ويقام المأتم بالنادي الكاثوليكي .... شعبي يا معلم (فيديو)

08:12 AM Apr, 17 2015
سودانيز اون لاين
محمد إبراهيم علي-Wagadugu
مكتبتى فى سودانيزاونلاين

ود الباوقة



نجضت خلاص

اذكروا محاسن موتاكم يا هندسة

زي ما قال احدهم يا معاوية (جنازة تشهي الموت) هههههههههههههههه

تعرف يا محمد، الناس الفي الفيديو دا ومن الحتة المصورين فيها دي
لما يشيعوا الحزب الوثني،، هنا فقط وبالجد على النظام أن يتحسس طائراته الأنتونوف
الموضوع صبح بعييد من إعلان باريس ونداء السودان، دا طالع من اللحم الحي

ما رشح يا معاوية ان البشير غاضب جدا ممن ورطوهو في هذه المسخرة
الضحايا المتوقعون غندور ومصطفى شيفون وشلتهم ومساعديهم وربما الحزب كله :)

إنا لله وإنا إليه راجعون...

الفاتحة...

انا ماشي افتح لي بوست للتعازي

يا سيف المرحوم سبلناهو لانو ود حرام

الموت حق والحياة باطل

التعازى لكل آل كوز

بدون فرز فى الداخل

والخارج وخصوصا

زملاء البورد .

على الباشمهندس بكرى

تسويد المنبر .

البركة فيكم أخونا محمد ابراهيم

ويا هو حال الدنيا

تعرف يا هندسة
معلمة الشعب السوداني اتجلت حقيقة في ايام الانتخابات
لا مظاهرات ولا مسيرات

الغضب الضاحك

السخرية القاتلة

دي اقوى من الانتينوف


ما حنطلع مظاهرات

ولاحنعمل مليشيات زيكم

لكن حنضحك عليكم لمن تموتو بي غيظكم

Quote: الناس الفي الفيديو دا ومن الحتة المصورين فيها دي

دي بالذات الحتة الحيرتني وأنا بشاهد في الفيديو مرات ومرات
ديل ما ناشطين سياسيين ولا شيوعيين ولا ناس مدعومين من الخارج وبنفذوا أجندة أجنبية
ناس من بسطاء الشعب لابسين سروال وعراقي وصديري ووراهم بيوت جالوص يعني في الغالب حيكونوا ترابلة ولا رواعية
لا في إخراج لا فن تصوير ولا حتى زول بوجه فيهم
لما اليأس السياسي يوصل الطبقات الكادحة في الأرياف ويعبروا عنه بالطريقة دي ليس على البشير أن يتحسس أقدامه بل عليه الترجل فوراً

شكرا ياهندسة
فيديو هدية للأصم أولا
ومن ثم جماعة الشجرة
الله لا يرحمها
كيفك
الشفيع

دراما واقعيه لما تمتلى به النفوس من غبن
ربنا يورينا يوم الفرحه الجد

طبعاً كل فرد له الحق في التعبير عن رأييه بالصورة التي يريد حتى وإن كانت دراما إعتباطية من عشرة أشخاص تعبر عنهم فقط

موضوع أن يبنى على هذا العمل الدرامي الإعتباطي لعشرة نفر نتائج واقعية هو ضرب من الإعتباط لا غير


و المحك الحقيقي والنزال الجاد هو في ميدان صناديق الإقتراع

كلما طال عهد هذا النظام عريت سؤاتهم وازداد ملل الناس وكراهيتهم له

الموت الرحيم احسن ليهم

القومة ليك يا شعبي

الجماعه ديل يا هندسه لو ما فهموا بعد ده كلو

يكون نافد فيهم قدر

والمكتوله ما بتسمع الصيحه

يا جمال المرحوم كان سئ الخلق لصا وقاطع طريق فتبرأ اهله منه
ودلوقت ما لاقين حتة يفرشوا عليهو فيها :)

دكتور محمد حسن
يخي انا بعيد عزي لي ود الباوقة لكن ما تدفع في الكشف :)

فعلا يا احمد عمر ناس من غمار الشعب ارسلو رسالة بليغة جدا ان الوعي وصل
وان اللصوص مكشوفين حتى لرعاة الضان في الخلاء
شعبنا معلم

