من الأخطاء الشائعة في السودان (و بين بعض الفنانين )
أداء أغنية بحجم غصن الرياض المايد
كتبها على المساح ( دمع البكا ) قبل مية سنة ... و لحنها عمنا الشبلي ...
بعضهم يقولها غصن الرياض ( المايل )
و باستخدام كلمة ( مايل ) يكون مال و ميل بكل الاغنية ...
الغنية انكتبت في مدنى و اتلحنت في مدني كما نعرف ...
و من عاش في مدنى يعرف تماماً كيف الأغصان ( تتمايل ) على ضفاف الأزرق و في كل الجزيرة الخضراء ...
و بون شاسع لا يلتم ما بين ( غصنٌ يتمايل ) و بين الغصن ( المايل ) ...
فأرجوكم ... لا تميلوا بالأغنية السودانية اكثر من هذا ...
و تذكروا و ( تعجبوا ) ان كاتبها ( الأعجوبة ) كان رجل أمي !!! ____________________________________________________
Post: #2 Title: Re: مَادَ غُصْنُ الشَّجَرَةِ : تَمَايَلَ ... غ� Author: سيف اليزل سعد عمر Date: 07-18-2015, 12:07 PM Parent: #1
يا قبانى... ما فيها شيئ لو تغنى بيها السودانيون بإستبدال المائد بالمايل.. والأغنية قطع شك جميلة وموزونة...
الغناء السودانى كله ملان فروع شدر مايلة والمقصود واضح..
ياخي فرع البان ده براهو إتقالت فيهو اكثر من قصيدة وكلمة مايل أصبحت متلازمة في الحقيبة السودانية
أمسك عندك مثال من (نعيم الدنيا) لعمر البنا:
"يا فرع البان المايل في خميلك"
ولا أظن ينقص من جمال الأغنية حبة سكر... ولا شنو!!؟
ااها عاين دي: هزاز صدرو ميل فدع الخصر النحيل... ميل هنا للخصر والوصف بديع
واااها بدل المائد دي بالله شوف كمان إستخدام (يسوح): من فريع البان اليسوح نديان منه يا سلام...
أحي فيك نشر الأصل كما جاء في الأغنية لكن هناك ايضا من يستمتعوا بكلمة مائل..
كل سنة وانت طيب
.
Quote: و من عاش في مدنى يعرف تماماً كيف الأغصان ( تتمايل ) على ضفاف الأزرق و في كل الجزيرة الخضراء ...
و بون شاسع لا يلتم ما بين ( غصنٌ يتمايل ) و بين الغصن ( المايل ) ...
فأرجوكم ... لا تميلوا بالأغنية السودانية اكثر من هذا ...
و تذكروا و ( تعجبوا ) ان كاتبها ( الأعجوبة ) كان رجل أمي !!! ____________________________________________________
Post: #3 Title: Re: مَادَ غُصْنُ الشَّجَرَةِ : تَمَايَلَ ... غ� Author: محمد الكامل عبد الحليم Date: 07-18-2015, 01:05 PM Parent: #2
تحية خضراء تفوح بعبق الأغنيات الساحرة...
بلا شك ان الغصن حين يميد يفعل ذلك بفعل النسائم الرقيقة فينثني تفاعلا يعود به الي اصله لتستقيم الأشياء في رونقها الطبيعي الاخاذ.....أما الميل فيدل علي فعل اقوي قد لا ينتظم معه الشيء الي طبيعته...(فلا تميلوا كل الميل..) وهذا لا ينطبق علي الشيء المايد...فهي اكثر شعرية وانسجاما...
وطبعا يا قباني لو حاولنا احصاء (الفاولات الغنائية) من شباب اليوم لما اقتربنا من التلفاز.
بلا شك ان الغصن حين يميد يفعل ذلك بفعل النسائم الرقيقة فينثني تفاعلا يعود به الي اصله لتستقيم الأشياء في رونقها الطبيعي الاخاذ.....أما الميل فيدل علي فعل اقوي قد لا ينتظم معه الشيء الي طبيعته...(فلا تميلوا كل الميل..) وهذا لا ينطبق علي الشيء المايد...فهي اكثر شعرية وانسجاما...
وطبعا يا قباني لو حاولنا احصاء (الفاولات الغنائية) من شباب اليوم لما اقتربنا من التلفاز.
لك وللمتداخلين عاطر الأمنيات
بسسس يا صديقي ...
