مذيعة سودانية تتصرف ببرود تجاه وضع فاضح علي الهواء مباشر ( فيديو )

12:42 PM Apr, 05 2015
سودانيز اون لاين
صلاح جادات-قطر
مكتبتى فى سودانيزاونلاين



غايتو البرنامج مكتوب عليه مباشر
واذا طلع غير مباشر تبقي الفضيحة بجلاجل

انا في راي ردة فعلها وتصرفها سليم 100 %
كانو ما في حاجة فاضحة

والمثل ذاتو قالوا غلط

هناك كثير من الامثال التي نستحي من قولها في المجالس العامة العادية
فما بال الفنان وكلامه سوف يعم القري والحضر

الموضوع بعتمد علي حساسية الزول للكلمة المحددة ,ودي بترجع للخلفية الثقافية للزول!
يعني في بعض الثقافات المحلية ,بعض الكلمات ليست لها نفس الحساسية كما الثقافات المحلية الاخري
مثلا أيام كنا في مستشفيات الخرطوم في التسعينات كانت هنالك إمراة من جنوب السودان قبل الإنفصال في حالة ولادة والم شديد وكانت تصرخ(آه غن ...... وقع) وكانت فعلا تعبر عن حالة الالم التي هي تعاني منها في تلك اللحظة!
والامثلة كثيرة ,حتي في الغرب ,مثلا في ناس من اسبانيا او شرق اوربا بدون ما يحسوا بقولوا I have pain in my ####### ! و pain in the ####### تعبير مجازي لا علاقة له بالالم الجسدي وهم بستخدموا تعبيرات تانية للقصة وهكذا.
تصرف المذيعة تصرف طبيعي جدا .
تحياتي

والله الزول دا بالغ ...

وطالما هو مثقف وفنان يفترض يكون على علم ودراية على الأقل بعدد وافر من الكلمات الدارجة لدى بعض جهات السودان

المهم ... الختاها رقدت ..

والمثل دا انا ح استخدموا طوااااااالى

حتى في الورد هنا

ما فيش حد احسن من حد

الفاضح شنو يا صلاح..

هو زاتو غلط المثل.. المثل يقول جعبتين في سروال.. وعندنا في الشرق.. في القرى النائية لو جاهم ضيف يدوه تبروكة واللا مصلاية ويقولوا ليه خت دى تحت جعباتك.. أو يقولوا فلان جانا متعجرف ورافع نخرتو في السما
ولما قلنا اقعد قعد في طرف العنقريب بجعبة واحدة..

فما تحاولوا تعقدونا باللاى خصوصا في زمن الجبهجية الخربوا الطبيعة البريئة عند السودانيين.

كنت متوقع الضيف دا يقيف يقلع هدومه حتى اخر ثانية في الفيديو

الاخ مرتضي لك التحية
الزول جامعي وده بكفي عن خلفيتو الثقافية

Quote: الموضوع بعتمد علي حساسية الزول للكلمة المحددة ,ودي بترجع للخلفية الثقافية للزول! يعني في بعض الثقافات المحلية ,بعض الكلمات ليست لها نفس الحساسية كما الثقافات المحلية الاخري مثلا أيام كنا في مستشفيات الخرطوم في التسعينات كانت هنالك إمراة من جنوب السودان قبل الإنفصال في حالة ولادة والم شديد وكانت تصرخ(آه غن ...... وقع) وكانت فعلا تعبر عن حالة الالم التي هي تعاني منها في تلك اللحظة! والامثلة كثيرة ,حتي في الغرب ,مثلا في ناس من اسبانيا او شرق اوربا بدون ما يحسوا بقولوا I have pain in my ####### ! و pain in the ####### تعبير مجازي لا علاقة له بالالم الجسدي وهم بستخدموا تعبيرات تانية للقصة وهكذا. تصرف المذيعة تصرف طبيعي جدا . تحياتي

شايف ابو الريش سبقك واستخدم المثل بالطول والعرض
ها ها ها

Quote: والله الزول دا بالغ ... وطالما هو مثقف وفنان يفترض يكون على علم ودراية على الأقل بعدد وافر من الكلمات الدارجة لدى بعض جهات السودان المهم ... الختاها رقدت .. والمثل دا انا ح استخدموا طوااااااالى حتى في الورد هنا ما فيش حد احسن من حد

