القبض على المتهم فى الجريمه التى هزت مدينه عطبره

(القاتل ضحية والمقتولة ضحية ، ربنا يرحمها ويرحمنا من تصنيف المجرمين ( غرب السودان)
الإجرام لا يعرف وطن ولا جنس )

تعليق :
بارك الله فيك الأخت نجاة , نعم , " الاجرام لا يعرف وطن ولا جنس " لماذا نرى بعضا من الأخوة , لا زالت تتحكم فيهم هذه الخصلة , خصلة (العنصرية ) التى وصفها رسول البشرية سيدنا محمد صلى الله عليه وسلم بأنها : ( منتنة ) وأنها ردة , ورجوع بالانسان لعهود الجاهلية الأولى , كلكم تعلمون يا اخوانى أن مثل هذ ه الجرائم الكريهة , والمفزعة , جديدة علينا كسودانيين , كنا نسمع عنها تحدث فى بلاد أخرى , ويأخذنا العجب فى ذلك !!! , أما وقد وصلتنا فى عقر دارنا , أليس من الأفضل لنا , والأجدى , أن نبحث , ونتقصى عن ألأسباب الكامنة وراء حدوث مثل هذه الحادثة , وغيرها من كافة الظواهر السلبية التى لم تعهدها الأمة السودانية على مدى تاريخها الطويل ؟؟؟

Quote: القاتل ضحية والمقتولة ضحية ، ربنا يرحمها ويرحمنا من تصنيف المجرمين ( غرب السودان) الإجرام لا يعرف وطن ولا جنس.....

Quote: والجاني من غرب السودان.

الجريمه لاتعرف إتجاه جغرافي!
هذا المتهم في المقام الأول هو
سوداني ويجب أن تتم كل
ملابسات محاكمته بهذه الصفه.

إنا لله وإنا إليه راجعون.
تعازينا لأسرة المرحومه.

المتهم لا يزال تحت مسمى ( متهم ).. أليس كذلك

لا ننس أنه دخل البوتيك وهو يحمل سكيناً

كون المتهم ضحية لإفرازات سياسية أو مجتمعية أو غيره، فهذا لا يمنحه الحق
في التعدي على حيوات الناس وممتلكاتهم ..سرقة أم قتلا..

ما حدث لفتاة البوتيك تقع تحت دائرة الجريمة ... فقط ليس إلا

رحم الله الفتاة ... ونسأل الله أن يجد المتهم محامياً مهنياً للدفاع عنه ، فلربما لم كن هو القاتل..

كون المتهم، من غرب السودان او شرق الكاريبي...
هذا يجب الا يقدم في الامر شيئاً، ويجب الا يؤخر؛
لاي سوداني الحق في ان يتمدد في وطنه من غربه، حتى شرقه والجنوبا،
له حق التنقل والاقامة والعمل والتملك...
اما اذا ارتكب جريمة هنا او هناك،
فينبغي ان يتم محاسبته وفق جرمه لا اقليمه...

الناس الشابكننا ..الجريمه لا تعرف وطن وقصص زي دي ..


منو الغيركم جاب سيرة الاقليم والمنطقه الجغرافيه هنا


وعادي .عندنا ما ينزل خبر ويذكر الخبر انو القاتل من نهر النيل او الشمالية او الشرق او الغرب...
و ده يعتبر تحسس لا غير .... كل ما حد يجيب سيرة الغرب .الكل يعمل فيها واعظ وينجر ويرشد
التنقيب عن الدهب جلب لعطبره ناس لاول مره في حياتهم يشوفوا عطبره وسبق ان جريمة قتل تاجر الدهب مشترك فيها وافد مصري يعمل في الدهب
وبعدين الجريمه ممكن يعملها اى شخص ..اي كان .......

اعتقد هذا القاتل جريمته..تمت قدر ساي .. من غير اي ترتيب

.

Quote: التنقيب عن الدهب جلب لعطبره ناس لاول مره في حياتهم يشوفوا عطبره وسبق ان جريمة قتل تاجر الدهب مشترك فيها وافد مصري يعمل في الدهب وبعدين الجريمه ممكن يعملها اى شخص ..اي كان .......

يا أباذر خلينى أعيد كتابة مداخلتك دي بصورة ثانية لحقبة تاريخية ليست بالبعيدة:

"البحث عن الرقيق جلب لطمبرة ناس لأول مرة في حياتهم يشوفوا طمبرة وسبق أن جريمة قتل تاجر رقيق مشترك فيها وافد مصري يعمل في تجارة الرقيق وبعدين الجريمة ممكن يعملها أي شخص.. أي كان"

يا أبا ذر ليس من الأهمية بمكان حتى أن يذكر المنطقة التى أتى منها القتيل. ده بيساعد في رفع حس المواطنة والتقليل من الإحتكاك والنزاع..

