خربانة أم بناياً قش .. وجعت قلبنا يا شيخ العوض ..

05:36 AM Apr, 08 2015
سودانيز اون لاين
معتصم دفع الله-الرياض - السعودية
مكتبتى فى سودانيزاونلاين






الأيام تمضي في سرعة دورانها ..
والمهاجر كل يوم تضيق مطاراتها ..
لقد أتعبنا الرحيل والترحال ..
بتنا نخاف أن ندخل المنبر ونجد السواد يملأ جدرانه ..
كم من حبيب رحل عنا دون أن نقول له ودعناك الله والرسول ..
الموت حقيقة لا قدرة لنا على الهروب منها ..
فقد أصبحت قلوبنا تعبة لا تحتمل كل هذه الأحزان ..
والعيون رقراقها فاتح ضلفتين كأنها تنتظر فجر كل يوم خبر لتفجرّ حزنها ..
يا الله ..
خربانة أم بناياً قش ..
فزادنا فيها ما هو إلا كلمة طيبة وحب الناس ..
وإنت يا شيخ العوض جمعت هذه المحبة حياً وميتاً ..
أرقد بسلام متوسداً كل هذه المشاعر وكل هذه الدعوات الصادقات بمنزلةٍ رفيعة مع الصديقين والشهداء ..
لك الرحمة بقدر أعمالك الجليلة والجميلة بين الناس ..
نسألك يا الله أن توسع مدخله ..
وأن تجعل قبره روضة من رياض الجنة ..
وأن تطرح البركة في ذريته ..

لناً ولأسرتك وجميع الزملاء الصبر وحسن العزاء ..
إنا لله وإنا إليه راجعون

نسأل الله أن يرحمه ويغفر له ويتجاوز عنه ويغسله بالماء والثلج والبرد
إنه جواد كريم

اللهم أرحمه وأغفر له وأحسن نزله وتقبله عندك قبولاً حسناً وأجعل الجنة متقلبه ومثواه.
إنا لله وإنا إليه راجعون.
العزاء موصول لكافة آله وذويه

والله يا محمد عبدالرحيم ..
موته وجع قلبنا ..
فعلاً الدنيا ما فيها خير زي ما بيقولوا أهلنا ..
ولا نملك إلا الصبر والدعاء له بالرحمة ..

إنا لله وإنا إليه راجعون

عارف يا الشغيل ..
ما أن يعرف أنك وصلت أرض الوطن إلا ويبادر بالإتصال والترحاب بك ..
يجمع البورداب عشان يلتقوك للسلام والقيام بواجب الضيافة ..
هذا أصله الطيب ..
وروحه السمحة في معاملة الناس ..


لك الرحمة أخي العوض وجنة عرضها السمؤات والأرض ..

‎
بسم الله الرحمن الرحيم
وَبَشِّرْ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ *
أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمْ الْمُهْتَدُونَ ...
صادق التعازي لأسرة الأخ العوض المسلمي في الفقد الجلل
نسأل الله ان يدخل حاج العوض الجنة وان يخلف البركة في الذرية
______
زين العابدين – الحليلة

احسن الله عزاءنا اجمعين اخي معتصم فالفقد كبير

اللهم ارحمه بقدر ما قدم وبذل
اللهم تقبله قبولا حسنا
اللهم انزل عليه شآبيب رحمتك يا الله
انا لله وانا اليه راجعون

شفت كيف يا باشمهندس ..
كل الناس الكانت غائبة عن المنبر رجعت عشان تعزي نفسها فيه ..
بوستات ملأت المنبر ..
كل واحد يبيكه وينعيه بطريقته ..
وواحدين غلبتهم الكتابة ..
الناس كلها كانت متفقة على حالة الحزن ..

ربنا يصبرنا جميعاً ..
والبركة في أولاده يحملون إسمه وسيرته العطرة ..

الحليلة يا قريبي ..

الموت كل يوم يسرق مننا واحد جميل ..
ونحن في غفلة من أمرنا ..

