Post: #1
Title: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-14-2015, 08:27 AM
07:27 AM Apr, 14 2015
سودانيز اون لاين
توفيق عيسى مكي-
مكتبتى فى سودانيزاونلاين
في العام 2011 رحل الوالد الشيخ عيسى مكي ازرق وكان يمثل ركنا مهما في الحركة الاسلامية السودانية (امين سرها)
لهذا كان تشيعه بمقابر حلفاية الملوك حدثا لم تشهده من قبل اذ ان كل الاطياف الاسلامية والسياسية كانت حاضرة
ولمن فاتهم التشييع بالمقابر استمر حضورهم قرابه الشهر للعزاء بمنزلنا
|
Post: #2
Title: Re: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-14-2015, 08:37 AM
Parent: #1
شيخ العرب صاحب الرحيل المر عليه رحمة ونور وقد بكيناه بالدمع السخين العوض المسلمي الكباش و اول من تعرفت به من الكباشي عندما طلب مني السيد الوجيه السر مصطفى صاحب الحوش في الكرين ان التقيه واجلس معه وحكى لي انه يريد ان يسافر لكوريا الجنوبية لظروف في تلك الايام المت بتجارة السيارات اضرت باهلنا الكبابيش فتركوا كرين بحري وانتشروا باسواق شتى
وفعلا التقيت به وكان ان سافر لكوريا الجنوبية ووقفت معه الى ان وصل لما وصل به الحال وحفظنا الود لاخر يوم من حياته ولم اخاطبه يوما الا باخوي العوض
|
Post: #3
Title: Re: يا أهل الكباشي ...!!؟ .. الشينة منكورة
Author: muntasir
Date: 04-14-2015, 08:45 AM
Parent: #2
يا زول انت ما نصيح ساعد نفسك قبل ما تجي تنفخ لينا هنا يعني داير شنو يدخلوك في الورثة ولا يدوك حقك زي حقك الدايرو من علي عثمان عشان ابوك عليه الرحمة فتح كنتين الحركة الاسلامية
|
Post: #4
Title: Re: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-14-2015, 08:47 AM
Parent: #2
ثم اتاني اخي عبد الوهاب الكباشي وحكى نفس الظروف ثم الجيلاني ثم كثير من اهلنا ناس تلك المنطقة
ثم ...
اشتهرت الكباشي بتجارة السيارات الكورية المستعملة بالبلاد
ثم ...
رجع لكرين بحري الذين غادروه من اهل الكباشي وقويت شوكتهم واذدهرت تجارتهم
ثم ...
امعانا في الود والصلات بيننا اشترينا مزرعة بديارهم حتى نحس انهم منا ونحن منهم ونعرف قيمة الارض لديهم
ثم ...
حصل لي انهيار في تجارتي ودخلت السجون وغادرت البلد لاجئا ومشردا ثم عدت
|
Post: #5
Title: Re: يا أهل الكباشي ...!!؟ .. الشينة منكورة
Author: وضاح عبدالرحمن جابر
Date: 04-14-2015, 08:57 AM
Parent: #4
ربنا يرفعك من الانهيار ده ... شكلو كان انهيار قوى شديد
|
Post: #6
Title: Re: يا أهل الكباشي ...!!؟ .. الشينة منكورة
Author: ود الباوقة
Date: 04-14-2015, 09:00 AM
Parent: #5
عنوان البوست متزمزغ
|
Post: #8
Title: Re: يا أهل الكباشي ...!!؟ .. الشينة منكورة
Author: abubakr salih
Date: 04-14-2015, 09:04 AM
Parent: #6
يا جماعة بالراحة، بالراحة. بالمهلة.
العوض زاتو كان ح يقول ليك بالراحة على اخوكم.
