يوم 6 مايو يوم مشهود في تاريخ المريخ..

11:07 AM Apr, 22 2015
سودانيز اون لاين
ياسر منصور عثمان-
مكتبتى فى سودانيزاونلاين





يوم الاربعاء 17 رجب 1436هـ الموافق 6 مايو 2015م

سيكون يوماً مشهوداً في تاريخ نادي المريخ الامدرماني

حيث ستقوم الشركة المنفذة للطابق الثاني باستاد المريخ ببيع ممتلكات النادي في مزاد علني لاسترداد حقوقها البالغة 280 الف دولار ..
بعد فشل النادي في سدادها وبالتالي حكمت المحكمة بالحجر على ممتلكات المريخ وبيعها في الدلالة... مع حجز دخل مباريات المريخ..

على جميع المريخاب ان يساهموا في دفع المبلغ المطلوب حتى لا تباع ممتلكات النادي في الدلالة..

واتمنى من جماهير الهلال سيد البلد ان تقف مع اشقائها في محنتهم..

جيمي ..مشتت
الترجي...منتظر

والمحكمة؟؟

دي مصيبة شنو يا ناس؟؟

والليييييييييييييييييييلا

شنو يعني 280 الف دولار؟؟؟؟

وارغو لغف 5 مليون دولار....

وووو

نهواه في كل الديون


علينا جاي
علينا جاي


مكيفات
ترابيز
مكيفات
فنائل بلة جابر وعلي جعفر وعلاء يوسف

علينا جاي

يا ماشي
تعال غاشي

جزء من عمود محمد عبدالماجد :

• الشيء التاني.

• والما قادر اصبر عليه.

• وما لقيت ليه منطق.

• ولا وقع لي.

• ولا فهمتو.

• ناس المريخ امس طلع ليهم اعلان بتاع (مزاد) في الجرايد.

• هي حصلت!!.

• دلالة.

• يا ريت لو بقت دلالة عربات.

• يا ريت لو دلالة اراضي.

• الموضوع طلع دلالة (كراسي).

• ناس الترجي لو سمعوا بالدلالة دي بيدوكم عشرة.

• معقولة بس.

• كمان الامور وصلت للدرجة دي.

• وصلت مرحلة (الدلالة).

• والله دي حالة صعبة شديد.

• الاستقالة وجبت.

• مزاد بامر قاضي محكمة الخرطوم الجزئية...قرار رغم (688)

• كلام محاكم.

• امر عديل كدا.

• مزاد في نادي المريخ.

• المزاد يوم 6 مايو القادم.

• الما بيشتري يمشي يتفرج.

• كلنا بنحضرو.

• الفرجة ما كعبة.

• عارفين المزاد عن بيع شنو؟.

• عن بيع عدد من (الكمبيوترات).

• خلاص جماعتكم بعد استقالة جمال الوالي ح يرجعوا للورقة والقلم.

• في حالة اصعب من كدا.

• المزاد ايضا لبيع عدد من (كراسي الجلوس الفاخرة).

• الموضوع وصل (كراسي الجلوس).

• ح يقعدوا في (الواطة).

• وإلا اقول ليكم شوفوا ليكم (بنابر).

• كراسي الجلوس الفاخرة مع (الكونفدرالية) ما في ليها اي داعي.

• ولا في ليها لزوم.

• كراسي شنو كمان؟.

• الشيء المؤسف ..المزاد فيه بيع (مكيفات فريون).

• في زول في السخانة دي يا جماعة ببيع ليه مكيف.

• هي حصلت.

• رمضان على الابواب...وجماعتكم بيبعوا في (المكيفات).

• السنة دي رمضان لا بتصام في نادي المريخ ولا حاجة.

• اها يا رمضان عجب ..دي (سخانة) يقعدوا فيها.

• يا زول اتخارج قبل يوم 6 مايو.

• قبل ما يبيعوا (المكيفات).

• ألحق نفسك يا رمضان عجب.

• نحن ما بنرضى ليك (السخانة) دي.

• بعدين انتوا يا جمال الوالي حركتكم دي ما ظريفة.

• ما حلوة منكم.

• عاوزين تمشوا بعد ما تبيعوا مكيفات فريون وكراسي الجلوس الفاخرة.

• ناس علي جعفر وبله جابر بعد ما اتعودوا على المكيفات والجو البارد والكراسي الوثيرة ..عاوزين ترجعوهم تاني للمراوح والبنابر.

• ومزمل ابوالقاسم شابكنا الشركة الصينية شركة مرايل وبزازات.

• شركة مستلزمات اطفال.

• اخير نحن بزازات ومرايل..انتوا بقيتوا بتاعين كراسي ومكيفات وكمبيوترات.