لنا الله والصبر الجميل ..
ربنا يتولاه بواسع رحمته فقد كان أخو أخوان ..

نسألك يا الله أن توسع مدخله ......
وأن تجعل قبره روضة من رياض الجنة ......
وأن تطرح البركة في ذريته .. وأبدله داراَ خير من داره و أهلاً خيراً من أهله.....
لنا ولأسرته وجميع الزملاء الصبر وحسن العزاء .....
إنا لله وإنا إليه راجعون......

يا حليله يا معتصم

متين العوض بقي للموت؟!

انا لله و انا اليه راجعون.

اللهم صبر اسرته.

ما كتير على ربنا يا تراجي ..
ياها حال الدنيا تشيل الطيبين ..
والعوض كان طيباً في كل شي ..
سمح المعشر جميل القول ..
واسع الهمة خدوم للجميع ..
لذلك الناس تذكره بالخير وتدعوا له بالرحمة ..
شوفي المنبر الناس كلها رجعت عشان تعزي وتقول كلام أخير في حقه ..
ربنا يصبرنا جميعاً يا تراجي على فقده ..
ويصبر أهله وأحبابه ..

إنا لله وإنا إليه راجعون
ولا حول ولا قوة إلا بالله ..

هيثم يا صديق ..
العوض فقده كبير ..
كان سفيراً للمنبر ..
أينما حط به الرحال في أي دولة يسأل عن البورداب ويتفقدهم ..
كان طيب القلب حلو المعشر ..

نسألك يا ألله أن ترحمه وتغفر له ..
نعزيك وأنفسنا وجميع أهل المنبر الكرام ..

إنا لله وإنا إليه راجعون

يومين ( أزازي ) بره المنبر ..
غلبني أفتحه ..
خايف من لون السودان الفيه وصورة العوض فوق في صدره ..
عايز لي زول ( أقالده ) وأبكي معاه ..
لكم هو مؤجع ألم الرحيل ..
الرحيل حتى من قولة مع السلامة ..
زول يقول ليك كان معاي ( هسي ) ..
وآخر يقول كان بتكلم معاي قبل شويه ..
وأحدهم ياخي رسل لي رسالة الجمعة ..
يا لأنانية القبور دائماً تستعجل الطيبين ..
رحل العوض وشال معاه كل الحاجات السمة ..
البساطة ..
الطيبة ..
الوجه الصبوح الباسم ..
أخو الأخوان ومكرم الضيفان ..
ما دق بابه زول رجع ندمان ..

يا الله ..
صحي الموت سلام ما يغشاك شر ..

كل زول عنده معاه حكاية .
من ألف ليلة وليلة ..
كل حكاية تجسد شخصية الزول السوداني كامل الدسم ..
مكتمل البهاء ..
فيها الشهامة ..
والمروءة ..
والكرم ..
حكايات عن بيوت مفتوحة بسيرته الطيبة ..
مافي زول قال كلفته بحاجة إلا وقضاها ليه ..
ما بصد زول في طلب خصاه بيه ..
كله عنده مقضي بأمر الله ..
ما أطيبك من إنسان حياً وميتاً ..
مع السلامة يا العوض أخوي ..
وأعفو مننا لله والرسول ..

اللهم ارحمه واسكنه فسيح جنّاتك
اللهم باعد بينه وبين خطاياه كما باعدت بين المشرق والمغرب
اللهم نقِّه من الخطايا والذّنوب كما يُنَقّىَ الثّوب الأبيض من الدّنس
اللهم اغسله بالثّلج والماء والبرد
اللهم ابدله داراً خيراً من داره وأهلاً خيراً من أهله
اللهم اجمعنا وإيّاه في مستقرّ رحمتك
اللهم إنّا نسألك بإسمك الأعظم أن توسّع مدخله
اللهم آنس في القبر وحشته
اللهم ثبّته عند السُّؤال
اللهم لقّنه حجّته
اللهم باعد القبر عن جنباته
اللهم اكفه فتنة القبر
اللهم اكفه ضمّة القبر
اللهم اجعل قبره روضةً من رياض الجّنّة ولا تجعله حفرة من حفر النار
اللهم إن كان محسناً فزد في إحسانه ، وإن كان مسيئاً فتجاوز عن سيّئاته
اللهم الحِقه بالشُّهداء
اللهم افتح عليه نافذةً من الجّنّة واجعل قبره روضةً من رياضها

نسأل الله له الرحمة والمغفرة .
إنا لله وإنا إليه راجعون .

