وجعك شديد وسفرك بعيد يا خال

09:24 PM Apr, 06 2015
سودانيز اون لاين
عفاف أبو حريرة-
مكتبتى فى سودانيزاونلاين



ان العين لتدمع وان القلب ليحزن ولا نقول الا ما يرضي الله وانا لفرقاك لمحزونون
الله يصبرنا ويصبر اخوانك ويصبر صغارك يا رب العالمين
فقدك كبير لكن ما كتير على ربك
والحمد لله على ما اراد الله

ياحبيب الكل ياشجرة الضل
في وراك بكنك بناتن خدهن نديان شيلات الهموم فوق هامتن كيمان
بكوك اخوانك شيبه وشبان
يا البيتك قبله للعدمان
ما بقول حي عليك لكن من الله ابشر بخير كتير

شوف وضاحه قالت شنو



نـَبْكِيِكْ بالدَّمُوُعْ يا فيْضْ بَحَرْنَا الصَّافِي
نـَبْكِيِكْ بالقِلـُوبْ ؤبِكَيَ القِلُوبْ مُوُ كَافِيِ
نـَبْكِيِكْ يا الْ بِتـَفزَعْ للمِضِيِقْ مِتـْـلافي
نـَبْكِيِكْ يا الْ بِتـَصْلِحْ كُلَّ يومْ ؤتـْعَافِي

نـَبْكِيِكْ البِكَا الْ ما بْجِيـِبْ غَضَبْ خَالِقـْنـَا
نـَبْكِيِكْ بالصَّبُر وَالوَجْعَة مَا تـْفـَارقـْنـَّا
نـَبْكْيِكْ يا الْ فـُرَاقـَكْ في القـِلـُوبْ حَارِقـْنـَا
يابـيـْتـْنـَا الْ بـِلِمْ ويِجْمَعْنـَا ما بـْفـَرِّقـْنـَا


نـَبْكِيِكْ يا الْ مِثـَالَكْ في الرِّجَالْ مَعَدُوُمْ
يا الْ بالتـَّـقـْوَيَ سَوَّيت الفـَضَالَة هْدُوُمْ
نـَبْكِيِكْ البِكَا الْ مَا بِكْرَهُو القـَيُّومْ
نـَبْكِيِكْ بالصَّبـُر لكِنْ حُزُنـَّا يْدُوُمْ



نـَبْكِي بِكَيَ المِطُوُرْ فـَاقـْدِينْ وِجُوُدَكْ بيْنـَّا
يا ضَوْ الصَّبَاحْ الْ كَانْ بِنـَوِّرْ عيْنـَّا
كَبـِيرْنـَا الْ بـ حنـَانـُو بـْسِدْ مَحَلْ وَالديْنـَّا
نـَبْكِيِكْ بالدِّمُوُعْ مِتـْحَزِّنِـيِنْ يَا زينـَّا



فـَاقـْدِنـَّكْ كَتِيِرْ فـَقـْدَاً بَلا مَحَدُوُدْ
يا تـَالِي الكِتَـابْ وكْتْ الضَّلامْ مَمْدُوُدْ
كَمْ سَنـَّدْتَ واقِعاً بالضُّعُفْ مَهَدُوُدْ
ؤكَمْ حَليْتْ قَوَاسِي وْ دَرْبَهِنْ مَسْدُوُدْ




نـَفْسَكْ طَيْبَة والتـَّقـْوي المَكَمَّـلَة زَادَكْ
كَمْ أصْلَحْتَ كَمْ أفـْلَحْتَ بـ إرشَادَكْ
الصَّلاة والتـِّلاوَة الْ في الهِجُوُعْ واوْرَادَكْ
في قـَبْرَكْ مَعَاكْ بِتـْوَنـَّسَنْ في رْقـَادَكْ


نـَبْكِي بـِكـَيَ المِطُوُرْ وَكْتيْنْ تـَسُوُقْ السّيْلْ
فـَاقْـدِيِنْ ذَاتـَـكْ الطـَّيبَة وْتـِلاوْة الليل
صَدَقُواالْ قـَالـُوا يومْ رَحَلُواالْ بِعَدْلُوا الميْلْ
إنـْكَسَرْ المِرِقْ وِاتـْشَـتـَّتْ الضَّانـْقيْلْ