ابو الريش
انت عندك الفاضح ده الا يكون تعري او جنس
- فوق قلنا هناك كثير من الامثلة السودانية الناس بتستحي تقولها في المجالس العامة
- مثلا انت وصاحبك ممكن تقولو العاوزينو بكل حرية ولكن اذا دخل عليكم طرف ثالث سوف تستعدلوا كلامكم
- هسع انت لو معاك عدد قليل من البنات هل تتجرأ وتقول هذا المثل : جاوب بصدق
- فما بالك كم من النساء والاطفال وغيرهم سوف يسمع هذا المثل ومن قناة تلفزيونية
- معظم السودانين فيهم الاستحي ودي القاعدة العامة انت بتخلي القاعدة وبتمسك في الاستثناء لتبخس من عنوان البوست
- وبتتكلم كاننا لا نعرف السودان ولم نتربي فيه
- اعقدوا ليك شنو ... هسع ده كلام زول بتعقد
- ابو الريش عليك بالكثير من القراءة والاطلاع

Quote: الفاضح شنو يا صلاح.. هو زاتو غلط المثل.. المثل يقول جعبتين في سروال.. وعندنا في الشرق.. في القرى النائية لو جاهم ضيف يدوه تبروكة واللا مصلاية ويقولوا ليه خت دى تحت جعباتك.. أو يقولوا فلان جانا متعجرف ورافع نخرتو في السما ولما قلنا اقعد قعد في طرف العنقريب بجعبة واحدة.. فما تحاولوا تعقدونا باللاى خصوصا في زمن الجبهجية الخربوا الطبيعة البريئة عند السودانيين. كنت متوقع الضيف دا يقيف يقلع هدومه حتى اخر ثانية في الفيديو

صلاح.

زولك ده بزكرني بالعبار بريمة بلل.

الرجل رغم التعليم ورغم السنين الطويلة التي قضاها في الغرب إلا أن الرجل مازال يتصرف بعقلية قبلية قروية متخلفة جدا.

نشكر مقدمة البرنامج على هدوئها ومهنيتها.

ازيك يا صــلاح ...


الزول ده كان بكامل قواه العقلية ؟
مبااالغة لكن ...

يا اخوي المذيعة تلقاها اتخلعت بس ..

كم من الكلمات والتعابير الخارجة تكون اتقالت
سهوا" ..خلال السنين الفائتة..
ولكنه (النت) و (اليوتيوب)
الله ﻻ غزا فيهم بركة.

زولك دي بتكلم عن لباسات الزمن دا!
لباس في جعبة!
زمان جعبة في لباس!
جني

Quote: - هسع انت لو معاك عدد قليل من البنات هل تتجرأ وتقول هذا المثل : جاوب بصدق

أولا يا سيدى ارجو بقدر الإمكان نبتعد من شخصنـة النقاش.. ثم ان هذا المثل ليس بين نفرين فقط كما قلت، هو مثل شائع وليس سودانى فقط..
اعمل قوقل وستجد اليمنيين أيضا يستعملونه.. وفى مناطق كثيرة في السودان، هو مثل شائع ويعنى الصحبة التي لا تتفرق، مثلما تقول فلان دا فردة، يعنى الفردة التانية من (الجزمة) هي المتحدث..
طيب هسى ناس الأقاليم حيقولوا ناس العصمة متخلفين ولا يعرفون يعبروا عن صداقتهم إلا بفردة الحذاء.. طبعا اى زول يتكلم عن الغير لكن حين يرى شكله في المراية يزعل..
وضربت لك مثال بعض القرويين في الشرق مع ضيفهم.. طبعا عند كثير من المثقفين الأقاليم دى ما محسوبة ضمن المنظومة الثقافية للشعب السودانى.. الذى يستحى منه ناس الخرطوم خلاص مفروض ما يتقال
ولو لبس مفروض ما يتلبس.. فأعيذك ان تكون منهم. أنا لا أدعوا لتبنى أي مثل محدد في الخطاب اليومى، ولكن يجب علينا احترام ثقافات الشعوب السودانية الأخرى والاعتراف بها كما فعلت الأخت الكريمة.. اليس هذا ما نعيبه على الحكومة..
ثم انى اراك عامل سياج مقدس حول العنوان وحصانة كاملة ضـد النقد.. وهذا ليس في مصلحة النقاش والتعبير عن الرأي بحرية، حين نتقر زر "أضف رد" فكن مستعدا لأى راى مخالف او مؤيد ووسع صدرك.

