Post: #1
Title: سعادة النائب الاول بكري حسن صالح
Author: عمر عثمان عبد الوهاب
Date: 04-25-2015, 10:32 AM
Parent: #0
10:32 AM Apr, 25 2015
سودانيز اون لاين
عمر عثمان عبد الوهاب-السعودية
مكتبتى فى سودانيزاونلاين
رجل الدوله الجسور والذي لعب ادوارا مفصليه
في تاريخ الانقاذ
الرجل الهاديء قليل الكلام والمتزن في قراراته دون تعصب او خصومات
والذي نحبه ونحترمه ونقدره جميعا
عليك الله لمن تقعد لملم كرعينك الطوال ديل
|
Post: #2
Title: Re: سعادة النائب الاول بكري حسن صالح
Author: عمر عثمان عبد الوهاب
Date: 04-26-2015, 11:39 AM
Parent: #1
لما تكون شخصيه عامه الاوتوكيت بيفرض عليك حاجات
يجب الالتزام بها
من ضمنها طريقه الجلوس والتحدث والاستماع والاكل واين تضحك
واين تندهش والملابس المناسبه
حتة القعاد دي معظم السودانيين بيعانو منها
الواحد يرمي جتتو في ا لكرسي تقول ماحقتو
حتي المذيعين والمذيعات اليفترض اولما يتعلموهو طريقة الجلوس تجدهم
مبشتنين في قعدتم
|
Post: #3
Title: Re: سعادة النائب الاول بكري حسن صالح
Author: عمر عثمان عبد الوهاب
Date: 04-26-2015, 01:39 PM
بالله البورض ده الواحد يفتح ليهو موضوع يقعد ينضم براهو زي
المانصيح
لكن برضو ماحنستسلم
نظل نكتب ونكتب الي ان تجف اقلامنا وتنضب امهات افكارنا
هو الكتابه بي قروش
وراكم وراكم
عالم حاغده
|
Post: #4
Title: Re: سعادة النائب الاول بكري حسن صالح
Author: Mirghani Taitawi
Date: 04-26-2015, 02:25 PM
Parent: #3
| Quote: عليك الله لمن تقعد لملم كرعينك الطوال ديل |
الزول الطويل بـ يكون مااادي كرعينو لو لماهن الرُكب بـ
تحجب الرؤية.
|
Post: #5
Title: Re: سعادة النائب الاول بكري حسن صالح
Author: يوسف أبو صالح
Date: 04-26-2015, 02:27 PM
Parent: #3
Quote: الرجل الهاديء قليل الكلام والمتزن في قراراته دون تعصب او خصومات
والذي نحبه ونحترمه ونقدره جميعا
عليك الله لمن تقعد لملم كرعينك الطوال ديل |
ههههههه دى اخر حاجة وصلت ليها
انت هسى مدحت الزول دا ولا شتمتو ؟
|
Post: #6
Title: Re: سعادة النائب الاول بكري حسن صالح
Author: عمر عثمان عبد الوهاب
Date: 04-26-2015, 02:39 PM
Parent: #5
اخونا مرغني سلام
تحجبو كيف يعني
اسمع لو خاشي تتريق علي زولنا ده حازعل شديد
دي مجرد ملاحظه ساي لاخونا بكري
وبكري ده مابنلعب ولا بنفرط فيو
فهو الريس وقائد الامه المنتظر ان شاءالله
--
اخونا يوسف ابدا ماشتيمه ياخ
فانا من مؤيدي حكومة الانقاذ ومنذ ان قامت
وحتي اليوم وغدا باذن الله
عموما شكرا لمروركما
|
Post: #7
Title: Re: سعادة النائب الاول بكري حسن صالح
Author: Mirghani Taitawi
Date: 04-26-2015, 02:56 PM
Parent: #6
Quote: اخونا مرغني سلام
تحجبو كيف يعني
اسمع لو خاشي تتريق علي زولنا ده حازعل شديد
دي مجرد ملاحظه ساي لاخونا بكري
وبكري ده مابنلعب ولا بنفرط فيو
فهو الريس وقائد الامه المنتظر ان شاءالله |
أخونا عمر .. وعليكم السلام
أتريق شنو!!! وقايلني من وين عشان أتريق عليهو!!!.
قلت الزول الطويل (بشكل عام) وبكري منهم.. أي زول طويل وين
التريقة هنا!!!.
اما أن يكون الرئيس وقائد الأمة المنتظر وأنا أنتظر ذلك اليوم.
|
Post: #8
Title: Re: سعادة النائب الاول بكري حسن صالح
Author: خالد حاكم
Date: 04-26-2015, 05:11 PM
Parent: #7
Quote:
عليك الله لمن تقعد لملم كرعينك الطوال ديل |
الكلام ده لو قالو زول معارض كنت حتكون انت من اكثر من المدافعين لهذه القعدة وكنت ضربت مثال بانو أوباما ذاتو بيقعد كده !
بالمناسبة قعدتو دى قعدة ناس مزاجهم رايق .. وبعدين بكرى أصلا ما كان عنده طموح انو يكون شخصية عامة ورجل دولة .. بس تقول شنو .. الله لا كسب عمر البشير ومن قبله حسن الترابى !
|
Post: #9
Title: Re: سعادة النائب الاول بكري حسن صالح
Author: عمر عثمان عبد الوهاب
Date: 04-27-2015, 01:28 PM
Parent: #8
أخونا عمر .. وعليكم السلام
أتريق شنو!!! وقايلني من وين عشان أتريق عليهو!!!.
قلت الزول الطويل (بشكل عام) وبكري منهم.. أي زول طويل وين
التريقة هنا!!!.
اما أن يكون الرئيس وقائد الأمة المنتظر وأنا أنتظر ذلك اليوم
بكري مع طولو ده طلعت ليهو كرش مع انو راجل عسكري
وبيقابل شخصيات كبيرة اجنبية
سيلفا كير الله حلانه منو كان فاضحنا فضيحه
كراع في الواطه والتانيه يدور يحشره في خشم القاعد قدامو
والكسكته في نخرتو
من اكثر الشخصيات العامه التي تجيد الجلوس امام الكاميرات
الفنان عبدالكريم الكابلي الله يطراو بالخير
في ناس من قعدتك تحكم عليك لو كنت انسان محترم ولا زول سبهلل ساي
حاول تفحص في اي مناسبة سودانيه كيفيه جلوس الحضور
اخر بهدله
تجي بيت بكا تلاقي نص المعزين راقدين علي صفحتوم
وبعضهم يطلب مخده او مسند
المضيفه او الصالون لازمن يكون فيها سراير لزوم التتكي وكده
|
|