الهكر الجميل

02:23 PM Jul, 15 2015
سودانيز اون لاين
أبوبكر عباس-الإمارات
مكتبتى فى سودانيزاونلاين



"افتقاد الغياب بقلم مصطفى مدثر فكرة افتقاد الغياب، من جراء الإتصالاتيه الفاجرة، فكرة أشرقت لي وأنا أقود سيارتي صوب مجهول تستسهله الخرائط "

إختفاء المنبر في اليومين الفاتو أصابني ببعض سرور وقلت في نفسي:
جميل أن يختفي منك للأبد مجموعة كبيرة من المعارف والأصدقاء بنقرة كليك لهكر جميل.

قلت في سري أيضاً: يا اخي لو الدنيا دي برضو بقت زي نقرة الهكر دا ما لو؟
في لحظة تضع كل أوزارك وتبدأ من جديد.
وأنا في الحال دا تذكرت مصطفى مدثر وهو يقود سيارته في دروب يعرف مكامن قدرها وتخيلته ممشط شعره يشبه الممثلة الأمريكية السوداء ووبي غولدبرغ
التعديل: تغيير اسم البوست للهكر الجميل

بكري أبوبكر رسل لي رسالة داخلية قال لي فيها:
عليك يا بكور، بعودة المثقفين للكتابة بالمنبر
وقال لي: ما لها إلا أنت يا بكور
وأنا لم أتجزع وقلت ليهو: حاضرين يا بكور

الأديب الأريب بن عباس هناك علامتين خلتني احس بقيامة البورد الأول خبر شراء جهاز الأمن بابور نت من كندا بمليون دولار والثاني صاحب الجلباب الساتان دي نوار من ديرة زايد يلقي الشعر فيرست زن آكس كويتشن لقوقل ثانيا وهناك علامة أخرى إن ظهرت فانتظروا دابة البورد

صحي يا منتصر، كلامك صاح
الكندورة بالرغم من سواد لونها، إلا أنها كانت تلمع!!

طبعا يا اخوانا في نص م مدثر، ناس السودان ما بيكونوا فهموا التعبير دا:
"وأنا أقود سيارتي صوب مجهول تستسهله الخرائط "
والواحد فيهم بيكون متخيل مصطفي بسوق وفاتح اطلس "مراهقة الخرائط" بتاع المتوسطة داك؟؟
أبدا يا داقسين
دي كتابة عصر ما بعد الحداثة والراجل قاصد الجي بي إس
لمان أكون متجدع في أمريكا بالسيارة والبت بتاعت الجي بي إس تقول لي: بعد تلاتة اميال أخد يسار
قاعد أرد ليها: عارف عارف
بتي الصغيرة في المقعد الخلفي ترد لي مغتاظة وبصوت عالي: لكن هي ما بتتكلم معاك

بكري في رسالته الداخلية قال لي: تعرف يا بكور، مزعلني ضياع نصوص ومداخلات المثقفين الضاعت في البوستات المفقودة والواحد محتاج يعتذر للناس ديل.
قلت ليهو: نسوي شنو يا بكور، دا قدر والمكتوب في الجبين لا بُد تشوفو العين
لكن كمان في كتابات كتيرة أهلها نا بكونوا متذكرنها زي رئيس الجمهورية يضغط علي شنو كدا ما عارف و...
المهم: الخيرة فيما اختار الله، والجاتك في مالك سامحتك، وتجري جري الوحوش، و

Quote: بكري أبوبكر رسل لي رسالة داخلية قال لي فيها: عليك يا بكور، بعودة المثقفين للكتابة بالمنبر وقال لي: ما لها إلا أنت يا بكور وأنا لم أتجزع وقلت ليهو: حاضرين يا بكور

طبعا بكري ابوبكر زول حريف
يكون قاليك أكتب لينا بي موهبتك في الرواية ديك، عشان المثقفين يتشجعوا ويجوا راجعين
لكن قصدو إنهم ح يجوا راجعين للكتابة عشان يحجزوك من شكلتك مع الأدب.