تحياتي جادات، موضوع يؤكد أن الشعب السوداني مكون من مزيج من الثقافات التي تنظر أحيانا بطريقة مختلفة جدا للأشياء ويجب علينا دائما أن نضع أنفسنا في موضع وجهة النظر الأخرى لئلا يحدث سوء التفاهم والصدام بيننا!



وبالمناسبة هل هذه أول مرة يحدث فيها موقف كهذا؟ منذ عشرات السنينن سمعت حكاية مذيعة برنامج الأطفال التي قال طفل كلمة خارجة عن الخط في برنامجها على الهواء، لم أحضر تلك الحلقة ولكن تكرر سماعي لتلك الحكاية من أشخاص مختلفين فهل هناك من حضر تلك الحلقة؟

الأخ محمد عثمان الحاج
سلام والمناسبة كانت تلاميذ ابتدائية زاروا التلفزين (او زارهم التلفزيون) والمذيعة ادتهم غلوتية (فازورة) تقول حاجة زى شكلو كدا وعامل كدا و (غـزوه).. فواحد من الشفع قال ليها دا (العضو الذكرى) فسقطت مغمى عليها.
لكن طبعا هذا لا علاقة له بموضوع الثقافات التي نتحدث عنها.

Quote: الأخ محمد عثمان الحاج سلام والمناسبة كانت تلاميذ ابتدائية زاروا التلفزين (او زارهم التلفزيون) والمذيعة ادتهم غلوتية (فازورة) تقول حاجة زى شكلو كدا وعامل كدا و (غـزوه).. فواحد من الشفع قال ليها دا (العضو الذكرى) فسقطت مغمى عليها. لكن طبعا هذا لا علاقة له بموضوع الثقافات التي نتحدث عنها.

المذيعة كانت الراحلة صفية الأمين، أول مذيعة تقدم برنامج للإطفال وكان أسمه (جنة الأطفال)..
الغلوتية القالتها (أصفر بلوه في أمك غزوه)...
طبعاً الإجابة الصحيحة (الزمام) حلية ذهبية تتزين بها النساء زمان في الأنف، والغريب أن هذه الموضة رجعت وسادت هذا الزمان ولكن باللصق على الأنف دون ثقبها كالأذن للحلق أو القرط...

رغم أن الغلوتية كانت منتشرة لكن أعتقد أنه كان يجب تجنبها في برنامج على الهواء ما تتوقع البيحصل فيهو شنو...!!!!!



الشايقي

http://www.youtube.com/watch?v=WjNosdjuv7shttp://www.youtube.com/watch?v=WjNosdjuv7s

فاوضني بلا زعل



.

الأخ
صلاح
تحياتى

عذرا أعدل مداخلتى بعد أن أعدت سماع الفيديو .. وفعلا الرجل بالغ فى مثله
وهو يبدو يقصد إستخدام آخر سأورده فى نماذج أدناه

فكلمة (جعبة) فى اللغة العربية الفصحى لها معانى أشهرها جعبة السهام . وبقوقلة سريعة وجدت عناوين لأخبار وفيدو تتضمن كلمة جعبة
وليس مقصود بها (مؤخرة الإنسان) أو بذاءة،
وأورد بعضها هنا:

أزمة التنسيق تضع 3 وزراء للتعليم العالي في "جعبة واحدة"
نثرات أدبية في جعبة مسافر
ويوتيبوب لفيديو كرتونى للأاطفال بعنوان : في جعبتي حكاية سبعة بضربة واحدة
الشركة المنظمة للمؤتمر الاقتصادي: كل الأوراق في جعبة مصر لتصبح من عمالقة الاقتصاد في العالم

وفى حاضرنا كلمة جعبة لها تداول محلى بمعنى مؤخرة الإنسان متداولة فقط بالسودان واليمن وقد يكون أهل السودان أخذوها من اليمنيين،
كما أن أهل الخليج يستخدمون كلمة (مكوة) : أرجع للإقتباس أدناه

Quote: في أحد البرامج التلفزيونية العربية ، طلب المذيع (الخليجي) من ضيفه المصري عبر الهاتف أن يذكر له عدّة أشياء تبدأ بحرف الميم : فاكهة بحرف الميم ؟ يجيب المصري (منقة) ، شهر بحرف الميم ؟ مايو ،، آلة كهربائية بحرف الميم ؟ أجاب المصري (مكوة) .. هنا ارتبك المذيع و تلعثم !! و عندما أحسّ المصري بذلك عدّل إجابته لتصبح (مكنسة) https://http://http://www.youtube.com/watch?v=XSQnME8B6zYwww.youtube.com/watch?v=XSQnME8B6zYhttp://http://www.youtube.com/watch?v=XSQnME8B6zYwww.youtube.com/watch?v=XSQnME8B6zY و ذلك أن كلمة (مكوة) عند الخليجيين تعني مؤخرة المرأة أو عجيزتها !! و في عامية أهل السودان ، يسمون العجيزة ( الجَعَبة ) و في لسان العرب : اقتباس: والجِعِبَّاءُ والجِعِبَّى والجِعْباءة والجَعْواءُ والناطِقةُ الخَرْساء: الدُّبر ونحو ذلك.

