوقة الخايب دا يا عمر ؟، � Author: مني بت نفيسة Date: 07-23-2015, 08:02 AM Parent: #24
اها نبقي في جنس دا !
في المقام الأوّل لوم نفسك يا عمر، الناس ديل كولهم كرور وإنت زاتك كرور زيهم والطيور علي اشكالها تقع . بئست الصُحبة والله .
Post: #26 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-23-2015, 08:26 AM Parent: #25
Quote: وكأني بك تريد أن تقول بأن الحقيقة مرة كمرارة العلقم عليك .. الحقيقة ان كانت قد خفيت عليك برفضك لها فلا تحزن فعلمها عند الله .. لكن احياناً يكون المنطق الذي يستسيغه الكثيرين .. لا شك بأنك ترفض بأن يكون هناك اعتداء بهذا الشكل عليك أو على أي شخص كان .. فإذا كنت كذلك هل يستسيغ عضو يُتهم بذلك الفعل الشنيع أن تعرض صورته ؟؟ وهو معروف من عدة اعضاء في المنبر غيرك وغير ود الباوقة .. أنا اعتقد بأن الأمر محرج ولو كان العضو صاحب حجة أو من النوع الذي يريد ان يكذب حديث ود الباوقة لجاء هنا وبين وفضح أو اعترض مع العلم بأن الرجل من منطقته ولا علاقة له بالمؤتمر الوطني بل ينتمي لكيان آخر. أليس كذلك.
Quote: هل يستسيغ عضو يُتهم بذلك الفعل الشنيع أن تعرض صورته ؟؟ وهو معروف من عدة اعضاء في المنبر غيرك وغير ود الباوقة
إنت عرضت الصورة من عِدة زوايا، وإسدرت للموضوع بطّل الخيابة البتعمل فيها دي ؤُ وشي ولدنا دا جيبو وآضح . مالك داير تسويلك فدسة ؟.
Quote: أنا اعتقد بأن الأمر محرج ولو كان العضو صاحب حجة أو من النوع الذي يريد ان يكذب حديث ود الباوقة لجاء هنا وبين وفضح أو اعترض
كلآمك دا كان تقولوا من اللوّل قبل تنزّل ربع صورة حتي، عشان كان نشهدلك بكلمة رُجال .
Quote: مع العلم بأن الرجل من منطقته
منطقتو ياتا يا فاسق ؟، إنت اصغر من ان تتكلم عن منطقة الباوقة ؤُ وِلآد الباوقة يا عبوب يا وسـخ .
جيّب إسم الزول قريبنا أو إتلهي و اقيف في حدّك .
Quote: الحقيقة ان كانت قد خفيت عليك برفضك لها فلا تحزن فعلمها عند الله
الله يكسّرك، إنت بتعرف الله كمان ؟. إنت ما قلت ماسك بزمام الحقيقة ؤُ عندك صور الزول وإسمو، بترجف مالك ؟، نحن الزول دا بيهمنا ؤُ عمر زاتو بيهمنا وأهلنا لآزم يعرفو ياتو الخايب في وِلادُن، إنت وِكت أصلك حشرت نفسك وسطنا ابقى راجل ؤُ قوّل إسم ولدنا دا أو جيب صورة بتاعت رجال أو أمسك أدبك وإتلمّ ...
Post: #27 Title: Re: مِنو من وِلآد الباوقة الخايب دا يا عمر ؟، � Author: معاوية الزبير Date: 07-23-2015, 08:36 AM Parent: #26
هذا رد كنت أكتبه في بوست آخر في نفس اللحظة
Quote:
Quote: معاوية الزبير
وكأني بك تريد أن تقول بأن الحقيقة مرة كمرارة العلقم عليك .. الحقيقة ان كانت قد خفيت عليك برفضك لها فلا تحزن فعلمها عند الله .. لكن احياناً يكون المنطق الذي يستسيغه الكثيرين .. لا شك بأنك ترفض بأن يكون هناك اعتداء بهذا الشكل عليك أو على أي شخص كان .. فإذا كنت كذلك هل يستسيغ عضو يُتهم بذلك الفعل الشنيع أن تعرض صورته ؟؟وهو معروف من عدة اعضاء في المنبر غيرك وغير ود الباوقة .. أنا اعتقد بأن الأمر محرج ولو كان العضو صاحب حجة أو من النوع الذي يريد ان يكذب حديث ود الباوقة لجاء هنا وبين وفضح أو اعترض مع العلم بأن الرجل من منطقته ولا علاقة له بالمؤتمر الوطني بل ينتمي لكيان آخر. أليس كذلك.
يا وائل: إذا في زول اعتدى عليّ مثل هذا الاعتداء وعرفت بذلك في الحال، سأدخل في نفس اللحظة على البوست المعني وأكذّبه ثم أفتح بوستا جديدا أوضّح فيهو الحقيقة مش ح أنتظر لتاني يوم زي ما عمل ود الباوقة وبعد مشاركته في بوستات أخرى وفتحه لبوستات غيرها ثانيا: من الذي صوّر هذه الصورة ؟ وكيف وصلت إليك؟ هل كنت حاضرأ؟ أنا لو مكان ود الباوقة أو أي واحد من مناصريه سأختار بين مصداقيتي وبين فضح هذا المعتدي، اسماً وصورة. أنتم (ود الباوقة وشلته ومن بينهم من كان له شوية مصداقية رغم كوزنته) اخترتم فقدان المصداقية التي هي أصلا مفقودة عند معظم من يهتم بها لكنه (ود الباوقة تحديدا) فقدها الآن عند القِلة المتبقية التي تنخدع بلسانه المعسول (ومنهم الفرسان والحسناوات الذين ذكرتهم حضرتك) دا كلامك:
Quote: فعمر ود الباوقة يتميز عليك بمميزات منها ثناء البعيد قبل الصديق فقد أثنى عليه الكثير من اعضاء المنبر.. وقد أثنت عليه (الحسناوات) قبل الفرسان
عزيزي وائل إذا جاوبت على أسئلتي بوضوح ومنطق وعقلانية سأواصل معك النقاش وإلا فاعتبر هذه آخر مداخلة لي معك. وأنا متيقن أنها ستكون كذلك، أرجو أن تخيّب ظني. -------- وعشان اختصر أقوليك، ود الباوقة كتب (متسرعاً) بوستيْ جلد الذات والانسلاخ لخلاف مع جماعته ثم تمت تسويةٌ ما، فقام بموجبها بتكذيب بوست الانسلاخ انتهى.
