أضحك مع فريق الرجل الواحد والمعلق البرشلوني .. لا يفوتك .

10:14 AM May, 07 2015
سودانيز اون لاين
طلحة عبدالله-
مكتبتى فى سودانيزاونلاين



عدت لأجدد وأكرر القول أن برشلونة الأسباني هو فريق الرجل الواحد ( فقط لا غير )
والذي إذا جاهو مغص أو طعنتو شوكة قبل المباراة لصاح كل أفراد الفريق .. اخ أه واي.. الخ الخ .
دا كوم براهو ..
أما الكوم التاني البراهو برضو، هو ما حدثني به بلدياتي الذي أثق في صدقه وتدقيقه في رواياته
التى أصبح بعضها حكمة متداولة إذ حكي وقد بدا مستغربا ومحبطا في نفس الوقت فقال :
حدثني ريالابي عن أبي الكيد الملكي قال وهو يضرب كفا بكف: منو العوض وعليهو العوض
وكررها نحو ثلاث مرات، فقلنا ما بك يا ملكي ؟
قال : العدوي بتاعتنا إنتشرت في العالم ، خلاص كورة ناس أوربا دقت الدلجة ..
فقلنا بعد أن نجح في جذب إنتباهنا وقد تملكنا الفضول : وكيف ذلك يا هداك الله ؟
قال : بعد جبدة ميسي للاعب الألماني شفتوها ؟ قلنا بصوت واحد أجل ..
فإستطرد جازما : سمع أضان وشوف عيين المذيع البرشلوني إتدردق في الواطة
دي من الضحك وهو يردد أمممممممممممك عوقو .. إنتهى منو عمل ليهو موية ضهر
وقد قال موية ضهر باللغة الكاتلونية الفصحي .
فقلنا بنفس الصوت الواحد ونحن نتبادل نظرات الشك : سبحان الله .

والله أنا ما فرحت الا لي مرمطت نويير
اتمسح بيه البلاط
حارس مخيف
انقذ مرماه من اهداف محققة من سواريز والفش
لكن ميسي وراهو الشغل الاصلي
ونيمار متعو ومنعو

ههههههههههههه

تحياتي يا طلحة

بواتينغ لحدي هسع راقد زحيكة، وجاتو فلايت، ووجع مفاصل ... وكدا

وهذا بالضبط ما لفت نظري فريق كامل مكمل يعتمد على مجهود شخص واحد!
ونسبة لاني من كارهي البرشا فلم ار هدف نيماراذ استلمت لامسيتي الراتبة, والذي اعتقد جازما انه لو لم يتم التقشير المتقن له لما تى
هارد لك البافاري وقريبا جدا تنتقم

إنت ياطلحة تعال نسعلك..
شايل نِقْرك من برشلونة كدى ليه؟
وبعدين ياخى رجل واحد كيفِنْ؟
أمال نيمار وسواريز وانيستا وبرافو ديل
قاعدين يلعبوا فى فريق الجداد غَمَّدْ؟