• الموضوع اتقلب عليكم.

• دلالة في النادي.

• بقيتوا تبيعوا في (الكراسي).

• وتنزلوا في (المكيفات).

• ..........

• ملحوظة : يوم 3 مايو لاعبين مع الترجي ..ويوم 6 مايو ح تلعبوا مع الترجي.

خالد عز الدين:

الديون .. تجربة تستحق الوقوف عندها !
واذا كانت تجربة النسور النادي الجديد الذي فعل المستحيل ليكون مع الكبار تستحق الوقوف عندها فهناك تجربة اخرى لنادي كان صغيرا في حي المسالمة ولكنه تطور تطورا طبيعيا بعد ذلك مع تطور كرة القدم في السودان حتى اصبح احد اندية السودان الكبيرة وهو الذي أستقر على اسم المريخ بعد ان مر بالعديد من الاسماء .. هذا النادي يعيش تجربة غريبة لا تحدث عادة للاندية الجماهيرية والتي يديرها رجال المال والاعمال في الدول الافريقية .. فالنادي مهدد ببيع جزء كبير من ممتلكاته لسداد ديون احدي الشركات .. وسوف تتم الدلالة امام اعين عشاق واهل المريخ بما في ذلك مجلس الادارة الذي هرب رئيسه في هذا التوقيت ليترك للآخرين حق التصرف في هذه الديون !
انا لست من انصار المريخ هذه حقيقة ولكنني اتمنى ان يستفز حديثي هذا اهل المريخ ليتدافعوا لنصرة ناديهم ويدفعوا هذه الديون او يقوموا بشراء الممتلكات ويردوها لناديهم على الاقل كراسي المقصورة الفاخرة !
لقد تعرض المريخ لتجربة مماثلة عندما كسب مدربه صلاح مشكلة قضية ضده ووصل الامر الى درجة تحديد موعد لدلالة ممتلكات النادي لدفع حقوق المدرب ولكن الامير الراحل فيصل بن فهد قام بسداد المبلغ وانقذ المريخ من بيع ممتلكاته في دلالة عامة وان كانت ادارة المريخ في ذلك الوقت قد عجزت عن دفع مستحقات المدرب بسبب ضعف القدرات المالية لمجلس الادارة فان رئيس المريخ الحالي جمال الوالي يعتبر من اغني اغنياء السودان واحد اكثر الرؤساء الذين صرفوا اموالا في تاريخ النادي ومن الغريب ان تحدث دلالة للنادي في عهده وهو الذي تغنت له الجماهير بسبب المنشآت فكيف يمكن ان يشهد عهده رقما قياسيا لنادي قمة باعلان الدلالة عليه مرتين !!
ان شعب المريخ امام تحدي كبير اتمنى ان ينجح فيه واتمنى من اعلامه ان يحفز الجماهير لسداد حقوق الشركة الماليزية قبل تاريخ الدلالة لان سمعة المريخ لا تحتمل كل هذه المهازل .. فتجاهل اعلام المريخ للقضية لن يحلها ومن الافضل لهم ان يتعلموا ثقافة المواجهة !! الـلـهم هل بلغت الـلـهم فاشهد ..

المريخ عنده 500 ألف دولار بطرف الهلال مقابل تحطيم مشجعيه الطابق المعنى عام 2012
وهى مديونية واجبة التسديد.

هههههههههههههههههههههههههههههههههههههههههههههههههههههههههههه


ديل ما بدفعو للنويدي ده

مشكور يا عبس على المرور

يا نادر اخوي انت صدقت حكاية الخمسمائة الف دولار ؟؟

هو الطابق كلو بي 280 الف دولار وانتو ما قادرين تسددوها...

هههههههههههههههههههههه

علينا جاي

كل حاجة بي عشرة

تربيزة
كمبيوتر
مكيف
فنيلة

وخلوا الطابق مستوووووووووووووووور

Quote: حيث ستقوم الشركة المنفذة للطابق الثاني باستاد المريخ

دا مش الطابق الكسروه الصفراب من المغصا
معقولة الصفراب يكسروا والزعيم يدفع

الزعيم حمزاوي

سلام

نحن اصلنا مقطعين وما عندنا قروش ..

