Post: #1
Title: انتخبوه من اجل مواصلة الفشل
Author: عبدالحفيظ ابوسن
Date: 04-09-2015, 09:31 AM
08:31 AM Apr, 09 2015
سودانيز اون لاين
عبدالحفيظ ابوسن-كوستي / حي الشاطئ
مكتبتى فى سودانيزاونلاين
الواحد لو عندو ركشة . ومديها لي سواق وطوالي مخسراه . اول حاجة بعملها بطرد السواق ويجيب سواق غيرو
ف معقول بعد 25 سنة فشل .. ودة بتصريحاتهم يترشح نفس المواطن مع نفس الحزب ليمارس ذات العمل .. حا يعمل شنو مختلف مثلا
|
Post: #2
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-09-2015, 10:31 AM
Parent: #1
الفشل هو المبرر الوحيد للاقالة المقبول حتي للمقال
فشل المواطن عمر البشير
في الحفاظ علي وحدة السودان
فشل في توفير حياة كريمة للمواطنين
فشل في التعليم
فشل في الصحة
فشل في توفير الامن
و
ساهم في نشر القبلية حتي صارت شرطا للحصول علي الاوراق الثبوتية
ساهم في الافلات من العقوبة وبل عفي عن بعض المحكومبن
ساهم في تفشي المحسوبية وانتشار الرشوة
ساهم في محو هيبة الدولة
وساهم في محو هيبة الشرطة والجيش
وكثير غير ذلك
فماذا يستطيع ان يقدم بعد حكم مطلق لمدة 25 عام لم ينجز فيه شيئا
ماذا عنده ليقدمه
|
Post: #3
Title: Re: انتخبوه من اجل مواصلة الفشل
Author: موسي الراجل
Date: 04-09-2015, 10:45 AM
Parent: #2
ود ابسن سلام
فقط ليأخذ ما تبقى
وتبقى كل الجراحات مفتوحه وتزداد عمقا وسيظل ينكأ عليها
والمصيبه الفينا لا نشعر بالألم
|
Post: #4
Title: Re: انتخبوه من اجل مواصلة الفشل
Author: حيدر حسن ميرغني
Date: 04-09-2015, 10:46 AM
Parent: #2
فعلا .... البشير رئيس فاشل ادمن الفشل
المصيبة انه يغلف نرجسيته وتلذذه بالبقاء في السلطة بالدين
|
Post: #5
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-09-2015, 12:22 PM
Parent: #4
مرحبا موسي
وحبابك
صحي كلامك
و
الجراحات زايدة
وسؤ الحال زايد
والفساد مستشري
قالوا ترشيح المواطن وقفلوا ليه السوق ومنعوا سفر البصات وقفلوا الشوارع
|
Post: #6
Title: Re: انتخبوه من اجل مواصلة الفشل
Author: عادل البراري
Date: 04-09-2015, 12:43 PM
Parent: #5
هي حالة من أدمان الفشل الذي لا يحد
https://http://http://www.facebook.com/groups/Boycott2015/www.facebook.com/groups/Boycott2015/
|
Post: #7
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-09-2015, 02:57 PM
Parent: #5
مرحبا حيدر
وحبابك
صدقت
واضف
ولعب نفس لعبة التوازن القبلي في الدين فظهر لنا التطرف الديني والتكفير في دولة اشتهرت بالتعايش الديني
|
Post: #8
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-10-2015, 04:30 AM
Parent: #7
مرحبا البراري
وحبابك
فشلا يمشي علي كرعين
ظاهر وباين وماداير ليهو ضو بطارية
لم استطع الوصول للرابط
|
Post: #9
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-10-2015, 04:37 AM
Parent: #8
ويسوق ذات البرنامج الذي عجز عن تنفيذه لمدة 25 عاما . ولم يستفد شيئا . فيعرضه بذات الطريقة ونفس اللغة وبل من خلال الاستعانة بذات الاشخاص والفكرة
|
Post: #10
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-10-2015, 04:41 AM
Parent: #9
بل حتي المعارصة تحتاج للتغيير
فهم عجزوا عن اتخاذ تكتيك يفكك السلطة او يضعفها
بل كانت تتخذ مواقفها كصدي لمواقف السلطة
وعجزت عن تكوين جبهة موحدة منضبطة
|
Post: #11
Title: Re: انتخبوه من اجل مواصلة الفشل
Author: elhilayla
Date: 04-10-2015, 08:04 AM
Parent: #10
ود أب سن
كما تقول حبوبتي حاجة فاطنة بت الشريف - طيب الله ثراها
دي إسمها
حزيمة الأرنب
أكيد تعرف القصة
تحياتي لك وزوارك الأفاضل
_____
الحليلة
|
Post: #12
Title: Re: انتخبوه من اجل مواصلة الفشل
Author: أحمد عمر
Date: 04-10-2015, 01:23 PM
Parent: #1
ود أب سن سلام...