ارجو سحب المداخلات القاسية و تدبر الموضوع بطريقة اخرى.
|
Post: #7
Title: Re: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-14-2015, 09:01 AM
Parent: #4
عدت وابتديت رحلة العودة من تحت الصفر والحمد لله الى اكرمني الله وعدت بمجال اخر بعيد عن الكرين والتجارة الخارجية واحتفظت بودي للجميع
لمارحل الوالد عليه الرحمة ومع كمية الجموع التي حضرت افتقدت اهلنا من الكباشي ومن حسن الظن بالناس وضعنا العذر بانهم لم يسمعوا مثلا
واستمرت الحياة هكذا ...
ولم التقي بواحد منهم بعدها عزاني او اظهر تعاطفا لما حدث لي
|
Post: #9
Title: Re: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-14-2015, 09:11 AM
Parent: #7
ومع كل ذلك كلما اسمع بمناسبة فرح او كره بالكباشي اكون مبادرا باداء الواجب
ويشهد اخوي العوض عليه الرحمة واخوانه بذلك ولن اغير من اخلاق اهل البلد المأصلين
وكنت حاضرا بصيوان عزاء اخر الراحلين شيخ العرب العوض
|
Post: #10
Title: Re: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-14-2015, 09:18 AM
Parent: #9
يا أهل الكباشي .......
انه صوت لوم وان طال عليه الامد
وقيل في المثل :
الما دارك ما لامك ولا وما رادك ما لامك
|
Post: #11
Title: Re: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-14-2015, 09:23 AM
Parent: #10
لبعض المتداخلين بالبوست يمكنني الرد عليكم بالفظائع
ولكنني ....
افتح صفحة محنة وود في هذا البوست
ارجو من الجميع تفهم ذلك
|
Post: #12
Title: Re: يا أهل الكباشي ...!!؟ .. الشينة منكورة
Author: صديق الموج
Date: 04-14-2015, 09:31 AM
Parent: #11
Quote: لبعض المتداخلين بالبوست يمكنني الرد عليكم بالفظائع
ولكنني ....
افتح صفحة محنة وود في هذا البوست
ارجو من الجميع تفهم ذلك |
نوفيق يا اخوى النجيضة محنتك محنة العدو والهدو وودك وود اليابه والتابه
يا ود القبائل العتاب هو اصلاً مر فالانسان بتخير ليه خفاف الالفاظ والزمان
والمكان والا اتحول الى ذم دحين نصيحة من زول كبييير اسحب البوست
ده وارفع التلفون لاخوانك ديل ونصيحتى الاخيرة ليك كلام اهلنا ده:
طبع الطير يطير ويرجع علي مأتاه
والزول ان عدم بعقب علي الختاه
السر مامرق كان سيدو ماغتاه
كعب الما عطا وكعب العطا ونتاه
|
Post: #13
Title: Re: يا أهل الكباشي ...!!؟ .. الشينة منكورة
Author: هشام عباس
Date: 04-14-2015, 09:36 AM
Parent: #11
| Quote: الما دارك ما لامك ولا وما رادك ما لامك |
دا ما لوم يا توفيق اخوى دا شيل حس عديل
|
Post: #14
Title: Re: يا أهل الكباشي ...!!؟ .. الشينة منكورة
Author: مامون المعتصم أحمد
Date: 04-14-2015, 09:40 AM
Parent: #10
أخونا توفيق
أحسن الله عزاءك في الوالد الكريم ...
و الحمد لله على إكرامك بصبرك على بلائه
و عودتك إلى وضعك الذى أرضاك ..
و أهلنا في الكباشى إن شاء الله يعاودوك و يواصلوك
بأحسن مما كان ... و رحمة الله تغشى أخونا العوض
المسلمى صبحاً و مساءاً على قيام الساعة ..
بس تفتكر لو كلمت أهلك أهل الكباشى عديل ما كان أحسن
من هنا ؟؟؟ و لك العتبى حتى ترضى ..