اااه شوف اخوانك وراك بقولوشنو

اركز يا ال اسد الليلة جاتك غارة
اركز يالصميم زارتنا طاوية حبالة
قالولنا العوض ختر و ودع داره
شن بندور نسو للبنقي خياره

عرفوه السمح عزلوه مننا جت
خبرهو زول حارة وفضايل بختها خت
شناف للقبح وللشر بفتتو فت
اليل يا العوض سيرتك هناااك تنخت

ياكا السمح ياك البتضحك تش
يا ود العزاز خليتنا الخلا اليلة وين نطفش
خربانة ام بناية قش
قالوها الكبار غبينة الفراق والله ما تنفش

ودعناك للرحيم وللمكارم بدي
ودعناك لي سيد الودايع سيدي
قبرك يسبح روضة جنان ولي جورك اسقي
وتربك في الصلاح ارتع مدفق اندي

رحمة الله تغشاك العوض المسلمي

ياحليل العوض ياهاشم خلف الله


إنكسر المرق ال كان بسند الناس
يا نيل الكرم الفينا ماخد الكاس
يا العوض الحبيب يا منبع الإحساس
وين نلقاك تاني ؟؟ شلت العقل والراس

يا زول يا سمح يا مجمع الحبان
يا عطر البخور والفل والريحان
فُرقك جد صعيب يا الطيب الإنسان
يا الحُر الاصيل يا منبع الإحسان
يا ابن الكرام يا ضاحك الوجدان
نورك إنطفى كيف بعدك الضيفان ؟؟

وووووووب يا عفاف من فراق العوض . خبر السواد و خبر الرماد ,,
ما غالي على ربه , لكن خبره حار نار .. والله مصيبة كبيرة
يا حليلو الكان لامي الحبان ,, الطيب العديل
الله يرحمك يا العوض ويسكنك الفردوس الأعلى
البركة فيكم يا عفاف ,, جبر الله كسركم وعظم اجركم وصبركم على الفراق المر

Quote: وووووووب يا عفاف من فراق العوض . خبر السواد و خبر الرماد ,, ما غالي على ربه , لكن خبره حار نار .. والله مصيبة كبيرة يا حليلو الكان لامي الحبان

ياحليل ابو الصغار يا اسماء
والله يا اسماء انا من وفاة دكتور ابو حريره
تاني ماكتبت في المنبر
ماقايله اول ما اكتب بكون وجع المسلمي
الله يرحمه ويغفر ليه
الحمد لله

Quote: وووووووب يا عفاف من فراق العوض . خبر السواد و خبر الرماد ,, ما غالي على ربه , لكن خبره حار نار .. والله مصيبة كبيرة يا حليلو الكان لامي الحبان

ياحليل ابو الصغار يا اسماء
والله يا اسماء انا من وفاة دكتور ابو حريره
تاني ماكتبت في المنبر
ماقايله اول ما اكتب بكون وجع المسلمي
الله يرحمه ويغفر ليه
الحمد لله

خالص التعازي ام احمد في هذا الفقد الجلل والمصاب العظيم
انا لله وانا اليه راجعون ولا حول ولا قوة الا بالله

يا محمد انشاء البركه في صغارة العوض فقد كبير
لكن الحمدلله

وين يالبري


دودة كيده البفرج نار همومي وشري
عفستبو العبوس فارس العجاجها يطري
سابل عرضو وافر وحاشا مو متعري


دفاع البداني التيه بقون وعشنق
فوق ضيفانو طرباناً بتيتل شنق
فارس الدنقلن ندل ضحيوه اتخنق
روى العطشانه في عصر التريه الزنق


رحل الجودو مابتحاكا دربو مزالق
رحل الببسط الدعجا الوضيبها كلالق
رحل البدفر الوتر جاهو مشالق
رحل الكفو زي سيل المطور الدالق

قول ليي اردب
رحل الفي المحول بدي الضعاف بالاردب
رحل المن حمول الغير مكرك سردب
النيل الدغورو اتراشا طربان هردب