لكن بالله واصل.. ما تتعقد من كلامي دا.

على مواعيدنا ولّ نطيت كالعادة؟

ساتان في عينك يا منتصر :) دا انعكاس الإضاءة ياخ

يا بكّور انت سحبت الإستقالة التالتة وحردت عن الحردة الخامسة ولاّ شنو :)

Quote: عشان يحجزوك من شكلتك مع الأدب.

أكيد يا ميع، أنا فعلا مشاكل الأدب، لأنو الأدباء صنعوا لأنفسهم اخوانية!!
شفت رجوع الخواض "للجميع" كيف عامل؟!
يسمعوا في صَّدَى روحم
يحننوا!!

Quote: "مراهقة الخرائط" بتاع المتوسطة داك؟؟

أكاد أجزم بإنو عاطف خيري عندما قال بهذا التعبيرلاول مرة, ابوبكر ده كان في كامل الاعتداد بنفسو كموظف حكومي ..

قال متوسط قال !!!

الرشيد محمد الخير يا مشرف، بطري وكان صاحبي قبل احتفائي الأخير بالغياب
هو يحب عاطف خيري حب عجيب وأنا بحب د. ندى أخت عاطف حب صداقة وزمالة بالجامعة أعجب من حب الرشيد!
المهم، الرشيد مرّة قال لي: عاطف خيري سألوهو عن تعبير مراهقة الخرائط دا مقصود بيهو شنو؟؟
قال ليهم كلام كدا شرحو لي الرشيد، لكن أنا فهمت ربعو وهو علاقة الاطلس بتاع المتوسطة بالتلاميذ المراهقين!
المهم الكلام كان بتاع مثقفين كبار ومدغمس شديد ودا يا هو الطلعت بيهو من الثقافة الشفاهية التي أتقنها جيدا والسلام عليكم يا مشرف

ـــــــــــــــــــــــــــ
يا ود البشرى، انعكاس ضوء شنو؟!

تصحيح كلمة أتقنها بعد تنبيه ود المشرف
القماش البرقش نحن بنعرفو كويس يا لماع

تعرف يا كتور !!
نكر صوتك صداك دي اكثر من مجرد قصيدة ..
اي والله !!
زي دعاية مكتبة جري ديك .. "ليست مجرد مكتبة " !!

المهم !!

النص يمثل مرحلة كاملة بالنسبة لي ..
لا تتصور دهشتنا .. لا .. اكيد متذكر تلك الدهشة التي المت بنا ازاء هذا النص ..
بين جنبات المين رود أو ذات مغرب للعصافير في شمبات ... والحبيبة تغني لينا .. ومصطفى .. ويد الانقاذ الباطشة .. والشباب الذي كان منفجرا في تلك العروق القديمة ..

مراهقة الخرايط !!
لم نسأل أحدا ولكن ..
التعبير جدير جدا بالنيل الابيض ..
هكذا يتكلم النيل الاببيض يا بكور ..
وفي منتهى الهدوء ...

اهو نجحت في استدراج احد الاقلام اللامعة !!!!

أكيد البوست ماشي كويس
آهو جيت إتّا
وجا معاوية
ومنتصر وود البشرى ممكن نسجلم واحد مثقف كامل
ما مشكلة خلوهم
الدنيا عيد، وبعدين ود البشرى بلقي شعر أثار إعجاب دينا خالد
وبصحح الأخطاء الإملائية بتاعت أعداءه بالمنبر

تمنيت أن اعلق على هذا الاقتباس ب كاااااااااك ..
الا انو التعليق ده لا يليق بمثقفين من عيارنا ..

Quote: ومنتصر وود البشرى ممكن نسجلم واحد مثقف كامل ما مشكلة خلوهم الدنيا عيد، وبعدين ود البشرى بلقي شعر أثار إعجاب دينا خالد وبصحح الأخطاء الإملائية بتاعت أعداءه بالمنبر

بمناسبة الاخطاء الاملائية ..
انت عامل بلنتي ظااااهر يا حبيب !!