Quote: في فقه اللغة الحضرمية كلمات لها معاني أخرى ربما تختلف كلية عن معانيها المعروفة في لغة العرب .. وقد حرص أبوعوض الشبامي في هذه الحلقات من فقه اللغة الحضرمية أن يوثق بعضا منها على سبيل المثال : (( الحب )): يقصد به الحضارم العضو التناسلي للمرأة . ((الجارية )) : يقصد به الحضرمي الإمة العبدة المملوكة. (( الشرك )) معناه في لغة الحضرمي القسم من اللحم في الذبيحة وإذا سمعت الحضرمي يقول أريد شركا ... فإنه يقصد أنه يطلب قسما من اللحم. (( الصخر )) : إذا سمعت حضرميا يقول الصخر فإنه يقصد به الفحم الأسود الذي يوقد به. ((الطلاب )) : معناه في لغة الحضارم السائل الذي يستجدي الناس الصدقات والعطايا. (( الورد )) في لغة الحضارم هي الحمى والسخونة في الجسم. (( التحسين )) : يتسعملها الحضرمي بمعنى الحلاقة والمحسن هو الحلاق. (( الجلح )): الأجلح في لغة العرب هو الأصلع أما الجلح في لغة الحضارم هو الزنا والجلحاء الزانية. (( الفرخ )) : في لغة الحضارم ولد الحرام أو إبن الزنا واللقيط. (( الجعبة )): في لغة الحضارم يعنون بها الألية (( مؤخرة الانسان )).

د احمد لك التحية
الزول فاكر نفسو مع اصاحبو

Quote: ازيك يا صــلاح ... الزول ده كان بكامل قواه العقلية ؟ مبااالغة لكن ... يا اخوي المذيعة تلقاها اتخلعت بس ..

الاخ محمد
النت نعمة في العموم وقد يكون نغمة في بعض الاحيان
هسع لو ما النت ما كان عرفناك

Quote: كم من الكلمات والتعابير الخارجة تكون اتقالت سهوا" ..خلال السنين الفائتة.. ولكنه (النت) و (اليوتيوب) الله ﻻ غزا فيهم بركة.

Quote: (أصفر بلوه في أمك غزوه)...

سلام يا السنجك.. أعتقد مؤلفها لم يكن بريئا تماما.. وإلا لقال في أنف أمك بدل في أمك.. وهذه تشبه غلوتية الصبينـة مثل البقرة خير من الله!

العبار دينق،
الله يهيديك ..

Quote: زولك ده بزكرني بالعبار بريمة بلل. الرجل رغم التعليم ورغم السنين الطويلة التي قضاها في الغرب إلا أن الرجل مازال يتصرف بعقلية قبلية قروية متخلفة جدا.

سلامة نظرك !

بريمة

جني
كلو عند مشاهد اليوم لباس

Quote: زولك دي بتكلم عن لباسات الزمن دا! لباس في جعبة! زمان جعبة في لباس! جني

يا أخوي والله زولنا بجعباتو أخير من الشيخ الورع في شكلو اليمني الجنسية
الكان بيتكلم عن علي عبدالله صالح ويقارن بوضعو أيام حرب الخليج وشغلانية
دول الضد وبين إبتعادو عن السعودية الأن وإتجاهو نحو الحوثيين وكده

تعرف حكاية الجعبة دي ولا شيء يذكر أمام المثل الأوردو الشيخ داك قال علي عبدالله صالح

{...................................}

لااااااااااااااافة في الواتساب مباشرة على الهواء

الاخ صلاح
الراجل فعلا مفتكر نفسو في قعدة
مع اصحابو والا ما قال هذا الكلام في تلفزيون عام
هو في كامل وعيه ولكن خانه التعبير
وهنالك كثير من الامثال لا تصلح لان تقال في التلفاز
وخاصة بوجود الاسر والاطفال
شكرا
لهذا البوست الرائع
ولتصحيح المثل ايضا

Quote: سلامة نظرك ! بريمة

العبار بريمة بلل.

