حكاية الطيارة النزلت علي كرعين اتنين ... و طارت عمودية ...
تفنن السودانيين في نشرها في كل مواقع السوشيال ميديا ... و نسبوها الى طيار سوداني ...
و بحبة توم و شمار طارة ... ربطوها بحرب الحوثيين في اليمن ...
و بكتابات في كل مرة تزيد بالوصف البطولي و الابداع الحربي للطيار المسمي ( محمد أحمد الجوخ ) ...
و حقيقة هي بدأت بالطيار الجوخ ... فقط .... و تمت إضافة محمد أحمد مؤخراً ( لأن محمد احمد هو رجل الشارع بالطبع ) ...
تذكرت مقال الكاتبة الكويتية التي قالت ان الرجل ( ...... ) هو افضل رجل في العالم ....
و الذي قامت كل الدول العربية دون نقص باكمال النقاط حسب جنسيتهم ....
و منهم أهلنا السودانيين ... لم يتوانوا في إحلال و ابدال الجنسية بالجنسية السودانية ... رمز الفحولة ...
الشئ المؤسف حقاً ... ان الفيديو موجود في اليو تيوب قبل تفكير الحوثيين نفسهم في الوجود ...
و كالعادة ( العربية ) ...
تارة تحت مسمي ... الطيار المصري و ليد صلاح الدين الذي أذهل العالم ...
و تارة الطيار العراقي ما بعرف شنو ...
و مرة تحت مسمي الطيار الذى بهدل الإسرائيليين ..شنو ما بعرف ...
فلا هو سوداني ... و لا هو أذهل ...
انما هي أحلام بائسة تحكي عن ضعفنا ... و املنا الضائع في تحقيق البطولات ...
هنا طيارة الجوخ التي ( اسهلت ) العالم العربي ...
Post: #2 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-04-2015, 04:32 PM Parent: #1
مثال لبعض ما ورد عن الطيار السوداني مصاحب لنفس الفيديو أعلاه
Quote: الفيديو ده للبطل نقيب الطيارين السودانيين محمد احمد الجوخ الذي اذهل العالم بطريقته الخاصة في ضرب قواعد الاعداء وعدما دمر دفاعات الحوثين من مسافة تصل اليه النيران ونزل بطائرته ظن الحوثيون انهم اصابو الطائرة لكنه اقلع بالطائرة وهو في وضع هبوط رأسي عجيب طلب منه رئيس هيئة الاركان وبحضور جميع قادة عاصفة الحزم عمل مناورة في القاعده العسكريه بالرياض مثلما فعل في اليمن حري بكل سوداني ان يفتخر بهذا البطل وفقه الله وحماه من كل شر شاهدو الفيديو عشان تشوفو مدي احترافه وشجاعته
Post: #3 Title: Re: حكاية الطيار الجوخ ... هل هو افلاس .. أم حلم � Author: سيف النصر محي الدين Date: 04-04-2015, 04:43 PM Parent: #2
سلامات يا قباني ممكن تكون بداية لسلسلة روايات طيار المستحيل ، ممكن الاحداث تدور في واشنطن و تل ابيب و لو امتلك المؤلف الجراءة ممكن بعض الاحداث تكون في المجرات المجاورة. و اقترح انو حبيبتو يكون اسمها عازة لاضفاء بعض الطراوة على الأجواء.
Post: #5 Title: Re: حكاية الطيار الجوخ ... هل هو افلاس .. أم حلم � Author: سيف النصر محي الدين Date: 04-04-2015, 05:24 PM Parent: #3
يا فايقة يبدو انو فياقتك ما كاملة الدسم و إلا كان تفتشي شوية في يوتيوب
و في تاني زي عشرة مقاطع كده
Post: #8 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-04-2015, 11:29 PM Parent: #3
Quote: سلامات يا قباني ممكن تكون بداية لسلسلة روايات طيار المستحيل ، ممكن الاحداث تدور في واشنطن و تل ابيب و لو امتلك المؤلف الجراءة ممكن بعض الاحداث تكون في المجرات المجاورة. و اقترح انو حبيبتو يكون اسمها عازة لاضفاء بعض الطراوة على الأجواء.
Post: #4 Title: Re: حكاية الطيار الجوخ ... هل هو افلاس .. أم حلم � Author: Elmosley Date: 04-04-2015, 05:23 PM Parent: #1
الحبيب يحي الطيار ده من الدول العربيه وربما السودان شايف العلم قريب لعلم السودان في الفيديو وبعدين في كلام بالعربي في النهايه عذرا انا ما بتذكر الا العلم القديم الخضر والاصفر والازرق هههههه
Post: #6 Title: Re: حكاية الطيار الجوخ ... هل هو افلاس .. أم حلم � Author: محمد أبوالعزائم أبوالريش Date: 04-04-2015, 07:00 PM Parent: #4
يا جماعة ...... يا هووووووووو
ده عرض طيران جرى في دبي للطيارة أف 18
لاحظوا علم الأمارات .....
