سرقة مجوهرات ب 200 مليون أسترليني في لندن و تحقيق في السودان

06:41 AM Apr, 11 2015
سودانيز اون لاين
نعمات عماد-khartoum
مكتبتى فى سودانيزاونلاين




ألوان ( 11-04-2015 )

تحية طيبة لك أخت نعمات

غايتو السودان وقع وقعة عجيبة
الشاردة والواردة بقت كان ما اقترنت
بإسم السودان مايكون ليها وجود

ده جنسو شنو ده ؟؟؟

عليك الله يقولو فيهو شنو ؟؟؟

عنداللفة بس :
----------
كتروها ومسخوها عديييييل

Quote: تحية طيبة لك أخت نعمات غايتو السودان وقع وقعة عجيبة الشاردة والواردة بقت كان ما اقترنت بإسم السودان مايكون ليها وجود ده جنسو شنو ده ؟؟؟ عليك الله يقولو فيهو شنو ؟؟؟ عنداللفة بس : ---------- كتروها ومسخوها عديييييل

مشكور أخي منير على التعضيد بالإقتباس

Quote: غايتو السودان وقع وقعة عجيبة الشاردة والواردة بقت كان ما اقترنت بإسم السودان مايكون ليها وجود ده جنسو شنو ده ؟؟؟ عليك الله يقولو فيهو شنو ؟؟؟ عنداللفة بس : ---------- كتروها ومسخوها عديييييل

سلام أستاذ معتصم سليمان

المصائب كترت و أتنوعت . قبل كم يوم قضية إبتزاز في الصحف البريطانية

و قبلها سفر الطلاب السودانيين لداعش و الآن هذا .

هل هذا نصيبنا من العولمة ؟

قصة سرقة تنفع فيلم سينمائي

دبروا حريق يلزم شرطة الدفاع المدني لقطع الكهرباء عن المنطقة لكي يدخلوا إلى المستودع.

ألذ حاجة التصريح بأن اللصوص كانوا بداخل المبنى عندما جاءت الشرطة لمكان الحادث وخرجوا دون أن يشعر به أحد.

فضيحة .... شرطة بريطانيا مغفلة . ينفعوا بس للتصريحات وكل واحد يعدل كرفتته عشان يظهر بصورة جميلة أمام الكاميرات.

بعدين تصريح الشرطة الساج بأن اللصوص لم يستخدموا العنف للدخول بينما التقارير تشير لعملية محكمة لقطع سياج حديدي والولوج عبر حائط خرصاني مصمت بأليات.

العنف عند الشرطة البريطانية المغفلة احتمل فقط يعني استخدام ديناميت قال لم يستخدموا العنف قال

ثم حفر الحائط الخرصاني هذا قد يحتاج وقت طويل جداً

غايتوا سرقة عجيبة لكن الأعجب هو تصريحات الشرطة البريطانية المغفلة

حسب التصريحات الصحفية أعلاه لا توجد أي تهمة موجهة لمدير الشركة الأمنية أو ابنه المتواجدين بالسودان للضلوع في هذه السرقة

بعدين السودان نفسه فيه مجوهرات بمليارات الجنيهات الإسترلينية والدهب في الخلاء وممكن نستفيد من خبرات حماية المجوهرات وتأمين المستودعات

ذكرتني روايات القديس وأرسين لوبين يا فرانكلي ..

هههههههههه فعلاً يا منير وهو تكريس صحيح لغفلة الشرطة البريطانية

القصص البوليسية دي ما جاية من فراغ

بالمناسبة تعرف مصير اللصوص هؤلاء حتى لو تم القبض عليهم جني أموال أكثر من قيمة 200 مليون هذه وهم داخل السجن وبعد خروجهم لبيعهم حقوق قصتهم الإجرامية للسينما والوسائل الإعلامية.

