|
Re: اسمعوا الشيخ فرح رحمه الله قال فى أهلى عيا (Re: Mohamed Elbashir)
|
اخي سيف مساء الخيرات ..
وايضا لا تنسى ما قاله الشاعر الفذ يوسف البنا :
طبايعهم سوأ ومن بدري ماها جداد تيلادً قديم عز ورثوا الاجداد مجارتهم قوة وفيكم مهاجرا شداد ضرب سيفهم بخلص وبرضو سيفكم حاد ****** دفع الديه والمحن البلا ميعاد هيلكم كلكم يا الفي المحاص اولاد كتير عدو مالو فيكم وفيكم الاجواد دفع المابي هُيلو وعندكم تيلاد ****** اولاد الزبير كُرما وبتمو الكيف كم عزوا ام ضمير بالروح وطلب الريف كلابم بكم ما ينبحنو الضيف ايدهم طيوف نيلاً بياكل القيف ****** قبيلةً واسعة في اليوم اب بشاتن ماهله وين ما تمشي في السودان بتلقي كواهلة الدك البعجنوا الخيول الصاهلة هم صمدوا التُلب ابن قماقمن باهلة ****** نظارهم اجاويداً سيوفم قاطعة ديما بقنعوا الدعج ام خدوداً ساطعة فرساناً بدفروا بالخيول الباتعة ناقتهم مع الدود البنتر راتعة ****** الهرديمة اجواداً سخي ونيتو سليمة بدي الزاد ودفاع للنقود بالكيمة تمساح ادبرة البختف ويلاقي الشيمة ****** ناظر اولاد بشارة الزادو ماهو مماحق برغمك ان بقيت مظلوم وينصر الحق دفاع الوسيع الفنقة منو اتماحق داهية ورايو واسع وجودة ما بتلاحق ****** ود فضل المرجي في دوبا القديمة نظارتو يستعزي ويزيد كان خنقت نقارتو جاموس لجة الوعرة المعقدة غارتو بي قرنو البلوح خصمو كم كم فارتو ****** ود هباني كم قشقش دمع سمحه ام رداف باني في الدنيا ام قدود هذي ام بناياً فاني ما سمعت من نضم قال جيت وما كفاني ****** ود العطايا ذي وابل البروق كم ايدو كم عطايا خلاوي مفرشة ومفتوحة ديما سوايا فقاع نوق ودرداق لي ابو جلاو تريا ****** ود عايس ايدو صبيب برق وليل برق السحاب القايص دفع القوت عزا ولايا وفش مغايص بيابا المرمي والعادم العرض والخايص ****** ود قسم السيد قلبو صميم ومابخاف الا من السيد أخو السمحة المضمر هافا مثل الصيد سيد نفلاً مبيض جاهو عز وعبيد ****** ود كثير محمود اب مرنن عزاز اسياد زعامة وجود وارثين الكرم تيلاد جدود في جدود دوابياً وجوهم في المحاصات سود ****** السر قالي ود ابو جالو من غير الكواهلة منو باليستر حالو شبه الدود كتير فيهم بتشفي شمالو يوم كرب الوجوه بطروا النقر حجالو ****** تيران الدفاس الشوشت متحامرة بعزفوا المال ضحا بيك الحرابم طامرة قالي الفرجة للسمحة وجميلة وضامرة سمتانين عزاز نسبة وخراريب عامرة
| |
|
|
|
|