Quote: Quote: ومنتصر وود البشرى ممكن نسجلم واحد مثقف كامل ما مشكلة خلوهم الدنيا عيد، وبعدين ود البشرى بلقي شعر أثار إعجاب دينا خالد وبصحح الأخطاء الإملائية بتاعت أعداءه بالمنبر بمناسبة الاخطاء الاملائية .. انت عامل بلنتي ظااااهر يا حبيب !!

ههههههههه@المشرف

ياخ ديل كمية من البنلتيات

انعكاس الضوء دي كانت رد لمنتصر, انت عملت لينا شنو في قصة الاستقالة و الحردة :)

يا مشرف، التاء والدال ما بعيدات عن بعض
مشي

تعديل الداء بالدال خوفا من المصححيين

اخطاء أعدائه وأصدقائه أيضا يا أبوبكر حرّاد :)
الفكرة في الخطا نفسه مش في من هو صاحبه

عملت لينا شنو في موضـ ...إلخ إلخ

Quote: كمان في كتابات كتيرة أهلها ما بكونوا متذكرنها زي رئيس الجمهورية يضغط علي شنو كدا ما عارف

أها دي بالذات لازالت في صدر المنبر ..
والله في حاجات كتيرة راحت ..
لكن بصراحة اكثرها لايسر ....
فأخبر الطشت ..

قلت لي بكري قال ليك شنو في الرسالة الداخلية ...
غايتو النصيحة لي الله ..
إنت من المحفزات .....

افتقاد الغياب®
ترقب خطاب من هاكلبيري المحامي لك وآخر لبكرى ابوبكر(وهكذا يكتب اسمه).
أنا كنت راجيك تجي أمريكا عشان يصدق فيك نص الحبيب سمرسيت موم (معاينة في سامراء).
ستقف مثالاً لمَن يهاجر لأمريكا ليخسر!

بكورى يا سيد الناس البوازخ
و معاهم الناس القيافة
حقيقة هناك بوستات نأسف لفقدانها
للمفتاح منصور الحصة تاريخ و الطيب محمد الطيب
و لجعفر طه اهل الشرق
ولك الكديسة
و أحر كثريات
و يا ريت بكرى ابوبكر عباس يكون عندو باك اب للحاجات دى
و زعلت جد لى طلة ود البشرى الانتو شايفين جلابيتو سودا مكوية و فيها رقشة
بس انا تتوارى لى رمادية رمادية و ان كانت على سواد
و يا ود البشرى تحية ليك و انت تمتلك موهبة الحضور و الالقاء و تسجيل
اعجاب بى قصيدة حسن و سؤال حسن
و فى انتظار نتيجة سؤالك

و نشوف الدور الجايى على منو

Quote: ملت لينا شنو في موضـ وع الحردي والاستقالات المتتالية...إلخ إلخ

الاستقالة والحردي حاجات رمزية تعبّر عن صوت إحتجاج مني لبعض ما يحدث بالمنبر ودا المؤمنين بسموهو أضعف الإيمان

Quote: قلت لي بكري قال ليك شنو في الرسالة الداخلية ...

بكري دا بشاورني في الصغيرة والكبيرة بالمنبر
ما عدا حصانة دينق فهي خط أحمر ومن المسلمات عندو

Quote: افتقاد الغياب® ترقب خطاب من هاكلبيري المحامي لك وآخر لبكرى ابوبكر(وهكذا يكتب اسمه).