بعدين، السودان ما عندو أف 18
_______ بامناسبة يا يحي ،،،،، الحكاية دي ما صدفة.
الزول الرسل لي الفيديو ده المرة الأولى، قال جاتو من واحد شغال في وزارة الدفاع.
Post: #7 Title: Re: حكاية الطيار الجوخ ... هل هو افلاس .. أم حلم � Author: الشفيع وراق عبد الرحمن Date: 04-04-2015, 07:47 PM Parent: #6
Quote: الحكاية دي ما صدفة.
الزول الرسل لي الفيديو ده المرة الأولى، قال جاتو من واحد شغال في وزارة الدفاع.
فهم لا يختلف عن فهم من نشر الفيديو الوهم
وسلام يا ابو الريش ومن معك
Post: #14 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-05-2015, 07:43 AM Parent: #7
Quote: وسلام يا ابو الريش ومن معك
سلام الشفيع ...
Post: #10 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-04-2015, 11:36 PM Parent: #6
Quote: بامناسبة يا يحي ،،،،، الحكاية دي ما صدفة.
الزول الرسل لي الفيديو ده المرة الأولى، قال جاتو من واحد شغال في وزارة الدفاع
اهي فكرة البوست يا صديقي ...اهي فكرة البوست يا صديقي ...
عشان داير يصدق الوهمة ....
و يخليك كمان تصدقها ... قال ليك جاتو من واحد في الوزارة .... الولد جاب معلومات Classified
ما يا الناس بطلت تفكر ...
يا بتدور في أي ( فرح ) تفرح بيهو من كتر الهم و الغم العليها ...
يقوموا يكضبوا الكضبة و يصدقوها ... _______________________________________ اخوانا التحت اوف بوينت من فكرة البوست ....
Post: #9 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-04-2015, 11:33 PM Parent: #4
Quote: الحبيب يحي الطيار ده من الدول العربيه وربما السودان شايف العلم قريب لعلم السودان في الفيديو وبعدين في كلام بالعربي في النهايه عذرا انا ما بتذكر الا العلم القديم الخضر والاصفر والازرق هههههه
سلامات يا موسيقار ...
ما فرقت الطيارة من وين و لا حقيقة او لعب ...
الفكرة ... السودانيين مالهم انزلقوا ورا الوهم ....
ده بطل و نقيب طيارين ...
و ده احسن رجل في العالم العربي ....
و الراعي الفي السعودية برضه اصبح بطل قومي ...
هل عزت البطولات ...ام فقد الامل و الانهزام خلانا نتعلق بي قش في الهوا ....
Post: #11 Title: Re: حكاية الطيار الجوخ ... هل هو افلاس .. أم حلم � Author: محمد محمود محمد Date: 04-05-2015, 00:12 AM Parent: #9
سلامات يا هندسة ..وليك وحشة المحير اكتر من قصة الجوخ.. فهم الجماعة التحت للبوست.. مش غريبة زول يعارضك و يسخر من كلامك بنفس فكرتك؟ يا ها النيران الصديقة؟
Post: #12 Title: Re: حكاية الطيار الجوخ ... هل هو افلاس .. أم حلم � Author: سيف النصر محي الدين Date: 04-05-2015, 01:15 AM Parent: #11
يا حاتم انت يا زول راميك صاروخ و للا شنو؟ هسه المشكلة وين؟ ناس نسجوا قصة عن انو اللي في المقطع ده سوداني و في مصريين قالوا مصري و سعوديين قالوا سعودي و انت قلت انو دي طيارة لعبة لكن الغريبة ما اشرت لي اي بطولات و نحن قلنا للناس دي و الله حكايتكم عجيبة و انتو ناس رايحة ليكم بطولة ساكت.. تقوم تجي تهضرب لينا بدون ما تفهم الموضوع!
Post: #13 Title: Re: حكاية الطيار الجوخ ... هل هو افلاس .. أم حلم � Author: هاشم احمد ادم Date: 04-05-2015, 03:18 AM Parent: #12
سلام قبانى والمتداخلين ماعندى تعليق ، الا جئت على اسم حاتم ابرهيم بتاع القمرة ونزول القمر وين انت يا زول يا سمح ،. وياسييف النصر ما تزعل من حاتم دا فاهم وعارف البوست عن شنوا ؟ الا بس عامل ما فهم .