استادنا زريبة

ونادينا خرابة



علا النصيحة ليك يا الله


الدلالة حااااااااااااااارة

وكمان بقت عليكم ترجي ودلالة


هههههههههههههههههههههه


مع ودي

بالمناسبة المبلغ المستحق علي نادي المريخ بسيط واي واحد من الاقطاب بدفع المستحق وتشوفوا يا صفراب
المشكلة في اللاعبين الاجاب البشتكوا عليكم في استحقاقاتهم وما قادرين عليها فضحتونا مع الفيفا
المشكلة التي اثارها هيثم مصطفى عندما كان لاعبا في الهلال وانه حق الأكل ما عندهم وبياكلوا في الموز
مشكلة اللاعب ود الجيد عندما تبرعت مجلس ادارة المريخ بسفره للندن وتحمل تكلفة علاجه
وحالت إدارة الهلال ورفضت سفر ود الجنيد عليه رحمة الله وعلاجه على حساب المريخ
حتى توفى.....
اليوم جايين تشمتوا على المريخ لعدم تسديد مبلغ مستحق عليه ؟؟
من الطبيعي الحجز على الممتكات في حالة عدم السداد
تبرعاتكم لموهن عليكم المريخ ما محتاج لسمكم دا و أبناء المريخ قادرين على تسديد المليارات
وفروا قريشاتكم و سددوا مستحقات الاجانب حتى يتثنى لكم الظفر بكأس يا صفراب يا دوليين

الحبيب سيف

نحن سددنا قروش المحترفين كلها

حتى النصاب الاسمو غارزيتو الداير يلغف مننا 500 الف دولار بالقانون في لوزان طلعت 90 الف دولار وكمان يتخصم منها اتعاب المحاماة..

هههههههههههههه

انا لو مكانكم كنت مشيت اشتريت لي تربيزة ومكيف وكمبيوتر وفنيلة بلة جابر ..

تذكار عزيز وكده


هههههههههههههههههههههههه

المشكلة في كراسي المقصورة الفاخرة ..

قالوا في ناس اشتروا التذكرة بتاعتا لموسم كامل

اها ديل يجوا يقعدوا في الواطة والا كيف؟؟

و يا ماشي تعال غاشي

اقترح على طيشاب المهجر ان يعملوا نفرة

كل واحد يشتري حاجة

ناس الخليج يشتروا الكراسي والترابيز والمكيفات

وناس اوروبا يشتروا الكمبيوترات

والفنائل يودوها سوق حلايب


هههههههههههههههههه

ياسر ههههههههههههه والله شماتكم دي ياها ذااااااااااتا المغتسه حجركم
يا راجل المبلغ بنسددوا اصبروا شوية ما تستعجلوا علي الشين
اقرأ كلام خالد عز الدين كويس يعني الموضوع ما غالبنا لكن بس الناس مشغولة شوية
اها قول دللوا نادي المريخ كلو البجيب ليكم كاس من بره منو تاني ؟؟؟
هل الصفر ببقي واحد هههههههههههههههههههههههههههههههه
أدونا قروشا العليكم عشان نسدد نحن نبنى وانت تكسر نعمل شنو محاربين ههههههههههههههههههههه
دم بخير يا حبيب يا صفرابي

قلوبنا مع الطيشاب يومي 3 و 6 مايو

ترجي ودلالة

والليلااااااااااااااااااااااااا

الداير اثاث مكتبي ...يجي
الداير مكيفات لي رمضان...يجي
الداير كمبيوتر...يجي

يا ماشي تعال غاشي

علينا جاي
علينا جاي

للتذكير

فقط

وكمان جابت ليها مطرة

كليتشي اشتكى قال داير 250 الف دولار

وجمال ماشي

ميتة وخراب نادي


ويا ماشي تعال غاشي

علينا جاي


كل حاجة بي عشرة

يا ريت يا ياسر توضح للقارئ الكريم ، إذا كنت ببوستك ده عايز تنبه ناس المريخ إنو يسارعو بدفع المبلغ ،ولاّ بتتمنى إنو المبلغ ما يندفع عشان يتباع المريخ فى الدلالة؟!
المريخ يا ياسر حيلعب مع الترجي بإسم السودان وليس بإسم بوركينا فاسو كما الحال بالنسبة للهلال.
فياخي ما ترجعنا لورا .

عجبي!!!

سلام الاخ وليد

انا داير اوري حال المريخ العاملين لينا بيهو دوشة

انا بعرف المنتخبات البتلعب باسم اللوطن ..

اما الاندية فتلعب باسمائها

هسي المريخ فيهو تمانية لاعبين اجانب والهلال فيهو زيهم والا اكتر ديل بلعبوا باسم السودان؟؟

خليك كووووووووووول يا حبيب

كلام المزاد البيع ده صحي
؟؟؟


اذن دي قرووش الشعب ...اي مال حق الشعب لابد ان يرجع له
او يتمحق

الحبيب اباذر

والله صحي

لو ما سددوا ...

الدلالة معلنة يوم 6 مايو ..