بعض صنايع مهابط اللجوء و التكسب بسمعة البلد عاملين وعاظ

10:41 AM Jul, 21 2015
سودانيز اون لاين
مامون المعتصم أحمد-دبـــــى - الإمــارات
مكتبتى فى سودانيزاونلاين






كما قالوا قديماً كل إناءٍ بما فيه ينضح ....

و يقول المثل العامى في بلدنا ( يا متلى تعال عندى )

و واحد تانى بيقول ( إن الطيور على أشكالها تقع )

المنبر دا حق الباشمهندس بكرى ... شخصياً أشـكرو عليهو جداً

لأنو من خلال المنبر تعرفت على كتابات أشخاص عن قرب

بعضهم كنت أكن له كامل الإحترام ... و لكن بعدما قريت ليهو هنا

إنحدر إحترامه عندى بدرجة كبيرة .. أظنها حدود الزمالة الإجبارية

في المنبر و التي أشبهها بميلاد الشخص ... لا يد له ليختار والديه

أو إخوته أو أقربائه ... لأنو دا واقع و يجب أن يتعايش معاهو ..

بى خيرو و شرو ... و لكن للإنسان حرية إختيار أصدقائه و معارفه

و توجهاته و قناعاته ... و كمان ثقافته و إتجاهها ...

بعضهم إختار ما يريحه ... من تفسخ ... و إنسلاخ على مجتمع

ظل رغم ما ابتلاه الله به من بلاوى ... محافظاً ... بتحفظ على

ما وجده من عادات طيبة ... و بعضهم إختار توجهاً يسارياً

إما عن قناعة أو إنقياد أو تقليد كقطعان الخراف فى كازاخستان

و ما أجملها من خرفان ... لهم شــانهم و حرية اختيارهم ..

و مع ذلك باع البعض منهم نفسه ... و سبح عكس التيار فلجأ

إلى دول البهجة و المسرة الدنيوية ... و دفع الثمن من أخلاقه

على اختلاف أنواع الدفع ... و بعضهم إنتهج عداءاً سافراً للوطن

الذى كان قد باعه بثمنٍ بخسٍ ... و لمواطنيه الذين يجتهدون

للعيش فيه و التمسك بالإنتماء له و الفخر به مهما اختلف الآخرون

في رؤيتهم ... و هذا خيارهم و قناعتهم .... فلماذا يتخندق الآخرون

ضدهم ؟؟؟؟ في البيت السودانى المثالى الذى عشنا فيه و تحت ظلاله

منذ أيام عبود و حتى الآن ... يوجد الختمى و الإنصارى و حزب الأمة

و الإتحادى و الشيوعى و البعثى و الإسلامي و السكرجى و الصطلنجى

و بتاع المشاكل و الطيب حلال المشاكل ... و كلهم لهم نفس الحق في

المعيشة في نفس البيت و لنفس الأهل ... بل و لديهم نفس الإحترام

من حـواء البيت المحترمة بكافة درجاتها الحبوبة و الأم و الخالة

و العمة و الأخت و البت و الجارة إلى آخر مسميات حواء الكريمة ...

و بما أن المنبر دا هو سودانيز أون لاين ... و في فهمى البسـيط

يعنى أي ســودانى بيسـتخدم الإنترنت و وسائطها ... ممكن يكون

فرد في المنتدى دا بنفس تصنيف البيت السودانى ...

و للا كيف يا بوس ؟؟؟ أقصد الباشمهندس بكرى سـيد الموقع ..

عليه و لذلك ... الناس البتدعو لمقاطعة ناس تانى عشان توجهاتهم

و قناعاتهم و أفكارهم ... ديل أحسن يقاطعوا براهم و هم سـاكتين

أو يتواصلوا مع العاوزين يخندقوهم بالمسنجر ... عشان كدا

شكلهم ما محترمين ... و بعضهم الغريبة حايم في البوســـتات

زى غــنم الـســــوق ... يصوط فيها و عامل دمو خفيف ...

لأنو لـو الأمور مشت كدا ... نحن ذاتنا بنفتح بوســـــتات قاطعوا

دا و ما تقاطعوا دا ... هناى و هناية ... و يبقى المنبر جايط ...

كل زول يكتب العاوزو و يتحمل مسئوليتو و يتداخل في أي بوست

من حقو و برضو يتحمل مسئوليتو و الما بعجبو كلامو ما يرد عليهو

بس ما يمسح المداخلة ... لأنو هنا دى ما المدينة الفاضلة عشان الواحد

يسمع الحاجة العاجبوهو فقط .. و يكونوا الناس رجعوا تانى لى مرحلة

الطفولة ...و ربنا يبرد الملاجىء على الناس العاجباهم ... و يخلونا

نحن على حالنا العاجبنا دا .... و بس ....

الاخ مامون
تحياتي
وعيدك سعيد أنشالله
مالك نفسك حار والدينا عيد أنت كا ن كدا بتحرق دمك يازول الصبر بس
وأنشالله ما اكون سببت ليك اانا تحديدا أي أذي مقصود او ما مقصود وكان حصل العفو والعافية
انت زول حساس وفي الحوش هنا الحساسية متعبة
المهم أنشالله نبقي أخوان في الله يا ود المعتصم
لك كل الود

الاخ مامون
تحياتي
وعيدك سعيد أنشالله
مالك نفسك حار والدينا عيد أنت كا ن كدا بتحرق دمك يازول الصبر بس
وأنشالله ما اكون سببت ليك اانا تحديدا أي أذي مقصود او ما مقصود وكان حصل العفو والعافية
انت زول حساس وفي الحوش هنا الحساسية متعبة
المهم أنشالله نبقي أخوان في الله يا ود المعتصم
لك كل الود







ههههههههها ... ههههههها

الأخ زهير .... أضحك الله سنك .. ياخ ضحكتنى شــديد

و عسى أعيادك سعيدة

لا و الله ياخ إنت ما السبب أبداً أبداً ...

في بوست بى غادى مفتوح يحرض بعض الناس على بعض الناس

و قلت أذكر بعض الناس .... و الله نـفسى ما قايم و لا زعلان من

زول ... بس مجرد لفت نظر و تذكير .. و خوتك في الحوش

حبابها و إن قلت في الله حبابها ألف ...

ههههه