البشير ليس فاشلا أدمن الفشل فحسب...
بل هو الفشل نفسه!
في العالم كله لا يوجد رئيس فاشل إداريا مثل البشير صاحب الجلد التخين...الذي يكتفي بتقارير المطبلاتية على شاكلة (كله تمام
سعادتك) ولا يتابع شؤون المواطنين ميدانيا...ولا يملك الشجاعة لمحاسبة المسؤولين الفاسدين والذين ثبت إخفاقهم....
إصرار البشير على الترشح مجددا رغم حال البلد الذي لا يخفى على أحد يؤكد أن التركيبة العقلية و
النفسية لهؤلاء الذين يحكموننا ليست تركيبة (بشر)...هذه كائنات غريبة تستحق الدراسة من علماء الأحياء...
تذكرت تساؤل الطيب صالح الشهير (من أين أتى هؤلاء؟)....
|
Post: #13
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-10-2015, 05:02 PM
Parent: #12
مرحبا الحليلة
ورحم الله جدتك
لا والله ما سمعت ب حزيمة الارنب .. الحزمو منو
زدنا علما زادك الله وعيا
|
Post: #14
Title: Re: انتخبوه من اجل مواصلة الفشل
Author: معاوية الزبير
Date: 04-10-2015, 05:22 PM
Parent: #13
انتخبوه، حتى تعرفوا كيف هو الفشل، ومن ثم تفوُقوا..
أو لا تفوُقوا
من يهتم يا حبيب بما يُكتب في سودانيز، وهو يفكر الآن في حق رطل اللبن.
ترى يا صديقي (الذي لا تعرف كثيرا عن الرياضة): من الأعلى صوتاً الآن صياحاً في دار الرياضة كوستي:
جماهير فريق الجهاد أم الرابطة؟
أليس فرح أحدهما مدعاة لفرحٍ ما
ثم يتعشون معا بفول ود الزين, أم هو الزين فقط دون سابقة ( وَد )؟ يا لخيبة ذكرياتنا إذا فشلت باختبار حرفين
تحياتنا للعزيز صلاح عوض
ولكل نفََسٍ تتصاعد أبخرتُهُ الآن (بتوقيت مغرب الدوحة) عائدا من محاولة كسب عيش البيت ولم يصل بعد إلى مربع كم وتسعة وتسعين
يا عبد الحفيظ ، المداخلة أو الرد عليها ، لا يصلحان بعد مرور وقت المغرب
فلا تثريب عليك
عارفين الظروف الوقتية والنفسية والتقنية
والرياضية؟!
المانع شنو، يا قول ود كوستي زميلنا السابق في المنبر: قيقراوي، شقيق صديقنا ود كوستي محمد خلف الله عبد الكريم ود الزيداب.
المداخلة تأخرت لأسباب تقنية، كان وقتها الأصلي مع المغرب الصلاة
|
Post: #15
Title: Re: انتخبوه من اجل مواصلة الفشل
Author: عمر دهب
Date: 04-10-2015, 05:22 PM
Parent: #13
الواحد لو عندو ركشة . ومديها لي سواق وطوالي مخسراه . اول حاجة بعملها بطرد السواق ويجيب سواق غيرو
اخونا ابوسن
لو افترضنا الرقشه دى السودان
المؤتمر الوطنى ماعندوا اى علاقة بى رقشتك
المهم سواقكم يسوق انشاءالله مايفضل الحبه فى الرقشة
|
Post: #16
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-10-2015, 06:30 PM
Parent: #15
مرحبا احمد عمر
وحبابك
وقت هو ما بشوف ضواقة ساي ما بضوق عطفا علي النكتة
والسيد الرئيس قال بعضمة لسانو لولا نكات الواتس لكان شنو كدة ما عارف عشان ما ابهتو ساي ... وحكي نكتة هو سلط وانتهي اسأل لينا التخفيف
الحاصل في استحالة انو ما يكون عارفو
عمك واحد سألو
ولدك شغال شنو
قال ليهو
عسكري علا مستفيد
|
Post: #17
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-10-2015, 06:42 PM
Parent: #16
معاوية يا صديقي
قال شاعرنا محمد المدني
تابعوا من شئتم
او بايعوا من خفتم
فالذاهبون الي الفجيعة انتم
كدي خلينا امرق من البوست دة
رحم الله محمد خلف الله .. كان صديقي في الاهلية وكنت رئيسا للجمعية الادبية التي تصدر جريدة حائطية .. ومحمد كان خطاط جدا ودوني بدفعة هو خطاط وود جيرانهم عثمان اسامة خطاط .. وبيتهم جمب الاهلية واشتهر عندنا ب ودالقيقر . والقيقر مدينة جنوب كوستي بالقرب من الرنك . توثقت معرفتنا ثم صداقتنا حتي كانت دارهم مكان شرب الموية الباردة اثناء وبعد الحصص . وتفرقنا ولم اسمع عنه .ثم عرفت شقيقه احمد الحمودي في منتدي كوستي سيتي وايضا هو عضو هنا . ولم ألتق به الا حين حضر لوفاة والده .ولاقيت قيقراوي لوفاة في دارهم وعرفته بنفسي . ثم لاكتشف صدفة بعد زمن طويل جدا . ان محمد توفي بحادث قبل سنوات وهو ضابط بالجيش وان احمد شقيقه