أدام الله المحنة و الود بين جميع السودانيين .. آمين
|
Post: #15
Title: Re: يا أهل الكباشي ...!!؟ .. الشينة منكورة
Author: عبد العزيز محمد عمر
Date: 04-14-2015, 09:47 AM
Parent: #14
أعتقد أن الوقت غير مناسب للحديث عن ملامة
|
Post: #16
Title: Re: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-15-2015, 08:26 AM
Parent: #15
| Quote: أعتقد أن الوقت غير مناسب للحديث عن ملامة |
لأ .. مناسب
ما اللوم بجي في المناسبات
.
.
===
كل ما نكتب حاجة في سودانيزاونلاين وتكون اصل مأصل من عاداتنا السودانية السمحة تطلوعني كعب
دي كراهية لله في لله ولا شنو
|
Post: #17
Title: Re: يا أهل الكباشي ...!!؟ .. الشينة منكورة
Author: ismeil abbas
Date: 04-15-2015, 08:57 AM
Parent: #16
ألأخ/توفيق ....السلام عليكم...
| Quote: دي كراهية لله في لله ولا شنو |
لا أعتقد أن هناك شخص يكره فى الله لله..وإنما نحب شخصاً فى الله ونسأل الله أن يجعلنا جميعاً نحب بعض فيه.......
ما قاله لك ألأخ/عبدالعزيز الشغيل الذى نعرفه لايدل على كراهية وإنما توضيح حال فقط... والناس كلها بتذكر فى محاسن أخونا العوض له الرحمة والمغفرة. ألأيام هذه لأنها أيام حزن لنخفف عن بعض.....
والعنوان نفسه الشينة منكورة ما جميل فى مثل هذه المواقف.....
نحن هنا نلتقى عبر ألأسفير وغداً قد نلتقى فى الواقع ونتعارف ونفترق بلا لقاء..كحالة أخونا العوض المسلمى وحتى لومك لأهل الكباشى يجب أن يكون لهم مباشرة ما تنشره هنا ليعرف الغاشى والماشى.....أنت أخ عزيز نكن لك إحترام ومودة والنصح واجب وإن رأيت غير ذلك فهذا شأن آخر...
لك التحية مجدداً لك ولجميع المتداخلين وخالص ألأحترام.
|
Post: #18
Title: Re: يا أهل الكباشي ...!!؟ .. الشينة منكورة
Author: توفيق عيسى مكي
Date: 04-15-2015, 09:14 AM
Parent: #17
| Quote: أنت أخ عزيز نكن لك إحترام ومودة والنصح واجب |
شكرا اخي اسماعيل
عشانك ...
برجاء اطلب من الاخ الباشمهندس بكري ابو بكر بسحب البوست
|
Post: #19
Title: Re: يا أهل الكباشي ...!!؟ .. الشينة منكورة
Author: ismeil abbas
Date: 04-15-2015, 09:36 AM
Parent: #18
يا سلام عليك يا أصيل....أشكرك.........وده العشم دائماً ..
|
Post: #20
Title: Re: يا أهل الكباشي ...!!؟ .. الشينة منكورة
Author: علاء سيداحمد
Date: 04-15-2015, 09:53 AM
Parent: #18
الاخ / توفيق عيسى مكى تحياتى
الرحمة والمغفرة لوالدكم ولعوض ,,
بصراحة انتا ذكرتنى فترة من اسوأ الفترات التى مرت على السودان ( فترة سوق الكرين ) وتجارة السيارات المستعملة
عصر شيوع الربـــــــــــــا فى المجتمع السودانى بمباركة الحكومة .. حتما لو امد الله فى الاجال سنكتب عن تلك الفترة المظلمة
من فترات هذا النظام الهالك .
|
Post: #21
Title: Re: يا أهل الكباشي ...!!؟ .. الشينة منكورة
Author: مني بت نفيسة
Date: 04-15-2015, 09:59 AM
Parent: #20
التحية للجمييييييييييع ..