بِدفع ديما مابهم من غناهو وفقرو
عارف كل حياً بندمر في مقرو
الجزر السمان لي ضيفو وارك عقرو
فارس زقرت اليوم البخوجل صقرو

يوسف البناء

عفاف ابو حريرة
الابتلاء بنقص الانفس هو فقد اناس مثل العوض
فقد كان في كل خير وحده يشكل الاغلبية ..
لذا كان المصاب جلل والفقد كبير ..
ولكن لا نقول الا ما يرضي الله انا لله وانا اليه راجعون
احسن الله عزاؤنا وعزاؤكم في العوض
ونسأله الله ان يرحمه ويغفر له وان يطرح البركة في ذريته

العوض فقد كبير يا عفاف
ولكن ما كان لنفس أن تموت الا باذن الله
وأعمال العوض الصالحات كانت حاضرة في نعيه وفي تشييعه
حتى أن المرء ليتمنى خاتمة مثل خاتمة العوض هذه
نسال الله له الرحمة ولنا جميعا حسن الختام

اللهمَّ اغْفِرْ لَهُ وَ ارْحَمْهُ
وَ عافِهِ وَ اعْفِ عَنْهُ،
وَ أَكْرِمْ نَزْلَهُ
وَ وَسِّعْ مَدْخَلَهُ
وَ اغْسِلْهُ بالماءِ والثلج وَ البَرَدِ،
وَ نَقِّهِ مِنَ الخطايا كما نَقَّيْتَ الثَّوْبَ الأبْيَضَ مِنَ الدَّنَسِ،
وَ أَبْدِلْهُ داراً خَيراً من دارِه وَ أَهْلاً خَيْراً مِنْ أَهْلِهِ، وَ زَوْجَةَ خَيْراً مِنْ زَوْجِهِ،
وَ أَدْخِلْهُ الجَنَّةَ
وَ نَجِّهِ مِنَ النّارِ،
وَ قِه عَذابَ القَبْرِ

رحمة الله الواسعه تتغشى العوض لتوسع مرقده
رحمة بقدر ما قدم لاهله ولامته رحمة تسكنه
عالى الجنان مع النبيين والصديقين والشهداء
جبر الله كسركم اختى عفاف وطرح البركة فى عقبه،،،

Quote: رحمة الله الواسعه تتغشى العوض لتوسع مرقده رحمة بقدر ما قدم لاهله ولامته رحمة تسكنه عالى الجنان مع النبيين والصديقين والشهداء جبر الله كسركم اختى عفاف وطرح البركة فى عقبه،،،

يا صديق ياحليل اخوك
والله اول ما خالد كلمني ما قدرت اصدق ولا اعمل شنو
اول زول جاء في بالي في غربة السجم دي انت
واتزكرت لما جاك من السودان عشان عرس اخلاص
الزي العوض قله ماتجود الدنيا بمثله
ربنا يرحمه ويجعل البركه في اولاده

ابوالحسين ربنا يتقبل دعاءك
كتر خيرك كتير
وانشاء يوم شكرك مايجي

Quote: عفاف ابو حريرة الابتلاء بنقص الانفس هو فقد اناس مثل العوض فقد كان في كل خير وحده يشكل الاغلبية .. لذا كان المصاب جلل والفقد كبير ..

اخي محمديمكن يكون ده العزاءالبصبر الواحد
انه كان في خير وماشي علي احسن منه
ربنا مايوريك مكروه في عزيز

Quote: العوض فقد كبير يا عفاف ولكن ما كان لنفس أن تموت الا باذن الله وأعمال العوض الصالحات كانت حاضرة في نعيه وفي تشييعه حتى أن المرء ليتمنى خاتمة مثل خاتمة العوض هذه نسال الله له الرحمة ولنا جميعا حسن الختام

والله ياخال حال الدنيا والموت علينا حق والعوض الموت
لا بدا ولا تما
لكن وجعني شديد كاني قبل كده ما مات لي زول
الله يرحمه ويعوض الجنه في شبابه

نسأل الله أن يرحمه وينزله منازل المقربين وينزل برد اليقين والرضا على قلوب أحبائه الذين فقدوه ويحسن إليهم..