أنا نظري سليم، ولكن هل أنت سليم العقل؟

أنا قلت أنت لا تختلف كثيرا عن ذلك الضيف الذي تحدث من غير أي أحترام للمشاهيدين ولمقدمة البرنامج.
يمكن الفرق الوحيد أنو الضيف ده أحتمال يكون لم تتاح له فرصة زيارة دول أخرى أو التعرض الى حضارات وثقافات أخرى.

الاخوة المتداخلين سلام
ولكم التحية

تحياتي صلاح
الود والأحترام لمشاركين عامة
أستاذي صلاح الحديث الذي دار وفق المرفق ليس لمذيقة يد فيه بالعكس موقفها كان إيجابي بحيث لم تمنح إضافة تمضي ضمن حديث الضيف
لكن الأمر ليس من هذا المنحنى فقد كثرت في الأونة الأخيرة أستعمال إشارات جنسية والإعلام يحمل بعض دور في ذلك
هناك ناحية أخرى أعتقد أحد المشاركين أشار لها وهي بعض الألفاظ في المنطقة الخليجية لا تحمل نفس المعاني والدلالات والإشارات حتى إشاراتهم لإعضاء التناسلية فيه شي من أختلاف وفق ثقافتهم
دعونا من كل ذلك حديث الغرباوية ( رغم العنصرية التي فيه ) تم تداوله وبه إشارات وحركات وميوعات أكثر جنسية فتداولناه بشكل من الفضح

تعالوا ننظر إلي ما اطلقه دكتور فيصل القاسم وأن كان الحساب ليس بحسابه تبقى التغريده منسوبه بدون إنكاره لها
http://www.0zz0.com

ابو الريش
وين انا شخصنت الموضوع ؟ انت اتداخلت وانا رديت عليك
لو كنت ما بقبل النقد كان استخدمت المكنسة ( انا الوحيد في المنبر لآ بشتكي ولا بحذف ولا بجقلب لبكري مع اني اكتر زول بتعرض للنقد والبذاءات )
السؤال الانت اقتبستو ده ليه ما رديت عليهو
يا اخ انت بتتكلم عن شعب اخر وليس الشعب السوداني ووضحنا ليك نحن شعب بستحي في المجالس العامة
واهو اغلب المداخلات اقرت بان المثل فاضح

Quote: أولا يا سيدى ارجو بقدر الإمكان نبتعد من شخصنـة النقاش.. ثم ان هذا المثل ليس بين نفرين فقط كما قلت، هو مثل شائع وليس سودانى فقط.. اعمل قوقل وستجد اليمنيين أيضا يستعملونه.. وفى مناطق كثيرة في السودان، هو مثل شائع ويعنى الصحبة التي لا تتفرق، مثلما تقول فلان دا فردة، يعنى الفردة التانية من (الجزمة) هي المتحدث.. طيب هسى ناس الأقاليم حيقولوا ناس العصمة متخلفين ولا يعرفون يعبروا عن صداقتهم إلا بفردة الحذاء.. طبعا اى زول يتكلم عن الغير لكن حين يرى شكله في المراية يزعل.. وضربت لك مثال بعض القرويين في الشرق مع ضيفهم.. طبعا عند كثير من المثقفين الأقاليم دى ما محسوبة ضمن المنظومة الثقافية للشعب السودانى.. الذى يستحى منه ناس الخرطوم خلاص مفروض ما يتقال ولو لبس مفروض ما يتلبس.. فأعيذك ان تكون منهم. أنا لا أدعوا لتبنى أي مثل محدد في الخطاب اليومى، ولكن يجب علينا احترام ثقافات الشعوب السودانية الأخرى والاعتراف بها كما فعلت الأخت الكريمة.. اليس هذا ما نعيبه على الحكومة.. ثم انى اراك عامل سياج مقدس حول العنوان وحصانة كاملة ضـد النقد.. وهذا ليس في مصلحة النقاش والتعبير عن الرأي بحرية، حين نتقر زر "أضف رد" فكن مستعدا لأى راى مخالف او مؤيد ووسع صدرك.