ماركة مسجلة لمنتج غير موجود بالسوق؟!
يا أخي، فكرة البوست بتاعك دا لمستني جوّة وبعد التهكير حاولت جاهدا الحصول على النص وقوقل أداني فقط المقدمة
المهم لو داير تشتكي أشتكي بكري ولو نصك رجعوهو ليك بغير عنواني
المهم تاني، أنا قاعد أسوّق ليك منتجاتك
فشنو
اتصلح معانا

طبعا أكتر اتنين معجبين بي هم جلال ومنتصر
بوستاتك بتاعت اللقاءات نفتقد منها بتاع كبر فقط
الباقين ونسة ساكت

Quote: بوستاتك بتاعت اللقاءات نفتقد منها بتاع كبر فقط الباقين ونسة ساكت

بالله كل ذاك الدر المنثور وشنو كدا المكنون طلع ونسة ساكت
أنا غايتو غافر ليك، لكن إتصرف مع أسماء الجنيد

حدثني بن الزبير ثنا بن المشرف أن بن عباس في إحدى طلعاته الأدبية ..
سعى لمجارات أدب الرحلات على الهاي وي مستصحبا اطلس مراهقة الخرائط ..
دون أن ينتبه للشارة الحمراء ..
فإذا بشرطي المرور يوقفه ليختبر درجة الغلويات ومذاق مزاجه اللحظي ..
ولو لا لطف السماء وبراعتة في التقاط القفاز وتدجين الملاحظة قبل أن يسجلها الشرظي ..
لكان في أمر ضيق..
مع ذلك لم يغفل شرطي مرافق كان يقف على الجانب الآخر من تذكيره بمخالفة سابقة قبل أن يأذن له بالمرور.
عندها فقط أدركت ما كان يغم فهمي من استطراد بن عباس بعبارة ( يا داقسين )..
كل سنة وانتو طيبين والمنبر أطيب رغم أنف فلسفة الحياة عند ود عباس..
:
عليك سيدك الحسن قول تزعة..
ما تنسى روحك.

لا تقوم القيامة حتى يكلّم الكاتب نصه.
----------------------
شفت جنس دا يا مولانا الملك؟
يا الكظمونوط
هاك من نوع كتابة تطمح، لا أشك، أن يستفر عليها قلمك يالفرحان بي شكبيكا. بس ترجّع لي (نصي كاملاً)!

Quote: شيرلي كروز قريب نهاية المباراة بين فريق كندا وكوستاريكا بنات، قام مدربة كوستاريكا نزلت ليها واحدة ست كدا زي هسع دي رضعت ولدا الرابع وجات وما تمت دقيقة دفرت الكورة كدا زي...زي شنو؟ شايفين؟ أي حاجة تقولا عن كاس العالم نساء ح تكون سيكسSت! لذلك مباريات كرة القدم (جايني) لا أرشحها للعدو. ياخي معقول زول يتذكر سيدنا عمر بن الخطاب وهو بشوف في كورة؟ الفكرة دي في مباريات الكورة حقت الأولاد موؤدة تماماً! أها شيرلي كروز دي هي اللي جابت القون الأول بكورة معكوسة من الرأس و أقوى من شبال!

هسع تكتب لك عنواناً متل دا يا بابكر
ما بتكون فاغر فاهك تلاتة شهور
يا اخي عناوينك البتجتهد فيها برضك بتكون فيها ريحة الحليب والصُرير
تقول لي افتقاد الغياب
أنت ما بتوب
إلا يدخل الجمل في سم الخياط
ودي طبعاً واردة بس تنعرف كيف أن الجمل دخل
والجمل متل عادته
ولا بلاشي




يا ناس كل سنة وأنتم بخير وسمحين متل ما انتو



تحياتي ومحبتي واحترامي

يا بله، أنا رائد أدب الواقع، ونحن جينا لمحاربة دغمسة الأدب، نصوصي الأدبية كلها واضحة وعنوانيها من رحم متنها دون أدنى شبهة دغمسة، عندك مثلاً:
- جك الفول: تلقى في النص بت شايلة ليها جك فول أصفر
- طحنيّة: تلقى ولد بحب الطحنيّة
- استاربكس: تلقى قعدة بتاعت قهوة
- صداقة دافوري: أصحاب بدفروا مع بعض
- عقيقة بالقصيم: تلقى نسوان مغتربين ببريدة عاصمة القصيم كل خميس واحدة فيهن بتلد ليها شافع، وبالتالي برنامج العقيقة ثابت كل جمعة