تحياتى

Quote: الكل يعمل فيها واعظ وينجر ويرشد

يا ابا ذر ياخ خليك ديمقراطي، لكل واحد الحق ان يدلي برايه وفق اي رؤية، او منطق...
ولك ان تكتب رايك، ونعتبره رايا وليس وعظا او نجرا، او ارشاد...
مرة اخرى لا داعي لذكر اي اقليم وا اثنية لمتهم، بل لو ثبتت ادانه...
يحاكم وفق جرمه لااقليمه...

Quote: يا أباذر خلينى أعيد كتابة مداخلتك دي بصورة ثانية لحقبة تاريخية ليست بالبعيدة: "البحث عن الرقيق جلب لطمبرة ناس لأول مرة في حياتهم يشوفوا طمبرة وسبق أن جريمة قتل تاجر رقيق مشترك فيها وافد مصري يعمل في تجارة الرقيق وبعدين الجريمة ممكن يعملها أي شخص.. أي كان" يا أبا ذر ليس من الأهمية بمكان حتى أن يذكر المنطقة التى أتى منها القتيل. ده بيساعد في رفع حس المواطنة والتقليل من الإحتكاك والنزاع.. تحياتى

يا سيف لي حولت الموضوع كدا..
مش قلت ليكم براكم قاعدين تلفوها وتدوها رواج..دي معلومات عاديه كلها عملتها لينا رقيق ههههههههه ... وتجارة رقيق يا راجل ده ما صاح
بعدين نحن لافين في الاسافير من منتدي لمنتدي..الكل شابكنا ليك ذكرت اقليم وتركت اقليم ووقصص ونحن زينا وزيكم عارفين اي شئ ..يعنى هسه لو قلنا الزول اسمو فلان من مدينة كسلا
كان حا نجد انتقاد وتحويل الموضوع الى جهه اخري...مع انو لا صاحب البوست ولا انا ولا اغيري هنا في البوست ده جاب سيرة اقليم الغرب مافي ... اللهم قلنا الزول من نيالا ...

يا سيف ما تحور الموضوع وتحولو وتحملو اكتر من ما هو متحمل ..
وهذه جريمه قتل حصلت الساعه عشره في وضح النهار...وحصل فيها نقل للمعلومات كبير..وجريمه دخليه على مجتمع المدينه .. قتل فتاة وفي محل شغلها
لازم يكون في كلام كتير وشكوك ..

يا اباذر مافي زول شبكك في زول بقول رايو في قضيه قد تتوافق مع اعتقادك او لا
والقصه اكبر من انها تحسس.... بس في جريمه زي دي لمن يقولو الجاني من الغرب معناه الناس بتشتت الانتباه عن الفعل المفروض يتحاكم بيهو الجاني
عني وكثر من المدينه يهمنا ان يعاقب الجاني العقاب المناسب وبقدر حجم الجريمه المرتكبه

وما اعتقد في زول من عطبره قال انو عطبره مدينه خاليه من الجرائم بس فعليا احدث الدهب والمنجمين والباحثين عن الثراء السريع تغير اجتماعي واقتصادي

لقاتل الغشيم ...
اسمو مبارك ادم من ابناء نيالا
اليوم مثل الجريمه ..وسط السوق والحشود الكبيره
واطلقت زغايرد الفرح بعد اطلاق سراح اولاد عطبره المتهمين



الدهب جاب الى نهر النيل المصايب


الجاني من غرب السودان

اجزم بانه بري
شفتوا العنصرين بهللوا كيف عشان يثبتوا جريمة في واحد من غرب السودان

وليه اولاد عطبرة ديل تم القبض عليهم في البداية
تحت التعذيب يجبوا واحد ويمثل له جريمة لتبرئة اولاد عطبرة
بلدا ما فيها قانون والرئيس اكبر مجرم ومطارد من الجنائية وهو من الشمال ، والاجهزة الامنية البقتلوا في الناس من نفس الجهة
سبحان الله

Quote: يا ابا ذر ياخ خليك ديمقراطي، لكل واحد الحق ان يدلي برايه وفق اي رؤية، او منطق... ولك ان تكتب رايك، ونعتبره رايا وليس وعظا او نجرا، او ارشاد... مرة اخرى لا داعي لذكر اي اقليم وا اثنية لمتهم، بل لو ثبتت ادانه... يحاكم وفق جرمه لااقليمه...

ما حجرنا على احد يكتب ولكن ما ممكن ان يقلونا شئ لم نقلة ...نحن كمان من حقنا نقول رأينا زي ما نري
بعدين مين الجاب سيرة اقليم هنا ولا اثنيه هنا..؟؟؟؟؟؟؟؟؟؟؟؟؟؟؟؟؟؟ قلنا من نيالا ونيالا دي فيها كثير اهل السودان
وبكرر ليك ومره اخري من الجاب سيرة اقليم او اثنيه هنا او جرم اقليم بعينه