البركة فيك أخي معتصم،
وأسأل الله ان يجبر كسركم ...

الموت دائماً بستعجل السمحين يا معاوية ..
نسأل الله الرحمة والمغفرة لأخينا العوض ..
فقد كان كريم وطيب المعشر ..
يمشي بين الناس سمحاً ..

البركة فينا وفيكم وفي ذريته وفي كل أهله ومعارفه ..

إنا لله وإنا إليه راجعون

نسأل الله أن يرحمه ويغفر له ويتجاوز عنه ويغسله بالماء والثلج والبرد

لا نملك إلا الدعاء له بالرحمة أخي عزالدين ..
فالفقد عظيم والحزن أعظم ..
ربنا يصبرنا فيه ..
ويجعل قبره روضة من رياض الجنة ..


إنا لله وإنا إليه راجعون

Quote: يومين ( أزازي ) بره المنبر .. غلبني أفتحه .. خايف من لون السودان الفيه وصورة العوض فوق في صدره .. عايز لي زول ( أقالده ) وأبكي معاه .. لكم هو مؤجع ألم الرحيل .. الرحيل حتى من قولة مع السلامة .. زول يقول ليك كان معاي ( هسي ) .. وآخر يقول كان بتكلم معاي قبل شويه .. وأحدهم ياخي رسل لي رسالة الجمعة .. يا لأنانية القبور دائماً تستعجل الطيبين .. رحل العوض وشال معاه كل الحاجات السمة .. البساطة .. الطيبة .. الوجه الصبوح الباسم .. أخو الأخوان ومكرم الضيفان .. ما دق بابه زول رجع ندمان .. يا الله .. صحي الموت سلام ما يغشاك شر ..

معتصم انشاء البركه فيكم
والعزاء موصول الي بورداب الرياض

ربنا يرحمه ويغفر له
احسن الله عذاكم اخ معتصم
الدوام لله
إنا لله وإنا اليه راجعون

فقد عظيم يا الشيخ ..
هكذا حال الطيبون يذهبون سريعاً ..
يتركون الألم يعتصر قلوبنا على فقدهم ..
ربنا يصبر الجميع ويدخل السكينة في قلوبنا ..

لا حول ولا قوة إلا بالله ..

أمنا عفاف إن شاء الله البركة فيكم ..
شيخ العوض طبع محبته وأستحوذ على قلوب الكثيرين ..
بكاه حتى الذين لم يلتقوه فكيف حال أصحابه ومن عرفوه عن قرب ..
شيخ العوض حالة إنسانية يجب أن نقف عندها كثيراً ونسير على نهجها في خدمة الناس ومحبتهم ..
لا نملك إلا الصبر على فقده والدعاء له بالرحمة والمغفرة ..
وأن يجعل البركة في ذريته ..

إنا لله وإنا إليه راجعون

أللهم تغمد الفقيد بواسع الرحمة والمغفرة
أللهم صبر ذويه وأجبر كسرهم
وصادق المواساة لزملاء الفقيد في كل مكان
وإنا لله وإنا إليه راجعون

اللهم اجعل قبره روضةً من رياض الجّنّة ولا تجعله حفرة من حفر النار
اللهم إن كان محسناً فزد في إحسانه ، وإن كان مسيئاً فتجاوز عن سيّئاته
اللهم الحِقه بالشُّهداء
اللهم افتح عليه نافذةً من الجّنّة واجعل قبره روضةً من رياضها

اللهم ارحم عبدك العوض المسلمي واغفر له وتقبله مع الصديقين والشهداء ..