يا الشفيع طبعا اهلنا في الجزيرة ما مقصرين
الحافلات واقفة وما في زول بيركب
ردوا عليهم بالتجاهل وبما يستحقونه من لعنات

والاروع يا عمر دهب انها جاءت من ناس ليسوا محترفي سياسة ولكن مواطنين عاديين
وده مؤشر جيد بخلي الواحد يتفاءل

فرانكلي البركة فيكم وانا عارف الحاجات الزي دي بتحرقك لكن بقول ليك :
لا يمكن التخلص من الاوغاد عن طريق الانتخابات لاننا لم ننتخبهم اصلا.

يا عمر الفاروق هؤلاء الاوغاد كل يوم لهم فضيحة تمشي على رجلين
يخادعون الله وهو خادعهم

طلحة بركة بالانتخابات الجابتك راجع
اهلنا بقولو المكتولة ما بتسمع الصايحة
المؤشرات كانت واضحة وبتوري نتيجة الانتخابات دي ومآلاتها لكن ربنا اراد لهم الفضح على رؤوس الاشهاد

البشير علي صفحته في الفيسبوك كتب
يشعر بالمغصة

اللايكات وصلت عشرة مليون من الطلتاشر القالوها

الباقين عملوا شير

تحياتي أخ محمد إبراهيم
.

Quote: ا رشح يا معاوية ان البشير غاضب جدا ممن ورطوهو في هذه المسخرة الضحايا المتوقعون غندور ومصطفى شيفون وشلتهم ومساعديهم وربما الحزب كله :)

إذا عليه هو وحده تصحيح وضعه والخروج من مستنقع المسخرة والمهزلة إن كان حقا قد وقع فيها وهو مسلوب الإرادة أو ضحية حسابات مغلوطة أو إستشارة مضروبة

عليه إذا
أن يستقيل أ ويذهب والإ أصبح التسريب ( المقصود بالكلام- طبعا- مصدر التسريب) والإ أصبح التسريب - مجرد تجميل وجه ومحاولة لوضع البشير علي مسافة من بقية قيادات الإنقاذ وخط حزبه - عملا بديباجة " والله ا لرئىس كويس ولكن العيب فيمن حوله " والمشكلة في حزبه فقط !
والحقيقة أن البشير يمثل رمز وتجسيد لكوارث الحزب الحاكم فالرجل ظل متشبثا بالكرسي منذ إنتخابات كيجاب - وقام بتعديل دستور 98 الذي حدد مدي الرئاسة بدورتين البشير مسؤول شخصيا عن كثيرا من الفظائع - وهو علاوة علي هذا فاقد المصداقية وكاذب ومتناقض وحانث للعهود وناقض للتعهدات .. . الكارثة والمسؤولية ( بما فيها الفضيحة الإنتخابية) تقع علي الإنقاذ حزبا وقيادات ورئيسا!

-

انتخابات مسخرة
شوف الدجل ده كيف الزول اب دقن ده هو مدير التخطيط العمراني في ولاية الجزيرة

البشير يا كمال كما قلت هو وحده المسؤول عن ورطته
المجتمع الدولي عرض عليه ان يكون رئيسا لفترة انتقالية وبرضاء معظم الاحزاب والحركات المسلحة
ولكنه رفض بعد ان زين له غندور ومصطفى شفون ان الانتخابات هي الخيار الافضل فرد عليهم الشعب السوداني هذا الرد المفحم
وفضح انتخاباتهم المهزلة والمفضوحة
يللا يشيل شيلتو لا الصين ولا روسيا ولا الاتحاد الافريقي بيعفوهو من الديون ولا بيقدرو ينقذوهو من المحكمة الجنائية

وسونا تخج على كيفها لكن فضحت نفسها بنفسها ههههههههههه


644877 عدد المقترعين مقسوم على 1733289 عدد المسجلين مضروب 100 زي ما قرينا زماااااااان مفروض النتيجة تطلع 37.2%
لكن سونا ولغرض تعرفه هي رفعت النسبة الى 41% اللي ما معروف جابتها من وين

من اجمل ما شاهدت في حياتي.....