Quote: يا اباذر مافي زول شبكك في زول بقول رايو في قضيه قد تتوافق مع اعتقادك او لا والقصه اكبر من انها تحسس.... بس في جريمه زي دي لمن يقولو الجاني من الغرب معناه الناس بتشتت الانتباه عن الفعل المفروض يتحاكم بيهو الجاني عني وكثر من المدينه يهمنا ان يعاقب الجاني العقاب المناسب وبقدر حجم الجريمه المرتكبه وما اعتقد في زول من عطبره قال انو عطبره مدينه خاليه من الجرائم بس فعليا احدث الدهب والمنجمين والباحثين عن الثراء السريع تغير اجتماعي واقتصادي

يا مها...انا ملاحظ لي هذا الحركه مش هنا بس .. ولو طلعت وراء حدود سوق ليبيا بتعليق ..يشبكوك تنظير وفي حين انو كل اقاليم السودان.. واحد عندنا نحن ...ولا فرق بين سودانى والاخر لدينا
بعدين بكرر مين هنا في البوست القال اقليم الغرب ..؟؟؟؟؟؟؟؟؟؟؟؟
انا بقول ليك عطبره ما كان فيها جرائم زي ..!! ...وفعلا في تغيير في المجتمع السوداني كلوووو. وتغيير في الاخلاق وكثر الاجرام ويشمل كل المدن عطبره وغيرها..
ولكن انا لم قلت القاتل اسمو مبارك من نيالا ..ابدا لا اقصد تمييز لي مجتمع معين بل توضيح وكل زول يسفر على الشئ في الراسو. والفي قلبو.ونحن ما جايبن خبر
الله يهديهم ي يااااخ

Quote: اجزم بانه بري شفتوا العنصرين بهللوا كيف عشان يثبتوا جريمة في واحد من غرب السودان وليه اولاد عطبرة ديل تم القبض عليهم في البداية تحت التعذيب يجبوا واحد ويمثل له جريمة لتبرئة اولاد عطبرة بلدا ما فيها قانون والرئيس اكبر مجرم ومطارد من الجنائية وهو من الشمال ، والاجهزة الامنية البقتلوا في الناس من نفس الجهة سبحان الله

تجزم ما تجزم دي ما شغلتنا...

انا اجزم كمان مافي عنصري غيرك ..دي حاجه عندك انت مافي زول شغال بيها غيرك ومن معك
اولاد عطبره برئتهم الشرطه بعد القبض الجان ..ما تقعد تعمل منها قضية ونضال

قلت لي الرئيس من الشمال خلاص ....قامت الاسطوانه ...انت عاوز تحول الموضوع
نحن دخلنا شنو في الرئيسّ!!! متضررين منو ايضا..هو الرئيس ببنسط من نوع كتاباتك البتعمم فيها على الناس وتنعتهم بالعنصرية وتنسي نفسك
زي كلامك ده مع الرئيس وجماعتو في جاهم جرح ..انت زولهم تب طالما عندك شقف للحاجات الزي دي...وبتجج ليها ...الاعمال بالنيات والحمد لله
...عطبره مليانه ناس من كل السحنات واهل السودان اذا ما عارف اعرف....نحن ناس عطبره اكتر ناس اضررنا من رئيسكم البشير يا جبهجية زمان

نسأل الله للقتيلة الرحمة

وان يلقى من قام بالجريمة جزاؤه حسب القانون..

وان لا يؤخذ بريء بذنب غيره...

يا جماعة استهدوا بالله
مافيها حاجة لو الزول دا قال المتهم من نيالا
انا عندي رواية اخرى وفيها تحريض والمحرضة من ارتولي
والمقتولة ليست المقصودة بالقتل وانما قدرها وضعها هنا
اها رايكم شنو؟

Quote: يا جماعة استهدوا بالله مافيها حاجة لو الزول دا قال المتهم من نيالا انا عندي رواية اخرى وفيها تحريض والمحرضة من ارتولي والمقتولة ليست المقصودة بالقتل وانما قدرها وضعها هنا اها رايكم شنو؟

فعلا ذكر المدينه مافيهو اي شئ... وزي ما قلت لو قلنا ليهم المتهم من ..كسلا...دنقلا...بربر...مدني
ما كان في زول جا شبكنا ليك ..اقليم وجغرافيه وعنصريه واثنيه ..وجابوا الكلام ده من وين انا ما عارف

المتهم المعترف بالجريمة يمكن ان يكون ضحية
الجريمة حدثت (الصباح) ووسط السوق وموقف الحافلات
اذا كان يقصد السرقة فمن باب اولى ان يدرس المحل والوقت المناسب
خاصة ذكرت الاخبار انه كان يراقب (المحل) او المعرض
فهو بالطبع يعرف عدد العاملين ووقت خروجهم واذا في (كاش) او لا
زي ما قال سيف اليزل سعد تمثيله للجريمة لا يعني انه المجرم الحقيقي
ولا وجود الهاتف هو الدليل . اذا كان هو المجرم الحقيقي وان كان غباء الدنيا
كله متجمع فوق راسه برض ما كان حيتصل من الموبايل حق القتيلة.

شكرا لكم جميعا اخوتى على المرور ...