انا كنت حاسه بانو توفيق دا وراهو شئ غريب بذات لما بدآ يشكر في الحكومة وبشوف هي الاحسن
ولا السودان ببقي زي سوريا والعراق واهو اتاكدت لي ليه قال الكلام دا !!!!! غايتو شن نقول
غير الله المستعان !
كمان ما ننسي العين بتبكي النفع !!
وبقينا نبكي علي الربا !!!!!!!!!
Quote: وتجارة السيارات المستعملة
عصر شيوع الربـــــــــــــا فى المجتمع السودانى بمباركة الحكومة |
|
Post: #22
Title: Re: يا أهل الكباشي ...!!؟ .. الشينة منكورة
Author: مني بت نفيسة
Date: 04-15-2015, 10:18 AM
Parent: #21
الآخ العزيز ## علاء سيد احمد .
لك التحية والتقدير ..
بتمني منك اخي علاء ان توضح لنا هذه الفترة المظلمة التي اعتبرتها من اسوأ الفترات لكي نعرف من هم ابناء الحركات
الاسلامية دعاة القييم والاخلاق !!!!!!!
Quote:
بصراحة انتا ذكرتنى فترة من اسوأ الفترات التى مرت على السودان ( فترة سوق الكرين ) وتجارة السيارات المستعملة
عصر شيوع الربـــــــــــــا فى المجتمع السودانى بمباركة الحكومة .. حتما لو امد الله فى الاجال سنكتب عن تلك الفترة المظلمة
من فترات هذا النظام الهالك . |
|
Post: #23
Title: Re: يا أهل الكباشي ...!!؟ .. الشينة منكورة
Author: علاء سيداحمد
Date: 04-15-2015, 10:37 AM
Parent: #22
Quote: بتمني منك اخي علاء ان توضح لنا هذه الفترة المظلمة التي اعتبرتها من اسوأ الفترات لكي نعرف من هم ابناء الحركات
الاسلامية دعاة القييم والاخلاق !!!!!!! |
الاخت العزيزة / منى بت نفيسة تحياتى
ان شاء الله سأكتب عن تلك الفترة الهالكة السودان فى تاريخ السودان الحديث والاخ / توفيق
ذكرنى شيئا كان نسيا منسيا ..
|
Post: #24
Title: Re: يا أهل الكباشي ...!!؟ .. الشينة منكورة
Author: مني بت نفيسة
Date: 04-15-2015, 10:48 AM
Parent: #23
Quote:
الاخت العزيزة / منى بت نفيسة تحياتى
ان شاء الله سأكتب عن تلك الفترة الهالكة السودان فى تاريخ السودان الحديث والاخ / توفيق
ذكرنى شيئا كان نسيا منسيا .. |
تسلم اخي علاء يجب التوضيح لكي يعرف الجميع ولكي لا تتكرر الماسئ .. وربنا يخدر ضراعك وقلمك ما ينكسر .
ونحن فلي الانتظار ...
وشوشة : شوف زي ديل ربنا عامي بصيرتهم يا كافي البلاء فضايحهم بايدهم محضرة !!!
|
Post: #25
Title: Re: يا أهل الكباشي ...!!؟ .. الشينة منكورة
Author: ياسر منصور عثمان
Date: 04-15-2015, 11:58 AM
Parent: #24
رغم ان صاحب البوست طلب حذفه إلا اننا نقول :
الشينة مستورة
خصوصاً إذا جاءت من ناساً عزاز
واهل الكباشي ناساً عزاز بالحيل .....
|
Post: #26
Title: Re: يا أهل الكباشي ...!!؟ .. الشينة منكورة
Author: الزبير بشير
Date: 04-15-2015, 01:18 PM
Parent: #1
بوست يحول الي مركز صحي الوات ساب
الحاله غير محتاجه للعلاج و المتابعه من المستشفي المركزي سودانيزاون لاين
الزبير
|
|