لو عنـــدك إجـــــراء حكومي

11:09 AM Apr, 12 2015
سودانيز اون لاين
Adam Youssif-Jeddah, Saudi Arabia
مكتبتى فى سودانيزاونلاين



إتعشى كويس.. ونوم بدري اصحى مع بتاع اللبن
البس هدوم مريحة شيل اوراقك كللها وصورها 14 مرة شيل شهادة ميلادك وشهادة وفاتك(يعني إنت اسي عايش؟)
شيل شهادة الجامعة وشهادة الإبتدائي والروضة لو موجودة ..شيل شهادة سكن وشهادة شكر وتقدير واي شهادة ادوك ليها من ولدوك ..
شيل صوره ملونه وصورة ابيض واسود وصورة سيلفي
وشيل معاك كاميرا إحتياطي شيل الرقم الوطني ورقم جلوسك ورقم المنزل ورقم العداد.. ورقم الجيران شيل فصيلة الدم وشيل حبة دم في كيس ..
شيل قروشك كللها... ودهب امك وإتدين من بتاع الدكان وماتنسى فكة للدمغاات بتاعة الجريح الحلف مايموت .
شيل كرتونة اقلام عشان حيستلفوهم منك هناك وماحتلقاهم.. شيل معاك عمود اكل ...وزمزمية وفرشة وبجامتين..
وشيل الصبر وشيل الفاتحه وشيل شيلتك وإتخارج ..