رحم الله محمد ود القيقر وغفر له
عذرا فالحديث عن كوستي مغريا لي
|
Post: #18
Title: Re: انتخبوه من اجل مواصلة الفشل
Author: مهدي صلاح
Date: 04-10-2015, 11:55 PM
Parent: #17
غلطان الشعب الفضل
نظام لا يملك لشعبه غير الوعود وكل الوعود الفاتت تم اختبارها واثبت الزمن انها وعود جوفاء
تلقى المسؤول في اي لقاء جماهيري يطلق الاكاذيب عن تنمية وتكوير بكل بجاحة والناس ساكتة
|
Post: #19
Title: Re: انتخبوه من اجل مواصلة الفشل
Author: ادم يعقوب
Date: 04-11-2015, 01:39 AM
Parent: #1
وشهد شاهد من اهلها رغم اني ما فهمت حاجه من مقولة اطلقها وزير الدفاع بالنظر لكن بنطبق عليه نفس تحليلك دا وهو بقول ( الفشل دايما يولد الفشل وهو اقرب طريق للفشل ) انت عارف يا استاذ الغريب ان هم عارفين نفسهم فاشلين
|
Post: #20
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-11-2015, 05:49 AM
Parent: #19
مرحبا عمر دهب
وحبابك
لا اقصد المثل بتلك الكيفية التي جعلتك تفترض ان السودان هو الركشةولكني اقصد
ان من يملك ركشة فقط قادر علي اتخاذ قرارات ادارية لمعالجة المشاكل اكثر من الرئيس
|
Post: #22
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-11-2015, 08:28 PM
Parent: #21
ل
حين
ميسرة
|
Post: #23
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-12-2015, 05:30 AM
Parent: #22
مرحبا مهدي
وحبابك
الشعب السوداني شعب بسيط . وطيب ومسالم ولم يعهد اساليب هؤلاء العصابة
|
Post: #24
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-12-2015, 05:36 AM
Parent: #23
مرحبا ادم
المثل بقول
من جرب المجرب احاطت بيهو الندامة
|
Post: #25
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-12-2015, 06:40 AM
Parent: #24
قريت البوست يا معاوية تشكر . محمد خلف الله ود القيقر . كانت تسود علاقتنا الاحترام والتقدير . فقد كنا نهتم آنذاك بأمر الثقافة واخراج جريدة حائطية كل اسبوع . عجزت عن تذكر اسمها . بالاضافة ل الليلة الادبية كل اسبوع . كان الثانوي العام يضج بالنشاط الادبي والرياضي . ولكني كنت جاهلا بالرياضة لا احفل بها . وبالاهلية مكتبة ضخمة تناسب سننا .. مكتبة للغة العربية واخري للانجليزية .
اتذكر محمد كما الآن .. اتذكره تماما .. رغم تلك الغيمة التي تغلف الذاكرة . اخذتنا الحياة في مناحيها حتي قبل بضع سنوات اتت ذكراه فأخبرني احدهم بخبر وفاته وتعجب كيف لم اسمع بها . بل حتي اني لم اكن اعرف انه ضابطا بالجبش . كان نشطا يميل لمساعدة الناس رغم قصر صداقتنا بالاهلية وخصوصيتها
رحمه الله رحمة واسعة وغفر له
|
Post: #26
Title: Re: انتخبوه من اجل مواصلة الفشل
Author: جعفر محي الدين
Date: 04-12-2015, 07:54 AM
Parent: #25
الأخ عبد الحفيظ
تحياتي لك ولكل كوستي
الشعب السوداني مل مشاهدة مسلسل الفشل الطويل
ولا أظن أن الحيلة أعيته فهذا الشعب خلاق ومبدع
الإنتخابات على مدى حكم البشير حملت إلينا نذير الشؤوم فلا ينوبنا منها سوى نهب خزينة الدولة
الغريبة في هذه الانتخابات ومن ما يتواتر من أخبار حملت في طياتها
نذير شؤوم للمؤتمر الوطني ذات نفسه
فالتململ الذي تحدثنا عنه عاليه وصل إلى دار الإنقاذ
والنيل الأبيض خير شاهد ودليل
|
Post: #27
Title: Re: انتخبوه من اجل مواصلة الفشل
Author: محمد أبوالعزائم أبوالريش
Date: 04-12-2015, 08:39 AM
Parent: #26
سلام عبدالحفيظ ...
