جبنة سلافه والحنين لعالم الجميلات وأنت ماعارف عايز من دنياك شنو !خستكه#

00:35 AM Apr, 18 2015
سودانيز اون لاين
زهير عثمان حمد-ï؟½ï؟½ï؟½ï؟½ï؟½ -ï؟½ï؟½ï؟½ï؟½ï؟½ï؟½ï؟½
مكتبتى فى سودانيزاونلاين





تعرفوا مجتمعكم السوداني فيهو العجايب والغرايب ونحن شعب رهيب وخاصة اللي عايشين في الداخل في الوطن يعني وتحديدا العاصمة القومية وكمان في الحتت الراقية ديك ما ح أشار عليها عشان تاني يعزموني وما أتعرض
لحرمان ويقولوا أبو الزهراء كان معنا ومشوا فكنا عكس الهوا للجماعة في المنبر العام والله هم لا بقروا ولا حاجة بس سماحة جمل الطين أتصلت بي خديجة وهي ناشطة في مجال حقوق الانسان لا حقوق النسوان بالتخصوصية دي كدا
لانها محامية نسوان مهووسة بقضايا الطلاق والنفقة وعندها كل المطلقات مظلمات ظلم الحسن والحسين بس ساي لو قلت فلانه عايزة تتطلق خديجة نزاعات بتكون اول من أتصل وقدم خدمتو ليها ا لمهم أتصلت المحامية الكحيانه دي
بي وأنا خلاص مارق من البيت للقهوة والمساء والسهرة وبلغة اهلي المحس قالت (زهيرون)
قلت نعم خديجة نزاعات معك أخوك المناضل الصغير زهيرون خير
* وينك أنت التلفون حقك دا ما بتسمعوا ولا شنو؟
والله بسمع التلفون وغيروكمان بسمع في شنو
* انت عندك شنو الليله
والله ماشي أشرب قهوة في الشهداء وبعدها منطلق الي حيث الاحباب ووبهجة الاماسي الكوحلية مالكم عندكم شنو الليله يا جكس الجدية الناشف بس تقول عكاز خير انشالله
*والله عندنا لمة ظريفة وقهوة وشوية غنا وقرايات شعرية تعال لينا عليك الله اتونس
تمام اللمة وين
*فاناىما بعيدة ممكن بركشة تصلني
خلاص جاي عرفت باي
أخوكم قال قهوة بت أحمد أنسها الليله وكل يوم وكل الاسبوع كمان ما جاية خليك مع الجكس النضيف ومعاصر دليل الذ ناس في العاصمة متخلييين أنو هم سبب دورة الحياة في المجتمع دا أمشي مارس أمراضك وأمكن
تكون ليلة من لياليك البديعة مشيت لقيت توتا وتهاني والريله والمذيعه المشهورة ديك وبت عطبرة السمحة وكان لفيف من المناضلات والعاملات في المنظمات والحقل الصحي غايتو نسبة المطلقات وسط العشرة ديل
خمسين في الماية والعازفات عن الارتباط هن البقية الباقية يا سلام المغنية كمان من نجوم الغد جنس جضوم بس قالب جلي أدفق في طبريزة والله نسبة الرجال كانت تلاته قصاد عشرة أنا والود الرسام معز وعازف الاروغ
ولا في حبشي متخصص تحضير شيشه دا ما محسوب لكين موجود معنا
المهم كان الاستقبال حار غيبه يا ابوالزهراء والله مشاغل وكمان الدنيا معي ما شغالة كويس مشاكل وفلس وحظ زي الطين يا بنات بس انا صابر وقابض علي جمر الحقيقة والله لا في حقيقة ولا شيء كلنا بتاعين شعارات
وحركات ساي !!!