شكرا للمذيعة على تصرفها بهدوء
وشكرا لها لمهنيتها..
وتاني في خيار وفقوس في البث على الهواء مباشرة؟
والبرامج تختلف.. لو البرنامج تخصصي والحديث منساق في اتجاه واحد .. ممكن يمشى الحال.. أو برنامج طبي..
لكن هنا الوضع يختلف واختيار ثقافة لاتخدش أي جهة مهم .. لأن البث هنا قومي..
يا ما عندنا رواد وفطاحلة أغنية من غربنا الحبيب.. وعمرهم ما قالوا كلام زي دا.. وغناهم استطعموا السودان كلو
إبراهيم موسى أبه
عبد القادر سالم سالم
عبد الرحمن عبد الله
وغيرهم من فطاحلة الأغنية والكلمة.. ناس في قمة الذوق والاحساس..

سلام،

الأخ نادر الفضلي ...... لا يخفى عليك الفرق بين الكلمة موضوع البوست والكلمة العربية الفصحى التي أتيت بها وهي بضم الجيم (جُعبة).

أما المقطع التلفزيوني، فواضح إنو الراجل كان بيتكلم على سليقته ولم يقصد سوء، رغم إنو شوّه المثل ولخبط تركيبته. أما المذيعة، سواء كانت سكتت لأنها ذُهلت أو من باب الحكمة، في رأيي إنو تصرفها (السالب) كانت موفقة فيه، حتى لا يتم التركيز على المثل.

الاخ الشايقي
شكرا للمعلومة

Quote: المذيعة كانت الراحلة صفية الأمين، أول مذيعة تقدم برنامج للإطفال وكان أسمه (جنة الأطفال).. الغلوتية القالتها (أصفر بلوه في أمك غزوه)... طبعاً الإجابة الصحيحة (الزمام) حلية ذهبية تتزين بها النساء زمان في الأنف، والغريب أن هذه الموضة رجعت وسادت هذا الزمان ولكن باللصق على الأنف دون ثقبها كالأذن للحلق أو القرط... رغم أن الغلوتية كانت منتشرة لكن أعتقد أنه كان يجب تجنبها في برنامج على الهواء ما تتوقع البيحصل فيهو شنو...!!!!! الشايقي

الاخ نادر لك التحية
في اتفاق انو الناس في السودان بتستحي من مثل هذا المثل في مجالسها العامة

Quote: الأخ صلاح تحياتى عذرا أعدل مداخلتى بعد أن أعدت سماع الفيديو .. وفعلا الرجل بالغ فى مثله وهو يبدو يقصد إستخدام آخر سأورده فى نماذج أدناه فكلمة (جعبة) فى اللغة العربية الفصحى لها معانى أشهرها جعبة السهام . وبقوقلة سريعة وجدت عناوين لأخبار وفيدو تتضمن كلمة جعبة وليس مقصود بها (مؤخرة الإنسان) أو بذاءة، وأورد بعضها هنا: أزمة التنسيق تضع 3 وزراء للتعليم العالي في "جعبة واحدة" نثرات أدبية في جعبة مسافر ويوتيبوب لفيديو كرتونى للأاطفال بعنوان : في جعبتي حكاية سبعة بضربة واحدة الشركة المنظمة للمؤتمر الاقتصادي: كل الأوراق في جعبة مصر لتصبح من عمالقة الاقتصاد في العالم وفى حاضرنا كلمة جعبة لها تداول محلى بمعنى مؤخرة الإنسان متداولة فقط بالسودان واليمن وقد يكون أهل السودان أخذوها من اليمنيين، كما أن أهل الخليج يستخدمون كلمة (مكوة) : أرجع للإقتباس أدناه

الاخ منصوري
فعلا مسالة البث المباشر يجب ان تخضع لدراسة

Quote: شكرا للمذيعة على تصرفها بهدوء وشكرا لها لمهنيتها.. وتاني في خيار وفقوس في البث على الهواء مباشرة؟ والبرامج تختلف.. لو البرنامج تخصصي والحديث منساق في اتجاه واحد .. ممكن يمشى الحال.. أو برنامج طبي.. لكن هنا الوضع يختلف واختيار ثقافة لاتخدش أي جهة مهم .. لأن البث هنا قومي.. يا ما عندنا رواد وفطاحلة أغنية من غربنا الحبيب.. وعمرهم ما قالوا كلام زي دا.. وغناهم استطعموا السودان كلو إبراهيم موسى أبه عبد القادر سالم سالم عبد الرحمن عبد الله وغيرهم من فطاحلة الأغنية والكلمة.. ناس في قمة الذوق والاحساس..