Post: #19 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-05-2015, 04:18 PM Parent: #13
Quote: سلام قبانى والمتداخلين ماعندى تعليق ، الا جئت على اسم حاتم ابرهيم بتاع القمرة ونزول القمر وين انت يا زول يا سمح ،. وياسييف النصر ما تزعل من حاتم دا فاهم وعارف البوست عن شنوا ؟ الا بس عامل ما فهم .
كيفك يا هاشم ...
مشتاقين يالحبيب ...
ياخي حاتم ده جا البوست هنا ... اظنه ( لمح ) ( الجوخ ) في العنوان ...
بعدين ( لمح ) اسم الكاتب لقاهو قباني و اسم اخر رد لقاهو سيف النصر ...
و ما ( فكر ) ... هو اصلو بحب اكتب قبال ما يفكر ....
و لما فتح البوست ( لمح ) الفيديو ... وحاتم إبراهيم ... تُمساح لو يلمح ....
و قام طوالي افتكرنا ليك زي الناس الوقعت في الفخ و اتشعلقت في فكرة البطولات ...
فقال ليك دي فرصة اطبق ليك فيهم نظريات ....
قايل القصة كتابة و تلوين ... ههههه
Post: #15 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-05-2015, 07:46 AM Parent: #11
Quote: سلامات يا هندسة ..وليك وحشة المحير اكتر من قصة الجوخ.. فهم الجماعة التحت للبوست.. مش غريبة زول يعارضك و يسخر من كلامك بنفس فكرتك؟ يا ها النيران الصديقة؟
وين يابو حميد ...
مشتاقين بالأكتر يا رجل ...
انا المحيراني فايقة ...
حاتم ده ما اصلو معروف ... :)
Post: #16 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-05-2015, 07:50 AM Parent: #15
يا حاتم يا حبيبنا ...
جليتها معليش ...
ما تشيل هم ... ما حنحكها معاك ... :)
Post: #17 Title: Re: حكاية الطيار الجوخ ... هل هو افلاس .. أم حلم � Author: سيف النصر محي الدين Date: 04-05-2015, 01:40 PM Parent: #16
و الله يا حاتم حكايتك غريبة فعلا يا ابني انت شايف الفيديوهات المكتوب عليها "طيار سوداني" دي و للا ماك شايفها ؟ امش علق لاصحابها في اليوتيوب قول ليهم دي لعبة ساكت و ما ليها علاقة باي طيار سوداني لآنو لما تكتب الكلام ده هنا بتكون غلطان في العنوان.
Post: #18 Title: Re: حكاية الطيار الجوخ ... هل هو افلاس .. أم حلم � Author: سيف النصر محي الدين Date: 04-05-2015, 04:16 PM Parent: #17
يا حاتم انت موضوعك انو نحن ما فارزين الطيارة الحربية من الطيارة اللعبة و للا موضوعك انو كلامنا فيهو اساءة للشعب السوداني؟ لعلمك اذا فعلا في "شبهة" اساءة هنا ..اكيد هي بتشملنا، و ده ممكن تسميهو جلد للذات او نقد ذاتي and what have you و انا ارفض الاشارات العنصرية ضد اخونا قباني و الذي هو اكثر وطنية من اي زول تاني. شهادة اقف بها يوم الموقف العظيم. ما تباري اختنا الفايقة دي ساكت لأنها جرتك معاها لمستوى شديد الضحالة من الحوار.
Post: #20 Title: Re: حكاية الطيار الجوخ ... هل هو افلاس .. أم حلم � Author: يحي قباني Date: 04-05-2015, 04:23 PM Parent: #18
Quote: يا حاتم انت موضوعك انو نحن ما فارزين الطيارة الحربية من الطيارة اللعبة و للا موضوعك انو كلامنا فيهو اساءة للشعب السوداني؟ لعلمك اذا فعلا في "شبهة" اساءة هنا ..اكيد هي بتشملنا، و ده ممكن تسميهو جلد للذات او نقد ذاتي and what have you و انا ارفض الاشارات العنصرية ضد اخونا قباني و الذي هو اكثر وطنية من اي زول تاني. شهادة اقف بها يوم الموقف العظيم. ما تباري اختنا الفايقة دي ساكت لأنها جرتك معاها لمستوى شديد الضحالة من الحوار.
يا حاتم ...
بقيت زي الحفر حُفرة و شايل الأزمه في إيدو ...
كلما يدور يتخارج ... يقول داير لي شوية تُراب أَكوّمُه ...عشان اقدر اشب و اتخارج ...
و يقوم يحفر تحت كرعينو ... و ما جايب خبر انو بغرّق في حُفرتوا ...
ياخ قلنا ليك جليتها واقفه ...
كترة الردود ... و الانزلاق لأشياء جانبية ما بتحل الموضوع ....