- فاتحة بابكر ود أبكوع: تلقى فيها بكّة المفروض يقوم يدفن مع جيرانم جدهم المات نص الليل في صفافير رياح أمشير بالشمالية، زاغ من المقابر بالتدمدم تحت البطانية الجديدة لانو خاف يغتسل في الصقت داك من ريحة الدلكة (لو كان علي صلاة الجنازة كان بباصرها بدون غسل ووضوء)، والصباح شال كفتيرة شاي اللبن وجردلين لقيمات، وجا ودخل ديوان الجيران قائلاً:
كيف أصبحتوا يا اخوانا؟ (بإعتبار كان معاهم بالليل في المقابر)، المكنة قربت تمر في الجماعة لانو تركيزم أخدتو ريحة اللقيمات، إلا عبد السيد الحاقد الحاسدو على سماحة مرتو، خمش ليهو لقيماتاية وهو بلوك فيها ردّ ليهو:
أصبحنا جدنا ميت، قوم قوم أدي الناس ديل الفاتحة أنا بكب الشاي!!!

عفيت منك
طوالي سويت رقبتك رائد
ومحارب للدغمسة
ومنو القال في دغمسة
في شفقة، وهروب من الإدراك
ومكاتلة اللغة وإشاراتها البعيدة
دا البفرق بين قارئ وقارئ
وخليك في قيادة الحرب دي
تلقى الناس كلها مشت خلتك
وبقيت براك تكورك


وعناوينك دي ونسة ساهي، شنو دافوري ولوري وطحنية، يا راجل....
هسع العماقة في فاتحة بابكر ود أبكوع دي ما دغمسة بس انحكت بالدارجي
عبد السيد دا ما مدغمس الوضع كله كله
ولا كيف
هههههههههههههههههههههه

انا مابحب المثقفاتية لكن
افتقاد الغياب
ذكرتني بضجة الشوق والهواجس .
جعلنتي اتداخل بلا معرفة .
كل عام انت وضيوفك بخير

طبعا يا بله، لا يخفى عليك انو البسوي فوقو أنا دا عبارة عن سخرية أحاول أن أجعلها موجبة.
مرّة يا بله، زمان محسن خالد نزل ليهو قصيدة اسمها غابتي
من القراءة الاولى بتطلع ساي
قمت قلت ليهو: دي شنو الكتابة المدغمسة دي؟
ما عمل زيك والخواض وقام زعل ومشى
أول حاجة أخد حقو مني برد أكثر سخرية ولؤم ثم بعد داك أتحفني بقراءة للقصيدة أفحمتني

دحين يا أخوي، نحن قاعدين نديكم فرص ذهبية باستفزازنا لكم ومتابعة ما تكتبون والتعليق
ختوا الرحمن في قلبكم وتعالوا أقعدوا في الواطة وأصنعوا لنفسكم متلقي جديد
بدل النرجسية البسوي فوقها الخواض صاحبك دا وشايل زعلو وحايم بين القبائل!

Quote: افتقاد الغياب® ترقب خطاب من هاكلبيري المحامي لك وآخر لبكرى ابوبكر(وهكذا يكتب اسمه). أنا كنت راجيك تجي أمريكا عشان يصدق فيك نص الحبيب سمرسيت موم (معاينة في سامراء). ستقف مثالاً لمَن يهاجر لأمريكا ليخسر!