هي ( الغصن حين يميد يفعل ذلك بفعل النسائم الرقيقة فينثني تفاعلا يعود به الي اصله لتستقيم الأشياء في رونقها الطبيعي الاخاذ) ...
و الميلان هو نحو اتجاه واحد ... ( وقلبي لي سواك ما شفته مال ) ...
اما الفاولات ... فو الله مش الشباب بس ... و لكن الأجهزة الإعلامية نفسها ... أخطاء لا تحصى و لا تعد ...
و هنا أذكر طيبة الذكر نسرين النمر في حلقة مع عوض بابكر و الدكشنري و إبراهيم حسين و تمتام ...
لو انفتحت ليك ما بسكت تاني ... بس خليها في سرك ... بهدلة ما بعدها بهدلة ...
Quote: يا قبانى... ما فيها شيئ لو تغنى بيها السودانيون بإستبدال المائد بالمايل.. والأغنية قطع شك جميلة وموزونة...
سلام يا سيف ...
لا و الله فوقها حاجات و حاجات ...
المساح شافها كده و كتبها كده ...
بعدين المساح ده يا سيف اصلوا ما وصف المحبوبة وصف حسي تقريري زي ناس ابوصلاح و غيرهم ...
كان كما قالوا ... شاعر عذري في غزلياته ...
و بعدين القصيدة ما موزونة ابداً ب ( المايل ) ...
ياخي القصيدة مش ابياتها ... دي كل شطر فيها مقفى و موزون علي ( المايد ) دي ...
شوف الجن ده :
يا خلاصة الحواري في الجنان وخوالد ... حسنك ليك يدوم لا أم تلد لا والد رافل في ظلال المجد الطريف التالد ... يا اللابس العفاف حلية وعقود وقلائد
مش كفاهو كان كده ؟ ..لأ ...جا كتب كلام اعجب ...
عانيت فى ليالى هواك صنوف واحايد ... مشكلة بين هواى وجفاك وانت محايد بس ما ذنبى غير صوت النشيد ونشايد ... فى مدحك بنيت قصر الرشيد الشايد
عليك الله شوف البلاغة في ( مشكلة بين هواى وجفاك وانت محايد ) ...
تقول لي ( مايل ) :) ____________________________________________________
ده حالتو قال ( أُمّي ) !!! ...
و الله الأميين انحنا ديل يا سيف اليزل ...
Post: #6 Title: Re: مَادَ غُصْنُ الشَّجَرَةِ : تَمَايَلَ ... غ� Author: مامون أحمد إبراهيم Date: 07-23-2015, 00:11 AM Parent: #4
Quote: ده حالتو قال ( أُمّي ) !!! ...
قال أمي قال !
والله يا باشمهندس قباني لمساتك مبدعة !
كل عام وانت بألف خير
Post: #7 Title: Re: مَادَ غُصْنُ الشَّجَرَةِ : تَمَايَلَ ... غ� Author: عبيد الطيب Date: 07-23-2015, 09:00 AM Parent: #6
الأستاذ قباني وأهل الخندريس جميعا كل عام وأنتم بألف خير، وأيَّامكم دايما بيض ، بكسر الباء وصف الغصن ب "المايد" شاعري وفيه زهو ورونق لأن الغصن إذا ماد دائما بكون رويان، وفيه نضارة، شوف يا باشمهندس هذا الكباشي المجنون ووصفه للغصن إذا ماد وحركه دعاش المطر: اللَّيلة الصعيد شال وإتخلف برَّاقو والفرع لولتو الزِّيفة وكرَس نقْناقو عندما يقف "يكرُس" رزاز المطر"نقناق"، تأتي الزَّيفة وتحرك الأشجار فتميد أغصانها"فروعها" دي سر الشاعرية دائما الأغصان "البتميد" هي أغصان الرياض أوالأغصان التي علي حافة الخيران، ودائما بتكون خضراء، لأن لها "روب" رويان، قال شاعر كباشي ومن غنا الجالسة: فرع الدُّباغ الفي الوكيل قايم ربو ونبُّوت عديل *الوكيل وادي يحُد مدينة أم بادر في الغرب والشمال الغربي ، بل يطوَّقها من خصرها، وهو الوادي الذي وجد فيه الشاعر الشيخ الناصر قريب الله الفتاة الكاهلية ، التي ألهمته خريدته التي تغني بها الأستاذ الرائع الكابلي عديل أي معتدل ومستقيم معزتي لكم جميعا