البركة فيكم يا عفاف

فقد كبير

ياسر

يا حليله يا عفاف

البنحلم بشوفته

يا حليله الحنين وراقي وطيب و نقي زي الاطفال

سند الضعاف

واخو الاخوان.

يا حليله العوض

خبر السواد الجانا.

انا لله و انا اليه راجعون.

يا سر البركه فيكم كلكم نعم الاخوان انتم
ربنا يجعل البركه في اولاده
الزي العوض عايش وسط الناس
بي عمله النبيل وسيرته الطيبه

Quote: يا حليله يا عفاف البنحلم بشوفته يا حليله الحنين وراقي وطيب و نقي زي الاطفال سند الضعاف واخو الاخوان. يا حليله العوض خبر السواد الجانا. انا لله و انا اليه راجعون.

وجعه شديد ياتراجي وسفره بعيد
ياحليله لي صغاره ياحليله لي شوفته وتقول الدنيا لسه بي خير
البركه فينا وفيكم كلكم
يا ام حازم

اللهمَّ اغْفِرْ لَهُ وَ ارْحَمْهُ
وَ عافِهِ وَ اعْفِ عَنْهُ،
وَ أَكْرِمْ نَزْلَهُ
وَ وَسِّعْ مَدْخَلَهُ
وَ اغْسِلْهُ بالماءِ والثلج وَ البَرَدِ،
وَ نَقِّهِ مِنَ الخطايا كما نَقَّيْتَ الثَّوْبَ الأبْيَضَ مِنَ الدَّنَسِ،
وَ أَبْدِلْهُ داراً خَيراً من دارِه وَ أَهْلاً خَيْراً مِنْ أَهْلِهِ، وَ زَوْجَةَ خَيْراً مِنْ زَوْجِهِ،
وَ أَدْخِلْهُ الجَنَّةَ
وَ نَجِّهِ مِنَ النّارِ،
وَ قِه عَذابَ القَبْرِ

إنا لله وإنا إليه راجعون

Quote: Ali Ahmed · الأكثر تعليقا · Habib Public School نورك انطفى كيف بعدك الضيفان ,, أللهم أرحم العوض المسلمى وأدخله فسييييييييييييح جناتك يا أرحم الراحمين , البركة فيكم وفينا يا استاذه عفاف أبو حريره .....

البركه في دين محمد اخوي ربنا مايوريك مكروه في عزيز

امير محمد ادريس
ربنا يتقبل الدعاء
كتر خيرك كتير اخوي

إنا لله وإنا اليه راجعون
اللهــــم .. يا حنَّان ، يا منَّان ، يا واسع الغفران ، اغفر له و ارحمه ، و عافه و اعف عنه ،
و أكرم نزله ، و وسع مدخله ، و اغسله بالماء و الثلج و البرد ، و نقِّه من الذنوب
و الخطايا كما ينقَّى الثوب الأبيض من الدنس .
اللهم امين
احسن الله عذاكم ام احمد
الدوام لله
إنا لله وإنا اليه راجعون

Quote: احسن الله عذاكم ام احمد الدوام لله

الله يتقبل دعواتك
كتر خير ك كتير اخوي ابو جديري

بعد ان تدفق الحزن عليه بهذه الكثافه
ذهبت الى مكتبته وقرات الكثير
ووجدت انه جدير بكل ماكتب عنه
ولكن مثله لاخوف عليه لقد كان مستعدا
وجاهز لهذا اليوم
ربنا يجعل كل اعماله فى ميزان حسناته
والعزاء لاهله ولكم و لكل احبته

يا عمر لسان حالنا كلنا بقول


بعدك منو الممكن يكون


زولا صديق
أو زاتو طفاي الحريق
قلبا حنون مافيه ضيق
ده المستحيل في يوم يكون
والفرقة ابدا مابتهون
يا الله يارب العباد
نلقاه في يوم المعاد
في جنه مربوعة العماد
بيــــــــــــــــن در وحور
شـــجر وبخـــــور
من حولو نـــــــور
جنب الرسول
قاعد يجـــــول
في جنة مافيها الخمول
فيها الحبيـب والانبيا
فيها الخيار والاصفيا
والتابعين والاتقيا
يارب بارك نسله
يارب شرف قدره
يا رب نور قبره
يارب إغفر ذنبه[