تشتكيني أنا ويكري ليه؟
اشتكي الهكر
النص غير موجود في دنيا الواقع الافتراضي

سلام يا ابوبكر
ليه بكرى اختارك من دون الناس لبعض المهمات
وانت جيناتك جلابيه سكروته
والجلابى نطق لسانك مابيصلح الا للغفى

قمت بتغيير اسم البوست استجابة لتهديد غير معلوم المصدر، وبعد أرجع الخليج وبعد واستشارة المحامي بتاعي،يمكن ارجع للاسم الأول.
حسب رأي المحامي
البقولو لي بعملو

كهربتى قاطعة
دخلت اقرف لي حبت نور
اتنور بي
واقول ليكم كل عام وانتم بخير

Quote: بتي الصغيرة في المقعد الخلفي ترد لي مغتاظة وبصوت عالي: لكن هي ما بتتكلم معاك

سحبت منها الدكترة طوالي ؟

مسكينة دكتورة حنينة ؟


قم لمجلس ادارتك فانه ينتظرك أيضا

كمان ما تبالغ يا صحبي ..
جك فول شنو ؟
كدى املص هدومك وأغتس في عمق المفردتين ( افتقاد / غياب) ..
إتا لو نظرت لكل مفردة براها بتلقاها متوافقة مع رفيقتا في المعنى ..
فافتقاد الشيء غيابه وغياب الشيء افتقاده ..
لكن ..
إذا نظرت ليهن مجتمعات يينصرف المعنى إلى النقيض ..
بمعنى أنك تفتقد المفقود ..
عارفا غلوتيا الا اعمل ليك شنو اكتر من كده ؟.

Quote: كهربتى قاطعة دخلت اقرف لي حبت نور

يا عمار، تب وصلت القبس ذات نفسو

يا معتصم، حنينة وصلت سبعة، لكن بقت تسألني أسئلة أصعب من الأسئلة المنجض بيها الناس هنا!
العيد دا في نورث كارولاينا وديتم الصلاة في أثناء الخطبة سألتني الخنزير حرام ليش؟
قلت ليها ما عارف
بعد الصلاة واصلت كيف إتّا بيطري، وكيف ما عارف ليش الخنزير حرام؟
قلت ليها: بس عشان بيطري بقول ليك ما عارف، لأنو لو كنت عنقالي زي جلادونا ومنتصر كنت قلت ليك لأنو فيهو أمراض
ودا ما صاح؟!
الخنزير حرام من غير سبب، حرام وبس

Quote: كمان ما تبالغ يا صحبي .. جك فول شنو ؟ كدى املص هدومك وأغتس في عمق المفردتين ( افتقاد / غياب) .. إتا لو نظرت لكل مفردة براها بتلقاها متوافقة مع رفيقتا في المعنى .. فافتقاد الشيء غيابه وغياب الشيء افتقاده .. لكن .. إذا نظرت ليهن مجتمعات يينصرف المعنى إلى النقيض .. بمعنى أنك تفتقد المفقود .. عارفا غلوتيا الا اعمل ليك شنو اكتر من كده ؟.

قلت لي يا مولانا يعني كونك داير تتعمق ليهو في افتقاد الغياب وهو صاحبك بسراع رجع يتكلم عن الخنازير،
أدب شنو، واجتماع نقيضين شنو؟ لكن بيني بينك كبرت لي راسي شوية!
البوست دا يا أبوبكر مرّ علي كم مرة من يومين وكل مرة أقول ياخي سيبك يعني ح يقول شنو عن الهكر جديد عليك، إح إحم!
الليلة رهفّت قلبي وقلت أخش فإذا به يعيد انتاج بوستيهوملطوش الاسم، بعد أن نحركت الأيدي التي أديرها ولامته على الاستثمار في كتابتي
وخصوصاً في أيام مفلسات، ولا قولتاً يحوّل حاجة من الأخضر الحمريكي داك!
يا مولانا معط الملك (وآسف على كونه اختصار اسمك طلع له معنى funny) ياخ والله انتو ذاتكم، انت والمعاويتان، ما بعرف
زولك ياتو فيهم، ولا واحد سأل يامصطفى! توققت مالا! وعينكم للبعشوم بينهش في حملاني ولا في زول قال ليهو: كر!
أنا في رأيي الزول دا يرجع القصيم ويأسس نادي القص(م)ة هناك!
هكر جميل، قال!