Post: #28 Title: Re: مِنو من وِلآد الباوقة الخايب دا يا عمر ؟، � Author: ود الباوقة Date: 07-23-2015, 09:41 AM Parent: #27
Quote: الاخ العزيز عمر ودالباوقة مطالب بالاعتذار عن هذا الخطأ وعن الكثير من اللولة والسيناريوهات غير الحقيقية في هذا الموضوع ..
هذا او يكون مطالبا باثبات دعاويه واتهاماته المبذولة وذلك بايراد اسم البوردابي .. فقط الاسم .. لا يحتاج الناس لصور غامضة وكلامات وقلنا وقالوا الخ هذا العبث ..
اخي المشرف
الله شهيد على ما قول
البوردابي هو محمد حسن العمدة والرواية التي اوردتها صحيحة مية في المية
والاخوة الذين معه لاعلاقة لهم بالامر لا من قريب او بعيد
ولا تربطهم اي علاقة بسودانيزاونلاين وهم اخوة كرام اعزاء
يا اخ معاوية
Post: #29 Title: Re: مِنو من وِلآد الباوقة الخايب دا يا عمر ؟، � Author: علي الكرار هاشم Date: 07-23-2015, 10:01 AM Parent: #28
Quote: البوردابي هو محمد حسن العمدة
اخونا معاويه الف تحية وعيدك سعيد ماكنت اريد من الاخ عمر ان يصرح لكن يبدو ان الناس اضطرته لذلك عندما حسبوه يكذب وهاهي الحقيقة امام الجميع فماذا بعد؟؟؟
Post: #30 Title: Re: مِنو من وِلآد الباوقة الخايب دا يا عمر ؟، � Author: محمد حيدر المشرف Date: 07-23-2015, 12:19 PM Parent: #1
عداك العيب والله أخي العزيز عمر ودالباوقة .. وان كنت الومك على طريقة التعامل مع الامر مما جعلنا نشكك بما تقول وكنا آثمين .. لك العتبى حتى ترضى ..
Post: #31 Title: Re: مِنو من وِلآد الباوقة الخايب دا يا عمر ؟، � Author: ود الباوقة Date: 07-23-2015, 12:38 PM Parent: #30
اخي المشرف سليل الاسرة الكريمة
جزاك الله خير
الحق ابلج
بارك الله فيك
Post: #32 Title: Re: مِنو من وِلآد الباوقة الخايب دا يا عمر ؟، � Author: Deng Date: 07-23-2015, 01:30 PM Parent: #31
هووي يا ود المدير
سلامات.
العفش في البص على مسئولية صاحبه
والكمبيوتر في المنزل على مسئولية صاحبه أيضا.
Post: #33 Title: Re: مِنو من وِلآد الباوقة الخايب دا يا عمر ؟، � Author: ود الباوقة Date: 07-23-2015, 01:32 PM Parent: #32
الزغلباني دينق
يا اخوي في بوست بي هناك دايرنك تدخل فيهو
عملت فيها غمران شايفك
Post: #34 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-24-2015, 02:51 AM Parent: #33
Quote: والاخوة الذين معه لاعلاقة لهم بالامر لا من قريب او بعيد
ولا تربطهم اي علاقة بسودانيزاونلاين وهم اخوة كرام اعزاء
يا اخ معاوية
Post: #35 Title: Re: مِنو من وِلآد الباوقة الخايب دا يا عمر ؟، � Author: معاوية المدير Date: 07-24-2015, 03:00 AM Parent: #34
أقدم إعتذاري لضيوف ود الباوقة الكرام علي ما بدر مني تجاههم، راجياً منهم العفو والمغفرة، وأستغفر الله العظيم .
همسة، إذا امّنك الرجل علي منزله فيجب عليك ان تحفظ الأمانة . مثلاً، إذا تركتك في المنزل وخرجت لقضاء حاجة فبديهي يكون منزلي أمانة في عنقك، إذا اعتدى عليه لص فعليك حق الدفاع، وإن كنت بصحبة جماعة وحصل من أحدهم إعتداء فعليك ردعه ومنعه في الحال حفظاً للأمانة، والله من وراء القصد ...
Post: #36 Title: Re: مِنو من وِلآد الباوقة الخايب دا يا عمر ؟، � Author: اخلاص عبدالرحمن المشرف Date: 07-24-2015, 01:19 PM Parent: #35
ابناء الباوقة كرام ولهم ينسب الكرم
Post: #37 Title: Re: مِنو من وِلآد الباوقة الخايب دا يا عمر ؟، � Author: اخلاص عبدالرحمن المشرف Date: 07-24-2015, 02:11 PM Parent: #36
Post: #38 Title: Re: مِنو من وِلآد الباوقة الخايب دا يا عمر ؟، � Author: اخلاص عبدالرحمن المشرف Date: 07-25-2015, 09:27 AM Parent: #37
[/url]