بدات السهرة المخملية دي بالتعارف فلانه من بنات الحتانه شغالة في اليونسكو فلانه من الرياض شغالة منظمة العمل الدوليه علانه من الطائف شغالة صيدلانية في شركة الرحمة فلان محامية وناشطة متفرغة للعمل الطوعي
وست البيت وصدر المجلس أسمها قالت من خلال التعارف روجينا ماهي فعلا مجموعة جميلات في زوله واحدة أخوكم بقي بس زي القاعد قدام شاشة بلازما ما قادر أرفع عيني منها ألله يكتلك يا خديجة نزاعات بعد ما حددت
خياراتي في بنات حوا عايزني أنحرف تاني وب علينا لما الجمال يتربع وسطنا ما بنموت حسرة من العلينا بالجد رجعت زي خمس وعشرين سنة بقيت مراهق استخدمت كل ادوات وخبرات الذكورة التراكمية عشان احقق ود
مع الجميلة ست اللمة و أخوكم بقي بس سمسار في قعدة بيعة أخر كلام بكل ادوت الاقناع والوسائل الفكاهية الممكنة أحي ياقلبي الود الرسام عامل شغل قبلي لكين ما حريف أخوكم جاب قلوب القعدة كلها في السياق حقو بمهارة
منقطعة النظير حكايات الجامعة ومغامرات المكاتب والحفلات وكمان لغة العيون وفصة رقصة التانقو في قاهرة المعز والغنية تعني مقطع وأنا أطلب أغنية يا قلب أن كنت قايلك تعبت أحي يا قلبي تعرف بت حوا ديل يوم بودونا
الاخرة بس برشة عطر خليكم من الغزال والرقة وبهجة الرقيص وكرم الضافية أنكروا ما نسيت ناس الدكتور وحلتو التافه ديك مرة كوراع ومرة جداد ومرة فول مطبوخ خلاص لقت بهرج الدنيا يا دكتور انت خليك مع وهم
البهجة الرجالية المملة اتصل الدكتور مالك اتتاخرت وينك ردت عليهو الليلة انتو اوف ما معكم أنا باي دكتور بطري ما أدمي شكبني امراض القرود زي البني ادمين قال دكتور وهوشغال في مزرعة دواجن يا قوم لف انا
ما فاضي ليكم الليله أقوم من معبد الجمال امشي للوثنية العديلة بالله تصبح علي خير فقلت التلفون لا انت يا دكتور لاغيرك هو انا قادر اغادر المكان ذاتو !!
ياسلام لما واحد قالت اها أنتو كيف مع الانتخابات واليوم الاجازة والله انا كنت سهرانه في الاسكايب مع جكس جديد عايش في النمسا لحدي قريب الفجر لما بابا مارق للصلاة انا كنت خلاص عايزة انوم أموت انا يا خي بابا ذاتو
يصحي بدري كدا ليه ! قضيت اليوم كلو نايمة بقلبي نوم العافية زي ديل فعلا بستحقوا ينوموا لكين زي ناس حسون انشا الله بسهر الجداد يا حسون نوم شنو ليك يا مرض قال شنو هو انسان جميل والله الجمال في وداي وانت في
بير
تعرفوا انا يوميا بكون من أهل الراح لكين الليله كنت من سكران جمال ورقة وهبوب العطور الباريسية عمل لي أنشرح في سويداء قلبي المحزن يا خي أقول شنو ولا أشرح شنو لما قامت رقصت ما حصل لي أنهيار كامل ما قدرت
اتمالك اعصابي بس بقيت زي المتابع هداف برشلونه وهو منفرد بالقون الله يرحمك يا امي والله بكيت كذا من الحرمان بعد ما طلعت من لمة الجبنة دي قلت بالله حسي انت عايش وديل عايشين زينا ناس بالجمال دا والرقة والفن
دا ما عندهم اي نوع من المعاناة غير الوحدة والوقت الطويل الفاضي بعد الشغل تعال شوف الشنين ناس الدكتور بالله الواحد مبرمج من الصباح يجري المزرعة ويرجع ينوم زي الفيل وبالليل يقعد يشرب السم وكمان يغني بالعود
العود اللي كسروا في راسك ياخي انا خلاس ح ارجع تاني بتاع جكس مريض جدا وأعززعلاقاتي بالجميلات في المجتمع المخملي عسي ولعلا أكون اهل الجكس المميز
انا حزين لان قضيت عمر بعلب في الشارع وكمان كرة شراب وخلاس عايز ارجع الملاعب المكيفة
أناأعشق للجميلات فهلا-شاركتموني هذاالعشق الجميل !
والله يا أبوالزهراءانت ما عارف ذاتو عايز من دنياك شنو
المهم قبل نهاية الليلة اخوكم اصر وعزم كل الشباب في البيت ليلة الاتنين الجاي عشان يتواصل الجمال معي واكون من اهل التواصل المستمر مع جميلات مجتمعنا الخرطومي
دعواتكم لي بالنجاح في الانخراط في مجمتع الخير والجمال ولمات البهجة البرئية دي !!!!!!
أنا نعست زاتو باي شباب دا شنو واتساب ولا المنبر ؟