تذكرني الحادثة بقصة "عم دهب" الألماني الحرامي أرنو فونكى الذي دوّخ الشرطة الألمانية على مدى سنوات بعمليات محكمة وفريدة ومبتكرة أوجدت قاعدة معجبين كبيرة جداً بمهاراته لتدويخ الشرطة الألمانية أكثر من أعجابهم بخلفيته الإجرامية وتنافست الصحف في نشر عملياته الإجرامية وسط نهم الشارع العام لمتابعة أخبار "عم دهب" وفشل الشرطة الألمانية


عندما ألقي القبض عليه حكم عليه بالسجن لمدة عشر سنوات خرج منه بعد 6 سنوات وكتب كتاباً عن عملياته الإجرامية يدر عليه الملايين من اليوروات وهو الآن حر طليق تستقبله الوسائل الإعلامية بحفاوة بالغة وبمقابل مادي مجزي

Arno Funke = Dagobert = عم دهب



بالمناسبة الغرب دا فيه عجايب لو سرق فقير من سوبرماركت علبة ساردين بسنتات يودع السجن ويرفد من العمل ولو سرق الغني ملايين وتهرب من الضريبة تطالبه الدولة فقط بإرجاع المبلغ مقابل عدم المتابعة القانونية

وبعضهم قد يكون تهرب من الضريبة لأكثر من عشر سنوات وتضاعفت ملايينه التي تطالبه الدولة باعادتها يعني تبقى العملية كأنها دين من الدولة للغني يرجعها بعد سنوات من الإغتناء بدون فوائد

والفقير لو تأخر من دفع فاتورة الكهرباء يجد شركات التحصيل في باب بيته وقد اضافوا لمبلغ ال60 يورو مثالاً 240 يورو اتعاب وخدمات.

السودان تطير عيشتو ..
مافي مصيبة الا حاشرنو فيها ..
غايتو الكفار حطب النار ديل تعبنا معاهم والله ..
وده كل مواصلة لجهود ستي سوزان رايس ومن لف لفها ..
باتن بتم اخضاع السودان ده ..
أو يتمسح شعب السودان من الوجود ..
حاجة تفقع المرارة فعلاً ..
غايتو انا وصلت لقناعة تامة لايدانيها ريب ولاشك ..
إنه هؤلاء الخواجات لا قاصدين نظام كيزان لا عمر البشير ولا بتيخ ..
هؤلاء الخواجات قاصدين هذا الشعب الغلبان وهذا الوطن في عضمو ..
والسبب موقع هذا البلد تحديداً ..
مافوقعه وما تحته ..

وبس ..
هسه مايقولوا هنود .. لزوم حشر إسم السواد ده شنو هنا ده ..

والله يا فرانكلي قصص .. حكي لي زميل عمل من هولندا أنه معتمد إحدي البلديات - أو نحوه - سرق أربعة ملايين يورو ، فكان الحُكم أن يرجع مليون وتنتهي القضية - يتحلل يعني - .. والأمثلة زي دي كتيرة ..
أنا طبعاً كلما يجيبوا لي سيرة سكوتلانيارد دي أتذكر روايات القديس وارسين لوبين وأجاثا كريستي ..
وقصة المجوهرات كمان فعلاً تقودك لعم دهب وعصابة القناع الأسود .. ههه

أخي معتصم سليمان سلامات .. كلامك في الإقتباس عجبني وكفاني الكتابة .. وأظنك موجوع برضو من حشر إسم السودان في كل خبر سيئ ..
و برضو زي ما قال جمال القوز .. الناس ديل قاصدننا عديل .. هناك سر غريب في هذا العداء الغريب للسودان .. تلاحظوا أي إحصائية سيئة لازم يحشروا فيها السودان .. عاينوا للعناوين بتاعة السودان يتذيل والسودان يتصدر قائمة شنو وشنو .. وطبعاً المواهيم يجوا طايرين شايلين مثل هذه الأخبار فرحانين وشمتانين بيها ..
سوزان رايس دي جمال القوز تحس بأنها حاقدة علي السودان الشمالي حقد عجيب من زمان خالس ..منذ زمن قرنق .. وحتي بعد الإنفصال ما عاوزة تخلينا في حالنا .. نسأل الله أن يرد كيدها في نحرها ..