|
Post: #28
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-12-2015, 12:50 PM
Parent: #27
مرحبا جعفر
صدقت والله
الشعب السودان خلاق وطويل البال
باغتته المفاجأة فلم يكن يتوقع ان احدا سيلعب بالدين . سيحلف وهو كاذب .. وهم اي الشعب رفض كثيرا منهم حصص السكر حين قورنت بالقسم .
|
Post: #29
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-12-2015, 05:30 PM
Parent: #28
مرحب ابوالريش
الناس ما شغالة شغلة بالانتخابات في هم الغاز والرغيف
والمحليات والمؤسسات الجبائية عاصرة الناس عصر من اجل لقيط القروش
الشباب الشغالين الواحد بيقبض 1400 ج للمراقبة بس . دة ادني موظف في الانتخابات شوف الباقين بياخدو كم
|
Post: #30
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-13-2015, 07:55 AM
Parent: #29
رحم الله محجوب شريف
يا محمد احمد ..همتك
صوتك امانة في ذمتك
ما تخلي سادن قمتك ..
الكلفتوك على عجل ..
شرعولك الدين مرتجل
لا خوف يعيقك لا وجل ..
صوتك تسقط بو الدجل ..
يا يابا ياسمح السلوك
اوع السماسرة يضللوك
عيشك وعيش ولدك واخوك
ربحا مخزن في .. البنوك ..
معا لمقاطعة انتخابات الدم
|
Post: #31
Title: Re: انتخبوه من اجل مواصلة الفشل
Author: بشير حسـن بشـير
Date: 04-13-2015, 04:46 PM
Parent: #30
.
.
.
سلام يا ود اب سن
الناس نايمه ولا في بالا انتخابات ول خرابيط
|
Post: #32
Title: Re: انتخبوه من اجل مواصلة الفشل
Author: بشير حسـن بشـير
Date: 04-13-2015, 04:59 PM
Parent: #31
.
.
.
وهاك ده يا ود اب سن
الواتس اليوم شغال شغل نضيف
هل تريد أن تعرف من هو الشخص
(الذي سيفوز بانتخابات رئاسة الجمهورية في هذا العام )
ركز والعب صاح....
اتبع الخطوات الستة التالية :
أولاً :- اختر رقمك المفضل من بين الأرقام :
1_2_3_4_5_6_7 _8_9
- تأكد من ان الرقم الذي اخترته هو المفضل لديك
ثانياً :- أضرب الرقم × 3
ثالثاً :- اجمع الرقم الناتج + 3
رابعاً :- أضرب الناتج بالرقم× 3 مجدداً
سيظهر لديك رقم مؤلف من خانتين أو ثلاث !
- أجمع هذه الارقام سوية (جمع الخانات)
بمعنى لو أصبح الناتج 82 عليك ان تجمع :
2 + 8 = 10
والان لتعرف من هو الرئيس القادم :
اذهب الى الأسفل
واختر الرقم الناتج من الترتيب التالي :
1- نافع
2- على عثمان
3- الصادق المهدي
4- ياسر عرمان
5- ابوعيسي
6- الدقير
7- الترابي
8- الميرغني
9- عمر البشير
10- طه سليمان
ماتعمل مفتح وتحاول التكرار برقم تاني..لانك برضو بتلقي
(عمر البشير) هو الرئيس الجاي....
كان عجبك ولا ما عجبك😝
.
.
.
|
Post: #33
Title: Re: انتخبوه من اجل مواصلة الفشل
Author: عبدالحفيظ ابوسن
Date: 04-13-2015, 05:46 PM
Parent: #31
سيدي الرئيس عمر حسن احمد البشير
لقد قال الشعب رأيه بعزوفه عن التصويت لك او ضدك
فلتتخذ موقفا اخيرا يحفظه التاريخ لك
|
Post: #34
Title: Re: انتخبوه من اجل مواصلة الفشل
Author: حسن ادم محمد العالم
Date: 04-13-2015, 06:03 PM
Parent: #33
حباب ودابوسن
تحياتي لكوستي واهلها
اتوافقني ان البشير يستمد قوته من ضعفنا نحن
|
|