وشعب يستحق ان تعطل له كل المشغوليات ويشد اليه الرحال وتنحي له الهامات شعب معلم ملهم صابر صامد ليس بارعاًَ قي الخطب الحماسية التي تعاني الفصام ولا يتدافع لحظة تتوجس الجموع خيفة من امر جلل وقور مهذب وراقي واذا عزم على امر فعل لا ترهبه الة القمع ولا عسكرة دولة ولا قوانين مقيدة للحريات لا تشغله من واجبه تجاه الوطن اكاذيب اعلام سلطة مهترية ادمنت النفاق والكذب لا تغريه اموال الدولة وطاقاتها التي وظفت من اجل شراء اصوات الناخبين لا يعتريه من شك بانه اخذ هذا النظام الي قبر ينتظره ومذيلة نال استحقاقها بجدارة واستحقاق نعم يستحق شعبنا التحية وهو ينظر لصناديق رحلة البحث عن شرعية مفقودة بلا كبير اهتمام بل ويوظف امكانياته المتاحة للسخرية والاستهزاء من عصابة اغبياء حفرت مسمار نعشها وبخراقة لا يحسدهم عليها احد شكراً شعبنا السوداني العظيم وفي يقيننا لم يتبقى الكثير لسلطة شبعت موتاً ولا خوف على شعب بهذا المستوى الرفيع من الوعي والادراك وفي الغد سنصلي جميعاً صبح خلاص اكيد نقطة سطر جديد ثمانية في المية فقط ارتادوا هذه الصناديق طمعاً او خوفاً وهلع عدد النكات وكم السخرية التي اطلقها الشعب السوداني على هذه الانتخابات تجاوز عدد الصناديق والمرشحين اخر ضحايا الانتخابات سكة كرتي وجزمة غندور اخر المطاف لا باس من انكسار خاطر السلطة وهي تعودت على كسر الخواطر على مدى سبعة وعشرين عام عقبال لما تنكسر السجون والزنازين وتنهد قصور سلطة الفساد والقومة ليك يا وطن
Quote: عقبال لما تنكسر السجون والزنازين وتنهد قصور سلطة الفساد والقومة ليك يا وطن
هذا الشعب العملاق قادر على إنجاز التغيير المنشود لذا على قوى المعارضة الإلتحام بجماهير شعبنا لإستلهام تجاربه الثرة فى مقارعة النظام فاقد الشرعية شكرا شعبى شكرا فرح ابوروضة.
يا ابو الفرح، العنوان قلبت فيهو الهوبة، والمضمون في السلك... ياخ الشعب السوداني دا عظيم، يياخ نحن متلك، من شدة فرحنا، (خفنا ان يغازلنا الشعب في الشوارع) ............................ هاتس اوف ومعاها طواقينا وعممنا.... سنة!!! هكذا قال قال استاذنا في المتوسطة، عندما انبسط من اجابة زميلنا قرشي.،
Quote: يا ابو الفرح، العنوان قلبت فيهو الهوبة، والمضمون في السلك... ياخ الشعب السوداني دا عظيم، يياخ نحن متلك، من شدة فرحنا، (خفنا ان يغازلنا الشعب في الشوارع) ............................ هاتس اوف ومعاها طواقينا وعممنا.... سنة!!! هكذا قال قال استاذنا في المتوسطة، عندما انبسط من اجابة زميلنا قرشي.،
عبدالمنعم يا طيب واريتك طيب ياخ كما الاولاد ونبقى انحنا بس المستعجلين الخطى وهذا الشعب الابي لما يقدل بقدل بي مهل ما فيه من يأس وعمروا ما قطع مننا حبل العشم ويبقى يا عبدالمنعم الصابرات روابح واكيد الجائي اروع وفي ابهى صوره انتصار ثورة شعب لك التحية وكل الامنيات الطيبة
Quote: هذا الشعب العملاق قادر على إنجاز التغيير المنشود لذا على قوى المعارضة الإلتحام بجماهير شعبنا لإستلهام تجاربه الثرة فى مقارعة النظام فاقد الشرعية شكرا شعبى شكرا فرح ابوروضة
الدروس المستفادة يا عزيزي مرتضى عميقة وثرة كما تفضلت اهمها جماهير الشعب السوداني اذا ما توحدت فهي قادرة على قهر اعتى الديكتاتوريات وازلالها مشهد واقعي صناديق تحوم وتجول ولا تجد غير نظرات شامتة مراكز انتخابية يعلن عن تمديد فترتها الانتخابية فيكون الجواب صمتاً يا له من انهزام جدير بالاحتفال به لك الجميل مرتضى وقطعاً سنحتفل هنا مع بعض وقريباً جداً والي ذاك الوقت دم بالف خير
Quote: بغض النظر عن بوستيك ده ،،، أريتني طريت مليون ريال ياخ ...
سلامات يا وهيط ،،
مرحبتين يا الهادي كيف حالك ياخ والله مشتاقييين بالجد وياهو طريت شقي الحال وجاك جاري جري المرة الجاية قرض علي المليون ريال عشان تشوفنا معاك تخريمة مليون فرد مرة ياخ انت طماع طمع لو ما بعرفك اقول كوز لووووووووووووووووووووووووووووووووووووووول
كدي يا بناتي اشربن شاهيكن ده واتنفضن قومن انحنا لا بنصوت ولا بنمشي مركز انتخاب وبنكره البشير والبسالنا من الانتخابات ده كان رد العم برعي على موظفات المراكز الانتخابية زيو وزي اي سوداني (( زول زول الله ان محن ما بسال )) وفي كل بيت البنيات ما لقن غير كاسة الشاي وبعد ما انفض سامر القوم وكرنفالهم المفضوح نفس البنيات وفي نفس الجلسة والله يا عم برعي انت صادق يا ريتنا لو سمعنا كلامك واتلمينا في بيوتنا مافي زول جاء اده صوته الا القليل واليوم الاخير يا عم برعي لم يحضر احد عديناها ونسة ولي حدي اللحظة دي قروشنا ما ادونا ليها اليوم الاول بس صرفونا واكلونا ولسه ساكنهم في باقي قريشاتنا يا لبؤسهم حتى موظفات وموظفي الانتخاب في شماته من امرهم ونواصل
كن بخير