رسالة في الصميم للمؤتمر اللاوطني وبعفوية وظرف مبالغة.....الله يدينا ويديكم العافية

السلام عليكم محمد وضيوفه وشكرا علي ايراد هذا الفيديو اللطيف جدا

الجنازة رسالتا واضحة تب وفي الصميم
الا التهليل (لا اله الا الله).. غير مناسبة
او بالاصح ما بتستاهلا لأنها شجرة خارجة عن الملة
كان واحد يقول تهليل
والبقية يرددو
(هَلّا هَلّا)

Quote: طبعاً كل فرد له الحق في التعبير عن رأييه بالصورة التي يريد حتى وإن كانت دراما إعتباطية من عشرة أشخاص تعبر عنهم فقط

كيف يعني تعبّر عنهم فقط؟
أحسبني معاهم، يعني تعبّر عن حداشر ............ تجي نعمل إستفتاء في البوست ده يا فرانكلي؟

يعني يا أبوحميد هو حساب ولا كوار؟

النسبة المئوية الطلعت بقدرت قادر من 37 في المية لـ 41 في المية دي ساااااهلة...

أها المشكلة الساعات التلاتة إرتفعت لخمسة كيف؟

حسب الحساب الأصم مددها ليهم ساعة..
هم من عندهم أضافوا ليها ساعتين.. فبقن تلاتة...

وسونا أضافت ليهن ساعتين لزوووم الخجخجة...
وبكده يكونن الساعات وصلن لخمسة..
موش في أصم مسعول من الخير!

صدق الليبي القال: "تجي تفهم.. تدوخ!"

Quote: ..........النسبة المئوية الطلعت بقدرت قادر من 37 في المية لـ 41 في المية ...........

الناس دي ما بتغلط
يا الطريقة الحسابية الاتبعتوها قديمة
يا ميتكم ....... ناقطة

سلامي لك اختي فريدة محجوب

يا محمد ياسين سونا طلعت ما خجاجة سونا طلعت بليدة وما بتعرف الحساب ههههههههههههههه

يا عبدو هل يجوز دفن الشجرة في مقابر المسلمين
ام تحرق بالطريقة الهندوسية :)

لجنة الانتخابات في سوكرتا شغالة بطريقة (ليس ليس يطلع كويس)




اول كتبو عدد الاصوات الصحيحة 255 ولكن الخجة لم تظبط لانو بشة كتبوهو 295
قام ليسها 306 حتى دي اقل من عدد الاصوات المرصودة لجميع المرشحين

المَخرج كان في التأجيل،
لكن فآت الأوآن واللِنكتب علي لحاء الشجرة بان،
فاااات، فاااااات ...

برضو ليس ليس يطلع كويس
اضافة مائة صوت بتعديل عدد المقترعين لتصليح النسبة

سلام و تحية لصاحب البوست و ضيوفه ، ، ،

رغم أن مسألة الإنتخابات في مجملها لا تستحق الوقت المهدر في الكتابة عنها، و رغم أن كثير من الكتاب لم يهتموا إلا بما رشح عنها من قصص مضحكة مبكية علي مواقع التواصل ، ، ،

إلا أن هذا الفيديو لخص حالة المواطن البسيط الذي لا يشتغل بحسابات السياسة و هنا تكمن خطورة هذا المشهد.

مشهد اخر يلخص حالة النظام و البلد تجلي في صورة أتي بها أحدهم ليدعم أن الشعب أقبل علي الإنتخابات بكثافة، و في غمرة انشغال عقله المغيب بعدد أفراد الشعب في صف الإنتخابات لم يري خليفة الصورة (مدرسة آيلة للسقوط) و التي تناقض تماماً الهدف الذي يسعي إليه.

ما خرجت به من هذه الإنتخابات هو فيديو و صورة و الباقي تحصيل حاصل و معركة في غير معترك ، ، ،

و ما بين الفيديو الذي يوضح بجلاء رفض أفراد الشعب البسطاء لهذا النظام ، ، ،

و صورة المدرسة التي استخدمت كمركز انتخابي ، ، ،

نقول: ثم ماذا بعد هذا؟!