+++ الزعيم هشام هبانى .. اظهر وبان .. عليك الأمان +++

07:30 AM Apr, 21 2015
سودانيز اون لاين
Sudany Agouz-
مكتبتى فى سودانيزاونلاين



يا اخوانا .. ما ملاحظين فى حاجة ناقصة فى الديوان ..
الناس كاجة .. والكراسى مليانة .. لكن وينو الفنان ..
عليكم الله .. أسألوا عليهو .. مالو شالتو نومة ولا تعبان ..
فى ناس قالو .. قاعد يظبط كمنجاتو .. واعوادو .. كمان عيدان ..
إمكن .. يا اخوانا .. جيعان .. ما مشكلة .. نعمليهو فتة كوارع .. معاها باضنجان ..
امكن المواصلات .. لاكينو .. عندو تكسى .. إمكن ركنو عند الجيران ..
لا .. لا .. القصة ما قصة مواصلات .. ولا تعبان .. ولا جيعان ..أنا خايف .. يكون زعلان ..
ولا ناقص حنان ..
ولا .. يكون .. قام خلانا .. قام روّح .. رجع السودان ..
امكن مشى .. يرشح نفسو .. فى الانتخابات .. إمكن شالتو الهاشمية .. داير يعمل فيها طرزان ..
لا .. لا .. أكان روّح .. كان كلمنا .. كان قالينا .. برضو .. أنا خايف .. يكون زعلان ..
لاكين شنو الزعلو .. يا اخوانا فهموهو .. الزعل مرفوض .. الزعلو منو .. دا كان دايما فرحان ..
يا هشام .. عليك الله .. اظهر وبان .. عليك الأمان ..
شفقتنا .. الناس بتسأل عليك .. وخصوصاً عمك العجوز .. الغلبان ..
يا أخوى .. مالك داير تغلبنا معاك .. قولينا عووووووك .. يا زعيم .. يا فنان ..
يا .. يا هشام .. يا هبانى .. الشاى .. والقهوة جاهزة .. يا هبانى .. قهوة الهبهان ...
عليك الله ما تغلبنا معاك .. اظهر وبان .. عليك الأمان ..
أها .. خلاص خلصنا .. انتهى البيان ..
الإمضاء .. فلان .. وفلان .. وكمان فلتكان ..
عنهم فلان .. الغلبان ..
عمك .. العجوز .. الكحيان ..
ارنست ارجانوس جبران ..
+++

.
أها يا هشام .. أخى ..
أها دى .. نقطتك ..
إن شاء الله تظهر ..
تعرف يا هشام أخوى .. لو كان عندى ظهرة زمان ديك ..
كنت رسلتليك شوية ظهرة .. عشان تظهر لينا ..

لاكين .. معليش .. نحنا بانتظارك ..
أخوك وعمك العجوز ..
ارنست
+++

استاذنا ارنست جبران

لك و للاستاذ هشام التحية الطيبة

كتر خيرك بسؤالك عن الاستاذ هشام هبانى

بدورنا ننادى عليك يا عمدة و مكان لا يمكن ان ينسد بغيرك .. و نحن فى انتظار اجابة سريعة و الا سوف نلحق بك حيث انت لنطمئن عليك

الأخ الحبيب الطيب الطيب رحمة قريمان،
نعم يا أخى .. أنت طيب .. لأنك تسأل معى عن الأخ الحبيب هشام ..
بل وأنت أول إنسان يسأل عن صديق قديم فى هذا المنبر العامر ..
ما عارفين قصتو شنو ..

وحسه .. دى .. بقينا اتنين نمضى على عريضة البيان ..
ارنست ارجانوس جبران ..
و الطيب رحمة قريمان ..
وإن شاء الله يأتى الزمان ..
ويظهر هشام .. ويبان ..
بس يقول لينا .. لو روّح أمدرمان ..
ولا إن شا الله .. أم ضبان ..
بس يقول لينا .. يطمنا .. مختفى فى ياتو مكان ..
وإلا صوتنا يروح فى خبر كان ..

.. يا رب .. يارب .. يا رحمان ..
شوف لينا هذا .. .. هذا المان ..

الإمضاء .. مره تانية ..
ارنست أرجانوس جبران ..
و الطيب رحمة قريمان ..
+++

.
هذه نقطة هشام .. اللى بيرفع بيها البوست ..
أها عشان خاطرك .. عملت ليك نقطة ..
لا .. ما .. النقطة التانية .. يا أخى بعد الشر عليك ..
وعمومياً .. أهديك هذه الأغنية الجميلة ..
للفنان المبدع .. محمد الأمين
.. قالوا متألم شوية .. يا اخى بعد الشر عليك ..


أخوك العجوز ..
ارنست
+++