عنايـة الاخ معاوية المدير Cc الوليد الشيخ ومحمد عمر الفكي

11:30 AM Apr, 04 2015
سودانيز اون لاين
HAIDER ALZAIN-
مكتبتى فى سودانيزاونلاين



طبعاً وبالضرورة السي سي لـ عز الدين عباس الفحل نك ب

عزيزي المدير .. علك والأسرة والاهل وكل الجماعة بخيــر ...
اما بعد..
سمعت من مصدر موثوق يا حبيب بإذن المولى عز وجل وبتساهيل المولى وبركاته ستكون بالسعودية بشهر ابريل هذا 2015 الموافق جمادي الآخرة 1436هـ
وبنيتك أداء تفاصيل وطقوس العمرة المباركة وزيارة قبر المصطفى عليه وعلى آله وصحبه صلاة وتسليم من الله تعالى..
ثم " علمت " ان بنيتك زيارة الأخ عسيري حفظه الله .. بعد أداء فروض الطاعة والولاء وتلبية نداء وآذان ابينا الخليل ابراهيم عليه السلام...

وحيث أني اعاني من فئران رصيد المداخلات بمخزن بكري - اصابه الله بالآفات والجراد والقمل والجرذان - فاني استفسركم هل هذا هو هكذا كذلك ثم لو ؟؟؟

حفظكم الله ...



ــــــــــــ
ما يجي زول شليق يقول لي تلفون ود المدير عندك لاني ببساطة حا اسب ليهو لاني عارفو وهو عارف تلفونو عندي وعارف انه المكالمة لكندا بتكلف 4 ريال سعودي ومع انخفاض الدولار دا بيعني 3 دولار وهيك دواليك...

من ناحية تانية.. وبالجنبة كدة .. الفحل اها عمرتك شهر كم عشان الفئران طلعت مظاهرات

Quote: ...ما يجي زول شليق يقول لي تلفون ود المدير عندك لاني ببساطة حا اسب ليهو لاني عارفو وهو عارف تلفونو عندي وعارف انه المكالمة لكندا بتكلف 4 ريال سعودي ومع انخفاض الدولار دا بيعني 3 دولار وهيك دواليك... ....

...
..
.. ...الشلاقه و المتشلقين خلهم ...و كديه ورينا و ينوبك ثواب .....
حصل شنو في القروش الكتيييييره ديك الكانت مشتته هنا في بورد بكري ده و بتوزعوا فيها بيناتكم
...
...و ما لقينا فيها لا دومه لا كده!!!!!

عندك وآت سآب ...

يا حيدر الزين اعذرني يا اخ،
أنا الجنا ابصلعة الماسك كُشُر الحوش دا
محاربو ؤُ ما قع إتكلم معا ...

الاخ العزيز حيدر
تحياتي واشواقي التي لو فتحت خزائن المليارديرات التلاتة لما ملاتها.
يسعدني ان افيدك بانه قد ورد خبر عاجل عن تحرك الاخ ود الفحل من الامارات ليكون في مقدمة مستقبلي ود المدير القادم لاداء شعيرة العمرة نسال الله ان يتقبلها منه.
سنكون انا والوليد الشيخ عند حسن ظنكم بنا وسنشيل ود المدير في حدقات العيون.
كسرة:
Holoy دا منوا؟ وداير مننا شنو ؟ الزول دا اخير ليهو يختانا بالتي هس احسن، شاف الموضوع نجض قال النضمن سهمي، والله يلم فيهو واحد من المفلسين المديونين ويعضيهو اكان يجيهو سعر
كسرة تانية
سمعت انه معاوية عبيد حيكون المطوف بتاع ود المدير، باقي قريبه

Quote: سمعت انه معاوية عبيد حيكون المطوف بتاع ود المدير، باقي قريبه

إتحصبت الله،
كِدا تبقى عمرتي ما فايتا رُكبتي.

يا ود الفكي إنت قايلني العمرة دي لقيتا بالساهل لآمن ابعزِقا ؟.
يهوّن الله يا قول حبوبتي ...

Quote: إنت قايلني العمرة دي لقيتا بالساهل لآمن ابعزِقا

لو كان حج ... ابليس كان ح يموت من الضحك

-
ود الزين ... نورت المنبر ياخ

...

Quote: دا منوا؟ وداير مننا شنو ؟ الزول دا اخير ليهو يختانا بالتي هس احسن، شاف الموضوع نجض قال النضمن سهمي، والله يلم فيهو واحد من المفلسين المديونين ويعضيهو اكان يجيهو سعر

..
..
...
..
..لا للارهاب
...
...
..
....قلت لي نجضت يا ود الفكي؟؟؟؟؟
...
...انتو حلتكم دي بتنجضو فيها بولاعه .... ولا بشمعه؟؟؟؟؟
..
..صاحبكم ده قال حق التلفون المجااااااااني ده ما عندو؟؟؟
...يا كافي البلا ....لا واتس ...لا فايبر.....لا لاين ....لا ماسنجر ...
.... الزول ده خلي بالك هواء الله الواااااحد ده في منطقتم مافي!!!!!!
...
...و تقول لي نجضت ؟؟؟؟؟!!!!
...و مال لو ما نجضت كان حيكون الحال كيف؟
...اكيييد ود المدير ... في عمرتو دي حيمشي هناك وحيلفاهو ....خاتي القرعه و قاعد في باب شريف
...
..
...ال نجضت ال.....
.
.
.
.
.
.
.
.
.
.
.
.
.
.
.الطريفي
.
.
.
.
.
.
.
.
.
.
.
.
.
,.
.
.
.
.
.الله في
.
.

ليه ما تضع اسمي فوق مع خلق الله ،
كعنوان للبوست ،
بصراحة انا زعلت ،
عدل البوست ياخي ،
شنو الحقارة دي ؟
،،،،

...






عزالدين عباس الفحل
ابوظبي
...

...
..
...اول مره اشوف لي ملياردير مهمش؟؟؟؟؟
....
...
...قااااااااااااادر الله

اخوتنا الكرام
نعزيكم ونعزي انفسنا في فقدنا الجلل المغفور له باذن الله الشيخ العوض المسلمي
نسال الله له الرحمة والمغفرة

نسأل الله له الرحمة والمغفرة .
إنا لله وإنا إليه راجعون .


العوض فقد يا محمد عمر ...