يا مصطفى، افتي لي في المسألة دي:
من وين تجي الحرمة لزول مسلم يتاجر في لحم الخنزير بأمريكا أو كندا؟
الاجابة على هذا السؤال ممكن تزيد من فرص العمل لدى المسلمين

Quote: في أثناء الخطبة سألتني الخنزير حرام ليش؟ قلت ليها ما عارف

ههههههههههههههههههههههه

بما انك في صلاة العيد

كان تستعين بي جلالدونا !!!!!!!!!! اقصد احمدونا في الإجابة على هذا السؤال التعسفي جداً

Quote: ولا واحد سأل يامصطفى! توققت مالا! وعينكم للبعشوم بينهش في حملاني ولا في زول قال ليهو: كر! أنا في رأيي الزول دا يرجع القصيم ويأسس نادي القص(م)ة هناك! هكر جميل، قال!

يا اخ إنت قايلني فايق، أنا والله مشغول شديد،
تصدق من يوم جابو سيرة الحاجة دي (ابوبكر) الملصقة في بعضا دي، وانا ساكي
المكتبات والمراجع بعد عمنا قوقل صعّر لي خده ؤُ رفع القزاز . ؤُ لي هسّع راسي
لآفي صينية ؤُ خايف تلقاني لآفي جنب الصينية ولسان حالي يسأل، يا ربي تكون
الملصقة هي الصُح، واللآ ابابكر، واللآ ابا بكر من دون تِلِصِق، واللآ ابو بكر
البنعرفا دي http://

لكن بصرآحة جك الفول مصلّح ...

Quote: العيد دا في نورث كارولاينا وديتم الصلاة في أثناء الخطبة سألتني الخنزير حرام ليش؟

أنا رأيي يا بكور، أولادك ديل أحسن تتأنى معاهم شوية في قصة تعويدهم على الشعائر الإسلامية دي
لأنهم طالما يحملون جيناتك التشككية فـ قطع شك سيأتي اليوم الذي سيتساءلون فيه عن جدوى ما يفعلون ثم تبدأ رحلة القلق.
فبلاش تدخلهم في ذات الصراع الفكري والنفسي والضميري الذي عشته أنت قبل أن يستقر بك الشيطان في طمأنينة الضلال (حتى الآن على الأقل).
أرجو ألا تعتبر هذا تدخلا في كيفية تربيتك لأبنائك
فقد كان أولى أن نتدخل في تربيتك لـ"الثنايا والجدعان"

Quote: العيد دا في نورث كارولاينا وديتم الصلاة

ألحتة دي محيراني يا بكّور
وديتم باعتبارها شعيرة مفروضة ترجو من اداءها الأجر ولاّ فسحة و برنامج ساكت :)

والله يا مصطفى أنا ذاتي فتشت ؤكشفت كم مرة بدون أثر زي القمر الصناعي ..
بس العتب على الأمية التقنية ..
لكين بيني ؤبينك افتكرتك خافس في بلدا طيرا عجم ..
الزول بتاع الخنازير دا شبعان لحم حقو يشيل سؤالاتو أقصد كنجالاتو ويصلك لا حد هناك ..
دا كان معاوية المدير ما سبقو.

يا ود المدير، ما جك الفول براها
يا أخي، استاربكس بكّت الاذاعية الرقيقية سلمى الشيخ سلامة
وفي واحد مستشار كبير بابي ظبي جاء مخصوص دبي عشان يسلم علي بسبب القصة دي، وفي دي لو مغالطني أسألوا صداح السكرتير الثقافي للنادي السوداني دبي
قصة أو قصمة انو أنا قصمت راس وطهر الادباء الهنا، قصة لا تتعارك حولها نعجتان
أديب بضراعي ومن غير رابطة زي حقت هشام آدم!!